|
محتاره
السلام عليكم
انا اليوم محتاجه لكم وااايد .. تقريبا الكل عارف قصتي مع خطيبي السابق .. المهم صار شي جديد امس .. امس كنت طالعه مع اهلي و شفته .. ماعطيته وجهه .. سلم على اهلي كأنه ماصار شي ! انا مارديت السلام ولفيت وجهي عنه .. المهم بليل اتصل فيني كذا مره مارديت اخر شي دز لي مسج و غلاة خالتي ردي .. يعني امي .. رديت عليه .. قام يتعذر و يتعذر حوالي الساعه ونص واهو يتكلم وانا ساكته ولا كلمه .. وبجى اخر شي !! حسيت لنه ندمان ..:11: اخر شي قلت له انا بنام .. !:( قال لي اوكي و سكره .. عقب 10 دقايق رد دق .. قال ابي امرج البيت و ابي نرد حق بعض ومن هالكلام وانا احبج وابيج .. قلت له اسفه انا الحين ماابيك .. قال لي لا تكابيرين وانتي تحبيني وماادري شنو .. قلت له انا ماابي واحد خاين و كذاب .. قام يكلمني ويحاول يقنعني .. قلت له افكر وسكرته .. عقب اقل من ساعه رد دق علي يذكرني بصلاة الفجر .. قلت له ادري :d وسكرته اليوم الصبح دز لي مسج انا تعبان مريض و محتاج لج معاي ! دزيت له مسج سلامتك .. بس هالكلمه كانت بالمسج .. رد علي الله يسلمج يالغاليه بس ليش قلبج صار قاسي .. مارديت عليه .. وقبل شوي دز مسج ها مافكرتي .. متى اجي اخطبج مره ثانيه .. هم مارديت عليه .. شرايكم ؟ شسوي ؟؟ اسامحه ؟؟ والله محتاره .. :11: |
اختي والله اذا صار ندمان ومحتاجلك خلى قلبك كبير وسامحيه اكيد انه يحبك وما يبغى يخسرك
مع اني ما ادري وش قصتك معه من قبلووانتي راحتعرفين من طريقه كلامه انه ندمان وبالتوفيق اختي |
اختي gust ممكن تحطين رابط بالموضوع اللي قبل عشان نقدر انفيدك وشكراً
|
لاتتسرعي وبس اذا توبته ما كانت صادقة بعد الزواج رح يرجع للماضي بغض النظر وش هو الماضي
|
مظلوم الحب
اخوي انا ماضيعني الا قلبي الكبير ! كنت اسامحه واسامحه واسامحه لحد ماقام يتمادا بالغلط و يقول ادري بتسامحيني !! ..................... معشوقه سوسو اختي دورت الموضوع مالقيته .. مشكورة على مرورك ماقصرتي ............... نبضات قلبك ان شاء الله .. صح كلامك .. مشكور\ ه .. على مرورك :) |
اخيي gust انا لا اعرف القصه ولكن انصحك بصلاة الاستخاره وخلي امك تصلي صلاة الاستخاره وادعي الله ان يقدم لك الخير اذا قلبك ارتاح لهذا انسا ن توكلي على الله واسالوا عنه جيدا والله ييسر امورك ونسمع اخبار طيبه عنك .اختك في الله سوزي.
|
اختي انا ماانكر انه بعد كل اللي سواه احبه !
وصليت استخاره قبل وارتحت له ! وصار اللي صار . بس ان شاء الله برجع اصلي .. ادعيلي .. مشكوره اختي ماقصرتي .. |
أختي الكريمة .. أرى أن تصفحي عنه هذه المرة
واعتبريها آخر مرة فمن الواضح أنه متمسك بك ولو لم يكن كذلك لما أرهق نفسه بالاتصالات والاعتذارات أعطه فرصة للمرة الأخيرة كوني صارمة في بادئ الأمر ولتكن معاملتك له تتسم بالحدة والصرامة وكأنك ما زلت متأثرة بتصرفاته واستمري على ذلك لعدة أيام حتى يشعر بخطئه وبتأثرك الشديد بأفعاله وبذلك يكون قد تلقن درسا قاسيا .. ولن يعود لتصرفاته السلبية مجددا |
اختي gust لي عودة في ما بعد لأقول لك رأيي ووضعت عدة روابط تحكي قصتك مع خطيبك السابق لكي يستطيع الاعضاء مساعدتك الرابط الاول بعنوان : خطيبي يتكلم كلاما جريئا http://www.66n.com/forums/showthread.php?t=73575 الرابط الثاني : ساعدوني مشكلتي صعبة http://www.66n.com/forums/showthread.php?t=83261 الرابط الثالث بعنوان : انتهينا http://www.66n.com/forums/showthread.php?t=91899 |
شوفـي يا قلــبو قريــت كل مواضيعج اللي حطتهم اسماء جزاها الله خير.. عنونــي اللي استخلصته من هذا كلــه: *هو انســان مب واثق من عمــره ولا يدري اصلا هو شو يبي ..هل فعلا هو بداخلــه يبا يتزوج او لا .. * انســان صغير تفكــيره محدود مادري .. واللي انصحج فيـه انج تتركيــنه.. اخــاف يردج بعديــن ويرجع مثل ما كان.. والله يحفظج قلبو.. |
شاطئ المحبه
اختي ان شاء الله انا قلت اذا برجع له لازم اكون صارمه معاه مع انه والله خايفه اندم .. انا مكاملة امس و احس حنيت له !! ..................... اسماء حياتي مشكوووووووووووره ماقصرتي .. تعبتج معاي وانا ناطره ردج .. .............................. ضايعه فالدنيا هذا اللي انا خايفه منه انه يرد مثل قبل ! والله محتاره .. انا ناطره منه انه يرد يسال يهتم بجرب اشوف اخترتها معاه .. انا بسحب و بشوف .............. بس بخاطري اساله سؤال اذا اهو مرتاح و عاجبه اللي سواه فيني ولا لا !! بس اخاف من الرد .. شرايكم اسأله ولا لا ؟ |
والله حبيبتي عشان هو يبا ترجعين له اكيد بيقول انا ندمــان على كل اللي سويتــه فيج من هالكلاام... ان شــاء الاعضاء يفيدونج اكثــــر.. |
عزيزتي أحس من كلامج عنه أنه ندمان.. بس هم اللي سويتيه ممتاز...
خليه يعرف قيمتج أكثر وعلى أنه يوعدج بأشياء وااايد عشان مايكرر هالشي,,, والله يوفقج عمري |
توه كلمته مسنجر .. كان اسلوبه غثيث معاي .. فصلت بوجهه :p
شوي جان يدق علي ليش فصلتي :p والله مادري حدي محتاره .. |
أختى و الله مدري وش أقول
في البدايه جاء في بالي خليه شوي يعتذر و اثقلي عليه لحد ما تحسين انه جاد و بعدين ارضي عليه بس بشروطك لكن بعدها جاء في بالي شي ثاني...كلنا ندري ان الانسان ما يحس بالشي الا اذا فقده...و هو يمكن ما فكر انه يبي يرجع لك الا لمن شافك...تذكر الأشياء الله حببته فيك من أول (و غاب عن باله الأسباب اللي خلته يبي ينفصل) و انتي مع اصراره عليك حنيتي لأيام أول.....بس مين يدري اذا كان هذا الحنين من الطرفين شي جد ولا بس شعور لحظي؟؟...أخاف أقول لك سامحيه..و يجي يوم و تندمين بعد ما الحنين يخف و يرجع كل شي مثل أول....و وقتها يا اما تصيرين منفصله للمره الثانيه أو تصبرين معاه علشان تتجنبين انك تصيرين منفصله للمره الثانيه أدري ما أفدتك في شي بس أبي أقول لك استخيري ثم استخيري ثم استخيري...خلي السالفه يدخل فيها الكبار (أهلك و أهله)...هم راح يطالعون الموضوع بمنظور العقل و الخبره....و إذا الموضوع اتجه اتجاه الرجوع...اجلسي معاه جلسه مطوله..راجعوا علاقتكم الأوليه و تناقشوا في نقطه نقطه...خلوا كل شي يصير في المفتوح...و بعدها تبدأون صفحة جديده..و تنسون كل المشاكل القديمه بس بدون ما تنسون الدروس و العبره منها و بالتوفيق و إذا كان فيه خير لك ان شاء الله ربي يسهل لك و اذا كان فيه شر ربي يعوضك بأحسن منه ان شاء الله |
مشغوله
والله هذا اللي افكر فيه و بحاول افاتحه انه اوكي انا راضيه نفتح صفحه جديده و نتفاهم بس هم متردده .. الاهل انا ادري الوالد ماراح يوافق ! .. بس بالنهايه اذا انا بغيته مره ثانيه راح يرضى .. واهله مثل المفتشلين من ولدهم .. ومن اللي سواه |
اقتباس:
|
اختي gust من مواضيعك السابقه اكتشفت ان في تلاعب كبير كان في راسه وانت باسلوبك تردينه وانتي ما تدرين
حبيبتي اذا كني تحبينه ومتعلقه فيه واتحسين ان في امل يتعدل وانتي مستعده اتعدلينه وعندك العزم على هذا ليش لا ؟ حبيبتي ترى المراه عنده اشياء كثيره مخبيتها تقدر لو اعرفت ان عندها هالاشياء اتغير الكون كله صدقيني بس كوني متفائله انه بصير احسن من كذا اخذي مثل خطيبي كان الكل يذم فيه اتخيلي وانا مالي صله فيه اتغير بسبي من اسلوب غيرته وانا ما ادري وانشاالله ان ملكت راح اخلي السعوديه كلها تتكلم عنا عندك هالطموح تقدرين تزرعينها بقلبك الحين وتقدمين وقبل كل شي صلي الاستخاره والله يوفقك انشاالله وينولك اللي في بالك بكل خير |
خواتي اشكركم على ردودكم و اقتراحاتكم .. ماقصرتوا
معشوقه سوسو .. والله ادري انا اصلا تغير فتره بس رد حق سوالفه بعد ماانفصلنا .. امس كلمته و فاتحته رد علي برد صراحه صدمني .. قال لي انا جذي ولاتخليني اتحسف اني ابي ارد لج !! قلت له منت ملزوم ترد .. وخلاص لا تحاول .. انا مابيك .. سكت ومارد علي لمن قلت له مع السلامه .. والله اتوقع حس بالوحده والملل و قال ارد لها .. دزيت له مسج قبل شوي قلت له اذا تبيني تدل بيتنا .. رد علي :) .. بس هذا كان بالمسج .. احس اني غلطانه اني فتحت معاه الموضوع و رضيت اسمع له من البدايه .. لان الحين احس اني صج حنيت له و حق حبه .. اخاف اضعف واوافق .. |
يا حبيبتي خلك منه..هذا انسان يلعب عليك..
نصيحتي لا تتسرعين ولا تردين على مسجاته.. وشوفي اشلون راح يتصرف إذا طنشتي له شوي.. أنا متأكدة إنه راح يمل ويبتعد من نفسه.. لاحظي بنفسك.. حتى وهو يلاحقك ويبغيك تردين له يتكلم بطريقة مب عدلة.. سمعي مني واتركيه أحسن لك.. أو على الأقل لا تتسرعين اخذي شور اللي أكبر منك من قرايبك.. أمك وأبوك.. والله يوفقك.. |
اقتباس:
عزيزتي منذ البارحة وانا افكر احلل لعلي اخرج بنتيجة وكنت على وشك ان اكتب لك ان لا تستعجلي في ردك اليوم بعد قراءتي لرده السخـــــــيف وكيف انه يمن عليك برجوعه وذلك حين قال لا تجعليني اتحسف بعد ذلك ... اقول لك وانا واثقة ... انسي الموضوع اما بالنسبة لارتباطك به فأقول ترى كل بنت اول شخص ترتبط به تشعر بمشاعر مختلطة حيث تتفجر منها ينابيع المحبة والرومانسية ( يــا سلام:d )>>> الي يسمع يقول مجربة !!!! لذلك من الطبيعي ان تشعري بذلك ولكن لا تتحدثي بعد اليوم معه كي لا تضعفي ويبدو لي ان خطيبك السابق يدرك ذلك جيدا فحديثه معك يبين لنا انك انت المتمسكة والتي مستعدة ان تتنازلي للاسف وليس هو !!!! صدقيني اول ما يطرق باب بيتكم شخص اخر ستنسي كل المشاعر التي تتحدثي الان عنها وان شاء الله قريبا نسمع خبر حلو .................................................. . عذرا gust لكـــــــن سعدت بوجود اختي الفاضلة بحرينــــــــية ولكن وينك !!! افتقدناك يا ظالمة .... وحشتينا موت وسبحان الله دائما ردودك فيها من الحكمة الشئ العظيم فليتقبل الجميع تحياتي . . . اسماء |
بحرينيه ولكن
هلا والله يالقاطعه .. نورتي :) ان شاء الله حبيبتي .. هذا اللي بصير ان شاء الله .............. اسماء كل كلامج عدل 100% .. وان شاء الله على قولتك اذا تقدم واحد راح انساه .. وانا اللي مستعده اضحي .. مشكوره حبيبتي .. ماقصرتي دعواتك بس :) |
| الساعة الآن 02:03 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©