وين أروح بماليزيا وملحقاتها :)
مساء الخير لكل الشباب والشابات fgn
فيه دورة من العمل، وكان لي الخيار أني أحضرها بأي مكان في العالم، وبحكم أني ماعمري سافرت لشرق آسيا، قلت خليها تكون لماليزيا ونزور ماحوليها، خصوصاً إن الدورة آخر أسبوع من الدوامات قبل الحج، وباستغل فترة الحج بالتنقل بين ماليزيا واندونسيا والفلبين وتايلند، أو على الأقل بين دولتين. كوالالمبور هي مقر الدورة. رحلتي ب 10 سبتمبر الدورة تبدأ ب 13 سبتمبر تنتهي ب 17 سبتمبر بعد كذا بروح لدولة أو دولتين العودة بتكون ب 29 سبتمبر اللحين الموضوع وين أروح لما أوصل ماليزيا بما أن وصولي بيكون قبل الدورة بلاث أيام أو يومين ونصف فأمامي خيارين لاثالث لهما إما أنه أول ما أوصل ماليزيا أروح على أحد الجزر وأشهرها بينق أو أبقى بكوالالمبور ومافيه شي إلا وأزوره فيها ttt وقت الدورة من 9 صباحاً إلى 2 ظهراً والباقي بكون فيه فاضي عادة أنام تقريباً 9 بالليل وأقوم 4 الصبح مادري كيف بيكون نظام نومي هناك، بس غالباً هو نفسه قد يزود أو ينقص ساعتين وش رايكم؟ إيش الخيارات الأفضل أبقى بكوالالمبور أو أروح للجزيرة لمدة يومين بس أخاف أنها ماتسوى التنقل ولما أكون بكوالالمبور أكيد بكون فاضي للزيارات والتمشي قبل الدورة وبعدها، وين أروح وأيش الأماكن اللي تستحق الزيارة والتمشي فيها وسعة الصدر بانتظار أراءكم الحلوة gryr |
رد: وين أروح بماليزيا وملحقاتها :)
روح لبيننغ او لنكاوي قبل الدوره
وقت الدوره استغله بكوالالمبور او روح جنتغ اقعد فيها يوم عشان الالعاب بعد الدوره روح لهونغ كونغ كثير يمدحونها او الصين تايلند واندونيسيا مشابهه لمالبيزيا وبتمل منها طبيعه بحر جزر نفس الشي الصين اثارها وحضارتها عجيبه وهونغ كونغ تطورها عجيب احلى شي بشرق اسيا الفنادق تلقاها سبع نجوم ومنتجعات للهدوء والراحه لكن عموما اماكنها متشابهه واحسها تصلح للعائله تتمشى لوحدك احسها صعبه شوي خذ معك بزر يونسك هههههه الامطار و الخضار والطبيعه والثقافيه البلد كلها اشياء جميله اتمنى لك رحله ممتعه |
رد: وين أروح بماليزيا وملحقاتها :)
شكراً لك أيتها المبتعثة المنتهية << تراها مدحة هع
يعطيك العافية مساهمة جميلة جداً انا كنت ناوي بينانغ، بعد مابحثت عنها، لأنه في خرشة حركة، بينما لنكاوي تحتاج يكون معك واحد سبيشل لكن الزبدة شكلي باختصارها على كوالالمبور، بعدين بعد ما اقنعني واحد بتايلند ومميزاتها، شكلي ناوي أروح لها بعد ما اخلص الدورة، خصوصا إن تايلند شبيهة شواطيها بشواطي وحياة بعض مدن ماليزيا، والله ييسر. أما كوني لوحدي لا تشيلي هم، على طول اطق حنك مع العالم وتلقيننا بالأخير نصير أصدقاء هع |
رد: وين أروح بماليزيا وملحقاتها :)
ماليزيا فيها خيارات كثيرة وأنصحك ماتروح للعاصمة الا وقت الدورة ..
أهم شيء خذ معك جاكيت ترى فيها برودة شوي .. |
رد: وين أروح بماليزيا وملحقاتها :)
يعطيك العافية منادي
اعتقد البرودة في اماكن معينة مثل كاميرون لكن اجمالا الاجواء استوائية بين 26-33 درجة مئوية |
رد: وين أروح بماليزيا وملحقاتها :)
قبل الدورة روح بيننق بما انها قريبة نوعا ما وتقدر تروح لها بالسيارة ..
اما وقت الدورة استغله في السياحة الداخلية في كوالالمبور .. كل يوم روح مكان .. حديقة الفراشات والورود والفواكه .. Sunway lagoon مثل الاكوابارك .. انا رحتها مرة من سنين وناسية بس ممكن النت بفيدك اكثر .. |
رد: وين أروح بماليزيا وملحقاتها :)
افضل شي عشان تنظمي رحلتك هناك.. اتواصلي مع شركة سياحة. وهم ما يقصرون.
انا نصحوني كثير بشخص عربي هناك يشتغل بهشغلة’ وما شاء الله عليه ما قصر معانا بشئ من وصلنا لما رجعنا.. راح اسألك عن اسمه ورقم تلفونه وانتم اتواصلوا معاه. |
رد: وين أروح بماليزيا وملحقاتها :)
الدول الثلاث متشابهة لكن ماليزيا أنظف وأرقى بكثير
ومتعت ماليزيا في وجود عائلة لأن فعالياتها عائلية إندنيسيا يا أخي ما بلعتها ولا تقبلتها وتايلند غارقة في الخطيئة :d إذا إنت خربوطي والعياذ بالله روح تايلند gnn وإذا أنت محب للطبيعة كلها طبيعتها وحدة فاختصر واقضي إجازتك في ماليزيا . |
رد: وين أروح بماليزيا وملحقاتها :)
أنا أيضا لا أؤيد الذهاب لتايلند ..
دام عندك وقت روح جزيرة لنكاوي .. وإذا بتروح اندونيسيا عندك بالي .. |
رد: وين أروح بماليزيا وملحقاتها :)
اقتباس:
|
الساعة الآن 06:20 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©