|
أصبحت ام.. لمدة يوم واحد!!
خالد ولد أخوي عمره 3سنوات.. شقي خفيف دمه.. بس يضحك ويلعب ويخرب ويضحك أحبه وأموت فيه احب ينام معاي في غرفتي اشتري له شوكلاته وحلويات واعطيه ادلعه كثيير.
مايخفى عليكم كل وحدة تتمنى تكون ام وتحس بالأمومة.. مادري ليه احس بهالشي معاه يمكن لأنه بعد يحبني ويحب يلجأ لي بأشياء كثير. اذا جا بيتنا مالقاني يزعج امه ويدق علي يقول وين رهتي أنا ديت ( وين رحتي انا جيت ) مرة كان بينوم عندي قال عمتي قولي قصة.. قلت : قل ماما قولي قصة قال : انت ماما؟؟ انت أمتي ( عمتي ) واحوسه يمين يسار ابغاه ينطقها مافيه فايدة قلت شرايك نلعب انت اسمك عبدالله وانا امك قلي ماما قولي قصة..قال حطأ أنت أمتي ماما في البيت ( خطأ انت عمتي وماما في البيت ) عصبت انا قلت اقول غمض عيونك وقل بسم الله واسكت مافيه قصة. قال ماما قولي قصة << ياحلو هالكلمة ياناس طلعنا لمنتزه وانا في السيارة اقول لنفسي شرايك ياشوبارد تتخيلين انك ام وهذا ولدك.. اول ماحطينا أغراضنا مسكت يده وقلت يله نتمشى وحاولت ابعد عن اخواتي وبنات أخوي وصرت انا وياه لحالنا دخلت جو أني امه وهو ولدي :25: امشي معه ومرت من عندنا وحدة تناظرني انا وياه قلت بنفسي اكيد تقول ياملح ولدها!! << أدري ماجابت خبري بس خلاص انا دخلت جو اكلنا ايس كريم .. مسحت فمه مسحت يدينه وانا مستمتعة اضحك انا وياه ادغدغه وامزح معه وكل شوي اقول مبسوط يابابا وهو يتريق علي يقول انت تقولين بابا ههههههههه ركبته لعبة وجلست اناظره وأأشر له بيدي وهو يأشر علي مبسوط ويقول اللأبه هلوه ( اللعبة حلوة ) رفعت عيوني لقيت واحد مركب اخوه او ولده قلت لو هذا زوجي اروح اوقف بجنبه ونعلق على ولدنا ونفرح ان ولدنا بينا ويلعب مبسوط بدون شعور صارت عيوني على هالرجل وبس بدون اي سبب الا انه قبالي!! فجأة حسيت انه منتبه وبنفس الوقت خلصت اللعبة خفت يفهمني غلط شلت خالد وعلى طول مشينا.. ركبنا قارب وبوسط المويه فيه نافورة اروح امر من عندها عشان تجي المويه على وجهه ونضحك وننبسط والله من جد حسيت اني ام!! كل شوي يمسكني ومرة يخاف ومرة يضحك ومرة يحضني ياااااااه ماأحلاه من شعور اقول خلودي تعبت أشيلك؟.. ناظرني بزعل قال انا ردال في العيد لبسيت سوب وسماغ لاتسيليني انا كبيل ( انا رجال في العيد لبست ثوب وشماغ لاتشيليني انا كبير) دخلنا عالم الثلج.. لبسته جاكيت ولبسته بوت.. دخلنا شاف الثلج وخاف وصار يتمسك فيني ويقول انا حايف قلت لاتخاف بخليك تجلس علي ونلعب مع بعض.. وصرنا نتزلج وهو يصارخ من الفرحة ومرة يخاف ومرة يحضني بقوة وانا طااااايرة من الفرحة حسيت انه بردان طلعته برا شوي واشوف خشمه احمر ويدينه ترجف جيت عند الموظفة قلت ولدي مرة بردان<< خفت وانا اقولها احس اتنفس بسرعة بس تصدقون حلوة بعد قالت تبغين قفازات؟ واخذها والبسه ونرجع نلعب مرة ثانية.. بأحد المرات قبل ماتنزلج وحدة جنبي قالت ياملحه الولد اللي معك شكله خفييف دم اخوك؟ قلت ولدي قالت معقول والله شكلك بنت ماتزوجتي قلت صدق ياليت زوجي يسمعك هههههههههه طلعنا رحنا نشرب قهوة تدفينا.. اقوله خلودي مبسوط ياحلوك وانت قدامي علمني شسوي فيك احبك انا قال انا احبك ويأشر بيديه على كبر السما.. كسيييييل احبك مسل السما ( كثير احبك مثل السما ) ركبته لعبة وبالصدفة كانت وحدة مركبة ولدها جنبي.. قالت ولدي غثيث من جينا وهو مايبي يلعب الا هذي اللعبة قلت انا لعبت مع ولدي << لازلت اخاف وانا اقولها لعبنا اللعبة الفلانية و ووووو التفت لمحت اخوي.. قلت خالد شف بابا هناك.. قالت الحرمة هذا زوجك؟ قلت ايه << موقصدي اكذب قاعدة اتخيل تراني قالت ياختي صغيرة عليه شكله بالأربعينات هذ؟ قلت أحسن عشان اتدلع عليه.. قالت بس احسك توك عليه شكله مره عاقل وثقل وانت احسك بنت خلصت اللعبة وخالد ركض لأبوه استأذنت منها ورحت قال اخوي هاه خالد من قدك تمشي مع عمتك شوبارد << انفضحت :d قال تعالو اهلي كلهم يبغون يركبون القطار ويبغونكم معاهم.. رحنا شاف امه فلت من يدي وركض على امه يووووووه حسيت بشعور غريب كان ماسك يدي بقوة لدرجة اذا مسكته على خفيف يضغط على يدي ويقول كووة ( قوة ) اقول خالد يالخاين تعال.. قال ابي ماما << خنقتني العبرة جلسنا في القطار اقول اجلس جنبي بيني وبين امك قال لا << نسى معروفي كله جلس بحضن امه ويمسك خدودها ويبي يشيل غطاها اشتاق لها الظاهر وصار يسولف عليها عمتي شوبارد لعبتني وعمتي سوت لي ووووو وانا خلاص ودي ابكي اقول بنفسي لو هذا وولدك ياشوبارد سوا لك كذا!! اتمنى يجي ويركض لي اتمنى من نفسه يمسك يدي!! امه تقول.. خالد قل شكرا عمتي جعلك تلعبين عيالك وهو يتلصق بأمه !! نزلنا من القطار مسك يد امه قال نروه نلئب ( نروح نلعب ) قالت لا بروح اجلس ركض ومسك يدي قال ابي ألئب ( العب ) << صايرة الفضلة انا ا:19: :19: بصراحــــة نفسي بطفل يملا حياتي.. دايم احس بهالإحساس مع خالد ليه ماأدري!! |
حبيبتى والله انك شو حنون مش شو بارد الله يطعمك ولا يحرمك من زوج مخلص ويخاف الله انتى وكل من يتمنى والله انه ما فى احلى من الاولاد فى الدنيا انا لما العب مع بناتى احس انى رجعت طفلة ضغيرة
يارب يارب لاتحرم كل من يتمنى الستر والزوج الصالح والذرية الصالحة يارب العالمين اجلا غير عاجل |
يا حبيبتي ياشوبارد..
دخلتي جو وصدقتي.. وقمتي تألفين قصة وتتخيلين زوجك ووو... الله يرزقج بزوج وتجيبين منه درزن عيال.. موضوعج حلو وممتع وفعلا خلاني أحس باحساسج.. |
شوبارد يا روح قلبي إنتي...
الله يسعد قلبك ويعطيك كل إل تبينه كثييير عشت هللحظاات مع ولد أختي..عورتي قلبي يا عمري.. إن شاء الله يجي مثل هالوقت من السنة الجاية وطفلك عندك وبجمبك.. تدرين... كانت في مشاحنات بين أختي وبين زوجها أول ما ولدت (نفسيتها كانت تعبانة) وخلت حبيب قلبي ولدها أغلب وقته معي لدرجة ما يحب غيري وكان يحسبني أمه .. إحساس يجنن موت يحليلك .. بس مغامرات أشوف ... يا زينك.. الله يسعدك ويرزقك الزوج الصالح والذرية الصالحة التي تسعد أيامك يارب... |
آآآآآآآآآآآآآه ياشوبارد
انت يوم فما بالك أم لطفلين لمدة اربعين يوم مافي لا امهم ولاابوهم كنت انا وامي وولدين اختي يناموا _ياكلوا_ يلعبوا_ يتحمموا_ اغسلهم طول الوقت معاهم كانت من اجمل ايام حياتي 40 يوم وطبعا جا ولد اختي الكبير اخذهم وسافروا جده واول زياره لهم رحت المطار استقبلهم والله العظيم اول مره اصرح بهذا الموضوع يوم شوفتهم من بين الزجاج والله رجولي ماشالتني كأني طايره صرت ابكي بوسط المطار والرجال يطالعوا فيني والعيال يأشروا لي من بعيد وانا مطنشه الرجال ماكأني شايفتهم احس اني لوحدي معاهم في المطار وهم يأشروا من هنا وانا أأشر من هنا ولما ضميتهم وشميت ريحتهم ردت روح لي آآه ذكرتيني ودموعي تنزل الله يبغلنا ولايحرمنا وفعلا هذا لهم سنتين الي يومك هذا اذا جوا عندنا من جده وطلبوا شي من امهم يطالعوا فيني >>>>>>>>انت موافقه يارب ياشوبارت يوعدنا ولايحرمنا يارب ياحي ياقوم برحمتك ارحمنا ونولنا مرادنا اللهم هؤلاء اخوتي واحبتي فيك يالله فرج همهم ونولهم مرادهم وسخرلهم اشفيهم واشفي مرضاهم وارحمهم وارحم موتاهم وارزقني وارزق اخواني واخواتي الذين احببتهم فيك يالله الأزواج الصالحين بعزتك وجلالك ياأرحم الراحمين اللهم اجرنا في مصيبتنا وأخلف لنا خيرا منها استودعتك الله ربي يشرح صدرك ويسخرلك الزوج الصالح الهين اللين الدين الحليم الكريم عاجلا غير آجا لاتنسوني من دعواتكم اختكم في الله |
ذكرتيني في صديقتي تعدت الثلاثين من عمرها اتصلت فيني وهي تشهق من الصياح
طبعا أخواتها وإخوانها الأصغر منها تزوجوا فضفضت لي وقالت نفسي أجيب ولد واحد بس يقول لي ماما تقول أبي اتزوج أي حد المهم أحمل بعدين يطلقني يروح عني مو مهم المهم يكون عندي طفل تقول مسكت بنت أختي ودخلت الغرفة ألعبها ومن غير قصد حضنتها بقوة وأبكي بكل ما فيني تقول يا الذئبة بظل طول حياتي وحيدة وأنا اعطيها أمل وأحاول أهديها وهي تبكي والله بكائها يبكي الحجر والله قطعت قلبي ما قدرت أمسك نفسي من البكي يارب يا كريم يا رحيم يا قدير ياااااارب يرزقها ويرزقك ويرزق كل بنت في المنتدى الزوج الصالح والذرية الصالحة عاجلا غير آجل برحمته |
اختى الغاليه شوبارد
عسى الله ان يرزقك بالزوج الذى يسعد قلبك ويوفقك اختى الحبيه لمعلوماتك الامومه شيىء متعب جددددددددددددددددددددددددا عندك مثلا ابنتى تسهر لساعه متاخره فى الليل وعلى على بالها:25: وانا بكون بطق وعايزه اناااااااااااااااااااااااااااااااااااااااااااااااا اااااااااااااااااااااااااااااااااااام:23: وطول النهار تعيط وتزن ومش عاجبها اى حاجه:( وساعات بتضربنى كمان:29: لو منفزتلهاش اللى فى دماغها واعتدت على سارينة المطافى اللى هى مركباها فى زورها:30: ولازم عند النوم لها طقوس محدده:15: الهدوء التااااااااااااااااااااااااااااااااااااااااااااااا ااام ولازم افضل نايمه جنبها:( وكله كوووووووم ورغباتها فى الكل لازم تاكل اللى على مزاجها:26: وبعد ده كلللللللللللللللله بتقول لامى (اللى المفروض انها جدتها) يا مااااااااااااامااااااااااااااااااا:15: :15: حبيت اذكرلك سلبيات الامر وان شاء الله نشيل ابنك قريب يا شوبارد:15: :15: |
أختى شوبارد
لاحقه على خير اللي يسمعك يقول عمرك 45 سنه ، بكرا تطفشين منهم الله يصلحهم وتقولى يانا قبل الزواج مادريت انى مبسوطه 0 الله يرزقك الزوج والأبناء الصالحين عاجلا غير آجل وجميع الأخوات 0 تقديري لك |
شوبـــــــــارد ياحبي لك
ربي يسعدك ويحققلك مناكي ياااااااااااااارب ويرزقك بالانسان الا يستاهلك حياتى .. فعلا شعور الامومه حلو .. بس كل تاخيره فيها خير ة حياتى ويارب ربي يعطيكى المال والبنون والزوج الحنون يااااااااااااااااااااااارب ربي يوفقك ياقلبي ونشوفك احلى عرووووووووووس في العالم انتى وكل الهضوات الحلوات يارب <<<<<< وانا معاكم يارب ههههههههه بالتوفيق ياغاليه بتول |
حياتي يارب يسعدك وتتزوجي وتجيبيلنا كتكوت زي العسل يارب
|
:29: شوبااااااااااااااااااااااااااااااااااااااااااااااا ااارد:29:
آه ثم آه ثم آه ذكرتينني بالذي مضى.. أولاد أختي يعشقوني لدرجة بنت أختي تقوم من الأكل وتتلصق في وتبوسني.. وهي تجنن أحلى ما خلق ربي من البنات.. وطبعا أختي تعصب تقلها قومي أمك ما تسويلها كذا.. وأعتبرهم مثل أولادي وكل المواقف اللي صارتلك عدت عليه.. ومع ولد صحبتي وبنت أخويه,, بس إنت زودتيها شوي :25: بس حلوة الحركة حقت قول ماما عجبتني :d أنا كلههم حسيت إني خالتهم بس آخر واحد لمن جات عندنا في الحج كان عمره 9 شهور يجنن ما شاء الله عليه.. تخيلي أول كلمة يقولها اسمي :17: حسيت أمه حقدت عليه.. يمكن عشان سامع أخوانه طول ما همه صاحين لاصقين فيه وأأنا على قلبي زي العسل.. متي قالها.. مرة كنا معزومين و مغطيه وجهي.. فجأة أسمع اسمي.. ويدور براصه وهو 9 شهور.. ما تتخيلي كيف قلبي صار :21: .. المهم الله يحفظهم ويخليهم لأهلهم.. وولدها الكبير لمن ودعني في المطار حضني ويقلي بالإنجليزي أنا راح أعتز بكل اللحظات.. الله يهدي امهم بس متى تعقل ما أدري.. :29: شوبارد :29: لا عاد تكتبي مواضيع تمرض.. خلاص قررت أعتزل المنتدى من هذي المواضيع.. من جد ترى.. :30: وبابا كل يوم يعطيني محاضرة.. يقلي إنت ما يليقلك تشتكي إنت تحلي مشاكل.. اتركي اللي بتسويه وسوي شي يفيدك.. :11: بس ما أدري ليه في أمهات ما يعرفوا قيمة اللي عندهم.. ويعاملوا أطفالهم كأنهم عالة عليهم وتورطوا فيهم !! :11: الله يسامحك بس.. بسببك راح أغيب عن المنتدى. |
السلام عليكم ورحمة الله وبركاته
أول شيء أسأل الله العظيم يرزقنا وياك وبنات المسلمين وبنات المنتدى الأزواج الصالحين عاجلاً غير آجل
ثانياً : انتي غلطتي يوم قلتي للحريم انه ولدك وانتبهي تتعوديها تقوليها وانتي ماتزوجتي عارفه ليييييييييييه ؟؟؟؟؟ أنا أقول لك ليه ممكن تصكي نصيبك انتي ما تعرفي متى وكيف يجيك النصيب ؟؟ كثير بنات انخطبوا بطرق غريبة لأنه نصيبهم جا بهاي الطرق يعني أقول لك على وحدة من صاحباتنا يوم غمرة أختها كانت خارجه وشافها واحد وهي متنقبة ما على بالها فيه أحد لأنها لو عرفت كان تغطت ...... المهم راح لأخته قال أخطبي لي اللي لابسه نظارة ..... راحت لها وقالت : أخوي يقول يبغى يتزوجك قالت لها أنا مستحيل آخذ واحد أصغر مني وأسأل الله العظيم ربي يرزقها باللي أفضل منه عاجلاً غير آجل وما بيدنا غير الدعاء ونرمي حملنا على الله هو خلقنا وهو متكفل فينا وتحياااااااااااااااااااتي |
السلام عليكم ورحمة الله وبركاته
غدا ترزقين بمثله وأحسن إن شاء الله بارك الله فيك ورزقك بأحسن مما تتمنين يارب. |
كسرتي خاطري بس تراك بعدك بنوته يا حلوك الأنسان ما يأخذالا نصيبه وانتي بعدها الحياة قدامك لا تتشائمي خلك متفائلة والله انك مبسوطه من العيال والرجال وغثاهم
أحترامي لك |
ginan
الله يخليك لبنتك ومشكورة عالدعوات بحرينية ولكن من ناحية الخيال عدي واغلطي :23: .. آميين ويارب يجي يوم وابشركم جاني ولد << انت تزوجي اول وتنحل ان شاءالله مخملية الإحساس هلا بك كاني فاقدتك امس.. وربي يرزقك بزوج طيب وذرية صالحة ..الا كم عمرك لمؤاخزة يعني؟ روح الغالي انا اخواني اذا بغو يسافرون يحطون عيالهم عندي ويروحون << فاتحة حضانة أحبهم كلهم بس خالد غير بسم الله عليه لوتشوفينه تنهبلين نشيط ولعاااب وكثيرة حركته الله يحفظه يعني اللي ضايق ويشوفه ينسى همه. وبعدين هذا تخيلت اني امه فعلا صرت اقول ولدي واقوله تعال يابابا هههههه الله يفرجها علينا جميعا الذئبة والله ماتنلام.. انا بصراحة اول أكره الأطفال بشكل ماهو طبيعي افففف منهم لما يبكون ولا لما يبغون الحمام الحين اموت بريحتهم الله لايحرمنا هالنعمة omfateeeema كل شي له سلبيات وايجابيات.. تخيلي حياتك بدونها الله لايحرمك منها.. خلليها تكبر شوي وتذوقين حلاوتها أخوي الكبير ماظنيت اخوي بقوله.. حياتي هذي طالت بصراحة ماصرت احس بطعمها كثير ودي تتغير بسرعة وعسى ربي يقبل دعوتك الله يجزاك خير.. بتول آميــــــــن من بؤك لباب السما lovely lulu ودي بكتكوتة بعد .. بس مابغى الا وحدة كرهت البنات اخاف ابتلش فيها مثل مابتلشو اهلي فيني!! Miss Hawaii الا انت لاتزعلي من كلامي.. مو قصدي احزنكم بس والله شعور حسيت فيه وكتبته خلاص توبة ماكتب شي.. بكبت اليين انفجر :29: بس لاتروحين ترانيم فاهمة قصدك وقد صارت معي.. ياشيخة خلاص طقت معي ياكثر هالمواضيع اللي تصير لي وربي مايكتب نصيب سنون ومنون وعليكم السلام.. امين الله يسمع منك لام الحنون طيب انا ودي اجرب هالغثا:25: لام احس من كلامك انك تعانين الله يسهل امورك كلها |
قلبتي المواجع انا اروح الصيدليه واقعد اطالع اكل الاطفال واختارحفايضهم الله يكرمك واطالع في انواع الاكل الي يسمن والي يفتح الشهيه والله ما ابالغ واسئل امي كيف اعطيه اكل وكيف اسويله
انا عندي بنت اختي تسميني ماما وما تناديني بغيره لان من عمرها ايام وهي معاي وتنام معاي حتى لما كبرت تبغى تناديني بسمي امها تقولها عيب هدي ماما وما تناديني بغيرها ومقدر اوصفلك شعوري كل الي يشوفني معاها يفكرها بنتي |
عسى الله يرزقك زوج وابناء وكل من تتمنى اللهم امين
|
الله يسامحك شوبارد قلبتى علية المواجع
والله ماناقصة اليوم كنت بعرس وبعدين صاحباتى كل واحدة عندها واحد او اثنين وانا الحمد لله حتى زوجى هرب يا حبيبتى ما تتخيلين مثل هذة الاشياء غلط على جهازك العصبى الصبر ثم الصبر وما تخلينا نتالم ثانى بعد الله معك ومعنا قادر يرزقنا خير الدنيا والاخرة انه ولى ذلك والقادر علىة تقبلى تحياتى |
ان شاءالله نفرح فيك قريب ياشوبارد
وتجيبين درزن عيال يملون عليك البيت بس لاتشيلين هم الزواج وتفكرين فيه كثير ترى بتشيبن من كثر تفكيرك با الزواج أنتي لسى صغنونه |
يا حلاوتك يا شوبارد.. والاطفااال يجننون وخصوصا لا صاارو اولااااد.. اموووت فيهم.. وان شااء الله تتزوجين واتجيبين كتااكيت حلوووين..^^ |
الله يصلحهم اذا بيتكم قريب برسلكم المدام مع العيال بيقولك عمتي خالتي اللي بدك انواع الاسماء بس ساعه باليوم بس كل يوم صدقيني انشالله بتتزوجين وبيرزقك الله واللي عند الله كثير دامك قلبك طيب الله يوفقك ويرزقك زوج صالح واولاد صالحين تحياتي |
اما انا اتمنى لك ومن كل قلبي تجيبيلنا كتكوتين مع بعض (توأم يعني)
ويومها بأذن الله راح اطبع لك موضوعك هذا وأهديك ياه,,, بشوف بس وش راح تكون ردة فعلك ههههههههههه حبيبتي اتمنى من العلي القدير ان يرزقك بالزوج الصالح اللي يستاهلك ( أكرر الي يستاهلك) شرط يكون يحب الاطفال زيك,, وتخلفو درزن ونضحك عليك وانت دايخة بينهم ولك أرق تحية على موضوعك الرقيق الي زيك |
الاحساس اللي في داخلك
أحمله في داخلي يكبر يوم بعد يوم تشدد قسوته يوم بعد يوم لكن رب العالمين مايضيع أحد قسماُ بربي موضوعك أبكاااااااااااااااااااااااااااااااااني ولامس الجرح اللي في داخلي أتمنى أتكلم أكثر لكن عجزت الله يرزقك الزوج الصالح اللي يعرف قدرك ويسعدك والذريه اللي تبر فيك ويرزقني الذريه الصالحه اللي تفرح عيني وتريحني ....................... |
بتصرين ام العمر كله ياشوبارد مو يوم واحد
الله كريم ماينسى احد كل تأخيره وفيها خيره .. والخير ماينعرف وينه فيه .. الله وحده اعلم بالصالح لعبده ... موفقه يارب |
اقتباس:
ههههههههه الله يرزقك يا شوبارد ما تمنيتي واحسن من ما منيتي |
ياااااااااااااااه ياشو باررررررررد
الامومه شيء جمممممممممممممممميل جدااااااا خاصه لما يقول ماما ويجي يحتمي فيك ويتمسك خخخخخخخخخ انا احيانا اروح مع ولد اخووووووي الصغير او ولد اختي واشيله طبعاا اسمي عليييييييييييييه لمكان في البيت مثلا مافي احد اتمشى انا ويااه بالسور ولما يحس انو خااااااايف يتمسك فيني بقوووووووووووووووووه وااااااو شعور جميل وانا احضنه بقووووووه ويكون مبسوووووط ياربي انك ترزقنا بذريه صالحه من ازواج صالحين واختي لما تكون عندنا بالاربعين اتصرف مع عيالها كانهم عيالي ماخذه بنفسي مقلب بس وربي هم يحبووووووووووووني مرررررررررررررررررره ويسمعون كلااااامي انا اعاااااااملهم بحنيه وامهم احيانا مالها خلقهم والله اني في الصبببببببباح اقومهم للمدرسه والبسهم ااااااااه بس حتى واحد منهم يتغلى علي ومايقوم بسرعه عشاني ادلعه باسمه لما اقوومه واقوله كلمات حلووووه الله يصلحك ياشوبارد ذكرتيني خلااااااااااااااااااص ودي انسىىىىىىى بس ما اقدر الله يكتب لنا ولك اللي فيه الخيررررررررررررررررررر اثرت شجوني حقيقة |
عزيزتي شوبارد قلبتي المواجع
والله انا مثلك اتمنى اتزوج بس عشان الاطفال تصدقين اذا صديقتي او قريبه لي ولدت انبسط عشان اروح اشتري لها هديه عشان ادخل محلات الاطفال اموت في ملابسهم واشيائهم خصوصا ان اصغر اخواني عمره 15 ولاعندي اخوان او اخوات متزوجات يعني ماعندنا اطفال لدرجة اموت باطفال وعيال عماتي تصدقين انهم يتهاوشون من يجلس جنبي في المناسبات يحبوني بشكل مو طبيعي لاني حنونه معهم ودائما اشتري لهم هدايا الله يرزقك ويرزقني ويرزق اخواتي الزوج الصالح والذريه الصالحه |
يابعد عمري ياشوبارد الله يرزقك بالزوج الصالح اللي يسعدك ويهنيك ولايحرمك الذرية الصالحة وأيانا وجميع المسلمات الاطفال يهبلون وخصوصا البنوتات يالبى قلوبهم موضوعك فيه شجن بغيت اصيح بس هونت :d تذكرت كلمة أمي عند الله خير وتفاءلت :17: ربي يسعدك ياشوبارد |
حلو موضوعك أقصد الفيلم (فيلم هندي ) هههههه
دخلتيني في جو معاك على فكرة أنا كنت زيك وإنتي أحسن كنت أبكي لمن أختي تشيل ولدها عني |
الله يرزقك بالزوج الصالح
|
ياه ياشوبارد
قلبتي المواجع والله مره رحت الملاهي وشفت واحد ووحده وعندهم بنوووووووووووته ماشاء الله تهبل ايش لبس وخفة دم وايش شقاوة يلعبوها مره في السيارات ومره في القطار ويوم تطلع بنتهم اللعبة يمسك الرجال يد زوجته ويكلمها ويضحكوا لبنتهم وهي تاشر لهم من بعيد تصدقين يومها ماشلت عيني من عليهم لدرجة انه الحرمة سارت تناظر بعين حمرررررررررررررر <<<<<< غيرانه من مني على بالها اتفرج في زوجها كنت زمان لما اروح لمكان عام اطلع واتفرج الحين مايلفت نظري غير الطفل وامه وابوه تدر ياشوبارد انا عندي 2 من خواني ولد برابع ابتدائي هذا ولدي حتى اتفقنا انا وياها لو ماتزوجت اصير امه يحبني يموت فيني , يوم جينا نتفق اقوله محمد لوماتزوجت وماسار عندي عيال تسير ولدي قااااااااالي لا انا امي اهي ويأشر على الوالدة الله يحفظها قلت له لو ماتزوجت حرام مايسير عندي عيال قالي افكر ...... وفكر ورد علي قالي اذا ماتزوجت طيب وعندي اختي الصغيرة في ثاني ابتدائي اشتري والبس وامشط شعرها واجلس ادلعها واشيلهها كانها نونو بس على قالتك بس يشوفوا امي ينسووووني ويطيروا عليها ساعات اقول ياحظك ياامي وتخنقني العبرة يارب يارب يارب ارزقني انا وشوبارد وجميع بنات المنتدى الزوج الصالح والذرية الصالحة |
ذكرتيني ياشوبارد بامي لما حملت ... كنت انا لسه في التوجيهي ... ومابقي غير اسبوع على امتحانات الثانوية العامة
وامي ولدت قبل الاختبارات باسبووع ... في البداية كنت اكرهه قبل مايولد لاننا ماكنا نبغى طفل ... خلاص كذه يكفي لما ولد .. امي رجعت البيت وراحت المستشفى ثاني وسابته معايا ... حبيته ... واهتميت فيه مووووووووووت .. الان عمره سنتين و3شهور ... ويناديني ماما .. تخيلي ... امي دائما تقول انا امك تعال يقول لالا... لما نلعب لعبة مين حبيبي ..؟... يجري عندي ومايروح لامي ... ولما يصحى من النوم يناديني .. الحين ينام معايا ... واغراضه في غرفتي ودولابه وكل شئ وسريره .. كلللللللله في غرفتي .... الحيين نام بعد ماطلع روحي وقدرت افضى لنفسي اخيرا .... انا ما اعتبره ولدي .. بس احبه حب مو طبيعي ... اي احد يزعله لازم انكد عليه ... دائما اتصل على بابا ... اقله جيب معاك وجيب وجيب >>>> اتامر عيني قوية ..:d اخرج يروح معايا .... ولو احد يسال ليه كذه ؟ اقول ما اعرف يمكن لانه امي كانت تعبانة ايامها واتعلق بيا وانا اتعلقت بيه وخصوصا كنت اكرهه قبل لا يولد .. ان شاء الله ياشوبارد تتزوجي وتجيبي 10 اطفال توأم :22: ..... اليوم دعيت لكي في سجودي ... وكللمت امي عنك .. وقلتلها ادعيلها .. واستغربت مين شوبارد ؟:d وان شاء الله ماتكوني لسه زعلانه :15: |
الله يسامحك
مافكرتي وانتي تكتبين هذي الكلمات ان فيه من بتقراها وهي تتمنى تكون ام والله مارزقها يعني انتي لسى قدامك الامل والاحلام كثييييييييييييييييره لكن لو كنتي زوجه لرجل الطب يقول له انت عقيم وانتي تموتين بتراب رجوله وهو يموت فيك لكن الله مارزقكم ايش بيكون شعورك ساعتها تروحين اي مكان بالدنيا وتشوفين الاطفال مع اهلهم وانتي بس تتفرجين حتى محلات ملابس الاطفال واغراضهم والعابهم تطالعينها وانتي تقولين الله اعلم بيجي اليوم الي ادخل هذا المحل واشتري منه والا باقعد اتفرج بس الله يسامحك على هاذي الكلمات اكتب لك وانا ابكي الله يرزقك الزوج الصالح عاجلا غير اجل ويرزقنا اجمعين وجميع المحرومين بالذريه الصالحه عاجلا غير اجل انه القادر الكريم |
اقتباس:
|
الاخت smsh
اسأل الله ان يرزقك الذرية الصالحة عاجلاً غير آجل000 شوبارد 0000 موضوع رائع جداً >> جاء على وجهه من الخوف انا كانت لي تجربة لكن مختلفة قليلاً 000 مرة كنت أكتب في المنتدى والاهل كلهم طلعوا للبلكونة 000 وكانت عندي اختي مع بنتها الصغيرة << ثلاث شهور المهم طلعت اختي معهم وتركت بنتها 000 والبنية أزعجتني تبكي واذا التفت لها تبتسم وتبدأ تسولف غاغاغا << ياحب الحريم للهذرة واذا صديت للكمبيوتر تبكي 0000 ابتلشت بها 000 مصرة تسولف 000 بالاخير استسلمت تركت الكمبيوتر وأخذتها 000 |
الله يوفقك ياأخت شوبارد ولقد دعوت الله لك وعسى الله يستجيب لدعائي ويرزقك بالزواج ومن ثم بالذرية الصالحة
|
ياحلوو كلامك يا شوبارد
يارب يرزقك كل اللي تتمنيه عاجلا غير آجلا يارب بس تعالي هنا انقهررررت منك مرررة اتكرر منك الموقف مرتين أنا عارفة انك مو حاطة في بالك وتبغي تعيشي احساس الام بكل معانيه بس ليش تقووولي اقتباس:
اقتباس:
مو يمكن كان النصيب عندهاااا لاتقفلي الباب ثاني مرة .. واسمعي كلامي فاااهمة .. في أي مكااان ممكن تلاقي نصيييييبك ووقتها بتعيشي إحساس الام الحقيقي وفي احلى من كذا ؟؟ الله يسخر لك يارب باللي يريح قلبك وخاطرك ويعوضك صبرك خير وساااامحييييني لو زعلك كلامي |
شوبارد ...
نفس احساسي بس انا دايماااااااا :d اختي عندها بنت وولد ودايم ولدها ينام عندنا واوقات بنتها واحبهم مررررررررررررره واحب ادلعهم ........... احس اني اسعد ايامي لما يكونون معاي اختي اول ماولدت ولدها انا كنت جالسه في البيت متخرجه ومو لاقيه وظيفه :25: خلته عندي وهي تروح تداوم ...... يوووووووووه من جد تعلقت فيه صار ولدي ... بس الي يضايقني انه لما رجعت خذته مني في الاجازه ... اوقات اطلب منها تخليه عندي تقول لاء :11: او تخلي اي واحد من عيالها عندي ترفض ...:29: يعني وش هذا تخليني احبهم واتعلق فيهم بعدين تحرمني منهم :11: الله يرزقني ويرزق كل بنات المنتدى ولا يحرمهم من طفل يقول لهم ماما تعرفين ايش اكثر شي اتمناه واكثر موقف احلم فيه (احلم واتخيل انه عيالي يتهاوشون مع بعض ويجووون يبكووون ويشتكووون لي ( ماما سوفيه خد لعبتي ) ( ماما سوفيه طقني ) وانا اقول لهم ازعجتوني الله يصلحكم :17: |
ياعمري عليكي ياعسوله انا اضمنلك انك رح تكوني ام ناجحه في حياتك القريبه ان شاء الله
لانه كمية العطف والحنان اللي فسرتيها بتصرفاتك وبكلماتك الي بتوصف يومك خياليه ماشاء الله الله يرزقك بالزوج الصالح اللي يخاف الله فيكي ويسعدك ويهنيكي ويكون احن عليكي من والدينك ويرزقك بدرزن كتاكيت نص درزن بنات والنص التاني اولاد ويتلمو حوليكي وانتي ملكه في وسطهم يارب بس اهم شي لما تجيبيهم لا تحرمينا من شوفتك ومن مواضيعك الحلوه اللي في المنتدى :) |
:d ياقلبي انت اجل عشتي الامومه0000 والله الامومه حلوه بس متعبه
شكلك ماجربتي تأكليل ولاتحفضين وتغيرين :d :d :d :d بس جربيهم وقوليلي وش شعورك:26: اختي تموت على بنتي وتلعبها وتأكلها ولجا حزة تغيير الحفاض انحاشت وخلت بنتي 00 انا ديها تعالي غيريها تقول بلا قرف:( 00 عاد انا احب اقهرها 00 قولها هين تاخذينها لاخلصت:d الله يرزقك الزوج الصالح 000 انشاء الله يصير عندك 20 بنت و20 ولد:24: بس تصدقين ترى الاطفال لزقات اذا سويتيلهم شي يبتلون يحنون على راسك اذا شافوك جالسه |
| الساعة الآن 12:13 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©