السلام عليكم ورحمة الله وبركاته
مشكلتي باالامس كنت واقفه عند باب غرفة ام زوجي وهي تدري اني كنت ناويه ادخل لها وبصوت عالي وبنبره وقحه قالت حق ولدي اللي هو حفيدها ان يصك الباب في ويهي وكانت تقول له صك الباب خلها تفارج هي وبنتها ،انقهرت منها وبكل برود انه صكيت الباب وطلعت مع اني كنت اغلي من الداخل ،اشتكيت حق زوجي من باب اني انفس القهر اللي فيني بدون انتظار اي ردة فعل من زوجي لامه ،رد علي وقال لي تستاهلين هي تقعد من الصبح وانتي توج قاعده وتبين تقطين بنتج عليها وهي مو خدامتج عشان هي تطبخ وانتي تاكلين قلت له انه كنت ناويه اني من باجر اساعدها لكن احين غيرت رايي ولا ابي اكل شي من عندكم بعد اللي تطبخه خله لكم واذا غلطت علي مره ثانيه باغلط عليها ،قالي تخسين تغلطين عليها هي شعاد تغلط عليج لو عشرين مره وانتي لو بطلتي حلجج بكلمه مو عدله لها باقص لسانج وباكسر لج ضروسج ،سمعت كلامه وبدون سيطره على نفسي بجيت ،المهم يوم ثاني دخل علي الغرفه ولا كان مسوي شي وسالني اذا تغديت او لا قلت له انه مابي اكل من عندكم شي وباكل من عند اهلي قال لي واذا ما وديتج لهم ؟قلت له ما باموت جوع وحطيت له الغدا ورفض ان يتغدى الا اذا انه تغديت معاه طبعا انه رفضت وهو بعد ما تغدى وقال لي شيليه بس انه مابي وشلته بس بعدين انكسر خاطري عليه لان ياي من الشغل اكيد تعبان وجوعان ،ناديته وبالغصب يه وتغدينا مع بعض مع اني ما كانت لي نفس كلللللللللش ،،،،،مسامحه اذا طولت عليكم بس كنت حابه اطلع اللي في قلبي حق احد وقلت مالي غيركم ،شرايكم في كلام زوجي لي ببين اهانتي وكرامة امه ؟؟؟؟ انه صج تراضيت معاه بس مو من قلبي للحين شايله عليه وعلى امه اللي يات هي بعد هالموقف ولا كانها مسويه شي بعد وقعدت تسولف معاي لكن انه ما كنت ارد عليها الا باختصار شدييييد:(