|
ياعوانس.................خطوة بخطوة
إلى أخواتي العوانس عندي شي بغير كثير في حياتكم بس خلوكم معي خطوة بخطوة كثير من تتفائل ...............لكن بعض التجريح يجعل العد التنازلي يبدا في هذه المشاعر انصحك بالتالي: _ توجهي الى القبلة ثم ادعي الله باخلاص ان يرزقك بالزوج الصالح _ روحي للغرفة الخاصة بك ثم افتحي الشريط الأسلامي ولا مانع أن يكون بالدف واذا كان شريط زفات<اسلامي > يكون أحلى واحلى _ثم ضعي بعض المكياج الخفيف وسرحي شعرك تسريحة خفيفة _ولامانع ان تلبسي فستان جميل او بدلة حلوة __وبعدين تخيلي أنك تنزفين وأن الحضور جايين يسلموا عليك وان أبوك وامك يودعونك _وبعدها غمضي عينيك وتفتيحينها ان شاء الله وقدك فعلا مع زوجك ومع بزرانك وتقولين سبحان الله مسرع الأيام سرقتنا ترى فعلا وصدق ياأخواتي ترى الدنيا كذا وبعدين لمزيد من التفائل والأمل اشرايكم نحذف اول حرف من كلمة عوانس وش تصير؟ اوانس.....يعني آنسة ترى فعلا حق انه مسمانا كذا بس حنا اللي معقدينها حبتين ها وش رايكم لاتقولون خبلة ........ترى أزعل :25: :23: |
لا يا شروق يا حبيبتي لا تسوو كذا ترى من جد لما تتخيلي كثير يجيكي اكتئاب واحباط..بس انصحك بالخطوه الاولى((توجهي الى القبلة ثم ادعي الله باخلاص ان يرزقك بالزوج الصالح)) لانه هذي اللي رح تهدي نفوسكم وان شاء الله تستجاب ونفرح فيكم يارب وحده ورى الثانيه عن قريب باذن الله..
|
للقضاء أو للحد من ظاهرة العنوسة /الزواج المبكر للفتاة اذا جائها الخاطب الكفء في دينه واخلاقة وموظف له مصدر رزق يعتاش منه حتى لو ضحت الفتاة بالدراسة لان الدراسة هي السبب الاول في تفشي العنوسة فنجد الفتاة ينكب الخطاب عليها ويرفضون أهلها بحجة انها تريد ان تتخرج من الثانوي ومن ثم تامين مستقبلها الوظيفي بعد التخرج من الجامعة في الحقيقة البنت عز الطلب عليها وهي طالبة في الثانوية الى أولى جامعة بعدها يقل الطلب لذلك نصيحتي لكل أخت الزواج المبكر وممكن تواصلين دراستك اذا وافق زوجك واذا لم يوافق فالزواج أهم من الدراسة ( مالفائدة من دراسة تتخرج البنت من الجامعة وقد فاتها قطار الزواج وبعد ذلك تتوظف بالف وخمس مائة في مدرسة اهلية كانها خادمة حبشية)+الحل الثاني التعدد اذا جاء رجل مناسب في دينه وخلقه ولدية القدرة المالية والصحية فلا يرد فنصف زوج خير في الجلوس بلا زوج والله الموفق
|
اقتباس:
وايش تسوي اللي ماجاها نصيبها ابدا ويوم يجي يكون سئ ؟.. بالنسبة لموضوعك يا اختي الكريمة انا بطلت اسوي كذه لاني طفشت :29: |
مشكوره اختي شروق لكن انا اعجبتني الفقرة الاولى بس الدعاء امام القبله وان شالله ربي يتقبله
ومشكوووووووووره مره ثانيه ... |
ياما وياما سويتها وأتخيل نفسي أنزف والعالم تناظرني وماسكة فستاني وأمشي بشويش
وياما حطيت مخدة في بطني وسويت نفسي حامل شي واحد نفسي فيه بس خايفة من عواقبه بعدين.. نفسي ألبس فستان ابيض وأشوفه علي نفسي بقووووة ونفسي بشي ثاني بس ماأقدر اقوله بخربها لو قلته:18: |
اقتباس:
مجتعمنا معقد المجتمع سبب في خراب معظم البيوت الله يوفقك و يعطيك على قد نيتك آآآآآآآآآمين يا رب وان شاء الله ما انسى ادعي لك بصلاة الجمعة ان الله يزوجك بأحلى و اطيب زوج ^_^ |
يعجبني تفاؤلكِ كثيرا
أما عن التخيل فأحس هذي تجي لوحدها بدون تخطيط عاد أنا أم التخيل والاحلام وإن شاااااااء الله تتحقق كل احلامنا أحلى ما ذكرتي الدعااااء وهذا الي يعطيني التفااااؤل والأمل والثقة بأن ربي كريم لن يردنا أسأل الله العظيم رب العرش العظيم أن يرزقنا الازواج الصالحون عاجلا غير آجل |
انا إذا سويت كذا بعد دقايق اقلبها مناحة
|
شكرا جميعا أخواتي على المرور
والله كلامك ياأختي انتهت حياتي يجيب العافية وياأخواتي أنشاء الله ماأنساكم يوم من الدعاء مع قائمة اللأنسات اللي معي والله المستعان |
جزاكي الله على هذه الدفعة من التفائل
لكن ....... مالنا غير الدعاء |
شكرا
لكريستال الثعالبي كبريائى شوبارد معني ابغى اعرف وش الشي اللي تبغين تجربينه احس اني بغبت اجربه نجود9999 جوهرة الكويت ليه ياعيوني تقلبيها مناحة الدنيا ما تستاهل الحب والحبيب واختي عيوني الذئبه وانتهت حياتي وسامحوني ماكنت احسب انكم تزعلون اذا ماكتبت اسمائكم وكفاية اني كاتبتها في قلبي |
السلام:
المجتمع .. التقاليد .. الاعراف .. الي مو من الدين ..الشروط المبالغ فيها ..كلها اسهمت في تصعيب وتعقيد الزواج.. رغم ان الدين يدعو الى التسهيل .. يسروا ولا تعسروا مثل ما قال نبينا محمد صلى الله عليه وسلم .. العنوسه زادت والمطلقات الي يبون الزواج مرة ثانيه تصعبت عليهم والارامل الي يبون زوج هم بعد انضافوا للسته.. الدعاء مهم هنا .. انا اعرف انه في مريتانيا على ما اعتقد (سوق المطلقه حظه قايم) لانهم هناك كمجتمع يروون ان المطلقه انسانه لها خبره وانا تستحق الزواج الثاني فترى تقام حفله وياتي الشباب الي يريدون الزواج بالمرور على الفتاه وهي تختار منهم يعين بالعربي الفصحي .....المطلقه هناك عمله درجه اولى ولها مكانتها الاجتماعيه واحترامها .. الي ابي اوصله ان المجتمع والطريقه الي يتعامل فيه مع افراده وما يحطه من معاييير وعرف سائد له دور في حل المشكله او تعقيدها ... الدعاء اذن الى الله مو بس بالنصيب وولد الحلال هم بعد الدعاء بان المجتمع يصير اكثر وعي وتتغير فيه اشيا كثيره الاشيا البعيده عن ديننا لان الدين سهل الزواج الى ابسط شي ... الشباب حائر ما يعرف يتزوج والرذائل والمشاكل زايده للاسف امنوا معاي على هاذا الدعاء: اللهم يا من اذا سألت اعطيت ومن اذا دعيت وهبت ..هبني بأسمائك الحسنى وكل من تقرا هذا الدعاء ومن لها حاجه بالزواج ..الزوج الصالح التقي العفيف.. آمين يا رب العالمين تحياتي ... |
شكرا أختي قينقرسويت على الدعاء والله يعطيك اللي تبين
|
يسلم فمك بنت بلادي..شروووق
وجعل ربي يعطيك الزووج الصالح انتي وكل بنات المنتدى ااااميييييين يارب |
اقتباس:
واشكر صاحبه الموضوع |
نور عيوني .دمعة المشتاق
وحبيبة قلبي.........نور الامارات شكرا على كلامكم الحلو اللي يجيب العافية |
اقتباس:
اشرايك اني مو قاعدة اتخيل هالشي قاعدة افكر اسويه من جد اكثر من مرة حاولت اني امر على محل لتأجير ملابس الزفاف واجرب فستان الزفاف وتراودني افكار مجنونة افكر اني فعلا البس فستان زفاف حق اختي واني اروح للصالون اسوي ماكياج وتسريحة واعيش يوم كامل كأني عروس واحجز مصورة واصور البوم بعد ما احط الماكياج والبس الفستان واحتفظ بهذه الصور لي والله اني من جد افكر اسويها بس خايفة لا يقولوا هذي انجنت وانهبلت( وانا فعلا احس اني انهبلت وما عاد فيني عقل) واكثر من مرة كنت راح اطلب من اختي تساعدني بهذا الموضوع بس اتراجع في اخر لحظة ومرات اقول بدال لا اسوي ماكياج بالصالون اسويه في البيت واحضر مصورة والبس ثوب اختي واشغل شريط بس خفت من زوجة اخوي لا تفضحني ومرات اقول اروح لمصورة واخليها تركب لي صور على فستان زفاف انا عن جد خايفة اني ما ارح البس هالفستان نهائيا او يمكن البسه بس لما اتقدم بالعمر وتتغير ملامح وجهي على الاقل الحين لا زلت شابة واتمنى اصور بهالفستان قبل لا يفوت العمر ادري بتقولون مجنونة بس والله خاطري البس هالفستان لو من غير عريس |
ياقلبي.........ياقلبي..............ياقلبي
بس تبغين نصيحتي لاتسوينها والله اللي جنبس بيتشمتون لكن انا عندي احساس ياليدي انك راح تلبسينه قريب باذن الله |
| الساعة الآن 11:51 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©