السلام عليكم ورحمة الله وبركاته هاذي المشكله صارت حق صديقتي وهي متضايقه منها كثيرا
كانت واقفه مع بنتها عند باب غرفة ام زوجها وام زوجها بدون احترام قالت لها المكيف شغال ممكن تاخذين بنتك وتفارجين
صديقتي انقهرت منها لانها كانت رايحه وبتدخل عنها بس سمعت هالكلام وطلعت من عندها وهي مقهوره ،المهم راحت الى زوجها وحبت انها تفضفض له اللي في قلبها ،وقالت له ان امك كذا وكذا ،قالها تستاهلين واذا امي قالت لك شي يحق لها لانك ما تساعدينها في البيت ،ردت عليه وقالت له انه كنت معزمه من باكر اني اقعد الصبح واساعدها لكن الحين غيرت رايي،قالها هي مو خدامتك تطبخ وانتي تاكلين قالت له انه مو ماكله من عندكم ولا شي عشان ما تقول ان هي خدامتك ،واذا غلطت علي باغلط عليها ،قالها اذا فيك خير سويها هي شعاد تغلط عليك لو عشرين مره لكن انتي اذا غلطتي عليها مره باقص لسانك وباكسر ضروسك ،انقهرت صديقتي وما قدرت تسيطر على دموعها وبجت جدامه وما كلمته بعدها،ثاني يوم دخل عليها بعد ما رجع من الشغل وقال لها تقديتي قالت له انه قلت لك اني مو ماكله من عندكم اذارحت عند اهلي باكل واا ما رحت ما باموت يوع ،المهم ان زوجها ما رضى يتقدى الا اذا هي تقدت معاه وطبعا هي رفضت وهو قام وما تقدى ،راحت له وراضته وتقدت معاه ولكن هي الى الان شيلة عليه على الكلام اللي قاله له ،شرايكم في كلام زوجها لها وهل هي غلطانه لما قالت له ان بتغلط على امه اذا غلطت عليها ؟؟؟؟

المشاركة الأصلية كتبت بواسطة روح الطير شكله أم زوجها تضايقت من زوجة ولدها لإنها ما تساعدها بشغل البيت و الصراحة أنا مقهورة من زوجة أخوي لإنها تجي عندنا تاكل و تطلع و أمي تطبخ لها و تفرش السفرة قدامها و تغسل الصحون و بالأخير تشوف إن أمي مقصرة معها ؟؟؟؟؟ شكلي بأحرض أمي عليها :D لا تصدقوا :)

المشاركة الأصلية كتبت بواسطة عيون فتانه السلام عليكم شكرا لكم اخواني واخواتي انه الحين الحمدلله انحل الخلاف اللي بيني وبين زوجي وصرت اقعد الصبح:)وادخل المطبخ مع ام زوجي ما اطبخ لاني ما اعرف اطبخ بس اسوي سلطه وعصير واقعد اسولف معاها ،وحسيت ان زوجي واااااايد فرحان مني ،الحمدلله بحاول اني استمر ولا ارد الى الوره واشكركم مره ثانيه