زوجي وسلسله من الخيانات
 

السلام عليكم

انا اعاني من زوجي من تزوجته او بمعنى اصح من قبل لا نتزوج انه صاحب علاقات

والمشكله ان غيرتي يوم عن يوم تزيد ماتنقص

وقبل كان بالسر الحين صار يجاهر وكل يوم عنده عذر ..

والمشكله الاكبر انه يلعب على البنات ويخدعهم ويفرح لما يخلي وحده تحبه وبعدين يتركها

حتى قبل الزواج كنت اشك انه يلعب عليي حتى لما قالي راح اخطبج اندهشت لاني ماتوقعته ابدا.. وبعد ما تزوجنا قال لي انه كان يلعب عليي بعدين حبني غصبن عليه وتزوجني .. في واحد يقول حق زوجته هالكلام ؟

وبعدين صارت مشكله كبيره بسبب خيانته وطلبت منه الطلاق فا وعدني انه يكون مخلص ولا يعود لخرابيطه .. قبل عدة ايام يسولف وبزلة لسان ذكر اسم وحده فا قلتله منو هذي
قال اخت (فلانه) قتله انت قايلي انك كلمتها بس هي ومره وحده وانتهى امبرها ,, قال لا بس كلمت خواتها .. معناته ان بعد ما وعدني رد وكلمها هي وزياده خواتها

انا تعبت منه والمشكله اني صار عندي رغبه قويه لخيانته عشان يبرد قلبي لكني اخاف من ربي واخاف على ابنائي وتضحيتي وصبري من اجلهم لكن الشيطان يلعب براسي كي انتقم منه

ساعدوني ما الحل ؟ على فكره هو خياناته تلفون وانترنت لم تصل الى الزنا
والحين يقولي بتزوج بالسر بدون لا اقولج .. كل يوم طالعلي بمشكله صرت كاني كلب بوليسي .. استغفر الله متعب هالانسان

خوفيه بتذكيره بأنه كما يدين يدان ، وان يخاف الله في بنات الناس ، وانه ممكن ربنا يعاقبه في بناته ( لا سمح الله )

اعانك الله .

قد قالها صلى الله عليه وسلم ( اذا أتاكم من ترضون دينه وخلقه فزوجوه الا تفعلوه تكن فتنة في الأرض

وفساااااااااااااااااااااااااد كبير )

خوفيه بتذكيره بأنه كما يدين يدان ، وان يخاف الله في بنات الناس ، وانه ممكن ربنا يعاقبه في بناته ( لا سمح الله )
اوافق الاخت البتول بالراي
مثل هذة الامور معروف اخرها,,بكل اسف
عليك اختي بهذا الدعاء في اخر الليل,,, باذن الله تجدين معه ما يريح بالك
اللهم سخر لي زوجي واصرفه عن غيري
اللهم اجمع بيني وبينه بالفة ومحبة ورحمة
اللهم اصرف عنا شياطين الانس والاجن,, واجعلنا من عبادك المتقين يا ارحم الراحمين

يا حبيبتى من يخون فهو يعصى الله
اذا انتقمتى منه بالخيانة مثلا انتى اضريتى بنفسك لكن هو لا
بتروحين النار وما بينفعك زوج ولا ابن
حبيبتى حاولى ما تبينى له غيرة يمكن ربنا يهدية
وشاركية الكلام على البنات واضحكى معه
وفى المقابل اجعلى الله نصب عينيكى استغفرية وادعى لزوجك بالهداية
ولنفسك بغفران الله ولا تفكرى مثل هذة التفكيرات السلبية وكونى ايجابية
وصدقينى زوجك يحبك اجذبية نحوك اشغلية ما تخلية يفكر الا بكى
الله يعينك معركتك صعبة لكنها ليست بالمستحيلة
تقبلى تحياتى

الله يعينك أختي الغاليه


إدعي له إن الله يهديه إلى طريق الحق وكمان حاولي معاه إنك تذكريه بالله وإن الله يمهل ولايهمل بس بإسلوب النصح لاأسلوب الأمر


الله يوفقك

حبيبتي هذا حال 99% من نساء العالم
مو شي جديد
الحل الوحيد هو سجادتك ودعواتك ان الله يهديه ويصبرج وبس علشان تعيشين وتربين اولادك

والله يكون في عوننا احن الحريم ويهديهم
وخلي عنك خرابيط الخيانة لان آثامها عليج مو عليه

عليك بالدعاء له وتذكيره بالله وعليه الخوف من الله وأنه كما يدين يدان

هذا ليس كلام امرأة حرة , تخشى الله عزوجل .

جزاكم الله خيرا على ردودكم ودعاؤكم لي

انا فعلا لا ارى حل غير الدعاء لان النصح مايفيد معاه والشريط الاسلامي هو الي يهديني مو انا اهديه

لما كان يخوني كان يسمع اشرطه اسلاميه على طول ولكن يسمع الي يبي يسمعه بس

ارجوكم ادعولي جزاكم الله خيرا ان الله يثبتني ويبعد الشيطان عن راسي وراس زوجي

بصراحه ضحكتيني يوم قلتي صايرة كني كلب بوليسي ههههههههههههههه من جد حاسه فيك الامر متعب وماعليك من كلام الاخت ضايعه بهالدنيا واسمها خلاني اضحك ههههههههههههه وسعتوا صدري وانا كنت متضايقه المهم بالنسبه لمشكلتك بسيطه دام انه مايزني بس مكالمات وانترنت محلولة انا كان زوجي مجنني نظر وسوالف مع اي حرمه يلقاها حتى الخدامه بس الحين تادب بقولك اولا طنشيه نهائيا اهتمي بنفسك وعيالك سولفي وانبسطي معهم واذا دخل زوجك هلي ورحبي جننيه بحسن تعاملك جننيه باحترامك له تدرين انا كنت مااقول لزوجي الا يالشيخ الين الحمدلله صار الحين يصلي حتى الفجربالمسجد وكتب دينيه واشرطه وحركاااااااااااااات يعني الحمد لله احترميه قدماتقدرين خليه من كثر ماتحترمينه يستحي خليك بحالك وبكامل زينتك وشبعيه جنسيا وكلام حلو ودعوات الله يحفظك الله يهديك الله يكفيك بحلاله عن حرامه ادعي ربك باللي ترى رررررررررررررررررررربك كررررررررررريم مايقصر تجنبي التجسس والتحسس لان مايجيك من ورى التجسس الا وجع الراس وبعدين في نقطه حلوة بزوجك يعترف لك انه فعلا كلم خوات البنت اللي يعرفها انا زوجي مستحيل يعترف لو اسمعه واشوفه يقول ابدااا المهم زوجك فيه شوية صراحه نعمه حافظي عليه دلعيه احترميه اهتمي ببيتك انبسطي خليه يحس انك مبسوووووووووطه بيتجنن بيفكر الف مرة هذي وش فيها بينشغل فيك عن بلاويه وانتبهي من الخيانه لانك بتضرين نفسك والزوج مايستاهل نكسب ذنب عشانه شيلي من قلبك الغيرة قولي انا زوجته يروح والا يجي مرده لي ارفعي راسك ولاتشيلين هم ترى انا مجربه الهم هذا يدخلك بدوامات ماتنتهي وسعي صدرك واستعيني بالصلاة والدعاء والسكوت لاتقولين له شي خليه ان جا البيت امير وان راح لاتسالين عنه مصير ه يرجع والله يوفقك

ريمة نجد .. والله خوش فكره اناديه يالشيخ ذكرتيني باشرطة صلاح الراشد .. هههههههههههههه باجرب هالطريقه لان العناد والصراخ مايفيد معاه يمكن هالطريقه تفيد
جزاك الله خيرا وكل الي ردو عليي ودعولي عسى الله يسخرلهم ازواجهم

اختي انصحج انج تتقربين من ربج واتقربين زوجج منه وتسحبينه بكل الطرق حق ربج جربي
هذي نصيحت مجرب

واسمحيلي لو انت تعرفتي على زوجج بهذي الطريقه نفسها فانتي هي سبب مشاكلج
وانت جبتيه حق نفسج اما اذاكان هو خاطبج بالطريقه العاديه فهاذي ربي كاتبلج

والله يصبرج



ولا تفكرين بالخيانه حتى لو بالغلط ترى حسابه يسير عند ربج

وشكرا

جزاك الله خيرا ام محمد وانا اعلم اني جبتها حق نفسي لاني كنت اعاني من خياناته من قبل الزواج وحتى قبل الزواج باسبوع فكرت جديا بالغاء الزواج لاني اعلم ان هذا الصنف متعب لكن خفت من كلام الناس وخفت من اهلي يزعلون وخفت منه لانه هددني وقالي راح اقلب الدنيا على راسج فا ترددت وقلت يمكن يتعدل بعد الزواج

يا اختي انصحك انك تفكرين باعيالك وبنفسك وتنسيه هو وخرابيطه يوم يطلع ويوم يون عندك استانسي وياه..............زتراه مهما لف ودار تراه برد لك إنت ام عياله