|
لا تعجبني طريقة اخواتي في اختيار العروس
السلام عليكم
ها انا اكتب من جديد وابحث عن زوجه ... وكما تعلمون عن فشل خطبتي السابقه قبل ايام .. الان انا في حيرة من امري بصراحه البحث صعب جدا . لي سنه وانا ادور ولم يكتب لي خواتي الان يدورن لي ولكن طريقتهم لم تعجبني , في الحقيقه امس جت اختي وقالت لي لقيت لك 3 بنات ؟ انا زعلت عليها وقلت مايصير هالكلام لاتجيني وتقولين لقيت 3 بنات روحي انتي دوري لي واسالي عنهم ولما تتاكدين تعالي وعطيني المعلومات اللي قدرتي تحصلينه - اليوم جت وقالت لقيت وحده جديده ؟؟ تقول جميله من اجمل البنات .. انا زعلت عليها وقلت مهب سياره كل شوي تجين وتقولين لي .. لا والطامه الكبرى انها جت وقالت من اجمل .. يعني انا الان هدفي في الزواج راح يضيع لان النيه رايحه للجمال بشكل اساسي .. وانا بصراحه يهمني الجمال ولكن الاخلاق والهدوء عندي اهم .. المهم ابسالكم اخواتي في نجد شلون تبحثون عن زوجات لاخوانكم .. لاني بصراحه طريقة خواتي ماعجبتني وانا خايف بصراحه من الفشل مره ثانيه .. بصراحه ماعرفت اعبر لاني كتبت قبل شوي كلام ويوم جيت اثبته انمسح ورحت اكتب من جديد ## اخوكم/ مشـــاعر مهملـهـ ــــــــــــــــــــــ تم تعديل العنوان ليتناسب مع المضمون / البتول |
اخوي خلي اخواتك يدورون لك على بنت الحلال لا بأس في ذلك
لكن اخوي قل لأخواتك لا تحدثوني بهذه الطريقة اذا لقيتوا بنات اسألن عنهن عند النساء والعائلات المحترمة وعند صديقاتهن ومعارفهن حتى يتأكدن من الدين اولا ثم الاخلاق ثم الجمال حتى اذا تأكدن من هذه الأمور فاتحنك بالموضوع انت بعد اسأل الرجال الصالحين الطيبين من معارفك واصدقاءك هل يعرفون بنات في سن الزواج ومن عائلات محترمة ومتربيات اذا وجدت دع الوالدة او خواتك يسألن عن البنت وأهلها وتربيتها وعليك بالدعاء ..........ولا تيأس فأنا والله أعرف شباب صار لهم سنتين يدورون بنات وللحين ما تم لهم المر خاصة من يبحث عن مواصفات خاصة ........ولا عيب في ذلك . وفقك الله . |
أخي..
أشوف إن مب عيب يشوفون لك كم وحدة ويقولون لك عن مواصفات كل وحدة فيهم وإنت تشوف الانسب لك.. وإذا جاتك أختك تقول لك لقيت لك وحدة حلوة .. قول لها اشلون أخلاقها.. مافي داعي تتضايق لأنهم تكلموا عن جمالها.. لا تكون حساس وايد وخذ الأمور ببساطة.. وإنسى سالفة الخطبة اللي راحت.. بالتوفيق.. |
اخوي العزيز
انت لا تحاول تددق بالكلام كثير وخذ الموضوع بسهاله ..لانك تقول سنة وانت تدور ..!!! اعتقد انك معقدها كثير .. اخوي .. لما تجيك اختك وتقولك حصلنا لك بنت كويسه ..او حلوه ..اسالها عن الاشياء اللي تهمك ..وهي راح تجاوبك .. واسالها عن الاشياء اللي تبيها ..وهي راح تسال وتبحث لك عنها ..!! مدري ..انت كيف تبي يعطونك المعلومات ؟؟؟ هل يكتبونها لك في ورقة ويقدمونها لك بمعروض مثلا !!! حاول قدر الامكان انك تكون سلس شوي وتكون اكثر اريحية .. انت اسال وحدد لهم الامور اللي تبيها .. |
شكرا نور على التعليق والنصيحه
اخت بحرينيه انتي واخوي عبدالرحمن .. تدرون وش المشكله انهم يجون ويقولون عندنا لك 3 بناات اختر انا هالطريقه ماحبها وقلتلهم اني ماحبها بس يكررونها لاني مااحب اتشتت افكاري افكر بهذي واقول لالا هذيك احسن .. فهمتو وش مشكلتي ... الله يجزاكم خير وانا بتبع نصيحتكم اني اكون سلس واهدأ شوي واخذ من كلامهم اللي ابيه واللي ماابيه اقولهم اوكي مشكورين ومن بكره بتبع الكلام اللي قلتوه ,, مع السلامه |
ذكرتني بواحد من اخواني.. مرة قلت له لقيت بنتين وقلت له عن مواصفاتهم كلهم
قال تصدقين ياشوبارد كنك جايبة علبتين بيبسي وتقولين اختار:d لكني جلست معه جلسة وقلت له قلي بالتفصيل الممل اللي تتمناها.. والله اني اذكر شفنا وحدة مرة حلوة وخلوقة واهلها ماعليهم لكن حسيت انها ماتناسبه لأني درست أفكاره وعرفت مقصده واتذكر مرة شاف وحدة وانهبل من جمالها بس قال مابغاها!! يقول احس بصخرة على صدري يوم شفتها مارتحت لها والحين تزوج وحدة جميلة لكنها اقل جمال من الأولى وطاير فيها ماشالله .. تخيل يوم شفناها امي ماعجبتها مرة ولاارتاحت لاهلها وتركناهم فترة طويلة ورحنا لكم بيت ثاني.. لكن مازالت في بالي وحسيتها المناسبة واقنعته وراح وخطبها وتزوجو والحين بشهر العسل عسى الله يوفقه يعني انت اشرح بالتفصيل لأخواتك ثم خلهم يشوفون البيت اذا كان يهمك بيئة البنت مثلا وتوكل على الله موفق أخوي |
اقتباس:
عقال شوبــــــــارد يارب :14: أخوي بالنسبة للمشكلة فــ ... اقترح لو تحدد لخواتك : 1. .................... 2. .................... 3. .................... الأشيا الللي تريدها في زوجتك وكيفية البحث بما إنك تضايقت من طريقتهم ، وخذ الموضوع بجدية أكبر :) ، واطلب منهم إن غير هالطريقة ما أريد كي لا تتشتت . http://www.66n.com/forums/images/icons/icon7.gif و الله ييسر لك ، بس حاول ما تضغط على أعصابك لتسهل عملية البحث ، خذ الموضوع ببساطة وإن شاء الله بتسهل أمورك . :22: تحياتي لك ، إختك : خلك إيجـــــــــابي ! |
شو بارد ,, الله يوفق اخوك ويسعده اللهم امين
وانتي الله يوفقك ويزوجك الزوج الصالح اللي تتمنيه خلك ايجابي.. نعم انا من غدا سوف اناقش اخواتي بالراحه .. وراح اخبركم بما سوف يحدثـ ادعـــو لي الله يخليكم .. تصبحون على خيــر |
اقتباس:
هذا اللي يقصده اخوي .......... يبي خواته يدرسون افكاره وشنو يبي بالضبط :24: :24: الله يعينك اخوي ........ صراحة انا اكره سالفة العرض والطلب |
مرحبــــــــــــــــــــــــــــــــــــــــــــــ ا:17:
اخوي مشاعر مهملة,,, لو اني من بلدكم كان حكيتلك كيف نختار العرايس,, بس احنا بنعتمد على العريس بالاغلب هو بختار البنت ولما تعجبو بيحكيلنا واحنا بنباركلهم الزواج:14: سنة بحالها بتدور؟؟؟؟؟؟ والله البنات الامامير بالسعودية كتار وحلوين,, لا تخاف راح تلقاها ان شاء الله الله يوفقك,,, بعدين يا خوي طريقة خواتك مو غلط:25: هيك العادات انو الاخوات يشوفو البنت ويحكو للعريس اذا عجبتو او لا:28: وان شاء الله خير |
أخوي قول حج خواتك مواصفات البنت اللي تباها ولو جابولك كذا بنت قبل لتشوف صورهم قول لهم من أكثر وحده فيهم (الصفه اللي إنت أكثر شي تتمناها بفارسة الأحلام) وشوفها لو عجبتك على بركة الله لو ما عجبتك شوف غيرها مع العلم إنه كلهم فيهم مواصفات الفتاة اللي في بالك بس فيه درجات
أتمنى تكون فهمت علي |
اخت دلع
ماعندنا شي اسمه صوور .. شكرا لمرورك الكريم |
اقتباس:
ليه ماتقعد مع خواتك وتشرح لهم وجهة نظرك ؟؟؟ او تخليهم يدشون وياك المنتدى ويقرون موضوعك .. ويستفيدون من الحلول المكتوبة ..يمكن توصلون لنقطة تلاقي |
بسم الله الرحمن الرحيم
أخوى العزيز شوف الموصفات الي أنت تبيه في الزوجه المستقبل :25: وبعدين قارنه مع موصفاتك (مثال )أذأنت عصبي فلا تختار وحده عصبيه مثلك سؤال ليه ميكون الزواج من أقاربك مثل أنت تعرفهم وتعرف بناتهم ؟ أو صديقات خواتك أذكان ينطبق عليهم الموصافات :27: لأن عندنا الغالب البنات يزوجوان اخوانهم من صدقاتهم لأنه تعرفه وتعرف أخلاقه:11: |
بن محمد .. وش دعوه مافيه طريقه غير هذي ؟
ام شذى .. بصراحه قريبات ماحب .. لكن صديقات اختي كلهم عندهم خوات اكبر منهم ماتزوجو.. مشكورين عالمرور |
والله يالغالي نفس المشكله.........
لدرجة احيانا (على قولة اخوي(تتمنى انك تصير شامي.....(ههههههه متأثر بستار اكاديمي)....على الاقل تشوف كل البنات اللي يقربون لك وتشوف اللي تناسبك.... كيفما كان.....مدري ليه مااداني سالفة الخطبه وشافولي وقالولي...... بس طال الزمن والا قصر راح تتزوج.........ولابد انك تمر بهالمرحله.... الله يعيننا بس.....والله خوفتني من المستقبل.....خصوصا وانه في شي مهم..لو كل الناس اتفقوا على هالبنت انها حلوه معناته انعدم الذووووق وقصدي....يمكن اختك تشوفها حلوه امك لااااا.جدتك تشوفها حلوه.....خالتك لاااااا فالعمليه نسبيه......وانا برايي وبما انك طلبت المشوره واعتبرني اخوك الصغير...مدري عاد انا ولا انت اكبر....المهم انك تتجه في بحثك الميداني (حشا داخل حرب الاخ هههههه) عن طريق خواتك عن الدين اولا والاخلاق ثانيا وبذالك تكون حققت 65% من طلبك ال35% الباقيه بنظري هي الجمال وهذي تعتمد عليك اثناء النظره الشرعيه.... اخوي مشكلتك محلوله تخلص من التردد واستخير ...وانشالله تتوفق.... كثير من اصدقائي كانوا يقولون يافلان دايما كنا نرسم للبنت اللي راح نتزوجها صور مثاليه بجمالها(وانا هنا اتكلم عن الجمال فقط) يقولون سبحان اثناء النظره الشرعيه...تصير هالبنت في عيني اجمل ماخلق الله على سطح الارض.. ويصير ااتلاف مو طبيعي......ياخيي الالفه اهم شي....وفي حديث للرسول صلى الله عليه وسلم بما معناه...انه النظره الشرعيه يصير فيها تالف للقلوب..... واخوي بعد نصيحه...بعد طالع وجهك قدام المرايه قبل النظره الشرعيه وشوف شكلك شلون..... اذا كنت حلو لك حق ترفع مقاييس الجمال.....واذا كنت وسط لازم تتنازل شوي....واذا كنت عادي..فاقبل بالعاديه ياخيي وحسبي انك وسيم..هههههههههههه |
اخوي لورنس هههههههههههههههههههههههههههههه
حقيقة ونستني باسلوبك الحلوووووووووووو والله انا ماخذ الامور بصعوبه مادري ليش .. يمكنك ماتدري .؟ ايه ماتدري اني فشلت في خطبتي السابقه بعد الموافقه من الجهتين .. ويمكني هالمره متخوف وحاط الحره بهالطريقه ..00 -- فيه كلام جديد-- اليوم دقو الاهل على جماعه يبي يخطبون لي بنتهم .. ردت الام وقالت البنت عليها كلام الان واللي خاطبها مابعد شفناه ولا شافها انو مسافر ,, وقالو كانكم تبي تصبروون اصبرو ودقو بعد خمسة ايام .. انا والله قلت لاهلي انتم دبروو اللي تبوون ,,,,.,. وشرايكم - ؟ اصبر ولا اندور غيرها .؟ |
وفقك الله اخي الفاضل
ورزقك الزوجة الصالحة الطيبه الحنونه اخي ضع لاخواتك مجموعة من النقاط تسهل عليهم عملية البحث, نقاط لا تتعلق بالناحاية الجمالية, الجمال اتركه لهم لانه اكيد ماشاء الله عرضوها لفحص شامل وقبل كل هذا تفااااااااااائل لانك باذن الله راح تلاقي الي تناسبك عاجلا غير اجل ماراح تاخذ اقل او اكثر من نصيبك لكن انت ساعد خواتك كان تحدد لهم عائلة معينة , عمر معين ومع توضيح اهمية بعض الشروط عن بعضها والله يوفقك وقريب نبارك لك |
الله يوفقك يارب عموما انت مارح تخذ الا نصيبك اصبر يمكن نصيبك معها على العموم زي ما قلولك الاخون قلهم وجه نظرك وش تحب وش تكره
ان شاءلله تلقي الزوجه الطيوبه الي تستهلك |
اخي الكريم أرى ان تطلب من خواتك ان ينتبهن لنقاط مهمه منها:
هل لباس البنت محتشم.....وكيف لبسها للعبائه.....ومن حضر معها للفرح او لزياره ام حضرة بمفردها .....هل هي اجتماعيه تتكلم مع من حولها ام انها صامته...وهل ذهبت مع سائق ام انها مع محرمها هذه كلها نقاط توضح لك جانب كبير من شخصية العروس وممكن ان تطلب من واحده من اخواتك ان اذا وجدوا عروس مناسبه ان تتقرب منها وتسألها عن اي شيء لتعرف اكثر عليها ........ اسأل الله الكريم ان يقر عينك بزوجه صالحه .... .................حمــــــــــــــــــــ طيبه الطيبه ــــــــــــــــــــــــــــــــــــــــــــــــام ة |
اقتباس:
اعتقد انه هذي افضل طريقة يمكن من ردود الاخوات الفاضلات .. طبعا انت وخواتك جالسين مقابل الجهاز وتناقشون كل رد يكتبونه الاعضاء يمكن توصلون لفكرة معينة تجاه هالمووضوع يعني السلسلة كالتالي الاراء في المنتدى + اختيار مشاعر مهملة + اختيار خواته = ان شاء الله بنت تحقق احلامك............:d :d |
ان شاءلله تلقي الزوجه الصالحه
امين |
طيب اخي يعني قول لخواتك انو انت بدك الاخلاق والهدوء بعدين بهمك الجمال !!
وعندي فكره ثانيه اذا خواتك عندهن صاحبات مربايين وحلوين لي لا ؟ يعني البنت بتعرف صاحبتها اكثر من باقي البنات او بنات حارتك بنت اهلك بعرفوها وخواتك بعدين سنه بدور على عروس هاي مصيبه الوحد شهر شهرين 3 يا سيدي خليها 4 اشهر اخرتك بتخطب اما سنه حرام اتوكل على الله وان شاء الله تلاقي البنت الي تناسبك يا رب |
تركــي يارب نشوفك عريــــــس:14:
عين- شكرا على الرد .. |
ذكرتني يا خوي لمن جوا يخطبون لواحد من اهلنا
والله اذكر كانوا يفصفصوله البنت من فوق لي تحت والله يا ريت لو كنت اقدر اساعدك لكن ما صدف ومريت بهالموقف الله يهدي بالك |
اخووووي خلي بالك طووويل اخو زوجي خطبناله اكثر من 20 بنت وما صار نصيب مع ان الرجل ما عليه كلام بس النصيب بعده ما يه ...
ان شااء الله تتوفق في بنت الحلال |
عذوووب
وبحر الاحزان عسى ايامكم كلها افراح مشكورين على المرور ... والله يوفقنا اجمعين |
انا بعد متبهدل عالاخررررررررر بالدواره ماحصلت لي سنتين ادور مالقيت حد...........
ومليت والله تعبت ادعولي الله يعينك ياخوي مشكلتك مثلي بالضبط |
مو بنات صارو تلفزيون تروحون تتفرجون والاحلى تختارونها
من جد المشكله انها تصير من الخوات وهم مايرضون على انفسهم شوف يا اخوي انا اعرف لك وحده كانت تروح بيتين في اليوم يعني تشوف بنتين عشان اخوها في اليوم واقولها انتي مو جالسه تدورين فستان تشوفين الاحلى المهم اخوي انا اقولك اولا قول لاخواتك لايجلسون يجمعون بنات خلق الله ويتفرجون عليهم لا اذا سمعو عن بنات يختارون انسب وحده لك من خلال الوصف اللي سمعوه بعدين لايروحون كلهم يشوفون البنت لان صدقني كل وحده بتطلع لها عيب خل بالكثير ثنتين بس يعني امك ووحده من خواتك وقولهم مو مهم تعجبكم اهم شي نفس مواصفاتي اذا اوكي استخير وروح شوفها رؤيه شرعيه واذا ارتحت الله يتمم لك على خير وصدقني ترى اللي يتفرجون ويتنقون بين البنات هم اللي يتأخرون مايتزوجون واكثر اللي اعرفهم كذا والخوات الله يهديهم يدورون وحده تعجبهم ماتعجب اخوهم انت سو اللي قلت لك وان شاءالله ربي يتمم لك اهم شي لاتنسى تستخير |
اخي الكريم أرى ان تطلب من خواتك ان ينتبهن لنقاط مهمه منها:
هل لباس البنت محتشم.....وكيف لبسها للعبائه.....ومن حضر معها للفرح او لزياره ام حضرة بمفردها .....هل هي اجتماعيه تتكلم مع من حولها ام انها صامته...وهل ذهبت مع سائق ام انها مع محرمها هذه كلها نقاط توضح لك جانب كبير من شخصية العروس وممكن ان تطلب من واحده من اخواتك ان اذا وجدوا عروس مناسبه ان تتقرب منها وتسألها عن اي شيء لتعرف اكثر عليها ........ أنا الصراحه مع اختي حمامه طيبه وفيه طريقه اخرى ما ذكروها الاعضاء هي انك تدور بين خوات اصحابك جيران وصدقني نصيبك جاي لا يضيق صدرك والله يوفقك ان شاء الله |
اخوي ضاحي اشكرك على المرور وان شاء الله سوف تفرج قريباااااا
glitter شكرا لتعليقك سمانجد كلام حلووو وبصراحه شي .. بس ترى صعبه اقدر اجيب هالمعلومات ومحد يقدر يجيبها كلها .. هذولي تكنشفها بعد الزواج يمكن .. دعواتكم لي جزاكم الله خير |
الله يكون بعونك
انا صديقتي خطبوها اكثر من 15 واحد وكل واحد تطلع له سبب للرفض احيانا يكون السبب تافه وتعبتنا معها كل شهر يجي واحد والحمدلله الحين تزوجت وعقبالك ان شاء الله |
اقتباس:
سنتين بس اعرف ((واحد )) له اربع سنين وهو يطارد ولكن مالله كتب له نصيب الله يعين العزوبية |
اللي ابغى اعرفه ليه كلكم تتحججون بأنكم مالقيتم مواصفاتكم
على فكره البنات تارسات البلد وفيها مواصفاتك وزود اهم شي استخير وربي يقدم اللي فيه الخير |
| الساعة الآن 06:51 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©