|
يخون ......
السلام عليكم..
انا من اشد المتابعين للمنتدى من قبل زواجي كنت اقرأ في عالم المقبلين على الزواج وكنت اطبق اي شي حلو يسعد خطيبي ذاك الوقت طبعا انا الحين لي سنه وشهرين متزوجه.. مشكلتي يمكن تكون متكرره بس راح ارويها لكم وانتم عليكم مساعدتي فأنا بأمس الحاجة للأرشاد انا متزوجة من شخص رائع بمعنى الكلمة طيب محترم خلوق ومراعي الله فيني قررت اني اسعده بكل اللي اقدر عليه وكنت سعيده في بداية زواجي وبعد ست شهور من الزواج بديت افكر بالأطفال خصوصا اننا كنا نرغب بهالشي من اول ماتزوجنا يعني مامنعنا الحمل بأي طريقه شوي شوي بدا القلق يتسلل لنفسي وكنت اخاف اني ماقدر اجيب عيال ويتزوج زوجي علي.. صرت شوي ممله وبعدت عن زوجي فترة طبعا بعد بالمشاعر لما عرفت ان عندي ارتفاع بهرمون الحليب وهو اللي مأخر حملي صرت اخذ علاج وهذا العلاج يسبب لي ضغط نفسي وتعب واعياء صارت حياتننا روتينيه ممله وكنت احسب ان زوجي بيقدر اني تعبانة بس للأسف راح يدور المشاعر مع غيري بديت اشك بتصرفاته ينزل اخر الليل يكلم بجواله وحط رمز سري للجوال وكنت اشك بنفسي ولا اشك فيه بس في يوم طاح مسج من مسجاته اللي يرسلها لبنت...... وزعلت وانهرت وعلمته اني دريت وانكر ان المسج له وقال ان واحد من اصدقائه يستخدم تلفونه المهم انا ماصدقته واكدت لي فواتيره انه كذاب وكان هذا الشي الكف اللي صحاني..ضغطت على اعصابي وبديت اهتم فيه اكثر من ايام الزواج ماينقصه اي شي وكل يوم افاجئه بشي وحركات جديدة ولبس جديد وفكرت اسافر عند اهلي واعطيه فرصه يشتاق لي وخلال هالفتره حملت واجهضت ومع ذلك ماخليت الاجهاض يأثر علي حسيت انه رجع لي مثل اول وكان يعد الايام اللي ارجع فيها من عند اهلي جيت لقيته مفاجئني بغرفة النوم مرتبها بشكل رائع وقضيت معه لحظات حلوة وطلعت من الغرفه ابي اشرب مويه لقيت الجوال بالصالة وبحكم اني مازلت اشك فيه حتى بعد ماتغير وضعنا الشك مسيطر علي بس ما ابين له طبعا فتشت الجوال لقيت رساله مرسله انتي ليش تتهربين مني....الخ احس انه طاح من عيني وان زوجته بين ايدينه وهي تحاول تتهرب منه وهو اللي يلاحقها حسيت بالأهانه وبكيت ومع ذلك خليت الرساله مفتوحه عشان اذا شاف جواله يدري اني شفتها ولاعلقت على اي شي وهو بعد ماعلق تدرون ليش ماعلقت؟عشاني احترمت وعدي وعدته اني مافتح هالموضوع وهو وعدني انه بيصونني ويخلص لي.. انا الحين صار لي اسبوع من شفت الرساله مسيطره على نفسي واحاول املى حياته حب وسعاده بس من داخلي مكسوره وتعبانه نفسيا ولا انام الا بعد حرب نفسيه تكفون علموني وش اسوي عشان ارتاح |
استمري على ما أنتي عليه تصرفك صحيح وقدمي له كل سبل الراحة وسوف يأتي يوم لايصح فيه الا الصحيح
فأنتي الصح وتصرفه هو الغلط وعليك بالدعاء في جوف الليل قبل أن تسمعي لآارء أخوانك الأعضاء |
عليك بالدعاء اولا
وبعدين سنه وشهرين لاشيء بمرور الوقت تزيد الثقه ولاتفقدي الامل |
الله يعينك والله مدري شقولك من جد مصيبه ...
لي رجعه ثانيه ان شاء الله .. |
زوجك شكله يحب الثقل اثقلي عليه وشوفي كيف بس مو الثقل يعني تكشري بوجهه بس لا تبيني له انو انتي خلاص بين يدينه لاااا خليه يعرف انو اذا فقد احترامك له ماراح يرجع ابببد
|
مشكورين على التفاعل ماصدقت احد يرد علي يريحني والله اني داخلة ادور فكره اسويها عشان اذا جا من الدوام ونفسيتي مررررررررررررره تعبانه الى متى اتحمل اخاف اقول لأهلي مابغاهم ياخذون عنه فكره لأن الزوجه تنسلى بس الأهل ماينسون مدري لمين اشتكي مالقيت غير هذا المنتدى الرائع يحتويني
|
الصبر والدعاء والأهم حالتك النفسية ....
وحافظي عليه حتى تعدي منه مرحلة المراهقة العالقة به ما أيام العزوبية ,,,, ...................... مع الحترامي لزوجك ولكن تصرفاته غير لا ئقة ابدا الله يهديه واصبري عليه ودائماً أصحاب المعاكسات يحبون المشاعر المزيفة ((( من عمق غبائهم ))) !!! فاصبري وادعي ربك ........ |
مشكورين على التفاعل وابغى المزيد من الاراء
|
لا تهربين اختي الفاضلة
عليك بزوجك اشعريه بانه لك وانك له لاتجعلينه يفكر في غيرك ابدأ حاولي ترجعين عهد الحب والهيام حاولي تجاهل موضوع رسائل الجوال ولكن مو مرررره المفروض انك تخلينه مايشعر بانك تعرفين انك عارف انه على علاقه مع غيرك علشان مايتمادى في العلاقة حاولى تفتشين جواله بدون مايعرف ....اذا كان مازال يراسلها ام لا ****************** تكلمي يوما عن الخيانة وكيف نتائجها وكيف انها من اشد الحرمات ****** ثقي تماما حينما تملكينه فلن يبحث عن غيرك *******************الله انه يسعدك ويهدي سرك في النهاية اذا لم يتغير فتاكدي ان امامك محاولات ومحاولات ولكن لابد ان يحصل تغير ولوبسيط ******************************* |
والله اني اسوي المستحيل بس هالشي على حساب نفسيتي قربت انهار الشك يجنني ومع ذلك ما ابين له شي واحاول اكون مبسوطه قدامه
امس كنت اناظر التلفزيون معاه برنامج سيرة الحب للدكتورة فوزية الدريع وجت وحده تسرد مشكلتها تشبه مشكلتي ماقدرت امسك نفسي بكيت سألني قال شفيك قلت مافيني شي مع اني متأكده انه عارف ياناس حبي له بيذبحني صار شغلي الشاغل كيف اسعده واخليه يصير لي لحالي قربت انجن من الضغط النفسي اصلي وادعي واقرا قران ومع ذللك للحين منضغطه |
الله يهدي بالك ويصرفك كل العيون عنكم يا رب
بارك الله فيكي أختي استمري على ما أنتي عليه لأن الصراخ والبكاء والعويل لن يجدي نفعاً مع زوجك بل سيكون له مبرر أكبر من أجل الاستمرار على ما هو عليه وعلى فكره هذا حال العديد من النساء يعني لستي وحدكي على ما أنتي عليه عليكي بالدعاء وقيام الليل والصدقه ودائماً ذكري زوجك بالله |
صبرك وسكوتك شي طيب وان مااستحى اليوم بيستحي بكره بعدين توكم متزوجين اصبري يبي له وقت لين ينتهي من بلاويه واسلوبك تمام وعاااااااااااقله الله يثبتك بس بردي قلبك وريحي نفسيتك عشان تحملين واذا حملتي إن شاء الله انتبهي من الزعل تراه يسبب الاجهاض والله انا يوم كنت حامل ببنتي كنت اتزاعل مع زوجي وكم مرة نزفت وتنومت بالمستشفى بس ربك سترها الله يرزقك وييسر امورك
|
مشكورين على التفاعل
وياااااااااااااااااااااااااااااااااااااااااااااااا ارب أحمل عشان انسى اللي انا فيه والقى شي يشغلني |
انتى ما شيه صح الخطوه اللى لازم يعرفها زوجك انك امراه مجروحه منه فاذا تكرر الجرح
يكون تاثيره عليك كبير لازم يعرف انك امراه لاتنسى الاهانة بسهوله كرري عليه هالمعلومه لان الازواج في البداية قليلي الفهم |
أختي sweet angleوالله رسالتك لامست الجرح اللي في داخلي وحسيت بك لأني أنا عندي نفس المشكلة زوجي يكلم وحدة ويبادلها الغرام واذا خلص يدخل ويسبح وكنه نايم معها وأنا مايعبرني ولا يرد على رسايلي حتى حرمني من الكلام الحلو واذا واجهته انكر وقال مااكلم أحد هذا واحد من زملائي ويمسح المكالمات بس انا الاقيها في السجل وانقهر والله اني احبه واموت فيه بس من شدة اهماله لي صرت اهمل نفسي ولا اهتم تحطمت وكل شي حلو في داخلي انكسر ما عاد اعرف افرح ولاحتى استانس ماعليه حبيبتي المفروض اني اخفف عنك بس انا مجروحة وبكيت يوم قريت موضوعك الله يكون في عوننا ويفرج همي وهمك اللهم آمين وحسبي الله على اللي ماتخاف الله...
|
اختي الغاليه
اول شي علمينه وبيني له انك تدرين عن تصرفاته وانه يكلم بنات واجلسي معاه وكلمينه واذا ما اعترف خليه هو يدري انك عارفه وبيني له انه ها الشي يضايقك لكن مو تقصري بحقوقه الزوجيه سوي له اللي يبي لكن بيني له ان متضايقه والله مره مع مره هو بنفسه بيعرف خطأه وراح يستحي من اللي يسويه وعلعموم هي فتره وراح تزول بإذن الله لكن يبي لها صبر شوي ودعاء عسي الله يهديه يارب والله يفرح قلبك إن شاء الله ويرزقك الذريه الصالحه يارب |
اقتباس:
اختي المفروض ما تبكين ومادامك بكيت المفروض لما سالك تقولين الله يكون في عون الزوجة اللي يخونها زوجها " علشان يحس في قلبه" |
اولا احب ارد على خواتى sweet angle واختى لآلى الدنيا اولا لاختى sweet اقولها
برافووووووووووووووووو عليك عشانك عرفتى اكبر حل للخيانة الزوجية الا وهو عدم معرفتك بالشئ . دكتورة في العلاقات الزوجية وغير كذية ماشاء الله عليها توصل الزوجة لبر الامان ويا ريت الكل يتواصل معاها لانها بختصار دارسة فى هذا المجال ومن خلال تفاعل العضوات معاها والقصص اللى تشيب الراس وكيف استطاعت الدكتورة بخطة منها تنفذها الزوجة بدون طبعا ما يحس الزوج .بتقولون كيف طبعا بقولكم هي تجلس مع الزوجة او حتى بالتلفون تحكى الزوجة المشكلة وتتوصل الدكتورة الخلل اللى وصلهم للحلة واحب اهمس فى اذن كل زوجة ان زوجك لك انت بس وهالمشاكل اللى تصير فى يد كل وحدة تريد تنقذ مملكتها بانها تحارب فى كل الظروف بس اهم شى ان ما يعرف الزوج بان زوجتة على علم بخيانتة واهم شى يا خواتى الابتسامة مهما كلفتك .......................... اذا حابين اكثر معلومات انا فى الخدمة لان الكتورة تحلل الشخصية وتقرا الوجوة وتحددلك اى جهة يتبعها الزوج انا حللت شخصية زوجى وانصدمت نفس كلامها بالظبط ابغى اعرف رددودكم اذا حابينى اكمل ولى عودة |
ان الله مع الصبرين
اصبرى اختى الفاضلة واكثر من الدعاء والهدايا له ووفرة له كل ما يريد من حب وحنان ورومانسية واجعلى بيتك ملئ بالحب |
اقتباس:
|
من عيونى يا الغالية صدقينى واوعدك ان الله بيساعدك ما دام انت حابة زوجك وبيتك وبالنسبة للدكتورة هى من الامارات تلقى محاضرات وممكن بعد استشارات هاتفية تتلقاها منك بعد .......................
ما اعرف اذا مسموح لى اقول الاسم ورقم الهاتف أختي الكريمة . لفظ الجلاله ( الله ) ينتهي بالهاء وليس بالتاء المربوطة كما هو موضح . شكرا |
حااربي عشان تراج انتي الفااايزة وتصررفش حيل عجبني بقمة العقل والاتزان لا تثورين وصيري حكيمة بس حسسيه انك تعرفين خطواته وانج تدرين شلي يسووويه
وانا لو منج اخذ الرقم واسجلها واكلم البنت من كبينة ولا من تيلفون ثااني وتشرشحينها وقولي لها انا زوجت فلان واياني ويااج اشوفك راده علية ولا دااق على جواله وهي اكيد راح تقول لزوجك بس زوجك مستحيل بيقولك لية تدقين لانة ماله وجهة |
مشكورين على التفاعل انا فعلا اخذت رقمها وماكان في فرصه اكلمها لأن زوجي اربعه وعشرين ساعة مقابلني بس ارسلت لها رسايل وانا عارفه انها قالت له بس هو مايتجرأ يقول لي شي ارسلت لها رسالة نصها: "شوفي يابنت ال.... انا بقول لك شي واحد اتقي الله بنفسك ولاتصيرين محط نزوات الرجال كل ماجا واحد يغلط يدورك ولاتحسبين اني بخسر زوجي عشانك عارفه ليش؟لأني انا الحلال وانتي الحرام انا النور وانتي الظلام انا الفخر وانتي العيب والرذيله ومصير حبيبي بيصحى ويرميك وبيرميك غيره بعد عارفه ليش لأنك حلاوة مكشوفه الكل يجي ياكل منها شوي ويرميها واذا تكرر اتصالك صدقيني ماتلومين الا نفسك ولا راح يخسر زوجته وبيته عشان وحدة خانت ربها وتربية اهلها" تكفون قولو لي صح والا خطأ اللي سويته؟.؟
|
اقتباس:
و الله حلو و كلام قوي |
شكرا على التفاعل سادفور ايفر
|
اقتباس:
الطيبون للطيبات اسال الله ان يسعدكم ويبعد عنكم اهل الحرام يارب |
اقتباس:
|
اقتباس:
كلامك حلووووووووووو مرررررررة وبصراحة عطيتيها اياه في الصميم حاولي قد ما تقدري انك تقوي نفسيتك علشان تحاربين كل من يريد ان يهدم بيتك ترى الرجال مرده يتوب ومع ملا حقته وانك تخلينه ماعنده وقت بالمرة حق يحك راسه مو يكلم بنات حاولي كل مرة تتصلي فيه اذا خرج من البيت حاولي تعرفين بيكلم من اذا رقمه مشغول حاولي تعرفين وين يروح وبعد كل هذي التصرفات يقدر يبتعد عن اللي يسويه واذا ابتعدعن الغلط اللي يسوي بيعرف انه غلطان واذا عرف انه غلطان خلاص بتقدري تثقي فيه وحاولي انك دائماً تحسسيه انك واثقة فيه بس تبي تطمني وبس هذا عن تجربة والحمدلله كل شي طاف على خير وترى اذا تعود عليك وطافت ساعة ما دقتي له هو اللي بيدق لك الله يكون في عونك ويوفقك ويسعدك ويبعد اكبر همك وهذا اكبر هم وغم وحزن في الحياة الزوجية |
مشكورة اختي على التفاعل زوجي من النوع اللي مايطلع كثير من البيت دايم مقابلني بس يكلمها اذا كان طالع يجيب اغراض او اذا كنت عند اهلي وبعض الاحيان ونادر كان ينزل اذا نمت ويكلمها بالسيارة ولما بينت له اني حاسه بتصرفاته ماعاد ينزل و إن شاء الله بتم وراه وراه الين مايلقى وقت ابد يكلمها لأنه اذا طلع يجيب اغراض ادق عليه كأني نسيت شي واذا لقيت انتظار ازعل وهو حرام اظلمه مايبي يزعلني بس يبغاله محاصررررررررررة
|
اقتباس:
حلوة يبغالة محاصرة بس عن جد ماينفع معاهم الا جذي |
يا ليتك ما ارسلتيلها رسالة
لماذا تريدين ان تنقصي من نفسك وشأنك امامها مجرد ارسالك لها يبين انك ضعيفة وخائفة وهذا يسعدها انك احسست وايضا كون زوجك علم منها ايضا هذا انتقاص منك اصلا هي وحدة ما تستاهللللللللللللللللللللللللل لا تنزلي نفسك عندها وفعلا حاولي الا تفتحي الموضوع مع زوجك ممكن يقلب عكسي ويكون على عينك يا تاجر يعني يكلمها قدامك عيني عينك خليكي ذكية الالم حوليه لتحدي بداخلك والحمل ليس الحل بالعكس سوف تنشغلي بالآلامه وبهذه الموضيع زائد ان النفسية في الحمل تكون سيئة بسبب تقلب الهيرمونات حاربي لتستعيدي زوجك ان كيد النساء عظييم |
لهنا ويضع حد مستحيل يقدر يكلمها قدامي لأني انا ما راح اسكت ذيك الساعة والطلاق اهون علي من اني اعيش مهانه
|
مااقول إلا حسبي الله ونعم الوكيل ربي يعطي هالرجال الزوجه الحلال وماتقصر معهم بشيء ويخونون المشكله لاصارحتيهم ينكرون.. ليه تنكر دامك مو قد الزواج ليه تتزوج روح ألعب وخل بنت الحلال عند اهلها بدال ماتتزوجها وتجرحها وتحطم قلبها اختي اللي عملتيه صح,,ومالك إلا الصبر لكن بيني له انك تعرفين وخلك وراه الشكليات هذي ماتنعطى وجه.. وعندي وعندك خير,,للأسف.. لكن الصبر والصبر وبإذن الله يتسنعون ويعروف خطاهم |
شكرا على التواصل
|
الاخت سويت :
انتي ذكرتي في بداية موضوعك بان زوجك يقفل تلفونه برقم سري . فكيف استطعتي ان تشاهدي الرسالة والقفل موجود ؟؟ هذي يبي لها تفسير |
اختي ليلة دافئة ياليت تكملين الموضوع
وتكتبينه علشان الكل يستفيد واسفة اخوي بدوي بلا بعير على تطفلي بس اني انقهرت |
الأخت الكريمة " ليلة دافئة " جزاكِ الله خيراً على حرصك على نفع أخواتك .. ولكن نظام المنتدى لا يسمح بطرح أي أرقام أو تواصل من هذا النوع يمكنك ذكر تفاصيل قصة الأخت التي ساعدتها الدكتورة كي يستفيد منها الجميع وبخاصة الأخت الفاضلة صاحبة المشكلة تحياتي وتقديري ؛؛ |
النور فى ردك والحنان كلة فى تعقيبك.....................جزيت خيرآ
سألتزم بتعليما تك حرصآ منى على تعميم الفائدة . اسمحولى لى عودة غدآ بإذن الله |
اختي انصحك
تصارحين زوجك بما رأيتيه ..........او تحسسينه على األأقل بالكلمات بعاقبة الذنوب وبخسارة الحياة الطيبة بسبب هذه الأعمال بطريقة مباشرة او غير مباشرة خلسه يشعر انك غير راضية عما يفعل وانك صبرك له حدود وهذا كله من غير تهديد ولا مشاكل بالهدؤ والصوت الرقيق اشلون بس انتي تظهرين له سكوتك كأنه غير مؤثر فيك الأمر وهو يعلم انك تعلمين لا أختي ما يصير والله صدقيني ........دام انه عرف انك عرفتي ينبغي انه يحس انك رافضة لهالتصرف ولا تخافين ولا تنذلين له ..........لأنه لو حس انك خايفة على حياتك معاه وتموتين فيه رغم أخطاءه صدقيني بيتمادى ..........ارجوا انك فهمتيني وفهمتي قصدي عدل وبعدين انا انصحك تجعلين الفاظك كلها حب وحنان ورقة ودلال ترى هالشي يحبونه الشباب الحين وفقك الله واصلح لك زوجك ورزقك الذرية الصالحة . تحياتي . |
مشكورين على التفاعل وبالنسبة للأخ اللي يبي تفسير كيف شفت الرسالة
صدقني ربي حب يكشفه لي كل يوم اجرب اقول يمكن نساه ماقفله وفعلا اليوم اللي كنت جاية فيه من السفر متعود اني مو موجودة ولاقفل الجوال اما بالنسبة للرسالة اللي اكتشفت فيها الخيانة فكان جوالي استقبال وكنت بكلم امي واحنا بالسيارة فطلبت جواله وجت الرساله والجوال بيدي فتحتها بسرعه وقريت المضمون وحفظت الرقم وسجلته بجوالي وتأكدت منه عن طريق الفواتير |
| الساعة الآن 01:57 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©