|
مبروك جالك بنت
. . . بسم الله الرحمن الرحيم .. .. يالله حي الجميع :d موضوعي هذا مبين من عنوانه يعني باختصار لو عندك بنت وبعد ثلاث سنوات جالك ولد وبعد ثلاث سنوان رزقك الله ببنت :17: ثم بعد خمس سنوات رزق الله يتوام بنات مع بعض :11: يعني صار عندك اربع بنات وولد وش بيكون شعورك انت ثم شعورك تجاه زوجتك ؟؟وشهو شعور الزوجه بعد ؟؟ اتمنى كل واحد يقول رايه بكل شفافيه وصدق لاننا بشر |
هذا رزق من الله هو فيه احلى من البنات
اكيد ابفرح بس توام متعب سوا بنات او اولاد والله يكتب لنا ما فيه خير وصالح |
أنــا الصراحــه ما ني متزوجه :d بس اسمحلي ابقول رايي :25: البنات اكثر من رائعييييييييين ما اقول كذا لاني بنت :22: بس من المجتمع اللي حولي اقولك قصه :27: عندي عمتين وحده عندها 5 اولاد وبنت الثانيه عندها 5 بنات وولد والله العظيم ام البنات مرتاحه ومستانسه وهم اللي مالين البيت لامهم وابوهم حياة ووناسه هم وعيالهم لكن يا قلبي على عمتي ام العيال دخلنا عليها مره لقينها قاعده لحالها وشكلها يضيق الصدر مصلح قهوتها وقاعده تتقهوى مع الشغاااله تخيل لا تقول وين بنتها بنتها الوحيده تزوجت وراحت مع زوجها للخارج انا كنت بعد هالحادثه حبيييييييييييييت البنات اكثر واتمنى يجني بنات اكثر من الاولاد |
هذا كله عطاء ربي انا ولله الحمد والمنه ...عندي ثلاث بنات ..مالين علي البيت انا وابوهم ... ويالله من فضلة عمره ماحسني بكلمة على سالفة الاولاد ...الا دايم ايقول ياريت ايجيني عشر بنات ادري انه ايواسيني ...لكن عمره ماجرحني وان كان ودة بالولد وانا نفس الشي بس الحمدلله الولد والبنت في هالزمن نفس الشي .... |
موضوع رائع من وجهه نظري البنت ظروريه والولد كمان وهذا حال الدنيا بس الي اعرفه ان البنت تكون اقرب لبوها وامها في كبرهم حتى ولو كانت متزوجه وبعد البنت تكون حنونه على والديها ......بس الولد كمان هو الي يحمل اسم الاب وفي النهايه ولد او بنت ماتفرق المهم انهم يكونوا بارين بوالديهم ....
|
اخت إيثار
يعني ما راح يضايقك هذا الامر انا ما اقصد اعتراض على قضاء الله وقدره ولكن اكيد بيكزن في خاطرك شيئ!! |
يا هلا سما نجد
شكرا على ابداء رايك |
عتيجة الصوف
ونعم بالله اكيد عطاء الله كله خير وبركه لاكن اليس ابتلاء اذا كثرو ؟؟ واذا بين علي متضايق هل هذا جرح لزوجتي؟؟ |
سمر
رايك جميل شكرا لك |
اصلن البنات مافي احلى منهم في الدنيا كلها خخخخخخخخ عنصريه ادري
بس البنت هي الي تشل امها وابوها في كبرهم ويكون قلبها عليهم اكثر من الولد الي يبدا ينشغل بحياته وهاي حقيقه واقعه |
هو في أحلى من البنات ، يا رب ارزقني بـتوأمين بنات مش بس واحد بس يكونوا صالحين
أما زوجي فيتمنى يرزقني الله بالبنات ويكن شبهي :d :d |
انا من رايي الي بيجي من الله حياه الله
إن شاء لله 10 بنات وولد الحمد الله على كل حال سلااام |
الحمد لله إن عندكم ولد سليم ومعافى..
قريبتي جابت ثلاث بنات ورا بعض.. وماشاء الله عليها راضية وزوجها راضي.. يعني ماعترضوا على نعمة الله.. ولما حملت الحمل الرابع كانت تدعي الله إنه يكون ولد.. وفي نفس الوقت تقول لو جات بنت فألف الحمد لله.. ماراح تزعل أو تتضايق أو تعترض على كتبة الله.. من كم يوم جاها ولد.. ولكن.. سبحان الله طلع الولد مريض.. خلل في المخ.. لكنها صابرة وشاكرة.. والحمد لله.. |
كل هذا من عطا ربي .. البنات مافيه احلى منهم ولا اجمل منهم .. يملون البيت على والدينهم .. ويصير البيت فيه روح ..
و حتى الاولاد لهم حلاوتهم لكن ما توصل صداقتهم للام مثل البنت .. وآآآآخر شي بنقول اللي يجبه ربي زين وحلو وراضين فيه .. المهم الصحه والعافيه |
الله يبارك لك في أولادك أخوي الكريم وهذا هو الانسان منا ان ما كان عنده ذرية .. تمني ولو يكونوا كلهم بنات ... ولو عنده بنات يتمني البنين .... ولو عنده البنين يتمني البنات ..! اخي .. أرجو منك أن تتذكر اخوانك الذين يتمنون طفلا واحدا يملأ عليهم دنياهم وكذلك أخوي ... قل الحمد لله ما شاء الله .. أكرمك أيضا بولد .. الله يبارك فيك ويكون نِعم العون لك .... ويكون الأخ الصالح الرفيق بأخواته البنات الله يحفظهم لك يارب |
الأطفال نعمه من الله وتخيل انوا في ناس يتمنوا طفل واحد انت والواحد يقول الحمدلله البنات حلويين والأولاد حلويين بس المهم البر لك ولوالدتهم والحمدلله انوا في ولد (في ناس يكونوا 8 بنات وليس بينهم ولد )أنا عندي 3 بنات وجبت الولد الأن عمره سنتين والآن أنا حامل أنا وزوجي نتمنى أن يكون ولد حتى يكون أخ لولدي الآخر ولكن إذا جاءت بنوته ماأروع ذلك (الله يبارك فيهم ويجعلهم بارين بنا)آمين
|
أخى ايش يقولى اللى عندهم 8 بنات و ما جاهم الولد
كله من فضل الله بالعكس أنا أرى أفضل شئ يكون ولد واحد و كثير بنات عشان ألأولاد تربيتهم صعبة أحمد الله على ذلك أيش يقول اللى مثلنا الله لا يحرم منهم أحد |
احمد ربك ان عندك ولد وبنات يعني منت محروم من شي
وبعدين وش اللي اذا كثرو ابتلاء؟؟ اللي يسمعك يقول عندك سبع ولا ثمان بنات حرام عليك بدل ما تحمد ربك وتشكره على نعمته ترا ما يجوز انك تشعر بهالشعور البنات نعمه من نعم الرحمن وتربية البنات لها اجر عظيم واكثر من تربية الاولاد وفيه حديث عن الرسول صلى الله عليه وسلم ماذكره حرفيا ولكن ذكر فيه ان اللي يربي بنتين تربية صالحه ويلبي حاجاتهم ويكسيهم ويطعمهم يدخل الجنة بجانب الرسول لاحظ يا اخي انه خص البنات وما قال اولاد يعني اجرهم اعظم وش تبغا اكثر من دخول الجنة مع الرسول ؟؟ وبعدين بكون واقعيه معاك بهالزمن من يبغا يكثر اولاد؟ لا تنسا ان الولد بتشيل هم مستقبله ودراسته وحياته وفترة المراهقه بعد واصدقاء السوء والبلاوي اللي منتشرة بينهم من تدخين ومخدرات وتفحيط ووو يعني مهما كان تربيه البنات اسهل بهالزمن خصوصا لو امهم كسبتهم لجانبها وراحت وجت معاهم وصارت صديقتهم باذن الله يتربون بسهوله ويكبرون مع امهم ويرزقهم ربي ويتزوجون ويخلص همهم بسرعه لكن الولد هيهات لو ماكمل دراسته ولا ما تخصص بشي كويس تنتهي حياته وتقعد طول عمرك تصرف عليه هو وزوجته وعياله هذا رأيي والله اعلم |
اولاالله يصلح ماعطى
ثانيا الواحد يحمد ربة على الخلقة التامة ياماناس وناس رزقو باولاد لكن مو كاملين وناس يتمنوا الذرية والحمد لله على كل حال |
اخت صن رايز انا فاهمه قصدك
بس تبين الصراحه المجتمع الله يهديه ما يرحم مثلا عندك انا تزوجت وحملت وطول فترة حمالي وكل من شافني قال الله يهون عليك وان شاءالله يجيك ولد وارد انا واقول اللي يجي من الله حياه الله ويردون ويقولون بس ولو البكر حلو يكون ولد وانا بقناعتي ولد او بنت الحمدلله نعمه من الله لان غيرنا كثير متلهفين على ضنى وربي ما كتب لهم وولدت وجبت ولد الله يصلح قلبه ويهديه وكل من جئ وزارني يقول اشوا جبتي ولد الي يسمعهم يقول كان عندي عشر بنات يعني انا استغرب من بعض الناس ليش النظره الجاهليه هذي وانا بنيت هالكلام من مجتمع عايشه فيه وانا اقول الولد والبنت كلهم متعبين الا من هداه الله خاصه في هذا الزمن والواحد ما يقول غير الله يكتب لنا الخير والصالح وجميع المسلمين سلااااااااااااااامي لك يا صن رايز موضوع رائع اختك |
انا مجنون بنات احبهم اكثر من الاولاد دلع وحنان ووناسة وخفة دم
|
والله ما فى احلى من البنات
انا عندى والولد الكبير وبعدين بنتين والله يوم ما ولدت بنتى الكل صار يحكى انو وجهها بجيب الرزق وابوها حلى كل المستشفى والمرضى والبنات رزق من رب العالمين |
المال والبنون زينة الحياة الدنيا
مافيه فرق بين الولد والبنت الله لا يحرمنا ولا يحرمكم اهم شئ ندعي لهم بالصلاح والعافيه |
اقتباس:
لكن اذا تزوجت مع انه مستحيل.... كله مثل بعض بنت او ولد اهم شيء كلمة بابا وربي مشتاق لها و شعوري تجاه زوجتي شعور لا يوصف اتعلق فيها اكثر و اكثر و افديها بقلبي و عيوني و كل شيء والله كنت كل يوم افكر و اقول متى تكون عندي بنت امورة تقولي بابا و اشيلها و العب معها الله يوفق الجميع |
اقتباس:
أخي ماحدث لك ماهو إلا امتحان من رب العالمين.. فتقرب من الله اكثر حتى تنجح فيه.. الله يهديك ويصلح أحوالك ويرزقك الزوجة الصاحة والذرية الصالحة بإذن الله.. |
.
. . اسيرة قطر نعم صادقه بس الرجل دائما يحب يكون عنده اولاد اكثرمن البنات |
بسم الله الرحمن الرحيم.....
الحمدلله على كل شئ.... بالعكس البنات حلوين كثير..... على الاقل ....عندهم حنان .... على الوالدين...... |
سبحان الله العالم كلهم مفتونين في تفضيل الاولاد على البنات
مع انه سبحان الله الواحد ما يعرف ايهم اقرب له نفعا |
صحيح كلام اختي ام خالد
الواحد ما يعرف ايهم اقرب له نفعا من تجربتي مع اهلي ،،،، و الولد عزيز و اولاده شايلين الاسم لو ايش ما سوا وقال و البنت متى ما اتزوجت صارت تابعه لزوجها و اولادها وكلامهم كله بهالطريقه الغربه مره |
الله يعينك اخت ام ثير
صادقه الغربه مرة اناتغربت فترة وصرت لمن اشوف المتغربين عندنا احس باللي يحسونه لكن لها محاسن ايضا |
| الساعة الآن 02:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©