|
,,, (عروس مصدومه بزوجها الذي اكتشفت أنه يشرب ........ !!),,,,,
السلام عليكم ,,,,
انا عضوه جديده عندكم ,, وما كان ودي هذا يكون اول موضوع لي في منتداكم الناجح ..... انا باختصار ابي اشكي لكم مشكلتي وابي منكم حلول ,, انا تعبت واحترت ما ادري وش اسوي ..... انا متزوجه من 7 شهور ,, وعلاقتي مع زوجي من احلى ما يكون, بداية زواجي كان زوجي كل ما يرجع من دوامه يدخل دورة المياه ويجلس تقريبا 10 دقايق ,, وكل يوم على هالحاله ,, صرت اشك واهوجس ,, وش يسوي طول هالوقت ؟؟ ما ودي اطول عليكم ,, وبقولها باختصار ,, فتشت الحمام ولقيت زقاير غريب شكلها ما عمري شفتها , مكتوب على الغلاف حق الزقاره( ورق الشام) ,, بعد ما استفسرت عنها دريت انها حشيش :( انصدمت و سكتت , احترت وش اسوي مااا ادري قالت اختي اسكتي ولا كانك شفتي شي ,, سكتت اسبوعين بس ما قدرت استحمل وانا اشوفه كل يوم داخل الحمام ويشربها ,, وكان يشربها بكثره ,,, قررت اني اواجهه وانتظرت اقرب فرصه اشوف فيها زقاره علشان اساله عنها ,, جاء الليوم اللي سالته عنها وما اعترف تركت له البيت ورحت لاهلي ,, تاسف مني ووعدني ما يرجع لها وانه ما راح يخيب ظني فيه ,,, رجعت له مثل اول واحسن ,, وامس يوم رحت افتش سيارته وهو نايم لقيت كيس فيه قطعة حشيش كبيره واوراق الزقاير ,, اخذت الكيس وحطيتها في الصاله ,, وطلعت لبيت اهلي حتى لبسي ما غيرته ولا اخذت شي معي ,,,,,, والحين لي ثاني يوم عند اهلي ,, وانا من طلعت وشاف اني مو بالبيت يدق علي دق متواصل ويرسل لي ردي ابفهمك السالفه هذا مو لي ومن هالكلام اللي ما يدخل العقل !!!!! انا احس اني منهاره و ما اقدر افكر حتى اهلي ما علمتهم باي شي من مشاكلي انا صرت ما افكر الا بمشكلته ,, حتى لو كنت في عزيمه صرت اهوجس وش يسوي في غيابي ؟؟ صرت اتعب من التفكير واخاف عليه :( وش اسوي ؟؟؟؟؟؟ اتمنى تساعدوني بوجهة نظركم شكرا تم التعديل على العنوان ليتناسب مع المحتوى . النور والحنان |
اختي لازم توقفي معاه لحد ما يبطلها
انا ما عندي خبرة بس اعتقد هاد الحل الانسب لانو بغيابك رح يمكن يشرب ويمكن لا فلاحسن تكوني معاه وان شاء الله الاعضاء بيساعدوكي اكتر مني وكل احترامي لك الله يفرج يهمك ويهدي زوجك |
اشكرك اختي على ردك ,,,
بس انا بالمشكله الاولى رجعت له علشان اكون معه ويبطلها ,, وحسيت فعلا انه بطلها حتى الزقاير العاديه ما كان يشربها خفف منها كثيييييييييير ,, بس الحين رجع للحشيش !!! انا ودي اهجره علشان يتأدب ويحس انه بيفقدني ,, اتمنى يفيد :( |
هوا اكيد بيحبك وعشانك وعشان نفسه كمان رح يبطلها..
بس ديري بالك.. وطمنين اول باول على احوالك حبيبتي قلبي معك |
وعليكم السلام ورحمه الله وبركاتُه ... ,,,
غاليتي أول شيء روحتك لبيت أهلك ماراح تنفعك صدقيني ... ,,, لو كنتي تحبي هالشخص وبتكافحي عشانه فلا تتركي البيت تعاليله باللتي هي أحسَنٌ ... ,,,أرجعي بيتك وصلي وأدعيله ياغاليه وبعد كده افهميه إنك ماراح تعيشي معاه لو ما رضى يتعالج انا مريت بنفس مشكلتك وبفضل الأعضاء الرائعين إللي ماراح أنسى جميلهم مشيت ورى كلامهم لحد ما اتعالج زوجي ولله الحمد وصار إنسان متكامل والكمال لله وحده جل وعلى ... ,,, ولي عوده معاكي مؤكده إن شاء الله ... ,,, أريـــــــــــــــج ... ,,, |
اختي اتوقع المشكلة اكبر من انك تزعلين و يبطلها هذا ادمان .......اختي توجهي لاهله وخليهم يعينوك عليه .....ومشكلتك محتاجة عقل وابعدي العاطفة نهائيا
اختي هناك في المنتدى مشاكل كمشكلتك حاولي تقرأيها لتستفيدي منها |
اتركيه ثلاثة أيام أو اربعة
لا تطلعي أحد من أهلك على السالفة حاولي إذا كلمتيه أن تفهميه إنك تحبيه لهذا خايفه من خطر هذه الأشياء عليه بعدين تفقدينه الزمن كله أشيري عليه بالعلاج من الإدمان حاولي أن تبحثي له عن صحبة صالحة احرصي أن تسهري حتى الثلث الأخير فتتوسلي لربك وتدعيه وتتضرعي له أن يجنب زوجك وان ينقذه وأن يحميه |
شخصيه مجهوله : اشكرك حبيبتي على اهتمامك فيني و إن شاء الله اطمنك .
اريج : اختي زوجي الحين بحالة انكار , لانه خايف مني ولانه كان واعدني , ما اعترف انه يحشش علشان كذا انا ما راح ارجع بيتي الا اذا اعترف هو علشان نقدر نوصل لحل , تسلمين :) الفلوجه : اختي امه حرمه كبيره وتحبه اكثر عيالها , مقدر اصدم هالحرمه اللي ما قصرت معنا بشي , وابوه متوفي , والحين امه وخواته مسافرين تركيا , ما راح انكد عليهم ,,, وما اعتقد انهم بيأثرون عليه حتى لو قلت لهم لانه ما يسمع من احد ابد ,,,, والله احترت من اعلم ؟؟ و وش اسوي ,,, ودي اقول لابوي بس ما ودي افضح زوجي اللي احبه وبكمل حياتي معه :( القويع : إن شاء الله انا ناويه اسافر مع اهلي هالاسبوع لمكه , ابطلب ربي إن شاء الله يفرج كربتي ويهديه ,,, اما على اصدقائه فانا متاكده انهم نفس الشي ,,, والله قدامي مشوار من المعانات والله يعينني على هالحياة الجديده ... اشكركم :) أختي الكريمة للتنبيه فقط كلمة ( إن شاء الله ) تكتب على النحو الموجود بين الأقواس . شكرا |
اختى لولاة مساك الله بالخير اولا انا عضوة قديمة فى المنتدى بس ما صار لى تفعيل للحين بس لما قريت مشكلتك دخلت باسم اختى المهم مافى المشكلة ان انا طايحة على دكتورة ما اعرف اذا ممكن اقول اسمها والمنتدى اللى الكل بفضل الله وثم فضلها عرف كيف يتعامل مع زوجه خصوصا الزوجات اللى ازواجهم مدمنين كل انواع الادمان حتى المدمنين النت وكيف تواجهين وتحلين مشاكلك معاة وبدون ما يعرف اول خطوة للاسف انت ماطبقتيها واللى كل المتزوجات يطيحون فيها .................... المواجهة واعترافك لة بانك تعرفين اللى يصير وكاشفتية . المفروض حبيبتى العكس . هذا اللى اقدر اوصلة . على فكرة الدكتورة شاطرة وايد تقدر تفيدك اكثر منى.
|
اختي مادام انك إن شاء الله بتروحين لمكه كلميه وقوليله انك مره انصدمتي لما لقيتيالي في السياره وانك انتي خايفه عليه وخايفه على حياتك معاه وانك ماراح تقولين لاحد عشان خايفه عليه ينفضح وانك تحبينهوتتمنين ترجعين له بس اذا فعلا تاكد انك بطلت هذي الاشياء وانك رايحه لمكه عشان تدعيله , واذا كلمك واكدلك انه بطل خليه يحلفلك انه ماراح يرجعله مره ثانيه وانه لو رجعله انك بتنهين حياتك معاه للابد وماراح ترجعين لو ايش ماصار , ونصيحتي لك لاتحملين الحين ابد تو الناس لين ما تستقر اموركم وتتاكدين انه فعلا بطل عشان مايتاثر الجنين وعشان مستقبلك انتي بعد والله يوفقك وطمنينا
كلمة ( إن شاء الله ) تكتب كما بين الأقواس أختي الكريمة . شكرا |
اختي بعد التحيه والسلااااااام.......انا بس فيه اضافه لانه الصوره مش واضحه بالنسبه لي.....
انتي قلتي مكتوب عليها ورق الشام اللفافه.....اللي اعرفه وم خلال زيارتي لسوريا انهم في سوريا يدخنون دخان عادي يسمونه لف(يعني سيجاره لف) طبعا يقولون انه ثقيل .......يعني هو دخان عادي مثل الكارتير مارلبور والكينت....بس انا صدمت انك قلتي حشيشه يعني اذا دخان عادي ممن تتجاوزين المشكله.....زاما اذا حشيشه....مالك الا المواجهه السياسيه بدايتا ومن ثم اذا مانفع واجيه عسكريا......والله يوفقك |
حبيبتي لوللللللا
من جد تأثرت معك .. لان الصدمات الاولى من الزواح تكون مؤلمه جدا ... ويصعب نسيانها وحلها ... انا مثلك مالي الا سنه متزوجه وباول زواجي انصدمت من كثير اشياء بزوجي وبقولك بصراحه اذا ما اخذتي الموضوع بشكل حازم صدقيني ما راح ينتهي .. اول شي واجهييه .. وقوليله انك تبينه وتبين تكملين حياتك معه .. لكن اما يترك الحشيش ولا فلا .. واصري عليه انه يتعالج .. مافيه شي وموعيب اذا راح .. قوليله كذا .. وقوليله اذا تبي حياتنا تكون سعيده لازم تتعالج ... وشوفي لا تقولين له عالج ولا ترا بروح لبيت اهلي وما راح ارجعلك ثانيه.. لانك وقتها يمكن تروحين بس مصيرك بترجعين .. يعني تهديدك كله كلام فاظي وماراح ياخذ فيه .. ذكريه بربي وخفيه منه .. وانك انتي بنت الناس ما خذاك عشان يعذبك... ثاني شي ظيقي عليه الخناق .. يعني بقد المستطاع لا تخلينه يطلع لحاله .. واذا قالك بروح لربعي قولي وش رايك نطلع سوا ننبسط .. اي شي المهم يبتعد عن رفقة السوء هذولي .. ولاتنسي طبعا دعائك لربك .. واقري سورة البقره كل يوم والله يوفقك يا عمري ... وطمنيني عليك |
اذا كنتي تقدرين تخلينه يبطل شرب الحشيش استمري معاه وحاولي فيه
وان كنتي ما تقدرين اقولك فري بجلدك ولا ترجعين له ابد |
عزيزتي لولللللا..
كيف زوجك من الناحية الدينية واهم شيء الصلاة ؟؟؟ وهل هو من اقاربك؟؟ وفقك الله لما يحب ويرضى ............. |
أيتها الحبيبه .. هو الآن زوجك .. وقدر قد كتبه الله عليك .. ودرب قد رسمه لك ..فأحسني السير فيه ..حتى تنالي غايتك أختي الحبيبه .. هو ابتلاااااااااااااااء بلا شك .. ولكن .. خروجك من البيت ..مع كل اكتشاف ..لن يزيح همك ..ولن يكشف غمك خروجك من البيت ..بهذه الطريقة .. رسالة سلبية .. يراها هو بأم عينه ..وقد كُتب فيها ..افعل ما تريد ..فأنا عاجزة عن الاصلاح!!! خروجك المتكرر من البيت .. بركان في نفسه..سيثور يوما ..ليقول لك : هذا هو أنا ..فإما أن تضمدي جراحي ..بحكمتك وحنانك ..وإما أن تزيدي جراحي ..جراحا!!!وأول الجراح ستكون : إصرارا مني .. واستكبارا!!! عودي إلى بيتك أيتها الكريمه .. ووطني نفسك أنك مقبلة ..على عالم ..أنت فيه المنقذ بعد الله ..وزوجك هو ..المستغيث من نار حارقة ..في الدنيا والآخرة! عودي ..أيتها الكريمه وعالجي الأمر بتروي.. فوالله لو ترك كل طبيب مريضه ..لأُغلقت المصحات..وسُد بابها وأنت اليوم الطبيب ..وزجك هو المريض! عودي .. عودي .. وابحثي عن طريق النت في كيفية الولوج السليم إلى نفس كل مبتلى..بالحشيش على فكرة : ما قلت ذلك كله ..إلا حينما لمست حبه لك .. والحب قد ..يصنع المعجزات ..يا حبيبه ولكن .. أخري في الفترة الحالية الحمل ..كتب الله لك الخير |
السلام عليكم
أختي لولا تمسكي بحياتك معاه بقدر ماتستطيعين وكوني خير عون له على ترك المنكر واستعيني بمن تثقين فيه فقط اذكر لك قصة قريبي اللي كان يشرب الخمر ويسب الله والعياذ بالله اهتدى بعد زواجه وترك الخمر وكان يصلي وأدخل اولاده مراكز لتحفيظ القرآن وتوفي قبل أشهر وهو ذاهب لصلاة الجمعه |
اختي انا شايفة لو انك تحبيه اصبري علية وخليكي جنبه وصدقيني مابعد الضيق الاالفرج إن شاء الله والله يهديلك هو ويخليه يبطل السموم الي ياخذها.
أختي الكريمة . كلمة ( إن شاء الله ) تكتب كما هو موضح بين الأقواس . شكرا |
انا من رايي يا اخت لوله ان بعدك عن البيت يزيد من حجم المشكله ....
اذا اتصلبج ردي عليه واعكيه الأمان .... وحاولي انك تتفاهمين وياه بالتي هي احسن .. قربي منه وحسسيه بحبج له انه انسان غالي وماتقدرين تعيشين بدونه .. وان استمراريته بستخدامه لهاي الأشياء ممكن انه توصلكم لطريق شائك وماله نهايه غير الأنفصال .. انا اتوقع اذا يحبج بيحاول انه يتركها بس انتي خلج وياه ... وانتو بأول الطريق حاولي والله ايعينج ويوفقج ان شاء الله ويترك ها الآفه اللعينه ... ونصيحتي لج خصصي يوميا وقت تيلسين معاه تلزمون فيه الأستغفار بنية تركه الحشيش.. |
انا من رايي يا اخت لوله ان بعدك عن البيت يزيد من حجم المشكله ....
اذا اتصلبج ردي عليه واعطيه الأمان .... وحاولي انك تتفاهمين وياه بالتي هي احسن .. قربي منه وحسسيه بحبج له انه انسان غالي وماتقدرين تعيشين بدونه .. وان استمراريته بستخدامه لهاي الأشياء ممكن انه توصلكم لطريق شائك وماله نهايه غير الأنفصال .. انا اتوقع اذا يحبج بيحاول انه يتركها بس انتي خلج وياه ... وانتو بأول الطريق حاولي والله ايعينج ويوفقج ان شاء الله ويترك ها الآفه اللعينه ... ونصيحتي لج خصصي يوميا وقت تيلسين معاه تلزمون فيه الأستغفار بنية تركه الحشيش.. |
اختي اتوقع المشكلة اكبر من انك تزعلين و يبطلها هذا ادمان .......اختي توجهي لاهله وخليهم يعينوك عليه .....ومشكلتك محتاجة عقل وابعدي العاطفة نهائيا >>.
|
اذا سترتي عليه فهذا جيد .. والحمد لله انا قريت عن مشاكل الحشيش انها اقل خطورة من الخمر
او الهرويين .. يعني في امل للعلاج والامل بالله كبير ان يترك التدخين كلياً طبعا انتى تحسين بصعوبه لكن مع الله كل شئ سهل كويس ان ردة الفعل هذي منك رح يعمل لك حساب بعد كذا وهذا معناه بداية تضييق الخناق ما ودى ازود عليك لانك ولله الحمد في الطريق الصحيح الى الان فحاولى تكمليه بهدؤ |
ربنا يهديه لطريق المستقيم
ادعي ربك ان يهديه ويسيبها |
عزيزتي..
دام يتصل ويطرش لك مسجات يعني هو ندمان وعارف غلطته.. ردي عليه وشوفي كلامه وحتى لو ماقتنعتي بيني له إنك بتسامحينه لآخر مرة.. لكن.. إذا طنشتي أتصالاته يوم يومين راح يزهق ولا راح يحاول إنه يصالحك.. بالعكس.. بيقول بكيفك ماتبغين تردين.. وهو راح يرجع للي يشربه... عزيزتي.. واضح جدا إنه يحبك ويراعي مشاعرك.. والدليل إنه مارجع يشربها خصوصا بالبيت.. ويمكن فعلا ماتكون اللي في السيارة له.. |
|
اكتبيله رسالة تقولين فيها جملة وحدة
اما تخجل من الله ان يراك وان تشرب المحرمات ؟؟!!! الله بعظمته يراك وانت تفعل هذا اما تستحي صدقيني بيفكر في كلامك قوليله الله اللي بيحاسبك مب انا |
اشكرككم اخواني على تفاعلكم ... وودي ارد على كل من عطاني نصيحته ,, بس الوقت ضيق اسمحوا لي ,,
انا رجعت له بعد المشكله بيوم ,, قلت له اذا ناوي تصارحني اتصل ,, واتصل وقال انه هالغرض مو له زوجي وكسر خاطري قلت ارجع له و قلت له بتكون ترى المره الاخيره !! والحمد لله مر علينا اسبوع من احلى الاسابيع وقال لي انه ترك عنه اللي يشربه وانه ترك عنه الشله الخربانين ,,, وما اقول الا عســـــى ... انا ما اعرف بالحشيش ولا شي ,, حتى لدرجة اني عايشه معه خمس شهور وكان يحشش بالبيت ولا دريت انه هذا حشيش لاني ما اعرف ريحته حتى !!! بس الدنيا تعلم للاسف :( علشان كذا انا ابي اللي لهم خبره ,, كيف الواحد يتركه ؟؟ و وش يبين على اللي يحشش ؟؟ انا قالت لي خالتي ان اللي يحشش عيونه تصير حمرا , ويكون مزكم , واضافره تكون متوسخه بشي اسود ,,؟؟ سلاااااااام |
الله يفرحك بالخير يالغالية
وان شاء الله بيقولولك الاخوان عشان تاخدي احتياطاتك بس انبسطي وخليكي واقفة معاه الله يفرجها عليكم ويهدي سركم ويهدي زوجك للتي هي اقوم |
| الساعة الآن 08:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©