لا استطيع الانتظار الى ان تكمل دراستها
 

اذا كنت متملكا فاذهب الى ابيها واطلب منه تحديد اقرب وقت للزواج واخبره انك في حال لا تستطيع معها الصبر
وكذلك طمنه على مستقبل بنته وانك سوف تساعدها في دراستها للماجستير

والسلام

المشكلة انها اخر العنقود وابوها مدلعها ، وهي شارطه اكمال الدراسة في عقد النكاح , بس كلت يمكن يكون شرط تقليدي لااكثر ولا اقل , بس بعد ماكلمتها طلعت مصمله على الموضوع
وانا بصراحة ماعندي صبر..

الله يعينك وفهمها هذا الشي وقل لها إنك ما بتحرمها من إكمال الماجستير وقول لها إنتي تحبين الدراسه وتفضلينها عني ولو صممت إزعل منها كم يوم وشوف شو بيصير وحاول بعد مع أبوها وأزواج خواتها وإخوانها يقنعون أبوها عادي مافيها شي إنته تبي تعف نفسك عن الحرام

هذا انت يااخي مقتنع من داخلك انك تبي تتزوجها الحين بس ناطر اشارة الاعضاء الخضراء :d :d :d :d

اسمع اخوي ... تزوجها الحين ..كلمها وقول لازم نتزوج .. وعادي نكمل الدراسة سوى ان شاء الله بساحل العاج


خلي بالك كبييييييييييييييييييييير ... اكيد اهي تحبك بكم كلمة حلوة منك وحب وحنان ... راح توافق

بس اهم شي .. يتم هالشي بينك وبينها بس .. ولاتدخلون اي احد بينكم

والله يوفقكم

أخي الكريم ..

كم مضى على عقد قرانكما ؟

***

اربعة ايام

السلام عليكم ورحمة الله

لا ياأخي مافيها شرط تقليدي ولاشئ . مادامها شارطه تكمل دراستها لازم تحترم الشرط وتصبر :rolleyes: ..... وبالتوفيق :14:

تكفون لا تنقدون علي , ودي اعف نفسي ولا ني قادر احس ان الحلال صعب والحرام ولا اسهل منه
بصراحة إذا اشتهيت احس اني انعمي قبل فترة كنت مسافر للخارج وماادري عن نفسي الا ونا حاشر لي عبده ( وكلنا عبيد لله) بس الحمد لله ماصار شي , تدخل واحد من العيال وهدى الوضع

وانا والله ابغى اعف نفس بس المشكلة ماعندي صبر.

بس حتى لو اصبر عليها , احس اني منقهر منها كيف تفضل الماجستير علي وعلى الزواج , احس ودي استنذل مها واقولها كملي الماجستير و الدكتوراة ولما تخلص اسسسحب عليها.

البنات تراهم مرة طيبين وما فيهم هبل


اخبرها باسلوب رقيق وبشغف انك مشتاق اليها جدا ولن تسطيع الصبر بدونها


حتى تذوب معك


اقنعها بانكم تكملون دراستكم مع بعض

وهذا شرط من شروط اتمام الزواج


وانك على تمام الاستعداد


عندما تكون صادقا تتكلم من القلب سوف تصل لقلبها وتظفر بحبها




والله يوفقك
ااااااااااااااااااااااامين








وابعد عنك الافكار الشريرة وطرق الحرام

وهل أيام أربع كافية لتمكن الحب من قلبيكما ؟

أم أنكما كنتما متحابين فترة الخطوبة ؟

على كلٍ ..

متى تتوقع موعد زواجكما ؟

حــدد الموعد ، واعرضه عليهــا ، واهمل مسألة الدراسة تماماً ..

أخبرها أن في يوم كذا ، شهر كذا ، سيجهز عش الزوجيــة ، وعليك تجهيز نفسك لإتمام حفل الزفاف ..

ولا تكترث لاعتراضها وتعلتها بأمر الدراسة .. بل

حدثها عن العش الذي سيجمعكما ، وأسهب في ذكر تفاصيل حياتكما عقب الزواج ، من سفر ، لتنزه ، لحب ، وحنان ..

ارسم لها صورة مقربة عن حياتكما المتوقعة عقب الزواج ، وأعرب لها عن شوقك إلى تلك الأيام ..

وتذكر ..

الزن أمــر من السحــر ..

ومفتاح قلب الفتــاة .. معسول الكــلام ..

وإن كانت الدراسة شرطــاً في عقد النكاح ، فأنت مجبر على تنفيذه عقب الزواج

لا فترة الملكة ..

لذا ..

اعقلها وتوكل ..

والله معك

***

احترامي

اخوي
حاول تقنع البنت
بالتي هي احسن

يعني جيبلها هدية واعطيها كلام حلو بعدين اعرض عليها الموضوع

وترا انتبه في بنات ياجلوا الموضوع للتهرب منه
ومو شرط تكون عاملة شي غلط

ممكن تكون خوافة او عندها مشكلة نفسية

حاول تفهمها وتعرف ايش دوافعها الاساسية
وماعتقد انه لو كانت متعلقه فيك وانت باسطها حترفض تقديم الزواج

تحياتي

السلام عليكم ورحمة الله وبركاته اخى العزيز يجب عليك باخبارها بما تقوله هو انك غير قادر عل الانتظار وان تقنعها بحب وان تكون عند وعدك لها ان تكمل دراستها والله الموفق

شو بعد خايف تفشل ليلة الزفااف.. ليش انت داخل حرب؟؟؟!! تراكم وايد مكبرين موضوع الدخلة
انت شاك انك ممكن تقلبهادعارة وفنفس الوقت خايف من الدخلة؟؟!!! ما تركب هاذي!!

مدري وش لون تصير بس هذ اللي صاير

والله اخي معك حص بكل اللي حكيتو,,, شو صار لخطيبتك؟؟؟؟؟
مو غلط لو تزوجت وبعدين كملت ماجستير انت وهي مع بعض
انا من رايي تروح تحدد موعد العرس لانو من حقك وبعدين مرتك اولى بيك من الغلط,,,,:11: :11:
الله يوفقك ويهنيك:14:

و الله مدري وش أقول
يعني أنا أفهم راي البنت
كوني تقريبا في نفس وضعها
بس عاد أنا بكلريوس و دراستي صعبه (9 ساعات دوام كل يوم و امتحانات متواصله على مدار السنه و أبحاث و مشاريع و كذا)
كنت دايما أقول مستحيل أتزوج قبل ما أتخرج لكن الحمد لله الحين حددنا موعد زواجنا بالصيف الجاي و يكون وقتها باقي لي 3 سنين بالاضافه الى سنة التطبيق :21: :24: :30:

الله يكون فى عونك
ولكن انا جد متغاظ
الله يهدى البنات
رى الشرع فى الموضوع على حد علمى
انه لا يجوز للبنت تاخير زواجها بسبب الدراسه
وهى بالنسبه لك زوجه
والتمنع على الزوج فيه ما فيه على النساء
الفت نظرها لهذه النقاط ولو مااقتنعنتش
كلم اهلها وخليهم يدخلو
وشوف ايه اللى عايزاه
ومدى فترة الدراسه
واظن انها لوكانت طويله سنتين مثلا فأنا عن نفسى لن أستطيع الصبر
وإذا تمسكت برأيها أعتقد (لا خير فيها)
والأخوات الاتى يرجحن الأخذ بما فى العقد أذكرهم بأنه من الأولى إعفاف الزوج ألف مره عن أستكمال الدراسه

فقد قال النبى صلى الله عليه وسلم فيما معناه
"من نذر ان يطيع الله فليطعه , ومن نذر أن يعصه فلا يعصه
هذا مع النذر الذى هو عقد مع الله فكيف بما هو مع البشر خاصة عندما يكون الموضوع بالخطوره التى يتكلم عنها أخونا القسامى صاحب المشكله
الله يهدى الجميع
عموما أغفرو لى حدتى فأنا والله متغاظ من هذه البنت
الله يهديها

و الله مدري وش أقول
يعني أنا أفهم راي البنت
كوني تقريبا في نفس وضعها
بس عاد أنا بكلريوس و دراستي صعبه (9 ساعات دوام كل يوم و امتحانات متواصله على مدار السنه و أبحاث و مشاريع و كذا)
كنت دايما أقول مستحيل أتزوج قبل ما أتخرج لكن الحمد لله الحين حددنا موعد زواجنا بالصيف الجاي و يكون وقتها باقي لي 3 سنين بالاضافه الى سنة التطبيق :21: :24: :30:
ممكن تسألون ليش غيرت رأيي؟؟اااااااااااا
هل لأن زوجي قال لي بينحرف؟؟ أو لأنه حاول يحسسني بالذنب بقوله إنتي تفضلين دراستج علي؟؟؟ حدد موعد و حطني قدام الأمر الواقع؟؟؟ بوز علي و زعل؟؟؟ استخف بعقلي و حاول يرشيني بهدايا؟؟؟؟؟ لا :29: :29: :29:
أصلا لو سوا لي كذا كان قلت له بكيفك be my guest...يعني هو يوم أخذني داري بهالشي (و في حالتك مكتوب في عقد الزواج) يعني عجبه كان بها ما عجبه الباب يوسع جمل
هذا و أنا أحب زوجي و أموت فيه و بصراحه ما أقدر أتصور حياتي بدونه
بس أنا دراستي مهمة بالنسبه لي و زي ما هو يتوقع مني إني أهتم بشغله و مستقبله (اللي هو مستقبلنا) أنا بعد أتوقع منه يهتم بدراستي و مستقبلي (اللي هو مستقبلنا)

انت تقول ان هي ممكن تكمل دراسه بعد الزواج
و أنا أتفق معاك
بس أنا حاسه ان هي ما هي واثقه فيك (أقصد ماهي واثقه انك راح تسندها)
يعني أرجع لتجربتي
:29: أنا واثقة 100% إن زوجي دراستي بالنسبة له مهمه مثل ما هي مهمه لي يعني من الحين (على فكره ترا هو يشتغل في مدينة غير مدينتنا حاليا يعني ما أشوفه غير خميس و جمعه) بس إذا عندي اختتبار ولا مشغوله مو هو اللي يصير يترجاني انه يشوفني أنا اللي أصير أترجاه يجيني :11: يعني كم مره يقول لي ما راح أجي علشان تذاكرين و أنا أقول له طيب أبي أبرك نص ساعه تعال و ما يرضى و كم مره أبكي و يجي يجلس معي لحد ما أهدأ و بعدين يتركني و مؤخرا صار بعض الأحيان يجيب كمبيوتره ولا كتاب معاه و يجلس معي و أنا أذاكر
المهم قصدي أنا إن أنا واثقه ان هو ما راح يوم يشغلني عن دراستي
و أنا عارفه ان ان شاء الله زواجي ما راح يأثر كثير في دراستي (يعني طبيعي راح تتأثر بعد الزواج بس ان شاء الله مو بشكل كبير)
شي ثاني بالنسبه للأطفال أنا و زوجي متفقين ان ما راح نجيب أطفال الا بعد أنا ما أخلص كلشي الدراسة و التطبيق و هذا شي مرة مهم بالنسبة لي...مع ان زوجي يموت في البيبيز (كل ما شاف بيبي في السوق ولا شي يقول خل نخطفه :23: ) و ساعات مسكين يكسر خاطري أقول له بيصير عمرك 30 و انت ما عندك عيال بس هو يقول لي لو أبي عيال على طول كان تزوجت وحده قاعده في البيت اخطبها اليوم و ما نكمل سنة الا و احنا مالكين و متزوجين كل شي و عندنا بيبي
فمثل ما قلت لك أنا متطمنة من ناحيته أدري انه بيصبر على العيال شوي و لو مثلا الله كتب و حملت قبل التخرج أنا عارفه ان هو راح يساندني لحد ما أخلص يعني هو دايم يقول لي البنت ما تضمن الا شهادتها يعني الدايم الله إذا ما ضل لها زوجها ولا أبوها ولا أخوها شهادتها هي اللي راح تجنبها الذل

عموما بغض النظر عن كلامي كله (يعني هذه تجربتي أنا) بس نصيحتي لك خذ السالفه شوي شوي يعني انتوا توكم ما صار لكم مملكين 4 أيام..يعني خل البنت تتعود شوي على حكاية ملكة و ما ملكه و بعدين تبدأ تفكر في زواج كذا
و أهم شي بين لها ان انت راح تكون سند لها خلال دراستها بالذات ان انت ناوي تكمل دراستك بعد قول لها احنا راح نسند بعض و كذا..و اذا هي خايفه من مسؤليات الزواج بين لها انك راح تسندها و تساعدها (بشرط تكون صادق يعني مو كلام في الهوا :29: ) قول لها انكم راح تعيشون كم سنه عزوبيه و تتعشون سندويشات بيض و طماط على قول زوجي بس كل هذا في سبيل مستقبلكم بعدين تستقرون تجيبون عيال و كل واحد منكم عنده الماجستير و كذا

و لا تضغط عليها كثيريعني مهما كان توكم في البداية يعني انت الحين ممكن تحس انك تعرفها و تقدر تتفاهم معاها بسهوله...السالفه مو بيعه السالفه زواج حياة مشتركة عيال و عايله جديدة..و حط في بالك أي شي يحصل الحين ممكن يأثر علي بعدين..و 4 أي:29: ام مو كافيه ان كل واحد فيكم يعرف نوايا الثاني..اصبر بس بعد شهر راح تكتشف انك في هالأربع أيام ما كنت تعرف عنها شي...و بعد 6 أشهر راح تعرف انك في الشهر الأول ما كنت تعرف عنها شي و بعد سنه نفس الشي..كل يوم راح تفهمون بعض أكثر و تتواصلون بشكل أحسن

أنا احساسي يقول لي ان هي تخرعت من اصرارك :25: (يعني انت تقول أبي نتزوج بكرة فهي تقول لا أبي نتزوج بعد سنه..علشان بعد التفاهم (و أحيانا الهواش) تتفقون على بعد 6 أشهر :14: ) فاهم قصدي؟؟؟؟؟؟؟؟

اصبر عليها اسبوعين قفل على الموضوع و تصرف معها تصرف اللي توهم مملكين ولا تجي على طاري العرس..بعدين كذا يوم على رواق اسألها هي متى في بالها وقت الزواج المناسب..و اسألها هي ليش خايفه من الزواج وقت الدراسه؟...خلها تتكلم و انت تسكت و تسمع :29: و أقصد تسمع جد مو بس تهز راسك و انت منت فاهم شي :23: اذا هي ما تكلمت اسحب منها الكلام مثلا اسألها انتي خايفه مثلا من مسؤليات الزواج (الطبخ و النفخ و التنظيف و الكوي...الخ)...اذا عرفت بالضبط هي من أيش خايف يجي دورك يا شاطر تبدد مخاوفها...يعني حط في بالك ان إذا تبي تتزوج لازم تقدم تنازلات (يعني مثلا تتعشى بيض..تغسل الصحون..تكنس الصاله :17: ) و اذا بتقول وراك دراسه هي بعد نفس الشي يعني اعتبرها يور روم ميت اليوم دورها في الطبخ و بكرة دورك
الحياة الزوجية (حسب خبرتي السطحية فيها) لازم لها تنازلات كثير يوم تسوي اللي في راسك و يوم تخليها تسوي الي في راسها و يوم توصلون لحل وسط

المهم ان شاء الله تستفيد شي من كلامي أو على الأقل تشوف الموضوع من منظور آخر
بس لا تنسى ان زي ما قلت لك أنا وضعي مشابه لوضها علشان كذا معظم الكلام إذا موب كله من وجهة نظري أوكييييييي؟؟؟ يعنيهذه طريقة تفكيري أنا موب ضروري هي نفس الشي طيب؟؟؟
و بالتوفيق ان شاء الله

الله يعينك...
لا تفكر ابدا بالحرام..
كلمها وحاول تقنعها..
وعطها الأمان إنها ممكن تكمل الدراسة..
وإنك بعد الزواج ماراح تمنعها أبدا..
وقول لها إذا ماتبغي تحمل خلال الدراسة براحتها...
أهم شي إنت تحصل زوجة تعف نفسم معاها بالحلاااال..

نصيحة..
أبتعد عن المغريات وكل اللي يثير غرائزك وشهوتك..
واكثر من الصيام حتى يفرجها الله وتتزوجها..


والله يوفقك..

انت تقول صار لكم 4 ايام من ملكتو بس
يمكنها تبي تطول فترة الخطوبة وتحججت بالدراسة
انا شخصيا فترة الخطوبة بس اسبوع واحد ما ندمت بس تمنيت لو اكثر
حاول تكلمها كلام رومنسي وقل لها انك تحبها وما تستحمل
اذا هي تحبك رح تذوب وبتوافق
ترا البنات يقتنعون بسهولة ذا حبو صدقني <<<<:o
وبالتوفيق ....:22:

تقرب وتودد منها واجلس معها كثير حتى تعتاد عليك وتشتاق لك

لو طلبت منها الزواج بسرعه بتقول إيه مايدري عن تخصصي إنه صعب ويبغى وحده متفرغه
عشان كذا حاول إنك تدخل في مجال تخصصها وتفهم فيه لو شيء بسيط
وحتى تحس بالأمان النفسي إنه زوجها فاهم دراستها وحيقدر انشغالها

هههههههههههههههههههههههههههه الله يعينك على ما ابتلاك بيه
ياسيدي اصبر اشبك وي
وبعدين ترى الزوجه تبغى زوجها يحسسها بالأمان وبعدين يمكن ما فكرت تيب ازا اتزوجتو يمكن تحمل وتتلهي ولا تقدر تكمل دراسه عادي ناقشها وترى لا تاخدها بحساسيه انها فضلت الدراسه عليك بالله اسأل نفسك مين أبقالها ؟؟
انت اكيد فأكيد ما بتفكر هيا من دا المنطلق
يلا ربي يعينك ويصبرك كلها كم سنه خخخخخخخخخخخ امزح
ان شاء الله نسمع قريباً الاخبار الحلوه