|
بفارق اغلى الناس .......... ادعو الله يصبرني
السلام عليكم
مدري شقول .... ما عندي احد اشكيله ......... عندي اخ احبه مره هو سندي بالحياه دايما اشكيله همي ويصبرني يفرح لفرحي ويزعل لزعلي .......... غير عن باقي اخواني كلهم من صغرنا واحنا اقرب اخوين لبعض عن الباقي ... حتى زوجي يحبه بزياده لانه حنون حتى على عيالي ..... يتحمل مني اللي امي وابوي ما يتحملونه ... دايما يلاقي اعذار لي حتى لو انا غلطانه ............. الكل حاسدني على علاقتي معاه ... حتى باقي اخواتي دايما يقولوه لو احنا ( .........) يعني انا ما كان قلت لا .... المهم لا اطول كلام طلعت له وظيفه بأقصى الجنوب من البلد ..... مكان بعيد مررررررررررره ..... ما راح اقدر اتواصل معاه الا بالجوال ..... بس لازم يروح لان هذا مستقبله بس انا عجزانه اتأقلم مع هالوضع كل يوم ( صار لي اسبوع تقريبا ) ابكي بمراره و الله غصبا عني ما ني قادره اتخيل حياتي بدونه .......... امس اغمى علي وشالني زوجي للاسعاف ........ انا اكتب الموضوع الحين ودموعي تصب .... مدري شسوي ... مدري شلون بعيش ..... كأن حياتي بتنتهي .... ادري ان حرام علي عيالي و زوجي لازم اهتم بيهم لاكن شي يفوق قدرتي على التحمل ........... ادري ان محد بيقدر يسويلي شي بس ودي اتكلم للجميع من كثر الضيقه اللي فيني ......... |
استهدي بالله يا ميني ماوس
خل اخوك يروح لمكان شغله وهو مطمن عليكي وثاني شي يمكن هذا تمهيد لك عشان اذا تزوج وزوجته اخذته عنك بعدين وش بتسويين؟؟ صلي على النبي وتعوذي من ابليس وادعي له الله يوفقه ويحفظه |
الله يصبرك عزيزتي
وهذي حال الدنيا ما تجمع الا تفرق بنت عمي غالية علي كثييييييييييييير من تزوجت وهي من ديرة في ديرة ياعمري ما تهنت وتروح لكل مكان وكثير من اقاربي احمدي ربك غيره يدورون الوظائف لو في المريخ وشيء أهون من شيء وإن شاء الله راح يجيكم زيارات وسلام وانتو تروحوا عنده |
ما شاء ا لله حلــــــوه المشااعر زي كذا والاحلى انها مع اخوك يعني الله يخليكم لبعض ولايحرمكم من بعض
وماتدرين علها خيره عشان تهتمين اكثر بزوجك وعيالك وعشان تتاقلمين على فراق اخوك يمكن قرب زواجه بس اهم شي لاتحسسين اخوك انك تعبانه وماتقدرين تتحملين فراقه عشان لاينشغل باله عليك..وقوليله اذا فاضي بعطلة نهاية الاسبوع او اذا في اجازه يمر عليكم..والله يصبرك |
لا عــــــــــــــــــــــــــــــــاد اتركي الدلع تصوري ان تعيين زملاءه كلهم ماعدا اخوكي بدون تعيين اكيد راح تزعلي اكثر من كذا بعدين تريكي تدلعتي على زوجك انه اغمي عليكي راح يظل على طول جانبك ما تخافي ادعي لاخوكي بالتوفيق وتشجعي قدامه لا يغير رايه ويجلس عندك من دون وظيفه تحياتي |
الله يعينك ..أعرف الفراق صعب ...لكن ايش تسوي هاذي الحياة ..وهذا مستقبله ...واحمدي ربك انه في جوال تقدري تكلميه كل دقيقه ...
ادعيله بالتوفيق والنجاح ... وخلي بالك من بيتك وعيالك والمنتدى ترا مكان لتنفيس مافي النفوس |
حبيبتي استهدي بالله والله خوفتيني لما قريت الموضوع خفت بصراحه
الحمد لله اذاهو عشان وظيفه ادعيله الله يوفقه ويرزقه صحيح ان البعد صعب كثير بس تحملي هذا انا حبيبتي قبل مااتزوج ماكنت متخيله انه راح يمر اسبوع مااشوف اهلي والحين صار لي تسع شهور والله تسع شهور وانا متغربه ووحيدة لاانيس ولا ونيس مالي في هالبلد الا زوجي صبري نفسك تراك والله اهون من ناس كثير وكان الله في عوني وعونك |
السلام عليكم
اشكركم على بالكم الطويل اللي قريتو موضوعي .............. صدقوني كنت ابي اي احد اشكيله وانفس عن اللي بداخلي غير زوجي عشان ما يمل .... الله يصبر كل من فارق اهله ... او غالي عليه ... |
صراحه اهنيء اخوك على هذه الاخلاق العاليه التي جعلت له هذه المكانه في قلبك,واغبطه عليها,ثم اختي تعلقك باخيك بهذه الصوره خاطى,وانا اعرف السبب ولاتزعلين لان هذا واقعنا جميعا, قلوبنا لم تمتليء بمحبه الله ولو امتلأت بمحبته لانشغالنا به سبحانه عمن سواه.
|
أذكري الله يأختي
محد جالس على حاله كل واحد حاله يتغير ولازم تأقلمي نفسك علموضوع وقولي الحمدلله إنه في وسيلة إتصال وهي الجوال وأكيد في الإجازات راح يجيكم والحمد لله حصل وظيفة لو ماحصل كمان كان زعلتي وإدعي دوماً إن الله يصبرك وخليك على إتصال فيه وإن شاء الله ماراح تفتقديه |
يا الله ذكرتيني بنفسي ...
قلت اعرض لك تجربتي لعل تنفعك بشي ... انا ياغاليه لي اخ اكبر مني ب3 سنوات ... علاقتنا رااااااااااااااااااااااااااااااااااااااااااااااااا ااااااااااااااااااااااااااائعه .. نطلع مع بعض ... ونجي مع بعض نسهر مع بعض ... سندي وعزوتي ... اقرب شخص اشكي له همي .. يعرف ادق تفاصيل حياتي ... تزوجت ... وكنت ابكي لما يوصي زوجي علي ويعلمه بمكانتي عنده ... وفهمت زوجي قدره عندي ... وصار يجينا باستمررررررررررررررررااااااااااااااااارررررررررر ويمزح ويقعد ..جبت عيال وصار لهم اب ثاني ... يطلعهم ...وانت بكرامه حتى الحمام يوديهم ... اذا بغى يجيني ضيوف هو اللي ريتب معي ويقول لي وش احلى ... متخيله .؟ كنت اكلمه بالساعات لما ينام زوجي او يطلع .. ولا افكر بفاتوره ولا اي شي ... المهم هو مايحس اني تغيرت عليه بعد ماتزوجت ... واذا ماجيتهم اسبوع ... قال لي الله ...خلاص نسيتينا ؟؟ و و و و وو و و و لدرجه كنت احسه رايه اصوب من راي زوجي .... وشخصيته احلى ..... المهم ... بعد كم سنه من زواجي ... سعيت اني القا له عروس ..وهو قال ماابي الا فلانه تخطب لي (انا ) هي اللي تعرف ذوقي ... وفعلا ... خطبنا له .. هو تزوج من هنا .... ونساااااااااااااااااااااااااني من هنا ... قلت يمكن اول العرس عادي .. لكن اكتشفت انه قلب علي وتغير ... وصار يقارن زوجته فيني ....ويحس اني افضل ... فيسعى بكل الطرق انه يكون افضل ... باختصار دخلت المقارنه والدنيا بيننا ... يعني انا من غير ماادري اكتشفت انه يغار من زوجي ... وهذا فسر لي التغيير في تعامله ..ز هذا غير عن تجنبه القعده معي ... و وو و و و و الشاهد ... تندمت على مشاعري اللي قبل ... وتندمت اني حرصت على رضاه ...اكثر من زوجي ... وتندمت على اشياء كثيييييييييييييييييييييييره ....كنت حاستها بتقربني منه واثاريها تبعدني .. مثل الهدايا الغاليه له ....اكتشفت انه تقهره بدل ما تفرحه وتحسسه انه اقل .. الزبده ...اللي طلعت فيها من الموضوع ... زوجك هو اهلك ... هو فرحتك ...هو نصك الثاني ... وغيره ... خله سعيد وهو بعيد ........ صدقيني خيره ...انا كنت اتمنى ان اخوي بعيد ولا تصير علاقتنا كذا ... بس الحمدلله الدنيا دروس ... |
ادعي ربك انه يرد لكم وينقل لنفس المنطقه
بعدين افرحي له غيره ميت يبي وظيفه الله يصبررررك |
خلي أخوك يذهب لمستقبله والإتصال معقول وهذا باعتقادي لن يبقى طويلا هناك ولما تكوني إنت مستريحة سوف يسعد هو ولا تعطي الموضوع أكبر من حجمه وان شاء الله تجتمعوا على الخير
|
دعواتك لأخوك ان الله يوفقه في وظيفته وشغله
والدنيا هذي حالها مايدوم فيها الا رب العزة والجلال |
عادي حبيبتي انا لما اخوي سافر يدرس كنت مثلك بس بعدين اقتنعت انه مصيره راح يتزوج وينشغل عني عشان كذا احنا مانملك الى اننا ندعيلهم وصيري كل يوم كلميه ولاتنسي ان زوجك وعيالك لهم عليك حق والله يصبرك
|
السلام عليكم
اخواني من جد اسعدني مروركم ............. جزاكم الله خير وابشركم بديت اتأقلم مره وخفت دموعي وقل بكاي .... ما املك الا الدعاء لاخي بالتوفيق والشكر لكم على التجاوب والتخفيف عني |
ياختي خرعتيني باية الموضوه فكرة غلط
اما هذي مب مشكله انا كمان مثلك بس انا ساافرت عند زوجي وكاني تعوت والحمد لله الله صبرني وكل شي تمااااااااااااام وهذا لمصلحته لو اتحبينه الله يصبرج |
فزعتينى من كلامك بحسب شىء تانى
اولا ربنا يخليكى لزوجك وابنائك واسرتك ان شاء الله ثانيا انا زعلانة منك قوى عشان مكبرة الموضوع لازم تسيبه هيشوف مستقبله ولازم تتعملى مع الحياة بشكل واقعى اكتر يعنى لا قدر الله لو حصل فراق لشخص قريب خلاص الحياة انتهت لاء موش يبفع كده ربنا يخليكى لاخوكى يا رب ويقرب المسافات بينكم بس انتى كده ظالمة نفسك وزوجك وكمان اطفالك حالتك النفسية السيئة هتاثر بالسلب عليهم وع بيتك وده موش يبفع شىءء طبيعى انه هبيعد عنك لازم تسيرى الحياة وخاصا ان الحياة الزوجية فى مشاكل اتمنى ان تكونى هديتى وان شاء الله ربنا يخليكى ليهم ويخليهم ليكى |
ماشاء الله مع اخوك رائع اتمني مثل هذه العلاقه لابنائي
يالغاليه دام في الجوال لا تتضايقين كل ما اشتقتي اتصلي ونبي انشوفك اقوي يالغاليه واهم شي انه بخير لوهو بعيد تحياتي |
| الساعة الآن 12:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©