مشكلتي مع ابن عمتي !
 

بسم الله الرحمن الرحيم

بلييييييز ابى رايكم بليز في موضوع مهم نوع ما
طبعا في كل اجازه وكالعاده تعودنا اننا نسافر مع اهل مامتى ولكن هادي السنه اختلف الموضوع لان بابتي قرر انو هادي الاجازه راح نقضيها هنا مع اهلو مع العلم انو قبل كدا حصلت مشكله خلتنا نتقاطع لمده 2 سنه وبعدها اصبحت علاقتنا بهم محدوده لذا رفضنا فكره اننا نقضي العطله هنا جدتي وعمتي لكن حصل امر لم نكن نتوقعه ولم نفكر به اصلا اننا في يوم من الايام راح نحبهم لدرجه مره كبيرهوبالفعل هذا ما حصل في الاجازه هذه حيث ذهبنا الى الكباين في يوم وقررنا اننا نجلس اسبوع هناك وطبعا جائت عمتى وعيالها عشان يباتو معنا هناك و جدتي المهم ومن بعدها سرنا انا واخواتي (3) مع عيال عمتي (3) نجلس مع بعض دائما ونلعب مع بعض واستمتعنا وقتها جداجدا من كتر اللعب المهم طبعا عمتي ما عندها بنات بس عندها عيال وطبعا اولادها يبو اخت لهم وسارو يبكو معنهم كبار عند عمتى عشان يبوها تجبلهم بنت يبو اخت يعني المهم وعشان احنا وقتها قضينا معاهم اوقات مرره حلوه مرره مرررره فسارو متعلقين بينا على اننا زي اخواتهم حتى سرنا من جد نتعامل معاهم على انهم اخواننا حتى بابا وعمتى سارو هما نفسهم عادي عندهم اننا نتعامل معامله الاخوان حتى لو احد فيهم كان يبى يزعق لوحدا فينا عادي مدام هوا زي اخونا ويخاف علينا فعادي خلي يسوي الى يباه يزعق ولا يفرض سيطرتو عادي المهم بعد ما خرجنا من الكباين رحنا عندهم نبات لمده 3 اسابيع فسارو متعلقين مررررررره اكتر بينا بس المهم اهلي رجعو البيت وخلوني اجلس مع عمتي هناك لان جدتي وعمتي كانو يبغوني اجلس عندهم المهم كان في شي ملاحظينو كولنا سواء عمتي او ماما او بابا المهم انو اختي الكبيره شخصيتها نفس شخصيه ولد عمتي الكبير وشخصيتي انا نفس شخصيه ولد عمتى التاني وشخصيه اختي الى اصغر مني برضو نفس شخصيه ولد عمتي التالت وكل واحد مننا متعلق مع الى شخصيتو قريبه من التاني زي اختي بس سارت تجلس مع ولد عمتي الكبير الى شخصيتو زيها المهم ويتكلمو مع بعض ويفضفضو لبعض وانا كمان نفس الحكايه ولمن اهلي وافقولي اني ابات عند عمتي في هديك الفتره سار ولد عمتي الى شخصيتو قريبه من شخصيتي طبعا يحكيني كل شي ويقولي على كل شي في نفسو وانا كمان فضفتلو لكن هوا عندو مشكله مرررررررره كبيره مع اهل ابو وهوا يقولي انا ابى اقولك لكن ماني قادر وقلي كمان انو هوا مايبى يرمي همومو عليا معنو مرررره نفسو يقولو عن كل شي وكمان قلي شي مرررررررررره خلاني ابكي قلي يا فلانة انا حاسس اني راح اموت قريب يقولي من كتر ماهوا حاسس بهادا الشي سار يقولي انا حاسس اني راح اموت بعد اقل من 40 ليله طبعا وقلي انا ابى اطلب منك طلب بس توعديني انك توفي بي قلتلو اكييييييييييييد من غير شك راح اوفي بي المهم قلي لو مت اباكي كل جمعه تتصدقي عليا واذا ما قدرتي صلي ركعتيين بس وبعدها انا قررت اني من كل جهد ومن كل قلبي اني اساعدو في اني احاول احللو مشاكلو واحاول اني اخلي ينسى الاكتئاب بس انا ابى منك مساعدات في رايكم ايش اسوي مع العلم انو يبى يقولي بس انا دحين سرت بعيده عنو وهوا محتاج انو يكلمني وانا معاه عشان هوا يقلي انو ولا احد من اصحابو ما يعرف عنو ولا شي ولا هوا قيد فضفض لاي احد من اصحابو لانو ما ارتحلهم عشان كدا يقولي انا ما ارتاح لاحد في حياتو غيري عشان كدا يباني جمبو ومع العلم اني الين اليوم انا متواصله معاه على الماسنجر ولمن حاولت اكلمو سار يقولي انو نفسو انى احضنو ويبكي في حضني بس هوا ما يبى يرميلي همومو هيا دي المشكله الاساسيه خايف اني اشغل تفكيري وخايف اني اسير زيو من كتر ما افكر ما اقدر انام عشان كدا
فممكن لو سمحتو تدوني حل في الموضوع ورايكم لو سمحتو لاني مرره زعلانه وسرت اسئل نفسي اسئله تحير سرت اقول في نفسي ها هوا حبني من كل قلبو عشان كدا ما يبى يرميلي همو ولا انو هوا معتبرني زي اختو عشان كدا ما يبى يقولي عن المشكله معنو عارف انو انا الوحيده من كل عيلتنا حتى مع اهلي في البيت انا الوحيده الى تعرف اسرار بيتهم ومشاكلها كولها وكولها عمتى بتحكيني هيا قبل ما تحكي عيالها عنها لكن المشكله الوحيده الى انا مرره نفسي اساعدو فيها عشان صحتو وعشان لا يسوي في نفسو شي ومحد حاسس بالي في ولا الى جواتو غيري لاني راح اتجنن من جد لو سرلو شي
باباي

باين اختي انك صغيره ولسا مل بتعرفي في الدنيا شي

اختي الكريمة 000000

بداية كم اعماركم ؟؟

وماهي طبيعة علاقتكم بابناء عمتك ؟؟ حب ام اخوة ؟؟ وهل ترتدين الحجاب الشرعي عندهم ؟؟

اما بالنسبة لمشكلة ابن عمك فهو بحاجة للذهاب الى طبيب نفسي 000 لايجوز لك السكوت حتى يفعل بنفسه شيئاً 000

صارحي عمتك بالامر واكتميها السر 000 وحثيها على اخذ ابنها لطبيب نفسي 000

انا ماني صغيره للمعلومه عمري 22 لكن انا اعترف اني ما اعرف كتير في الدنيا

سوري نسيت اكتب حاجه علاقتي بيهم على اساس انها اخوه اولا تانيا انا ما اغطي عليهم

وبعدين انا ما اقدر اصارح عمتي باي شي لانها هيا الى بدات بلمشكله وخلت سوء التفاهم ينتشر لاهل زوجها وكمان هيا ما راح تصدق الكلام الى راح ينقال لانها مدام تشكت عمتى في شي فعندها الموضوع صحيح حتى لو كان غلط

وشكرا

يا أختي انا انصحك تحكي لمامتك ....لانها كبيرة وعندها خبرة بالحياة وممكن تنصحك

الظاهر ان ايمانه ضعيف حاولي تخلينه يصلي الفروض الخمس ويرطب لسانه ذكر الله ليطمئن قلبه ويترك وسواس انه راح يموت (( الا بذكر الله تطمئن القلوب))

نصيحتي لك اختي بارتداء الحجاب عنهم فهذا جزء من حل المشكلة

هوا في نفس عمري وبصراحه انا مره متعلقه بي

شوفي حبيبتي بقولك شي واتمنى ماتزعلي مني
بس بعتقادي انها حركااااات شباب للفت انتبه البنت وحصلت كثير لصاحباتي واصحابهم لانتحرو ولاماتو ولاشي هههههه
بس حقولك حاجه صديقتي كان ابن خالها دايما يقولها نفس الكلام بالضبط>>الظاهر صاير دارج ذا الايام
وربي بالضبط بس هذي حركه للفت الانتباه وليفتح باب للكلام بحريه وراحه اكثر لانك بتكونين متاثره وخايفه عليه وخايفه تكسرين بخاطره خصوصا انك حاطه في بالك انه شخص راح يموت بعد ايام ياااااحرام
بس مافي خوف من الموضوع طول ماهذا الشخص قريبك واكيد نيته طيبه وموناوي سوء ابد لانك قريبته
اتمنى لك التوفيق والسعاده واتمنى ماتزعلي من كلامي

هوا عمرو نفس عمري وانا متعلقه بي مرررررره كتير لانو خلاني اشوف حنان الاخوه في مع العلم اني ما عندي اخوان وهوا ما عندو اخوات يمكن عشان كدا اتعلقنا ببعض

وشكرا على ردودكم وججزاكم الله خير بس انا حابه اعرف انو لو اي احد كان في مكاني ايش راح تكون رده فعلو مع العلم انو الى مخليني اتمسك برايي واساعده انو هوا ساعدني قبل كدا في مشكله واجهتها وخلاني احل هادي المشكله وكمان انا لمن طلب منو انو يهتم بالصلاه سمع كلامي وسار يصلي الفروض الخمسه يعني عندو قابليه انو يسمع مني اي شي اقولو هوا وينفذو عشان كدا ما ابى استخدم معاه اسلوب القوه او التدخل من احد تاني خصوصا من الام او الاب او حتى جدتي لانهم راح يسوو مشكله مالها نهايه وراح يحطو اللوم عليا لاني ما جيت قلتلهم من الاول وراح تسير اشياء لها علاقه باشياء قبلها ......................الخ المهم اني ابى منكم لو سمحتو فضلا منكم انكم تقولولي ايش اسوي في هادا الشي الى محيرني

أختي الكريمة لايحق لك الظهور أمام أبناء عمتك ولاغيرهم بدون حجاب شرعي فهم ليسوا بمحارم لك وإتركي عنك مقولة أنك ترينهم كإخوانك فأنتم لم تأخذوا عهد من الشيطان ألا يغويكم ومايفعله إبن عمتك هوللفت إنتباهك ولإشغال تفكيرك به والله وحده يعلم ماالذي يخطط له ... إتقي الله فأنت آثمة وأنت بهذا الوضع المنفتح مع غير محارمك ......

أختي تأكدي إن كان يحبك فسيتقدم يوماً ما لطلب يدك

أما أن تستمروا على هذه الحال فهذا مالايرضي الله

إتقي الله في نفسك فهو ليس محرم لك

انصحك تخبرين امك

شكرا على ردودكم وانتمنى لكم كل التوفيق

مرحبا فتاة انا اقتراحي تفهمينه اذا يبيك يتقدم لك ولازم تقطعين علاقتك معه