|
فيكم وحده كذااااااااا؟؟؟
بحكي لكم حكاية مرت اخوي تزوجها اخوي وهي عمرها15سنه بنت عمي جميله هاديه تحب زوجها وكانت تتمناه يعني حبيب عمرها اول ماتزوجت كان زوجها له علاقات ومع وحده يطلع معاها يروح ويجي ويهمل زوجته ماينام معاها مايهتم فيها قاطها عند اهله وسهرات برى البيت يحسبها غبيه ماتفهم يجيب التلفون ويكلم وهي جنبه وتسوي نفسها ماتسمع ولاتفهم وهي فاهمه وعارفه كل شي وصاااااااااااابرة وسااااااااااااكته المهم مرة من المرات كانت شغالةاهلي مسافرة وبنت عمي كانت تساعدامي بشغل البيت خذت المكنسه ودخلت المجلس كان ولدخالي موجود هي تحسبه واحدمن اخواني دخلت وزوجهاموجود وياخذها ويرفسها رفسه خلاها مثل الكورة من المجلس للصالة ولحقها وضرب وكفوف دخلت غرفتها حنا قلنا خلاص اكيد بتزعل دقايق الا هي طالعه وغاسله وجهها ومسويه شاهي ومعطته اخوي وهي تطمن امي تقول ياعمه عادي كل الرجاجيل يضربون حريمهم المهم احيانا يتسبب عليها اخوي يضربها بدون سبب نفس الشي تمسح الدموع وتسوي له قهوة والا شاهي وتجيبها له ماتساله وين رحت والا وين جيت ماتعاتبه الى الان ماسالته عن اي شي من خياناته ماتشتكي الابتسامه دايما على وجهها حملت جابت بنت وماتت بنتها بعد يوم من ولادتها وحملت وجابت ولد ومات بعد3ايام من ولادته كانت الدموع تنزل والابتسامه موجودة ماشكت ولاقالت شي ساااااااااااااكته والحين بعدالعذاب هذا كله عندها 3بنات وزوجها مايطلع من البيت الا معاها مايستغنى عنها مثل عيونه والى الان ماعاتبته ولا بينت له انها عارفه خيانه ولاشي احترام وادب واخلاق وبقولكم شي امها مثلها امها مرت عمي وكان عمي بشبابه مغازلجي وتزوج عليها ونفس الاسلوب طاعه واحترام وسكوت الين طلق الثانيه وقال والله ماارتحت الين صارت وسادتي ووسادةام فلان وحده ولاعاد يبي غيرها وبالنسبه لمرة اخوي اعترف اخوي لنا بعد ماعقل وثقل قال والله اني دورت عليها درب مالقيت وفعلا مالقى الا انه يرجع لها والله يهنيهم :25: ومن النماذج الناجحه عندنا بالعايله مرت خالي كنت استغرب دايما اذا نصحت تقول يابنتي اهم شي الاحترام وكنت استغرب ليش ماتقول الحب بعدين اكتشفت ان الحب لايودي ولايجيب يطيرمع المشاكل لكن الاحترام يبقى وصدقوني على كثر ماحاولت مع زوجي مالقيت افضل من السكوت اسكتي بس ماتسكتين وتمدين بوزك لا اسكتي وانتي ملبيه كل طلباته اسكتي وانتي من داخلك بتنجرين بس اصبري اسكتي وخصوصا بموضوع خيانه الزوج لان اغلب الرجال مستحيل يعترف بخيانته اسكتي واحتسبي الاجر وحطي في بالك الزوج مهو اول الدنيا ولا اخرها في اهل واخوان ووالدين وصديقات واعيال اذا عطيتيه اكبرمن حجمه بتتعبين حبي نفسك وتجملي وتزيني عشانك انتي وانبسطي وعيشي ان صلح خير على خير وان فسد ذنبه على جنبه يعني لو خانك وقالك الملك فلان انا بعاقبه بتنبسطين طيب كيف ورب العالمين بيعاقبه مايكفيك زيني النيه ولاتسالين ترى كثر الاسئله مامنهانتيجه وماراح تلقين اجابه بيخليك تدخلين متاهات ذكريه بالله ولاتوضحين انك تقصدين ذنبه تكلمي عموما كل ماشافك عاقله وراضيه وملتزمه استحى على دمه لاتلاحقينه بالاتصالات والازعاج خليه هو يسال عنك ويقول هذي وش فيها مطنشتني خلي كل شي كامل اكله شربه مرقده البيت الاولاد لاتخلينه يلقى عليك شي سميه وناديه باسم حلو قولي له ياالامير ياالشيخ يااطويل العمر حسييه انه عظيم لو انه خرطي:d تذكري انه لو راح ورجع مرده لك يعني مرد الاقرع على بياع الطواقي لا وعلى كثر ماعرف وشاف انتي زوجته والغاليه ويحبك يووووه من قدك يعني انتي احسن منهم كلهم حركااااااااااااااااات:17: وعلى فكرة من نصايح بنت عمي تقول كل مازعلتي مع زوجك سوي له شاهي والاقهوة والا اي شي يحبه وجيبي وصبي له مدري شقصدها يمكن عشان يستحي الزوج يقول بعد مزعلها ورايحه تجيب وتحط بس تراها فكرةبسيطه ولها معاني:22: |
والله مااقدر اسوي كذه :( ...
لازم اعصب ماشاء الله عليهم الله يحفظهم |
اقتباس:
بزيدك من الشعر بيت ترى بنت عمي هي وامها وخالاتها وبنات خالاتها تدرين وش يسمونهم عندنا يسمونهم الشيخات ونفس الاسلوب كلهم وكلهم رجالهم مايشوفون مثلهم تخيلي بنت خالتها جميله جسم جمال شعر عيال مثل الورد تزوجت وبعد فترة قالها زوجها زوجها اخو زوجي ماشاءالله جباااااااااااارين قال اسمعي راضيه بتزوج عليك منتي راضيه البا ب يفوت جمل وهي مافي مثلها سكتت وصبرت وزوجها عنيد خذ عليها ثنتين والحين متحسف يقول ياليت ماعندي الا ام فلان ونفس الحكايه سكوت وصبر بس انا اعترف شيخااااااااااااااات وجتى في مجالس النساء كلامهم قليل وطلعتهم من بيوتهم قليله |
مــــــــاشاء الله عليها..صـــــبرت على كل هالاذيــــه والحين الحمدلله زوجـــــها تغير وصــار احسن وهذا هو الاهــــم.. مشكـــوره غنــاتي على موضوعك الحــلو..وفي نــاس كذا مثــل بنــت عمك.. والله يخــليهم لبعــض ان شااء الله.. |
اقتباس:
اااااااااااااااااااااامين |
بسم الله عليها الرحمن الرحيم
الله يألف بين قلوبهم ويحنن قلب زوجها عليها ويعوضها اللي فات {انك لاتهدي من احببت ولكن الله يهدي من يشاء} كلامك صحيح انا ممكن اروح وارجع عادي اذا كان الكلام حاد شويتين بس ممكن ابتسم بس الحمدالله عمري ماتمدت عليه يد وان شاء الله دوم الله يهدي الجميع ويهدي المتزوجين ويألف بين قلوبهم ويحنن قلوبهم على بعض الإحترام قبل الحب فوضت أمري اليك يالله فأنت حسبي ووكيلي ربي يسعدك اختي ويفرج همك وينولك مرادك ويريح بالك اختك في الله |
[QUOTE=روح الغالي]بسم الله عليها الرحمن الرحيم
الله يألف بين قلوبهم ويحنن قلب زوجها عليها ويعوضها اللي فات {انك لاتهدي من احببت ولكن الله يهدي من يشاء} كلامك صحيح انا ممكن اروح وارجع عادي اذا كان الكلام حاد شويتين بس ممكن ابتسم بس الحمدالله عمري ماتمدت عليه يد وان شاء الله دوم الله يهدي الجميع ويهدي المتزوجين ويألف بين قلوبهم ويحنن قلوبهم على بعض الإحترام قبل الحب فوضت أمري اليك يالله فأنت حسبي ووكيلي ربي يسعدك اختي ويفرج همك وينولك مرادك ويريح بالك :17: :17: ياحظي بهالدعوات وبالثلث الاخيرمن الليل ولك بالمثل إن شاء الله |
كلام سليم:22: اتمنى اني اكون صبوره بس إذا زعلت يبين علي على طول
|
بصراحه هذه العينات من النساء قليله في المجتمع
الله يكثرهم ولكن الاحترام مطلوب من الرجل لزوجته حتى لو كانت ساكته واخيرا السكوت يجيب ما لا يجيب اي شئ آخر ويخلي الزوج يستحي على وجهه ويحترم زوجته تحياتي |
ماشاء الله القصه اجمل من رائعه عجبتني كثيرررررر
لهلقــــــــد يعني هي صابرره الله عطين على قد صبرهاااااااااا اني عصبيه وعنيده بس تدرين اكو زوجي بيوصل بسلامه من السفر واني كنت حمقانه عليه بس اقول اذا رجع بعصب عليه بس الحين من كلامك غيرت رايي ان شاء الله اكون معاه هادئه مشكور ماقصرتي تحياتي نور الدنا كلهااااااا |
ماشاء الله لا قوة إلا بالله
موضوع حلو ونصائح رائعه تسلمين عليها الصبر صعب لكن ثمرته دائما حلوة وترضي النفس |
ماشاءالله تبارك الله
بصراحه قصه معبره ورائعه مشكوره |
[COLOR="Purple"]يووووووووووو كلام أعجز أقول حلو قريته 3 مرات ولسه ما شبعت
من جد الله يهني مرت أخوك ويسعدها ويبعد عنها العين يارب ويوفقك إنتي كمان إللي جبتيلنا أغى وأحلى نصايح الله يحميك ويسعدك يارب يا ريميه ويوفقك يارب[/COLOR:22: وأسلوبك ما شاء الله زي العسل من جد شكرا على هالمجهود والكلام الحلو |
اقتباس:
صدقيني البدايه صعبه بس الصبر بالتصبر حاولي ومع فرحتك بنتايج صيرك بتسكتين:22: |
واخيرا السكوت يجيب ما لا يجيب اي شئ آخر ويخلي الزوج يستحي على وجهه ويحترم زوجته
تحياتي[/QUOTE] :22: :22: :22: اعتراف من رجل ومو اي رجل صاحب راي سديد يعني جربوا السكوت واتركوا طولةاللسان وخليك دايمااااااااااااااااا:25: |
غاليتي ريمية نجد>>>> على فكرة اسمك حلو
ممكن سؤال هل تلك النسوة سليمات في ابدانهن؟؟ اقصد ما يشتكون من سكر , ضغط, كلسترول,, ؟؟؟؟ ما شاء الله عليهن صدقتي اخية اعتقد ان الرجل يحب ان تطنش له زوجته عن اخطائه وماتوقف له على الواحدة نصيحة من ذهب اختي شاكرة لك موضوعك المميز |
اقتباس:
ولاتنسين الشاهي هههههههههههههههههه:d يازينك وانتي تصبين وساكته وعاقله تكسرين خاطره غصب:d |
اقتباس:
الصبر زين وفيه مقضات ثنتين تكسب جميل وتاخذ الحق ووووووووووووووافي:22: |
اقتباس:
العفووووووووووو واشكرك لمرورك الكريم |
أختي الكريمه ريميه نجد
شجعتني على أعطائك أكثر وأكثر الزوج لو تكلم وردت عليه زوجته الصوت بصوت يحس أنه ارتاح صوت مقابل صوت وانتهى ولكن إذا سكتت وسكتت وما ردت يشعر بتأنيب الضمير ويروح يراضيها ويدور لها على هديه حلوه هذا رأيي الشخصي وما افعله تحياتي |
اقتباس:
ااااااااااااااااامين ويوفقك ويسعدك وان ماتزوجتي يرزقك الصالح الفالح وان كنتي متزوجه يصلحه ربي ويهديه غصبن عليه:d |
اقتباس:
فعلا 100% انا كنت ارد على زوجي ومايراضيني لكن صرت اسكت الحمد لله صاريقول كلام عمري ماسمعته يدخل ويقول وين تبيني اوديك اااااااااااااااامري تدللي ويدلعني لكن اول خناق وازعل وابقى زعلانه ولافيه فايده بس السكوت من ذهب :25: واريح من المشاكل والهم |
جزاك الله خير الجزاء على موضوعك وان شاء الله نقدر ناخذ منهم ونتعلم منهم وانفذ افكاركم لما اتزوج ان شاء الله .. والله يوفقنا جميعا ..
لك تحياتي |
تصدقين عاد..من احلى وارقى ماقرأت في المنتدى.......
والله العظيم ثم والله العظيم.......... اسلوبك ما شاء الله بسيط جدا..وطريقة سردك...ونصايحك وكل شي وكل شي.. ربي يحفظك... ........... واخيرا قريت شي. في المنتدى.وضحكت من قلبي...وخصوصا ناديه بالشيخ ياطويل العمر لو انه خرطي هههههههههه اكثر ماجذبني بما كتبتي لانك اصبتي الواقع اختي..فعلا هالنماذج موجوده وبكثررررررره ........ |
السلام عليكم ورحمة اله
أشكرك أختي ريمة نجد على نصايحك وعلى هدفك الواضح من سطورك... ولكن عذرا ليس معنى الإحترام أن أسكت على الخطأ... فعلا ليس جميلا أن ترد المرأة الصوت بالصوت.. وأن يكون من أهدافك بالحياةقل خيرا أو إصمت.. وهذا خارج عن أنوثتها أن ترفع صوتها أو لا تحترم زوجها.. لكن إلا الخيانة... وأين ذهبت مشاعري لأرضى به بعد كسره أحاسيسي... كل شي له حل ولكل شخص طاقة تحمل.. لكن إلا الخيانة.. وقد تتحملها بعض الزوجات وهناك نساء لاا تستطيع ان تسكت على خطأ كبير فقد كسر الإحترام فيما بينهما.. الخيانة الضرب أمور لا يسكت عليها... والإحترام لا يكون بالسكوت عليها.. هذا منافي للإحترام ..!! أشكرك على طرحك وفقك الله |
والله مااقدر اسوي كذه ...
لو انا تذبحت معه والطلاق اكيد ماشاء الله عليهم الله يحفظهم |
كلامك نابع من اصاله وطبع ناس فيهم خبره بلتعامل مع الزوج وخبرات ناجحه فعلا ومجربه وهنيئا اللى يحصل
زوجه مثل هذي فعلا ( كــــــــوني له امة يكن لك عبدا ). |
ماشاء الله عليها بس انا مقدرش زوجى يزعلنلى واعمله شاااااى اقولكم ليه يابنات
لان لو عملت كده وبينت له ان مفيش حاجه هيتمرع ويكرر غلطه تانى بس لما ازعل منه وابين له زعلى هيخاف يزعلنى هو كل زوج وليه طريقه وكل واحده تعرف تتعامل مع زوجها ازاى بس لو عملت زى مراة اخوكى ياااااااااه هيتمرع على الاخر |
ما شاء الله تبارك الله
الصبر مفتاح الفرج اكيد اجرها عند الله عظيم لكن بكل صراحه والله ما اقدر اصبر ربع صبرها ابدااااااااااا |
الله يرزقنا عقلهم وثباتهم
|
ما شاء الله عليه مرت اخوك انا ملسونه كان يضربني وانا معندي الا لسني ما اقدر اضربه وابي استفزه زي ما يقهرني
اقوله ( ما يضرب المره الا مره) لأانه كان يضربني بدون سبب و اذا قلت هالكلمه يعصب ويصر كنه:23: المهم بعد فتره صرت اسكت زي بنت خالتك لكن انحش وقفل الباب لان هو جفس يعني انا عند كسر باحد الفقرات اتوقع منه اخف يذبحني ولاعد ارد اخرر مره ندالي امه عشان مقفله الباب لان الدكتو قالي ابعدي عن اي رياضه تشبه :18: المصارعه مادرى ان فيه ناس تتصرع مع رجالها:16: ا |
الله مع الجميع والله يديم المحبه
|
الاخت ريميه باين انها دعاية لبنات عمك :d اختي ريميه تصرف بنت عمك يبدوا انه جيد جداً ولكن ليس بالممتاز لكل انسان كرامه ومهما كان صبرنا لا يصل الى درجة الخنوع والذل ان ترى زوجها يخونها امامها وترضى بما لا يرضي الله اليس من المنطقي ان تحثه على الزواج بدل ممارسة الحرام وكانها راضيه بما يفعل ومن ناحية أخرى لو نفترض ان وحده تحب زوجها وتعلم انه يستعمل مخدرات هل سوف تأمن على نفسها وان زوجها لن يدخل عليها رجل وهو في حالة لا يعلم عن نفسه يجب ان يكون للمرأة شخصيتها كي تستطيع من تربية ابناء يستطيعون الاعتماد عليهم اذا كان الاب بعيد عنهم ويجب ان يكون للمرأة رأئيها واختيارها وقراراتها في بيتها حلو ان الزوجه تصمت وتصبر في لحظة غضب زوجها ولكن لا تجعله يتمادى وتمرر له أخطاءه بكل سهوله . الله يوفقه ويستر على بنات المسلمين |
اختي الحبيبة
شكرا على الموضوع لكن المشكلة ليس كل رجل يقدر ...فأنا فعلت ذلك مع طليقي ولم اجد الا ضياع حياتي وتغيير شكلي وسوء صحتي فليس كل رجل يستدق كل هذه التضحية |
تصدقين ريمية قريت الين خلصت سالفة اخوك وزوجته ووقفت ماكملت لأني منقهرة من اخوك بصراحة!!
ياعمري ضاع شبابها على تكفيخ وضرب وتسمع مغازل زوجها مع بنات!!! ويوم ولدت وبعد مدة رجع لها!! انا صح اقول ما شاء الله عليها لكن والله لو في مكانها قسما بالله ماخليه انا احب المرأة القوية اللي تظهر الضعف لزوجها تستضعف عشان تثبت رجولته وتحس بأنوثتها لكن ماأحب المرأة الضعيفة وحتى لو كانت ضعيفة المفروض تظهر أنها قوية وان كان على سالفة السكوت لو هزأني بسكت بقول مايخالف هذا رجال وكلمته هي اليل ماشية لو ردني عن روحات وحرمني من أشياء بمشيها بعد وبسكت لو ضربني صح بنهبل ويضيق صدري نمشيها مرة مرتين ثم عقبها لااااااااا يغازل بنات وانا جنبه جعل لسانه الشلل مابقى الا هي!! << تراني أتخيل نفسي اختي انا اذا صديقة لي شكت بزوجها وهو شك اقعد اهوجس معها ويضيق صدري شلون لو اتزوج ويكلم جنبي الظاهر بذبحه:30: بس أشوى مرة أخوك ربي عوضها ولا كان ياعمري راحت فيها بس صدقيني عشانها تكتم والله بتجيها امراض كثيرة اعرف وحدة كذا ماوصلت 34 الا وبدت فيها الامراض عسى الله يشفيها ريمية تكفين سلمي لي على مرة اخوك ياحبي لها قولي لها ترى محد نافعك طلعي لسانك بس <<< تخربها عليكم ............. تراني امزح والله |
اوافق راي الاخت مشمشة عمري 100 بالميه كلامك صح
|
والله ياختى هاذا جدا صعب صعب اشوفه يخونى واسكت لاسمح الله
كل شى ولا الخيانه والزواج الثانى الله يكفينا الشر وى بسمله عليه هاذول عمله نادره غير موجوده الله يعينهم |
وااااااااااو
ريمية نجد معقولة في ناااااس كدة الله يجعلنا من الصابرين اااااااااامين انا قلت امكن مرت اخوكي علشان حبيب عمرها طلع في نماذج تانية والله بنات اليوم من اقل مشكلة يقوموا القيامة شكرا اختي على الموضوع |
صراااااااااااااااااااحه واقرا الكلام وانا ميته من القهر
اصلن انا مستحيل يسوي فيني كذا واسكت يعني انا عندي الطلاق وايد ارحم من الي سواة فيها يمكن زوجها رجع لعقله بس الباقي ماعتقد لانه شفت حالات مثله كثير اشوفهم يوم عن يوم يزيدون على زوجاتهم مايقللون اي شي دامها ساكته عنهم اما الي تدافع عن نفسها اشوف مايقدرون يسون لها اي حاجه احنا عايلتنا الطيبات هم الي انظلموا وتعذبوا في حياتهم اما الحريم الي ماتسكت ماخذها حقها وزيادة ورجالهم مايقدرون يسون اي حاجه والله لو انا مكانها ماسويت ربع الي سوته كان جبت اخرته اموت واعرف الصبر الي فيها من وين جايبته بس صراحه هاي البنت نادرة بس الحمد لله ان الله عوض صبرها خيرها ولا كان النهايه ماكانت كذا |
ما شاء الله عليها ، الواحد بيشوف هذه النماذج بيحس قد ايه هو دايما غلطان
|
| الساعة الآن 08:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©