|
ابي اتخلص من هالصفه ..بصيييح
السلاااااااااااااام عليكم ورحمة الله وبركاته .. اليوم جيت وابي اتخلص من صفه فيني .. الكل يقول حلووه .. بس النااااااااااس اللي عندي بغيضييين .. يفهمونها غلط ويفسرونها شيء ثاني .. اول شيء بقولكم نبذه بسيطه عني .. احنا اتربينا على يد امي وامي عفويه جدا وتحب كل النااااس .. واذا جات تنصح تنصح من قلب .. واللي في قلبها على لسانها .. هو شيء زين . بس اهلنا وجماعتنا يوصفونها انها مسكينه وعلى نياتها .. وانها صحيحه على مايقولون .. المهم انا من كنت صغيره انتبهت لهالشيء وقلت لازم اكون غييير وما اصير نفس امي . لأن الطيب في هالزمن خبل .. المهم ورثت غصب عني صفة العفويه .. يعني اي شيء بخاطري اقوله .. واذا احد طلب نصيحه او شيء .. انصح من قلب .. واهتم بالنااااس واتفاعل معهم .. يعني احسها لقاااافه .. المهم هالشيء قلق من شأني عند اهل زوجي .. لأانهم بدو وعندهم الوحده لازم تكون خبيثه واللي في قلبها مايطلع .. واللي يداري عليهم ويعاملهم زين هذي خبله على نياتها .. انا كيف اضبط نفسي .. وكيف امسك لساني .. يعني التزم بقاعدة لكل مقام مقاااال ... ساعدوني .. لأاني كثييير اراجع نفسي .. واصحح اخطائي .. والوم نفسي كثييييير .. بس يوم يومين وارجع لطبعي .. |
شئ غريب وبالذات لما قلتي انهم بدو والواحدة لازم تكون خبيثة وماتطلع اللي في قلبها :29:
ليه الناس بالتفكير هذا ؟ انتي عارفة لو نفكر في كلام الناس حتى اهلنا مانقدر نعيش وانا ما انكر اننا نتاثر وتجي حالات غريبة لكن مو لدرجة نغير نفسنا 180 درجة عشان خاطر احد :25: يعني انتي الحين ماشاء الله عليكي طيبة وحبوبة ودك تصيرين خبيثة ؟ :25: ما عندي طريقة تخليكي خبيثة خليكي حبوبة وطيوبة واهتمي ببيتك وزوجك واولادك افضل من كلام الناس اللي يجيب الصداع :29: |
حبيبتى خليكى زى ماانتى واكيد هتلاقى ناس طيبين مثلك تتعاملى معاهم ماتغيرى فى نفسك للغلط احتفظى بطيبتك وبصراحتك الله يوفقك مع اهل زوجك
|
لاااااااااا المشكله ماحصلت احد ..
انا ما ودي اصير خبيثه .. ابي اصير كتومه وغاااااااااامضه يعني .. مابيهم يعرفون وش وراي .. يعني اصييييييييير ثقييييييله .. واللي يشوفني يقول هذي محنكه وبالها وسييييع وشخصيتها قويه .. ان شاء الله انا بتم على طبيعتي بيني وبين اهلي وزوجي .. بس محيطي كريهين .. حتى اللي قهرني بزيااده .. عندنا حرمتين في الحاره نسميهم الرادار .. لانهم يرصدون تحركات الشااااااارع .. ومن جا ومن دخل .. وجلست معهم .. ونصحتهم عن الغيبه والتجاوزات .. وسولفت شوي بعفويه وسوالف حريم ماحريم .. سولفت معهم .. ما اشوف الا حماتي تقول .. يقولون ياحليلها على نياتها ... انقهررررررت من قلب .. حتى اختي تقول انتي الله يهيدك .. تتعاملين مع الكل بمستوى واحد .. المفروض تعرفين ان كل شخص له حاله خاااصه ومستوى معين .. بصراحه كرهت هالصفه ........ ابي حل .. |
بسم الله الرحمن الرحيم أختي الكريمه ،، إذا كان من حولك سيئون ،، وأنتِ إمتزتِ عنهم بصفه جميله فهل يعني ذلك أن تتخلي عن هذه الصفه الحسنه لإرضاء الذوق العام " السيء " ،،،،،،،،،؟؟؟؟؟؟؟؟؟ ثانياً ،،، لا عليك بأهل زوجك ونظرتهم لكِ ،، المهم هو زوجك وكيف ينظر لكِ وصدقيني نحن الرجال " نحب بشده " صفة الطيبه والعفويه في الزوجه ،،،!! على الأقل هذا ما ألمسه من معظم أصدقائي المتزوجين ،،،؟؟ أختي الكريمه في رأيي أن يقولوا عنكِ طيبه بل و " ساذجه " حتى خيرٌ من أن يقولوا خبيثه و " شرانيه " ويبدأوا بغرس فكرة أنكِ خبيثه بعقل زوجك ..؟؟؟؟؟ أليس كذلك ؟؟؟ طالما أنكِ تمتلكين مفاتيح قلب زوجك ،،، فدعكِ من الدنيا وما فيها ولا تبحثي عن المتاعب ،،، وفقكِ الله لكل خير مُقبل |
عندنا حرمتين في الحاره نسميهم الرادار .. لانهم يرصدون تحركات الشااااااارع .. ومن جا ومن دخل .. من راقب الناس مات هما ... ماعليكي منهم بس اهم شئ لاتتكلمي عن احد عشان ماتصير غيبة ونميمة وخليكي مثل ما انتي حلوة وعفوية وحبوبة |
انا عندي رد ماله دخل في الدنيا كالعاده
قريت التوقيع هذا والمعلومة اللي فية غير صحيحة توقيع الاخ الحبيب مقبل وش اللي ضربنا الرقم القياسي في عدد الدول المُحتله ...! ضرب الرقم القياسي من زمان بعد الحرب العالمية الاولي كل الدول العريبة محتلة الله يسلمك وزعوها كل واحد من دول التحالف خذله اللي يبي مثال : مصر : انجليز ليبيا : ايطاليا المغرب والجزائر : فرنسا يعني الرقم محطم من زمان اما بالنسبة للموضوع الحلو هذا فا لا تعليق اهم شي الاخلاق |
حبيبتي انا لسى ما دخلت في اهل الجوز على وشك ان شاء الله بس عندي قناعه انه لازم يكون في حد فاصل بين اهل زوجي وبين بيتي وزوجي
اهل الزوج قدميلهم كل شي من الود والحب وواصليهم بس في خطوط حمره انتي تحطيها ما يتعدوها عشان كدا انا احس ازا كانت فيكي خصله حلوه وعاجبتك وتضايق اهل زوجك فانتي وراحتك وشخصيتك اهم من اهل زوجك لانه بيتك دايملك وشخصيتك دايمتلك ولكن اهل الزوج منهم دايمن اما ازا حسه انك انتي تبغي تتغيري عشان شخصك عشان حاسه انه فيكي صفه لوو اتغيرت او حتى انصقلت بشكل افضل هديكا الساعه لا تترددي ااما لا تغيري نفسك عشان ترضي غيرك |
أنا نفس الحاله بس تغيرت شوي بأسباب:1/لأنهم يسموني الصحيحه وعلى نياتها.2/الكل من حولي مايندرى وش عندهم بالعربي مايسولفون بسفر أو غيرة3/يأخذون سواليف مني ولايسولفون علي طبعا مو كل الناس بس البعض منهم.
نصيحتي لك:خلي شعارك(أقضوا حوائجكم بالكتمان)وحاولي أنك ماتطلعين الكلام الا وأزنته ولاتسولفين بكل شي يعني أذا كانوا يسولفون معك ويعلمونك سولفي عليهم واذا كانوا غير كذا لاتسولفين عليهم.... غير كذا أنهم يسوون مقارنه معك بحياتك الي عايشتها..الان في هالزمن كثرت النعمه وكثر الحسد الله يكفينا الشروجعلنا مانضر مسلم......فحاولي مع نفسك بالتدريج أنك تتغيرين...وأهم ماعليك رضى زوجك وأمك والاالناس مهما سويتي لهم مايرضون عنك الاماندر(الناس غايه لاتدرك وليست غايه) نصيحه محبه لك لأني مريت بالصفه هذي... أختك:asd1234 |
أختى الحبيبة ...العيب مش فيك اذا كنت عفوية و طيوبة ..انت يهمك علاقتك بربك لأو ..يعني هل هذه الصفة تلقيها سيئة و تسيئ إليك من ناحية طاعة الله أم أنها صفة محببة ؟؟ يعني ارضي ربك ..و أهل زوجك حاولي لنك تكوني معهم كتومة شوي (يعني من قال فليقل خيرا أو فليصمت) عن حديث المصطفى عليه السلام ..و في نفس الوقت عامليهم معاملة كويسة و حسنة و لك الثواب من ربك ..و ادعي حبيبتي اللهم حبب أهل زوجي فيني و لا تغيري من طبعك و تكوني خبيثة ..و لو ..ما في أحلى من أنك تكوني على طبيعتك و الله يوفقك يارب
|
أختي العزيزة لحظة صفى فيني تقريبا نفس الشيء بس انا متاكد من انني على صواب فما يهمني كلام الرايح و الجاي كوني مثلي يا جبل ما يهزك ريح
مشكووووووووووووووووووورة اخوك |
الله يجزاكم خييييييييير ياارب
اعطيتوني ثقه بنفسي .. وان شاء الله بمسك هاللسان واضبط نفسي .. اذا جيت بتكلم والوضع مايناسب بقول استغفر الله ..ههههه عشان انتبه .. الله يصلح لنا النيه والذريه .. |
عزيزتي انا مثلك
امي طيبه جدا وعلى نياتها وورثة الصفه هذي منها كثيرين يقولون صفه حلوه بس بصراحه الوقت هذا يعتبرون الطيب واللي على نياته ساذج وياخذون حقه ولا يهتمون حتى في رايه بل احيانا يعتبرون رايه تحصيل حاصل حتى من اقرب الناس والله انقهر من تصرفات اقرب الناس لي ولامي بسبب طيبتها يستغلونها في اشياء كثيره والله احاول اكون ملكعه مثل البنات بس الطيبه تغلب علي واتمنى اغير الصفه هذي :25: ولكن يقولون الطبع يغلب التطبع |
اقتباس:
الله يخليكم لبعض شوفي حبيبيتي احكيلك شغلتين تحطيهم بدانك.. اول شغلة..خليكي على طبيعتك مع اللي بحبوكي على طبيعتك!!! وتاني شغلة .. فكري قبل ما تحكي مع الناس اللي ممكن يقهروكي.. يا ريت تكون وصلت الفكرة زي ما قالت اختك لا تعاملي الناس بمستوى واحد انتو زي ماما واختي الله يخليكم لبعض ويهدي سركم |
ريناد تسلمين لي يالغاليه ..
والله يسهل علينا التغيير .. هلا والله بنور المنتدى شخصيه مجهوله .. تسلمين يالغاليه وان شاء الله اعجبك واعجب نفسي في الأايام الجااااااايه .. |
حبيبتــي ..
الطيبة .. هي الصفــة التي جبل عليها الإنســان الشر والخبث .. صفتان مكتسبة من واقع الحيــاة لنكون الأفضل .. وجب علينا أن نكون .. " حكمــاء " فنوزن الأمــور بميزانهــا الصحيــح عندما تتحدثــي .. اجعلي حديثك " عامــاً " وإياك والاقتــراب من " خصوصيات " حياتك وزوجــك تحدثي عن .. سوق الأسهم .. الحمل والولادة .. تربية الأطفال .. آخر موضة أو حسب ما يقتضيه المجلس أما حياتك .. فاجعلي سوراً كبيراً متيناً .. يحولك ويحول الآخرين دون الاقتــراب منها وحبــذا .. لو كانت أحاديثك عن آية كريمة قرأتها .. أو حديث شريف مررت به .. أو لفتة إيمانية أو إنسانية أثرت بك .. وكلما وجدت نفسك من الخطر تقتربين .. أمسكي لبرهة عن الكــلام .. ثم عــودي .. !! *** موفقة يارب |
اختي انا ما اقولك الا خليك كتومه ولا تقولينلهم شي عن حياتك ابد بيني انك اسعد وحده بالدنيا
اذا كنتي في اجتماع مع اهل زوجك تكلمي بالموضيع العامه او اسكتي يكفيك انك تسولفين لصديقاتك واهلك على رحتك |
أختي الحبيبه
خليك زي ماانتي ولاتغيرين طباعك فهي قيمه ونادره ولكن عليك الصبر من ناحية اهل زوجك وتجنبهم وماعليك من كلامهم لايزود ولاينقص |
اصعب شي تغيرين من طبعك ..واحمدي ربك طبعك حلو مو شين خليك على طبيعتك بس بدون ماتضرين نفسك قدامهم
انا عندي مشكلة الحساسيه الزاااااااااااااااااااااااااااااااااااااااايده الله يعين والله لو بندقق فانفسنا كااااااااااااااااااان متنا من زمان |
عبير الاحلام...ماشا الله احسك عااااااااااااااااااااااقله
|
سيبى نفسك على طبيعت مع الناس اللى متعرفهومش بس متقوليش كل اللى بقلبك خاصة اذا كان شيء يخص بيتك وعلاقتك بزوجك واسرار زوجك الى ان يثبت لك ان شخص دون المستوى تعاملى معه بحدود كانك اول مرة ترينه...الله معك
|
السلام عليكم ورحمة الله
خلي همك رضا ربك الله يجعلنا واياكم من المذكورين بالخير |
حبيبتي انا كنت مثلك وزياده شوي كمان ... حاولت وما في فايده بعدين نصحتي اختي اعد للعشره قبل ما احكي شي وفعلا نفعت معي مش دايما بعد بس غالبا
بمعنى اصح صرت احسب كلامي قبل ما اتكلم ربي وعلى فكره بكون كتير احسن اذا صرتي كتومه لانه الناس هذي الايام مابينفع تكوني طيبه وتحكي كل شي. |
be your self
|
حبيبتي بالعكس طبعج وااااايد حلو بس الناس اللي تشوفينهم مايتقبلون هالشي سكتي عنهم وبس قعدي وابتسمي وبتشوفينهم هم بأنفسهم بيشتاقون اعفويتج وطيبتج وبيسؤلووونج وين العفويه الحلوه d:
|
| الساعة الآن 12:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©