اذاتعرض لك احد هل تصارحين زوجك ام تطنشين
 

عندي سؤال وارجو الاجابة عليه والتعليق

اذا تعرض لك احد باي طريقة (يعني حاول يغازلك) وانت في السوق

او مع السواق او حتى اذا زوجك نزل من السيارة يجيب غرض


هل تبلغين زوجك عن هذا الموضوع ولا تطنشين

بعضهن تقول لو علمته اخاف يقول لو ما شاف فيكي شي كان ما تعرض لك

او يقول لها من كثر طلعاتك .....................او غيرة

طيب اذا قررت تقولين له كيف وباي طريقة

انا اذا كان معايا ممكن اقوله بس باسلوب حلو وهادئ
((( عشان ماتكبر ويتمشكل مع الناس وتصير قصه ))


اما اذا كنت لحالي ممكن اقوله اذا كانت الحركه اللي صارتلي قويه اما اذا عاديه
مالوا دااعي

انا انسانه صريحة معاه بكل شي حتى بهالأمور وياليته يصير مثلي ويترك عنه اللف والدوران

هطنش لأبعده عن المشاكل لأن في الغالب يكون الشاب الذي يعاكس هايف ولماذا أعرض زوجي لهذا الموقف اما لو كان أحد في العمل أو أي مكان أخر سأقول له فورا

ولماذا اخبر زوجي,,, انا اعرف اتصرف
بمجرد ان يضايقني احد ما في اي مكان افصخ الجزمة ( الله يعزكم) ووين يوجعك بس,, أرتاح وأريح بنات الناس منه
أمزح معكم طبعا
الصحيح انا مع رأي الاخت كبريائي

تصدقون ماتعاكست في حياتي الزوجيه الا مرتين .... ومن اجانب

.... مره في امريكا ....
.... ومره بكندا ....


.... سلمت في بلدي ولم اسلم في بلاد الكفر ....

انا سؤالي اذا انه ما كان معاك وحصل هذا




هل تتصلين عليه جوال ...............

اواذا رجعت للبيت ..........تقولين له

او تطنشين كأنه ما شي صار

... مافي فايده اخوي من اخبار الزوج ...


.. نسيان الموضوع افضل ..

بصراحه تطرقت لموضوع جدا حساس يهمله كثير من النساء بظنهم تجنب حدوث مشاكل للزوج
ومن وجهة نظري انه خطأ كبير السكوت لان الزوج مهما كان طبعه وحدته فلديه عقل بالاخير يفكر به بكل منطقيه
فلو كنت بالسياره وأحد يلف حوليني أخبر زوجي واقوله هذا ما أدري ويش فيه. بيقول ليش سوا شيئ بقوله لا بس مر كيذا سريع خوفني. مو أقوله قاعد يرقم والا قاعد يلف ويدور حولين السياره .وهو من نظره بيعرف وبيشوف هل تستدعي العضلات والا لا
لانها أنا معوده زوجي على الصراحه التامه لدرجة ان اذا اتصل أحد وقفل أول مايدخل علشان ما أنسى أقوله التليفون دق وقفل فالسكوت قد يولد افكار سيئه لدى الرجل.
لانه مره كنت بالمستشفى ورحت للسياره وزوجي راح للصيدليه وواحد قاعد يناظرني من على بعد فلما جا زوجي على طول قلتله
ففاجأني انه كان شايفه ومراقبه يعني السكوت كان ممكن يولد عند بعض الرجال الشك يايقول هذه مبسوطه أو يقول أكيد تعرفه

المفروض انها تخبره احسن

لانه لازم يعرف كل شي

الصراحة انا قبل ماكنت اقول لزوجي وكنت اتصرف

لكن للأسف كان زوجي يهملني وكله ثقة ان الناس كلهم بخير واخلاقهم عالية

وكنت المح له يهتم فيني ولا يتركني بروحي في اي مكان واني اخاف

وكان ما يصدق ويقول لا تخافين ما يصير شي .........وانا ما كنت اقول له عن اللي يصير

مراعات لمشاعره لأني أعرف ان هالشي يزعله وهو ريال يغار

لكن في يوم من الأيام صار معاي موقف صعب

كنت اتمشى معاه اتصل عليه واحد قال لي بروح اقابله وبرجع بسرعة

عاد راح انا مشيت ثم قعدت استريح الا جا واحد يتكلم معاي وانا ما رد

واتصل على زوجي ومايرد ثم سبيت الرجال وخوفته من ربه وكنت خايفة

وقلت للرجل الحين يجي زوجي اذا ما تبعد والله تشوف ايش يصير لك قام راح

وكنت خايفة ولما رجع زوجي ترددت اقول له خايفة يغضب ويزعل ويعصب

ومادري ايش بيسوي ............لين اليوم الثاني قلت له عن اللي صار

عاد زعل وعصب واحترق من قلب ............ومن بعدها قام يخاف علي

ويحط باله علي ...........والحمدلله

طولت عليكم بقصة حياتي سامحوني


تحياتي لكم .

بالنسبه لي اذا كان في سوق او مكان عام اطنش لان ادري ان زوجي بيسوي لنا مشكله وبيلم الناس علينا ،اما اذا كانت المضايقات مستمره من شخص معين اخبره على طول واخليه يحس اني وايد متضايقه من هالشي

ولا أفكر أقول

أعتقد إني راح أقول له بس بعد مانبتعد عن هذا الشخص..
وأكون واثقة إن زوجي ماراح يحصله..
لأن عادي.. عادي.. يذبحه..........

انا اشوف على حسب طبيعة الزوج اذا وحده تعرف انو زوجها رح يعملها مشكله ويكبرها فمالها داااااااااااااعي أما اذا كان من النوع المتفهم فما في شيء

<<<< صارت معي كثير :d
بس ماعمري قلته له وعتقد اني بقل له
لانه ذا صار وانا معه يسوي لي سالفة اول يتهاوش معاه وهذا مره زين ويفرحني احسه يغار علي :16:
بس بعدها يدور لي تغطي وقعدي عدل وطالعي تحت ومدري وشو يعني يبهذلني ...
يعني مني ناقصة اقله وجيب لي المشاكل ..:25:

بس اذا ما قلتي له اول باول

ممكن مرة يشوف شي قدامة ....................وبعدين انتي اللي قولي وش بيصير

اكيد ان حياتك بتصير نكد ...................وشك.....................

هل فعلا السكوت افضل

الله يستر على كل مسلم

مراعاه الاجاباه بشكل جاد ،،، بارك الله بيك ،،، ام اثير

والله أنا ماأخبي على زوجي أي شئ مادري ليه هبلا أتفه حاجه أقوله ولو كنت غلطانه

طبعا ما بقوله بتعرفو ليش لانو زوجي من النوع الانفعالي واكيد رح يجيب المسدس والقصه رح تكبر فلشو اغلب حالي واعمل هيك لامابحكيلو وبرتاح وبريح راسي الله يهديه يارب وانا من النوع الي ما اهتم في هاي الامور يعني يحكو الي يحكو ما بتفرق معي لانهم فقط بدهم يثيروني فأنا بقهرهم وبعمل حالي مو سامعه هاض احسن حال

اولا لو احد قال شي ماالتفت ولاا ارد واطنش اسوي نفسي مانتبهت وماله داعي اقول لزوجي واسبب مشاكل اطنش وامشي وماعلى السحاب من نبح الكلاب بس بصراحه من صرت اتحشم اكثر يعني شرابات وقفازات وغطاكامل ماعاد احديتعرض فعلا الوحده اذا تحشمت حتى الصايع يستحي يتعرض لها اما اذا تبرجت كنهاتدعو الشباب لها لا ولهاعين تقول لزوجهاوتسبب مشكله اصلا حتى الرجل اللي مايحشم زوجته ويسترها مفروض يسكت لانه هو اللي يعرضها وبصراحه اتعجب من وحده متبرجه وزوجها يهاوش اللي يطالعها ونادرا ماتصير لان اللي زوجته تتبرج وهو معاها مفروض انه يغطي وجهه بشماغه لحديعرفه ازين له ويخلي الكل يتفرج على زوجته لان مامعها رجاااااااااااااااااال معاها اختهاههههههههههههههههه وسلامتكم