|
محتــــــارة: ماما ولا زوجي !!!
بسم الله الرحمن الرحيم انا محتارة جدا ومحتاجة لمساعدتكم زوجي رح يسافر بعد كم يوم مع والده وأخوه لشغلة... وانا متضايقة لنه أول مرة من تزوجنا يبتعد عني زوجي, خبرت ماما بالموضوع قالت لي ليه ماتجين عندنا احنا ما نشوفك الا بالأسبوع مرة أو مرتين وعشان ما تصيرين لحالك ما تتصورون اي قد كانت مبسوطة وفرحانه <<< انا وماما زي الأصحاب..ونا كمان انبسطت عشان اقعد مع ماما زي الأول وعشان ما يضيق خلقي بروحي..ومقدرت استنا يجي زوجي اتصلت فيه وقلت له ايش رايك اذا سافرت توديني بيت اهلي؟أول مرة زوجي يصارخ علي كذا <<< تيبست :eek: ليه ونا ايش قلت عشان تصارخ علي ؟؟؟ قال لي اياني وياك تطلعي من البيت ونا مسافر ... وان سمعت انك طلعتي رح ازعل عليك .. معصب حده انا فهمت انه يبغا يخوفي عشان ماافتح معه الموضوع واسمع كلامه ...خبرت ماما وحسيت انها انقهرت وقالت لي قولي له انه واحد من اخوانك بيجي ياخذك ويرجعك بنفس اليوم قلت لزوجي هم مارضا واليوم ماما اتصلت قبل شوي وحاولت فيه قال لها باسلوب حلو انه يبيني اقعد مع امه لنها حتكون لحالها معنها ما حتكون لحالها يعني انه تحجج ... وانا ادري ليه ما يبيني اروح عند اهلي وعاذرته بس ماما كسرت خاطري مرررررررررة انا محتاااااااااااااااااااااارة اتمنى انكم فهمتوني وتساعدوني للحيرة اللي فيها تحياتي, اختكم شقراء السعودية .... ;) |
اسمعي كلام زوجك أحسن.. وقوليله عشان خاطرك بس بقعد.. وإن شاء الله الجايات أكثر
|
حبيبتى شقراء السعوديه عارفه الحيرة اللى انتى فيها
بس معلش لازم تسمعى كلام زوجك مادام مش راضى يقتنع انك تروحى لاهلك معلش خليكى فى بيتك احسن ماتحصل مشاكل ويزعل منك وحاولى تراضى مامتك باى طريقه |
عزيزتي شقرا...
إنتي الغلطانة.. كان المفروض بعد ما زوجك رفض.. إنك تخبرين أمك بأسلوب حلو إنك ماراح تقدرين تروحين لهم.. لحد ماتقنعين زوجك إنك تروحي على الأقل يوم واحد وترجعين بنفس اليوم مع أخوك.. بس إنتي الظاهر إنك بينتي لأمك طريقة زوجك بالرفض من غير سبب وعشان كذا انقهرت عليه.. ألحين أنا أشوف إن ماعندك حل غير إنك تقعدين ببيتك.. لأن زوجك واضح إنه ماراح يوافق .. لا تكبرين الموضوع وقولي له إن شاء الله.. وبعد مايسافر بيومين ثلاثة اتصلي له وكسري خاطره بكلمتين وقولي له إنك زهقانة وطفشانة وحابة تروحي بيت هلك يوم يومين تغيري جو أو حتى تروحي وترجعي بنفس اليوم.. |
شكرااااااا اليازية وأم ادهم وبحرينية ولكن ...
انا رح اسمع بنصايحكم واسمع كلام زوجي وقعد بالبيت احسن لي... :d فعلا حسيت اني مكبرة السالفة !! |
كان الأجدر بك أن تعتذري لوالدتك بلطف بأي عذر كان .. عدا أن زوجي رفض !!
ما ستعتقد والدتك .. أن زوجك لا يحبذ بقاءك لدى أهلك .. أن زوجك لا يحب أهلك ... الخ خواطر كثر ستراودها .. الزوجة الذكية .. هي من تلتزم رأي زوجها .. دون أن تظهر للناس أنه هو السبب !! *** موفقة يارب |
اختي عبير الأحلام
زوجي يحب اهلي كثير لنه زوجي واهله معارف لأهلي (اصحاب) من زمان وماما تحب زوجي واهله لنه انا بنتها الوحيدة ونا اكيد خبرت ماما بأسلوب حلو ولطيف .. وماما مستحيل ترضا اتكلم على زوجي بطريقة غلط بس هيه انقهرت لنها ودها وعندها امل اني اكون معها بغياب زوجي وكانت كل شوية تتصل تبغا تعرف ايش رد علي زوجي رضا ولا لأ وايش السبب؟؟..ويوم زوجي خبرها انه يبغاني اجلس مع امه مامانعت ماما بالعكس نصحتني اني اسمع كلام زوجي ... وعلى فكرة انا ما تخانقت مع زوجي لهالسبب بالعكس متفاهمين <<< مسوية له جو قبل السفر:d وشكراااا لك عزيزتي على ردك ...;) ودعو لي الصبر على غيابه مدري كيف بعيش هاليومين اللي بسافر فيهم:rolleyes: |
نقل الى عالم الثقافة والتوجيهات الزوجية
|
اتوقع لو تقولي لأمك تجي هي عندك تكوني ارضيتي كل الطرفي .
|
أسمعي كلام زوجك أحسن لك و للجميع
|
لماذا يستغل الرجال القوامة ويمنعون زوجاتهم من زيارة أهلهن؟
ألا يعد هذا ظلما،، إذن فأين (عاشروهن بمعروف)؟ لا أريد أن يمنعني زوجي من زيارة أهلي لمجرد أنه تزوجني!! لماذا أيها الرجال؟ لماذا؟ |
نصيحه لكل المتزوجات : انتبهي لا تولدي حقد ما بين امك وزوجك دون ان تشعري.. يعني الحين امك اكيد اخذت على خاطرها من زوجك لانه منعك تجيها خلال سفره بعد فترة ممكن يحصل موقف ثاني انتي مو منتبهه وامك تحطها بقلبها من حبها لك الى ان تتراكم المواقف وامك تكره زوجك فبالتالي الام تأثر على بنتها دون ان تشعر وهذا ما قدر يوتر العلاقه بينك وبين زوجك بالتدريج.
|
باختصار ..........
في حديث ان إمراءهً جاءت الى النبي صلى الله عليه وسلم فاستأذنته بإن والدها مريض وزوجها مسافر وتريد ان تزور والدها فقال الرسول صلى الله عليه وسلم اتقي الله واطيعي زوجك فرجعت وتوفى والدها واتت النبي صلى الله عليه وسلم واستاذنته بان والدها توفى وتريد ان تشيع جنازته فقال النبي صلى الله عليه وسلم اتقي الله واطيعي زوجك ... او كما قال النبي صلى الله عليه وسلم |
| الساعة الآن 07:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©