|
حادثة سببت لي القلق من الزواج
مادري من وين ابتدي ..!! بس إلي صار معاي مادري اهو شي عادي ممكن يصير مع اي بنت او نصيبي إلي صار لي قبل 4 سنوات كنت مع اهلي في اجازة الصيف في مزرعة وكانت في قمة الوناسة اخواني اخذو معاهم ((سياكل )) لاني شيطونة قلت بجرب اتعلم اركبة ركبتة وطحت وتعورت في المنطقة الحساسة على طول رحت الحمام ....وشفت ...... دم.. قلت ممكن تكون العاده بس هذا مو وقتها لانها راحت قبل اسبوع .. ماعرفت وش اسوي او اقول حق مين ... بس الدم ماكان كثير ... وبعد فترة اكتشفت انها كانت البكارة... ماعرفت وش اسوي غير اني ابكي اخاف اقول حق امي او اقول إلي اي احد والمشكلة الحين انى في احد متقدم لي بس وش اسو اقول لمين او اسكت ومااتكم مادري وش اسوي بلييييييييييييز طلبتكم ساعدوني ملاحظة : تم تعديل العنوان ليتناسب مع المضمون / البتول |
السلام عليكم ورحمة الله وبركاته
يجب ان تذهبي للطبيبة وتتبيني الأمر منها أولاً لو كان الغشاء سليماً فلن تحتاجي لشيء وإن كان الغشاء غير سليم بإمكان الطبيبة ان تعطيك إفادة بما حدث تستطعين إظهارها إذا إضطر الأمر ولكن البداية تكون بمصارحة والدتك حتى تتمكن من الذهاب معك للطبيبة. أتمنى لك التوفيق. تحيتي. |
اختي الموضوع خطيير لازم اتصاريحين امك والمفروض انك تقوليلها في نفس وقت الحادثه
على شان يكونون على بينه وبعدين في عمليات ترجعلك الغشاء مجازه في اللي مثل حالتك شوفي اللي انتي قريبه منها في بيتكم وتدري عن كل اسرارك وصاريحها لانك ما راح تقدرين تحلين الموضوع لحاللك ولازم اتفهمين اهلك لان الموضوع حادث مو لا قدر الله عشان فعل فاحش ارتكبيتيه وشاء القدر ان يصير هذا كله وبعدين دايم رددي اللهم راضية بقضائك وقدرك ولكن اسألك اللطف فيه واخدي بنصيحتي تشجعي وتكلمي قبل لاتكون الفضيحه اكبر مع زوج المستقبل لا قدر يمكن ماراح يتقبل هالموضوع وبتفضحين اهلك وقتها ما في احد راح يصدق كلامك فسارعي بالكلام قبل فوات الاوان كان الله في عونك وطمنني بعدين |
عزيزتي..
ترى الموضوع خطير.. وأنا الومك بشدة لأنك كتمتي الأمر وخصوصا عن والدتك.. كان المفروض إنك تخبرينها أول بأول.. وألحين الحل إنك تروحين وتصارحينها وتاخذك للمستشفى لعملا لفحوصات اللازمة.. بس عندي سؤال.. كيف تأكدتي من أن غشاؤك قد تمزق؟؟ |
8
8 8 نفس السؤال؟؟؟ |
طيب معليش انا مريت نفس اللي مريتي فيه
بس انا كنت صغيره يمكن 10 سنوات تقريبا والعب بالسيكل وتعورت نفسك بس كنت صغيرا مو فاهمه هالاشيااء اعمل ايه ؟؟؟ وكيف اعرف اللحيين |
تبين نصيحتى اختى تزوجي ولا تقلقين ابدا دامك الحمد الله شريفة واثقة من نفس ابدا لاتحاتين واهم شيء لاتقلقين ابدا واذا لاسمح الله كان غشائك بة شيء وزوجك لاحظ شيء روحى لدكتورة معاة وطبعا مثل منتى عارفة الدكاترة يقدروا يعرفوا ايش سبب تهتك غشاء البكارة سوى من اتصال جنسي او من جرح لاتخافين ابدا واثق الخطوة يمشي ملكا وابشرك انا الى اعرفة انة غشاء البكارة مش من السهولة انة يتهتك الى بلاتصال الجنسي وبعض حتى الاتصال الجنسي ما يهتكة الا بعد الولادة وهذة حكمة رب العالمين انة مش بسهولة انة يتهتك بمجرد طيحة من سيكل او شي الا بالاتصال الجنسي واكرر واقولك اختى لاتخافين ابدا واهم شيء شيلى القلق من نفسك حتى ماياثر على نفسيتك في ليلة الدخلة وكمان الى اعرفة انة اغلب الشباب مثقف واعي الحين يعنى مايهتمون بهذة الاشياء ابدا وكمان في دليل اكبر على عفة البنت انة تكون فتحة المهبل ضيقة جدا فا مثل ماقلتلك الموضوع مش هين ابدا وطنى نفسك خالص ولا في مشكلة تروحى لطبيبة وتتاكدى وطمنى نفسك |
لاتخافين اختي روحي للدكتوره والدكتوره اذا كشفت من نفسها بتقولك انك تعثرتي او سقطتي بشي لانه سبحان الله العظيم اللي يسقط غير اللي ينفتح بالحرام بالعكس لاتخافين والله عادي روحي وقوليلها وان شالله الموضوع محلول واذا كان الشي هذا صارلك قبل تسع سنوات تعود البكاره لوضعها الطبيعي سبحان الله العظيم لاتخافين ولازم تروحين لللدكتوره وان شاء الله بتساعدك .
|
لاتروحي للطبيبه ولا شي لانها ماتقدر تكشف عليكي وانتي لسه بنت
وفي كثير بنات ليله الدخله ماينزل منهم دم وهذا شي طبيعي وانتي اللي صار معك مجرد جرح يمكن يكون جرح خارجي بس انتي مااخذي بالك انا اختي صار لها مثلك تعورت من السيكل بس امي دخلت معها الغرفه وشافت مكان الجرح بس كان على سطح المنطقه انسي الموضوع وتزوجي وانتي واثقه من نفسك انك شريفه |
أختي لازم تصارحين والدتك هي الوحيدة اللي راح تساعدك
والله يفرج همك ويطلع اللي في بالك غلط لافقدتيها ولاشي الله يستر عليك ياما ركبت سياكل ودبابات الله يستر |
عزيزتي
من معلوماتي أن الغشاء لا يتمزق إلا من دخول أجسام صلبة ... ماحدث لك جرح من قوة السقوط على أكثر أنصحك أن تخبري والدتك فهي أكثر الناس تريد مصلحتك .... وبإذن الله مافيكي إللي كل خير توكلي على الله عزيزتي ومن توكل على الله فهو حسبه |
اختي حتى لوقلنا لك روحي للمستشفى انا بنت واعرف انها صعبه انك تسوينها بالذات نحن البنات الي لسى ماتزوجنا
احسن حل روحي وتكلمي مع امك ، انا مرة كنت مثلك وشكيت ورحت كلمت جدتي لانها قريبه مني كثير قالت لي انتي مو بالسهولة انها تروح يعني لازم تحسين بالم فحسيت بالراحه يوم قالت هذا الكلام لانه ماحسيت باي الم فانتي مالك حل الا الوالده ولا اذا عندك اخت اكبر منك ولا حتى بنت خالتك ولا عمتك تكون كبيرة \\ والله يوفقك ان شاء الله |
مشكورين على تفاعلكم معاي وعلى نصائحكم بعد
بس المشكلة انى علاقتي مع امي مو داك الزود يعني مااقول لها اسراري اسراري اقولها لصاباتي اكثر من امي وانا قررت اني بعد الملكة إلي هي بتكون الأسبوع الجاي اخبر زوجي وسألة عن رأية في الموضوع مع العلم انة مثقف وواعي من هذا الناحية ومااضن انة يشك فيني ولو شك فيني ذيك الساعة اروح معاه المستشفى عشان تيأكد ومشكروين ماقصرتو تحياتي كايري |
مرحبا اخت كايري نصيحة مني لك لا داعي ان تخبريه في فترة الملكة اتركيها على الله وفي حالة زواجك وشكه بك اذهبي معه الى الطبيبة هذا افضل لكي لا تزرعي في نفسه الشك منذالان بانك لست واثقة من نفسك |
حبيبتي لاتخافين الغشاء مو بالسهوله يتمزق
أنا قريت في مجله الدكتوره تقول ان البنت لو اعتدى عليها أحد قبل ماتبلغ أو بعد ماتبلغ بسنه الغشاء يرجع كيف اذا كان جرح بسيط ان شاءاالله وافقي واتكلي على الله اذا كنتي مقتنعه فيه والله يووووووفقك يارب |
أولا اذهبي للطبيبة للتحقق من الأمر
ثم أعلمي زوجك إن كان ما تخشين منه قد حصل |
لاااااااااااااااااا تخبريه بشيء حتى لا يتسلل الشك لقلبه
توكلي على الله حبيبتي مافيكي إلا كل خير |
وش دراك أختي أنه البكاره عزيزتي أختي صار لها نفس الموضوع بس كانت تلعب بالمراجيح
ودتها أمي المستشفي كان دم عادي بس فحصو عليها قالو البكاره سليمه ومو بساطه تنفض ولا أمي كانت قلقانه ووحده من صحباتي صار لها نفس الشي |
كااااااااااااايري انتبهي تقولي لزوجك وانتي لسى ماعرفتي طريقة تفكيره اصبري لاتخربي على نفسك...
وبعدين مش بسهوله الغشاء يتمزق والدم اللي نزل منك يمكن نزيف بسيط مثل الدوره بس من قوة الطيحه اثر عليك.... ولاااااااااتخافي اذا تزوجتي بتضحكي على نفسك لان الغشاء داخلي وليس ظاهر عشان يتمزق بسهوله... واذا مره قلقانه قولي لامك بعد الملكه عشان تتطمني.. اتمنى لك التوفيق.. اختك نعناعه.. |
صارت لي نفس الحادثة و انا صغيرة مرة
و دايما اتذكرها و اخاف, و احيانا افكر ما اتزوج بس ما اتوقع بهالسهولة يتمزق, و خاصة انه الضربة فوق الملابس و الله أعلم |
ما في داعي ابدا تخبريه بلموضع لا الان و لا لاحقا احذري لا تشتبهي
فقط كوني على طبيعتك و انا متاكده انه ما راح يشك ابدا و حتى لو فرضا غشاء البكاره انخدش ولكن الفتاة تضل ضيقه اي لم يدخل اي شئ من قبل و يظل مكان مغلق و لا تخافي و توكلي على الله |
أختي أسمعي كلام سنديان الشرقيه أفضل يمكن يكون جرح في الجدار وليس فض
|
الله يساعدك وادعي لك ان شاء الله ماصار شي
|
أختي الأحسن انك تروحي للوالدة و تخبريها ..و بعدين تروحي لدكتورة للكشف و بإذن الله الجرح سطحي و ما في داعي للخوف و خطيبك لا تخبريه إلا بعد ما تتأكدي
|
هلا وغلا
هلا أختي عاااااادي شيلي الحيا الحين وقولي لأمك وبعدين تروحي مع أمك لطبيبة هذا رأيي:( :( :( :(
|
حبيبتي لاتروحي ولاشي مافيك الا العافيه
عندي سؤال \ هل دخل مقعد السيكل في المنطقه؟ اكيد لألألألأ والله لو اي القلبه اللي انت قالبتها على فكره انا امي كانت تسميني (عيشه ولد) من كثر طلعات مع اولاد الجيران واخوي احكيلك كم موقف 1_من 7سنوات كنت في ماليزيا وركبت مع اخويا (الجتسكي) (دبابات البحر) المهم لو كنت ركبتيها كان قلتي الله يخلي السيكل ارحم طبعا كنت خايفه وملزقه بمقعد (الجت) ومع الموجات كنت ارتع واضرب في المقعده نصف ساعه وانا على هذي الحاله ومن نزلت وانا اسفل بطني يعورني من عند المبايض دخلت الحمام لقت بقعة دم طبعا قلت لأمي قالت لي عادي مافيك الا العافيه وثاني يوم رجعت ركبت كمان بس انتبهت على نفسي كل ماتجي الموجه ارتفع شوي والحمدالله مافيني الا العافيه. مره بنت اختي الصغيره كانت تلعب بأحد العاب المطاعم ومن الوناسه دخل عمود اللعبه بين فخوذها وتعورت عادي امي واختي كشفوا عليها لقوها سليمه يعني الدم مو من المنطقه نفسها وهذا احنا عايشين بسلام حبيبتي الله سبحانه وتعالي ليس ظلام للعبيد انت ماأخطأتي عشان ربي يعقبك بشرفك توكلي على الله وانسي الموضوع وبعدين سبحان الله يلتأم المكان وبسم الله عليك الرحمن الرحيم وانتبهي مره ثانيه ولاتخلي هذا الموضوع همك توكلي على الله ربي يسعدك ويفرج همك وينولك مرادك اختك في الله |
مفيش رد اقوله بعد ردود اخواتى و اخوانى اتكلى علي الله و لا تنزعجى من هذا الموضوع بس ممكن تصارحى والدتك بالموضوع مجرد تخبريها بالموضوع مش اكتر و اسال الله العظيم ان يجعلك في اتم صحه و عافيه باذن الله و اتمنى ان تدعى لي بالزوج الصالح عاجلا يا رب
|
| الساعة الآن 12:37 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©