![]() |
مشكلتي مغ اخوي
السلام عليكم ورحمة الله وبركاته
اخوتي في الله اول مرة اعرض لكم مشكله من مشكلاتي وارجوا منكم حلها ولتفاعل معي لانها من جد مضايقتني جدا المشكله هي انه عندي اخ مراهق وانا اكبر منه بكثير ممكن10 سنوات ودائما اعتبرة مثل عيالي وفجاة ممكن له كم شهر يكرهني ويكره عيالي بشكل غير طبيعي احسه وده يقتلنا حاولت اتفاهم معه بس من غير فايده ويقولها صريحه انا ما احبكم ولا تزورونا في بيتنا ابدااااااااااااا وصرت كل ما رحت اشوف امي هو يتخبى في غرفته حتى اروح لبيتي والله انا ابغاة واحبه بس مو قادرة اوصل لقلبه وساعات اقول يغار من غيالي لاني مدلعتهم وهو فاقد حنان الابوة من كان صغير(0لان ابوي متوفي) لكن امي مو مقصرة معاه ارجوا اني اجد عندكم حل لمشكلتي |
كل الشباب كذه ويسوا اكثر ....
انا اخوي مايعجبه العجب .. اشترى اخر جوال في السوق وعنده كل انواع الاجهزة اللي تتخيليها والالعاب البلاي ستيشن وبرضه يقوول انتوا ماتعطوني شئ .. :29: وهذا غير المصرووف اليومي ركزي اليومي وليس الاسبووووعي .. وبرضه ويقول ماتحبوني وكلااااام كثير زي اللي قلتيه .. كذه الشباب .. صدقيني فترة وتعدي .. انتي اهم شئ خليكي طبيعية معااه وعااادي جدا .. اي شئ يطلبه اذا تقدري تسويه سويه .. والله انا ما اعرف شئ لكن اتكلمت وفكرت من منطلق كانه اخويا الله يعينك ياقلبي بالتوفيييييق |
جزاك الله خير اختي كبريائي دائما سباقة الى لخيركعادتك
بانتظار البقيه المبدعه في حل المشاكل |
هكذا هم المراهقين الذين لم ينشئوا على التربية الاسلامية منذ الصغر عندما يبدأون في سن المراهقة تبدا مشاكلهم مع والديهم وأخوانهم وجيرانهم وأقاربهم وما على الشخص إلا الصبر عليهم والدعاء لهم بالثبات وعدم التورط بالدخان واصدقاء السوء وأغلب المدخنيين بدأوا في سن المراهقة النصيحة الصبر عليه والدعاء له بالهداية ومدحه والثناء عليه واشعاره أنه رجل واعطائه الهدايا -لكن عدم أعطائه فلوس -خوفا من ان يشتري اشياء محرمة أو ممنوعة -كدخان أو أفلام محرمة الخ والله يكون في عونك
|
جزاك الله خير
لكن اخي والله قد نشا على التربية الاسلامية منذ الصغر وكان من قبل ان يدخل المدرسه لاتفوتة صلاة الفجر ودائما يلتحق برغبته في دور التحفيظ لكني لا اعلم ماهذه الانتكاسه التي طرات عليه بانتظار بقية المبدعين توقعت ردودا اكثر عندما رايت كثرة الزيارات ولكني لم اياس فلابد وان اجد من يحل لي مشكلتي |
لا تقلقي يا عزيزتي هو كما قال الأخوة حال جميع المراهقين من مضايقات وافتعال للمشاكل وهي بالتأكيد فترة وسوف تمر وإن كانت سوف تطول ما عليكي سوى محاولة التقرب منه رغم أفعاله وأشعريه بحبك له وذلك دائماً بالاتصال بهاتفه النقال والاطمئنان عليه وعندما تذهبين إلى منزل أهلكي أحضري له بعض أصناف الأكل التي يفضلها هذا سوف يشعره بعنايتك واهتمامك به وعندما تتمكنين من هذا الأمر إبدئي بعد ذلك بتغيير الصفات التي ترينها سيئه فيه لأنه سيكون محب لكي وسيتقبل النصيحه
|
التفكك الاسري اساسة العطف والحنان اذا فقد فالعزاء لنا
ام خالد شفت ردك على موضوعي جلست افكر في ردك والله العالم وبعد كره اخوك لكِ ولعيالك مع انكِ لم تذكري اسباب وطرق نسلكها للنصل الى نتجيه صائبة لكِ اكتفيتي بالوصال فقط ام خالد اتمنى تذكري لنا اسباب اخرى فالحل يكون بالنقاط العامه وهل شقيقك انطوائي وماهو الحقد او الكره ان قلنا تلاقينه منه بمعنى يرفع صوته عليك وهل يزعج اولادك بافعاله ام بكلامه هل يبكي عندما ينزعج منك ومامعنى انه يتخبى منكِ هل انتِ عصبية او بمعنى تضربية عندما يخطي وهل سبق لكِ ان ضربتيه او منعتيه من شي وماهي علاقتك او صوورتك بنضره وهل اولادك بسنه او اصغر منه حفظكِ الله |
عااااادي هم مراهقتهم يقلبوها نكد علينا معرررررووفه
|
أكثروا من الدعاء له وهذا أمرا طبيعي يمر به كل مراهق فلا تجزعي ولا تحزني وربي يرده الى صوابه ويفتح على قلبه
|
دلع
جزاك الله خير ان شائ الله اطبق اللي قلتي بحذافيره الاميره لا يوجد اسباب اعرفها وهو ليس انطوائي ولكن علاقاته محدوده وانا لم ولن اضربه ابدا لم اضرب الصغار فكيف اضرب الرجل؟؟؟ وبالنسبه لاولادي هم اصغر منك بكثييييييييييير مثلي فرق عمري عن عمره وجزاك الله خير على اهتمامك كرازي الثعالبي جزاكم الله خير ردودكم ريحتني كثيرا واطمح في المزيد من الردود |
يا بنت الحلال ياما صرقعت في اهلي في فترة المراهقة وبعدها كبرت وعقلت وندمت على ما مضى (هذا مو معناه اني كبير ):d اهم شيء في هذا المرحلة عدم الاصطدام مع المراهق حيث ان المراهق في هذه المرحلة يمر بتغيرات نفسية دقيقة لها تأثيراً قوياً على الصورة الذاتية والمزاج والعلاقات الاجتماعية ليس معنى ذلك ترك الحبل على الغارب بل يجب مداراته ومعرفة احتياجاته ولامانع من تثقيفه بحساسية هذه المرحلة وتفهمكم لها سددوا وقاربوا ، لعل الله ان يهديه |
أختي ام خالد
اتوقع الي يسوية اخوك لأنه غيران من اولادك لأن عندهم ام وأب ونتي تعتبرين صغيرة في السن اذا قارن امة الكبيرة في السن وشاف اولادك معاك انا اعرف طفلة صغيرة امها كبيرة في السن كانت تقول لوالدتها لاتجين عندي في الروضة خلي احد خواتي تجي علشان يحسبونها امي ولا ابيك انتي يالعجوز ..!!! انتي حاولي ان قدر الأمكان انك تهدينة هداياء وتقولين هذي مني وهذي من ولدي ........ |
مراهق عادي تصرفه بس اخاف عيالك مدلعين ويخربون عليه اشيائه او ان احد وبخه بسبب عيالك وهذا الشيء يعصبهم جدا لانهم يحبون يصيرون رجالة على الصغار وما يحبون يتفشلون
او ان امك تهتم فيكم لما تزوروهم فيتضايق لان مصدر الحنان الوحيد ينشغل عنه |
حبيبتي لاتزعلي من قلة الردود جايك الخير
شوفي يالحنونه انا واخوي توفى ابونا الله يرحمه وكنا صغاااار 11سنه و13 سنه طبعا في اخواني اكبر مني 14_16 _18سنه بيني وبينهم كم فرق السن بينه وبين اكبر اولادك؟ وهو كم عمره؟ حاولي تاخذيه معاكم للطلعات والخرجات روحوا استراحات تعني له بالهدايا تذكري حديث الرسول صلى الله عليه وسلم (تهادوا تحابوا) ايام روحي عند امك من غير عيالك روحي لوحدك ادخلي غرفته اجلسي على سريره قولي له انا من زمان ماجلست على سريرك اذكر لما كنت صغير كنت تعملي كذا وتلعب معايا ومره سويت فيني مقلب <<<<<<<<<<طلعي ذكرياتك معاه افتكر مره كنت اغسل الملابس ودخلت عليه وفجعتني وخليتي ادلق المويا على الأرض والصابون تفتكر وتفتكر وشوي وقربي منه اذا كان جالس على المكتب اجلسي على طرف المكتب وشوي وقربي وضميه بوسي راسه وقولي له قديش افتخر فيك وان شاء الله اشوفك (ضابط اوطيار.).....<<<<<<شوفي ايش يحب يكون طبعا بما اني ماأدري كم عمره المهم تقولي له ان شاء تكبر وتتخرج ونجيب لك سياره بس هااااااا طلعني معاك ومشيني انا وانت لوحدنا يعني تلطفي له وتوددي هو طبعا بيلين شوي وممكن يتجاوب معاك ممكن تتفقي معاه على خرجه انت وهو بس تروحوا مكان عموما انا اتوقف الين تعطيني اجابت على اسئلتي عشان اعرف اعطيك افكار تساعدك س\كم عمره؟ س\كم الفرق بينه وبين اولادك؟ س|هل في اخوان اصغر منه او اكبر؟ ولي عوده بإذن الله اختك في الله |
حبيبتي أم خالد كل المراهقين تجيهم حالات غريبه بسبب تلخبط الهرمونات وإنتي حاولي تقربي منه إرسليله مسجات حلوه حسسيه بحبك ووجودك جمبه حتى لو ما كان يبي وصدقيني فتره وتعدي بس لا تخليه يتطبع بهذا الطبع ساعديه والله يقربكم لبعض ولا يفرق بينكم يارب |
اقتباس:
:22: هلا أم خالد ! http://www.66n.com/forums/images/icons/tongue3.gif اشحالج عزيزتي ؟؟:d همممم أقترح لو تسويلة مفاجأة .. :11: ممكن تعدين له حفلة يوم الميلاد في مكان حلو بإيدينج شيف ;) ، وإذا الوقت بعيد .. ممكن تسإلين أحد قريب منه عن الشي اللي يتمناه ( هدية ) أخ ثاني لج ، أو أصدقاءه ، حطيها على سريره من دون ما يعرف . أو ممكن بعد تجيبين له شيء حاول يجيبه والأهل رفضوا .. في حال إن ما فيه ضرر عليه ، و إنتي متأكدة من استخدامه الصحيح له ، اقنعيهم وجيبيها له في حدود إمكانياتك .:18: المراهقين في هذا السن يحبون وااايــــــد هالسوالف وتأثر فيهم بالعادة المفاجئات والمقالب :d وربي يوفقج .. :22: تحياتي لج ، إختج : خلك إيجـــــــــابي ! |
بو ساري
جزاك الله خير استفدت من كل حرف كتبته شايله جروحها ان شاء الله راح اعمل بنصيحتك طمع اني عملتها قبل ولا فاد لكن معليش ممكن انه يتقبل مني الفلوجه جزاك الله خير اختي وبالنسبه لاولادي ما يلمسون له شي ودايما محترمينه وخايفين منه وامي علاقتها بعيالي عاديه ما فيه زود اسعدني مرورك واعجبتني حلولك روح الغالي هلا بالغاليه اجابتك اعجبتني كثير وان شاء اله اقدر اطبق اللي قلتيه وبالنسبه لاسالتك س\كم عمره؟ عمره18سنه س\كم الفرق بينه وبين اولادك؟ 10 سنوات الكبير والصغير 12 سنه س|هل في اخوان اصغر منه او اكبر؟ لا مافيه كلنا متزوجين باقي بس هو وبانتظارك اختي لولو فكرة المسجات اعجبتني نا فكرت فيها قبل جزاك الله كل الخير خلك ايجابي هلا والله باختي الغاليه افكارك كلها روووعه واكيد ان شاء الله راح احاول اطبقها واشوف النتيجه معاه |
اشتري له هدايا او ملابس حلوة ولا تمدحي معامله زوجكك مع اولادة وهو موجود
ترى مهما كان يحس ويحس بفقد ابوه حتى لو عوضتوة او الوالدة دلعته |
اللهم إصلحه وإهديه
يمكن فاهمك في حاجة غلط:29: وأول شي لازم المبادرة منك يعني إسأليه ماهو السبب حاولي ربما يوجد سبب وحاولي تتقربي له بالهدايا إلي يحبها :22: صدقيني راح يستحي من نفسه :23: وإسألي عنه دوماً وإذا كان يمتلك جوال إرسيلي له رسايل حلوة أكيد إنتي على معرفة بها إن شاء الله أكون أفدتك |
متغربه
جزاك الله خير ردك حسسني ان هذا هو السبب(معاملة زوجي لعياله) لان زوجي لزم عليه يسافر معنا وشاف كل شي في الرحلة قدامه ولان عيالي ما يشوفون ابوهم الا قليل بحكم عمله هو كان يحاول يعوضهم عن حرمانهم منه في الرحله بس والله كانت معاملته لا خوي احن من معاملته لعيالي(ماشاء الله تبارك الله) لانه يرحمة وبعاملة كيتيم لكن المشكلة كيف ممكن اشيل الصورة من راسه؟؟ |
الارجوان
جزاك الله خير افكار قمة وروعه |
اختي .. ظروف اخوك تذكرني بنفسي مع احد خواتي .. الحين كبرت وكل ما اتذكر تصرفاتي اخجل من نفسي
السبب هو الغيرة .. اشوف اهتمام اختي وزوجها بعيالهم وتدليعهم وانا افتقد حنان الاب ومن جهة ثانية لا تبينين حرصك الزايد على اولادك قدام اخوك يعني مثلا كنت اتذكر لو اضرب احد عيال اختي او ما اعطيهم اللي يبون .. تهاوشني اختي ويزيد كرهي لها ولعيالها ما يهم طنشي وكأنك ما تشوفين ما راح يموتون لو ضربهم مثلا .. صدقيني اذا حبك راح يحب عيالك وزوجك ويموت عليكم ويصير المدافع الرسمي عنكم الحل شفتي علاقتي مع اختي كيف كانت ؟؟ سبحان الله تبدلت 180 درجة وصرت ما استغني عنها لازم يوميا اشوفها او اكلمها وصارت مخزن اسراري ... اقولك وش سوت .. شكلها رحمتني وحست اني غيرانة من عيالها بدت تجيب لي هدايا باستمرار مو شرط تكون غالية مرة جابت لي ميدالية ومرة عطر ومرة محفظة ....... وتقول لي شفت هالشي في السوق وقلت ما يغلى على اختي وجبته لك ... تقريبا ما تنساني واذا شافتني حزينه تجي وتقول وش اللي مضايقك ؟؟ تبين مساعدة ؟؟ لا تشيلين هم وانا اختك ... طبعا في البداية ما كنت اعطيها وجه .. وهي مستمره على احسانها قلت في نفسي وش اللي حادها تسوي كذا ؟ اكيد تحبني من جد وصرت مثل العجينة بيدها الى الان احبها هي وعيالها واغرقهم هدايا .. استشيرها في اموري . طبعا الحين انا مره ام عيال |
جزاك الله خير اختي عهود
ردك ريحني ووسع صدري...............يعني ممكن انه يتحسن حالنا مع بعض طيب كيف ابدا معه هو الحين ما يسلم علي ولا اشوووفه |
حبيبتي ام خالد
بسم الله عليه كبير وعاقل يعني مر سن المراهقه من كلام عهووووود ذكرتني بأختي على فكره اولاد اخواتي فرق السن بيني وبينهم واحد 3 سنوات والثاني 4سنوات هذول اللي مره قريبين مني طبعا كنت دائما الضارب معاهم واكون انا الباديه<<< بس اختي لما تشوف عيالها يمدوا يدهم عليه تقوم تصرخ عليهم عيب هذي خالتكم لازم تحترموها والله اكسر يدكم لوشوفتكم مره ثانيه ترفعوا يدكم او حتى تفكروا طبعا اولادهم ينقهروا مني وانا ذيك الساعه انبسط ويكبر راسي واوقف ضرب<<<<<<<<<<<شرانيه من يومي اعتقد هذي النقطه يمكن كانت سبب في حبي لأخواتي لأنهم يدافعوا عني على فكره انا دااااااااااااااااااااااااااااااائما اسافر مع اختي في كل مكان تسافره الي عهد قريب كانوا بياخذوني معاهم هذا الصيف بس كنت مرتبطه مع امي واختي بعلاجهم المهم مثل ماقلت لك 1_الهدايا 2-التودد 3_اجلسي واخرجي معاه لوحدكم 4_اذا جلستوا جميعا خلي اولادك يضيفوه (اعطي خالك ،سلم على خالك ،......) يعني خلي اولادك يقدموا الأحترام لخالهم وحسسيه انك فعلا تفتخري فيه وعليك بالدعاء له واستمري لاتوقفي من توددك لها واعتمدي عليه في اشياء يعملها لك وتشكريه ممكن انك تفاتحي زوجك بالموضوع قولي له ايش رايك باأبو خالد هل تعتقد اخوي يكون متأثر من فقدانه لأبويا اوقات احس انه منطوي و و و ايش رايك بيوم اذا فضيت تمر عليه وتروح انت وهو معارض السيارات خليه يغير جو وسولف معاه وحاول تتقرب منه وروحوا كفي يعني كل الموضوع ساعه تأكدي حبيبتي ان هذا الموقف بيحسن من نفسه وبعدين ذكري زوج اختك انه يتيم ولازم نشد من أزره اخاف انه يسلك طريق يغضب ربي العالمين على فكره ازواج اخواتي اقرب لأخويا الأكبر مني اكثر من اخووووونا الكبيييير سبحان الله رب اخك لم تلده امك وان شاء الله خير حبيبتي وربي يسعدكم ويفرج همكم وينولكم مرادكم اختك في الله |
ام خالد اذا ماتشوفيه ولايسلم
اطلعي غرفته وقولي له اشتقتلك وبدأي بالتودد والذكريات |
جزاك الله خير اخت روح الغالي
ردودك ريحتني كثير وحسيت اني فعلا قدر احل المشكله ان شاء الله اطبق كل اللي قلتي بالحرف الواحد الله يسعدك ووفقك عزيزتي |
في البداية اذا هو ما يبي يشوفك تقدري تتركي له الهدايا عند امك وهي توصلها .. بعدها تقدري انتي تطلعي له
او اتوقع هو ينغسل اللي بنفسه وينزل لك بس طولي بالك تحتاجين شوي وقت .... ربي يوفقك |
جزاك الله خير اختي عهود
وفعلا شكلي لازم ابدا احل مشكلتي بواسطة امي لان امي متضايقه جدا من الموضوع وممكن ترتاح لو شافتني بديت بحل المشكله |
الساعة الآن 07:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©