|
يا فرحة ماتمت !!!!!!!
أخواني صباح الخير مدري عرفتوني أو لا أنا ألي كنت خاطب وقدمت المهر نهاية الأسبوع الماضي وأكيد عرفتوا كيف جبت المهر http://www.66n.com/forums/showthread.php?t=96567 المهم يوم الخميس الماضي رحت أنا والوالد وأخوي وقدمنا المهر وكنت مبسوط وكل أهلي مبسوطين،و بعد ما طلعنا من عندهم بساعة كلمت أبو البنت عشان أحدد موعد الملكة وصراحة كنت مستعجل وقلت له خلها الأسبوع الجاي وخير البر عاجله المهم تفاجأة أنه يقول لي المهر قليل وما يوفي مستلزمات البنت (المهر كان ثلاثين ألف ريال) وقال لي أنه بنات خالتها توهم متزوجين ومهرهم كان أربعين وخمسين ألف طبعاً بالإضافة إلى المهر يبون شبكة وزواج كامل ومصاريفه كلها علي يعني يبي لي أكثر من مائة وخمسين ألف عشان اتزوج طبعاً كلمت أمي وقلت لها لي ما قلتي أنهم يبون مهر كذا وكذا قلت هم قالوا لي أنهم ما تهمهم الفلوس وهم يشترون الرجال ومن هالكلام طبعاً أنا قلت لأمي أنا ما عندي غير هالمبلغ قولي لهم هالكلام، كلمتهم أمي وقالوا بيردون علينا بالموافقه أو لا،، صراحه أنا ألي كنت مخطط عليه أقدم مهر ثلاثين ألف نفس ألي قدمته وأشتري دبل الخطبة وبعض الهدايا وطبعاً أنا اشتغل في الرياض والأهل والبنت في الدمام يعني بعد الزواج بستأجر شقة وبأثثها وكل هذا يحتاج مصاريف أنا أقدر أتسلف عشرة آلاف ريال أو أكثر وادفعها لكن أنا ما أبي يكون علي دين لأنه في النهاية بيكون المتضرر الوحيد أنا وزوجتي، وكل ألي ناوي أقدمه لهم من عرق جبيني ما أخذت من أبوي ولا أمي ولا من أحد وصعبه أخذ من أهلي لأنهم توهم شارين بيت جديد ولا أبي أثقل عليهم زيادة،،، صراحة ما اعتقد ألي أنا بقدمه لهم قليل ولا هو كثير في نفس الوقت بس يقول الرسول صلى الله عليه وسلم :"أكثر الزواج بركة أيسره مؤونه" أنا الحمد لله راتبي زين يعني بعد الزواج ما راح اقصر عليها بشيء طبعاً أنا انتظر ردهم علينا وأتمنى يوافقون لأني والله تعبت عشان أتزوج أحس أني محتاج للزواج بشكل كبير وضروري وش رأيكم أخواني هل المهر ألي قدمته قليل ولا يكفي ويحق لهم يرفضون أو لا وما هي نصايحكم لي جزاكم الله خير الجزاء ولا تنسوني من صالح الدعاء |
اخوي أتذكر سالفتك..
ماهو قليل قليل لدرجة يدقون عليك لكن كان زدته 10 الاف ماحس انها صعبة!! ولاتتضايق عشان سوالف المهر وغيره ان كانهم شارينك صدق ماهمتهم الفلوس وبيوافقون عليك وان كان العكس فما تدري يمكن خير ة من امرك ولاتنسى انك رجل يعني زواجك ماراح يكون صعب مثل البنت!! بس اذا كانك بتحط حفلة زواج وطقطقة من فلوسك والله حرام عليهم يبون زيادة في المهر الله يوفقك وييسر امورك وان كان فيها خير عسى ربي مايحرمك هالخير |
أعتقد أن المهر 30 الفا قليلة جدااا لانك تعرف بارك الله فيك الاشياء غالية الان والذهب غالي ونصيحتي أعطهم 90 الفا يدخل فيها كل شيء يعني التسعين وليس لها أي توابع ، أو أبحث عن غيرها ، أو أصبري الى أن ييسر لك الامور وتتزوج ، أعرف كثر من الشباب كلفهم الزواج من 150 الفا الى 200الفا والله الموفق
|
اخي الكريم انت كلاامك عين العقل والصواب المهر ليس بقليل وانماا وصط والرجال يتحمل كامل مصاريف الزواج لا تنسوون يا اخوتي انه هو من تدبر كل شي ولا تنسون انه في بداية حياته واذا هم ما تهمهم الفلووس راح يوافقوون
اخي الكريم الله يبارك فيك ويوفقك ويسعدك اما المهر فليس بقليل واذا هم بنضرهم قليل فئضن هم غلطانين شوي بالتدقيق في المهر قولهم تبون رجال حياكم وهاذا استطاعتي ربي يوفقك يا اخوي مثل سالفتي ويا اهلي يبون اكثر من 50 الف مع الاسف فبعض القبايل عندكم في السعوديه مهووووورها عاليه حق الكشخه والفشااار والنفخه ربي يوفقك يا اخوي سلااااااااااااااااااااااااااااام مايهزك |
الله يعين.. ثلاثون ألفاَ والمهر قليل!!! :(
رأيي الشخصي في الموضوع ومن يختلف معي No Problem ولكل شخص وجهة نظره في الموضوع :25: أقلك.. رأيي المفصل ستقرأه قريبا ولكن أستخير على هذه العائلة كثير.. وبعد الإستخارة قلهم هذا الذي عندي والذي جمعته بعرق جبيني ومني مستعد أتكلف بديون وبعد الزواج أتعب أنا وزوجتي.. فإن وافقوا فهو خير لك.. وإن رفضوا فخلي الفلوس تنفع بنتهم.. :15: الله المستعااااااااااااااااااااااااااااااااان.. قال المهر قليل قال.. :23: أقول.. روح الصومال خذلك أربعة ببلاش إلا ربع :d ولا روح لبنان.. تلاقي دين وجمال ومهر آخر حلاوة :22: لكن صدقني.. بالتأكيد هنا بالسعودية عوائل يشتروا رجال من جد مش كلام.. والله يرزقني منهم قبلك :14: والله يوفقك.. |
بصراحة هذا المهر مناسب..
ليس بقليل ولا هو بالكثير.. أحيي فيك اعتمادك على نفسك ورفضك التدين .. وفقك الله لما تحبه وترضاه.. |
المهـــر مناسب جداً وليس بالقليل أبداً
إن كانوا يريدون رجل بمعنى الكلمة ما بتأثر فيهم عشرة آلاف ولا شي بس السيناريو اللي حصل انهم قالوا كيف اختها خذت كذا وانتي اخذتي كذا وهاتك من احاديث النساء اللي تخرب في امور الزواج اكثر مما تصلح مع الأسف |
30 الف يكفي ويزيد ان شاء الله ...
الملابس والحاجيات تعوض وانت ماراح تقصر ومو لازم فرح كبيييير اهم شئ انت وزوجتك ... تفكير بعض الناس غريييييييييب ... |
الله يعينك
المهر اللي دفعته نصف مهرك، 15000 ريال ولا اعترضوا ولا قالوا أي شيء طبعا الزواج والطقطقة علي بس فعلا كانت عائلة تشتري رجال، ما اعترضوا على أي شيء، حتى قاضي المحكمة قال مهر قليل وبدون شروط نادر تلاقيها الله يوفقكم |
ما اعرف شو اقولك .. لن نحن المهور عندنا في دولة الامارات اغلى من هذا ..
الله يوفقك وتتيسر امورك ويتمملك على خير ان شاء الله :) |
اختي فراوله صحيح مهوركم عاليه ولكن عندي سؤال اتفضلين زوج بئخلاااق ودين ام تفضلين مهراا عالي وعنوووسه لا سمح الله؟؟؟؟؟؟؟؟؟؟؟؟؟؟
|
إن شاء الله يصير النصيب وبالنسبة للمهر حسب ما فهمت أن الثلاثين ألف ستكون للعروس ومستلزمات العروس والذهب والحفل ستتحملها أنت إذا فهي تكفي فما حاجة العروس بالمهر دامك راح تجهزها من كل شي ؟؟؟!!!! بس شو نسوي بطمع الناس هالأيام ويا أخي لو ما وافقوا فتأكد أن الخير لك بيكون في بيت ثاني وأنا معك حرام تبدأ حياتك بديون وسلفيات
|
والله يا اخي انك لسه صغير
واذا بلشت حياتك دين ما بتخلص لانه بعد الزواج انسى اشي اسمه راتب كله رح يطير يعني ما رح تقدر تلتزم بالسداد وحينها رح تتكدر وينعكس هذا على بيتك الاحسن تصبر لحين يصير معك مصاريف الزواج كامله وبعدها بتبلش حياتك قوي انت الان مستعجل بس الصبر زين وبصراحه اذا بلشوا من اولها يحكوا بالفلوس حتى لو وافقوا فيما بعد رح يكون على مضض وحينها رح تسمع كلام مثل قبلت فيك بمهر قليل وشو قدمتلي وغيره الا من رحم ربي الله يوفقك لكل خير |
اخوي اسلام الله يهديك بس شلون تقول كذا للرجال .. بالعكس هذا بدال ماتشجعه على الزواج .. الرجال يقول محتاج للزواج .. يعني وصل مرحله تعب فيها الله يوفقه مع بنت الحلال ..
ومن قالك ماعنده فلوس .. هو مايبي التزامات تكثر عليه .. بالعكس هو يمشي بالاتجاه الصحيح .. السلام عليكم هلا بك اخوي الكاتب .. ايه تذكرتك زين لكن شف انا صار لي نفس مشكلتك يمكن .. انا تم فسخ خطوبتي دون علمي ..؟ الشكوى لله يمكن لان اهلي تلقفو وراحو تكلمو مع اهل الخطيبه ( سابقا) عن المهر .. ويمكن هو اللي سبب لهم نفور وعلى بالهم اني بخيل .. مادرو عني زين .. عاد انفسخت الخطبه .. ----- لكن انا بسالك .. انتم تبي تسوون عرس .؟ يعني قصر افراح .. شف انا بقولك المتعارف عليه والطبيعي خمسين الف .. تدفع ويكون اهل الزوجه هم من يتكفل بتكاليف الزواج من القصر واللحوم .. اربعين الف او ثلاثين الف ( حسب الاتفاق بين الطرفين) ان لم يكن هناك زواج في قصر او يكون الزوج هو التكلف بتكاليف القصر من اجار ولحوم .. === اما الصباحيه وهديه الام .. المتعارف عليه للزوجه من 3000 الى 5000 ريال هديه صباحيه اما ام الزوجه تهدى بـ 2000 او اقل من الذهـب ----------------------------------------------------------- اخوي لايضيق صدرك انت سو اللي عليك وانا ادري انك في قمة الاحراج الان لانك ماتبيهم يحسبونك تحب الفلوس.. انت كلمهم لاتخليهم عشان مايحسبونك هونت ... ----------------------------------------------------------- الله يكتب اللي فيه الخير موفق اخوي |
اقتباس:
أخوي كلامك صح بالنسبة لمواضيع الزواج المتعارف عليها هم يبون أربعين ألف مهر وشبكة وصباحية وحفل وزواج ومصاريفه كلها علي أنا قلت لأمي تقول لهم مهر ثلاثين ألف ومصاريف الزواج كلها علينا عاد ما زلت انتظر ردهم |
لاتنتظر كثير .. لاتتاخر
يمكن هم ينتظرونكم لاتتلخبطون يعني يومين بالكثير ورد دق عليهم طع شوير اخووووك موفق يابعدي |
ان شاء الله اتم الفرحة
بإذن الله نسمع الأخبار الحلوة عندنا في الامارات غير بالنسبة للمهر والمتعارف عليه..... |
والله انا مافهمت يعني كم ال30 الف ..
بس انا اللي اعرفه عندنا انه اقل شي ممكن يكون المهر 10 الاف حق البنت .. شامله الشبكه و كل شي .. والعرس مسؤوليه الزوج .. بس يعني انا بنت عمي مارضت بالمهر اللي قدمه زوجها انه قليل مايكفي كل شي .. بس ماقالوا له .. لانه مايتطوف فقام عمي و تكفل بكل شي ثاني من العرس لي هديه الصباحيه حق بنته .. فكان المجموع 100 الف .. يعني تقريبا 300 الف دولار (( عمله محايده )) :p ... بس انا اشوف انه الحين راحت ايام العرس و الطقطقه .. اخذها و سافر و سو بعدين استقبال عائلي بالبيت ووفر فلوسك احسن لك :) واللي الله كاتبه بصير :) |
والله حرام نشوف امة محمد (ص) تحكي بلفلوس وبلمهر
والله عنا المهر صار اشي رمزي جدا جدا بطل الو قيمه يعني ما بوصل 11 دولار ما بعرف قدي عندكم بيجي بس عنا اشي بسسسسسسسسسيط جدا اصلا مثل ما قال الرسول " اقلهن مهورا اكثرهن بركه " احكي لاهل خطيبتك هذا الحكي وذكرهم شو هني قالو الك بلاول انو بدهم الرجال وما بدهم المال وانو هذا كله بيصف بمصلحة بنتهم اذا بتهمهم مصلحتها ....... وموفق ان شاء الله |
والله أعتقد أن ثلاثين الف كــــــــافيه اذا لم ينوي الأب والأم أن يأخذوا منها نصيب الأسد
رســــاله لمن في بيتهم عروس,,, بنتكم ليست سلعه للبيع لكي تعرضوها بمبلغ وقدره وتعسروا على ذلك العريس وتحملوه فوق طاقته وقد ترون أبنتكم بعد فتره في بيتكم مطلقه والسبب من تعسيركم على ذلك العريس وتقبلووو خااالص شكررررررررري |
يكفي ..
لأن المتعارف عليه 40 الف والعرس يكون على اهل العروس .. ومادام أنك بتتكفل بالعرس ومصاريفه و إذا هي تصرفت في التجهيز بشكل صحيح فيكفي إن شاء الله .. |
بيني .......... وبينك لا لالالالا تتهور وتكلف نفسك فوق طاقتك
بيني .......... وبينك لا لالالالا تتهور وتكلف نفسك فوق طاقتك ..............
[IMG]C:\Documents and Settings\Administrator\My Documents\أحلــــى صور[/IMG] يعني لو بتدفع 30 ألف مهر وحفل زواااااااااااج بكلفك 30 الف وآثاث 30الف وشهر عسل 15 الف وذهب 10 الاف ومقدم أيجار 7000 ريال ,,,,,,,,,,,,,,,,,,,,,,,,,,,,,,,, بالعربي لالالالا تتهور:24: أسأل مجررررررررررررررب :( |
اخي لاتكن قاسي فتكسر ولا لين فتعصر
اذا كان شفت البنت وكانت مناسبة لك فارسل ناس يكلم اهل البنت ويتوسط بينكما بحيث إنهم ينزلوا من المهر شويه وانت ترفع شوية والله سوف يعنك |
انا اعتقد البنت راح ترضى وتوافق واذا نقصها شي ابوها يزيدها
دايما كذا عندنا واتمنى نسمع منك اخبار حلوه |
تكفي
زيزيد بعد 30 الف ززينة تحياتي |
لاحول ولاقوة الا بالله
الله يعينك ويكتب لك الخيره الطيبه اخي ممكن انك تزود المهر بس تشرط ان مافي فرح كبير وبعد ماترجعوا من السفر تعملوا حفله يعني يادوب تفرش الشقه والسفر طبعا اخي عليك بصلاة الإستخاره والإستغفار واذا عندوا معاك الله يعوضك خير واحسن منها ان شاء الله ربي يسعدك ويفرج همك وينولك مرادك ويريح بالك ويكتب لك الخيره الطيبه ويرزقك بزوجه صالحه تعينك في أمور دينك ودنياك على طاعة الله ويارب يسخرلك القلوب القاسيه والعبيد العاصيه ويسخرلك من في السموات والأرض حصنتك بلا اله الا الله صلاة الإستخاره اختك في الله |
المهر كويس ماهو قليل بس الي صير تعجيز الشباب عن الزوج والله حرام هم بيبعون بنتهم عشان يطلبون هدا المبلغ احنا المهر عندنا عشرين الف بس والله ايكفى والحمد الله
|
شوفوا يا خوي
انا بنت واعرف سوالف البنات يعني لو عطيتها 10 الاف بتصرف على قد ال10 الاف ولو عطيتها 100 الف بتصرف على قد ال 100 الف |
انا احس المهر مره تمام...بس انت تقول ان بنات خالتها كانت 40 و50 الف ريال..يعني مايبغو لبنتهم اقل منهم ..
اختي تزوجت بــ25 الف ريال ..وزواجها كان شراكه بيننا وبينهم وكلف يمكن 25 او 27 الف ريال والحمدلله كان من احسن مايكون حاول تشرحلهم ظروفك وقلهم انك انت وبنتهم اللي بتضررو من سلفة البنك... وقلهم انك شاريهم ومن هذا الكلام ...ولو ماوافقو حاول تزيد 5 الف ريال ... والله يوفقك انا مع الاخت 3thooooooob يعني لو عطيتها 10 الاف بتصرف على قد ال10 الاف ولو عطيتها 100 الف بتصرف على قد ال 100 الف الله يختار لك الخيره الطيبه ...صلي الاستخارة |
هو الصراحه قليل شوي خااااااصه ان الاسعار مرتفعه بس المفروض ماقالو لك قليل وحاولت تكمل الناقص من عند ابوها
لو شارينك فعلا مايهمهم كم دفعت ولايناقشونك اصلا ولو نقص عليها فلوس ابوها ماراح يقصر دام انه يبي رجال يستر بنته بالتوفيق يارب |
المهر حلو مش بطال بس استغربت من الخ اللي يقول انه المهر 11دولار انا تقريبا لي علاقه بمعظم الجنسيات العربيه مافي احد فيهم مهره كذا الا اذا كانت قبيله معينه...
وبالنسبه لك لاتحاول تشد بالكلام معاهم وخذهم بالتي هي احسن.. وانا اشوف انه من الافضل يكون الزواج في نطاق عائلي لان الفلوس اللي تصرف انتم اولى فيها. وبالمقابل اذا مافي زواج قول لهم انك بتزيد المهر عشرين مش عشره لانه خفت عليك تكاليف الزواج..... اتمنى لك التوفيق.. اخوك. |
الصراحه المهر قليل لكن يجب ان يقدروا ظروفك
|
انا من رايي اذا انت تبي البنية اضغط على نفسك وزيدهم عشره وقول والله هذا الي اقدر عليه
وربي يتمم بخير وتبشرناااا ............................ احنا المهر عندنا خمسين صافي للبنت والي يبي يزيد كيفه وعشره لامها ابوها عشرين او سياره في حدود الثلاثين والبيت من الى وتكاليف الزواج من الى على الزووج بصرااحه مصاريف تكسر الظهر هههههههههههههههههههه |
| الساعة الآن 11:37 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©