منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المقبلين على الزواج (http://www.66n.com/forums/forumdisplay.php?f=7)
-   -   كلما فتحت سيرة الزواج أبكي (http://www.66n.com/forums/showthread.php?t=95388)

gust 29-07-2006 10:20 PM

كلما فتحت سيرة الزواج أبكي
 
السلام عليكم ..


ابي اقولكم شغله شاغله بالي من فتره ..

انا تقدم لي واحد قبل خطيبي الاولي ورفضته بس بهدوووء .. بس اهو طرش اخته و قالت لي اخوي يقول نشوف من بياخذج غيره !!

و مع الايام تقدم لي خطيبي السابق ووافقت عليه .. و انفصلنا

قبل كم يوم تقدم لي واحد ثاني اهو من االمعارف .. كنت طوول عمري العب مع اخته و احترمه بس ياربي من يوم ماافتحوا سالفه الخطبه قلبي كش منه و صرت اشوفه كأنه جني !!

حتى حلمت فيه انه شيطان وله قرون اثنين و عيون حمره .. (( لمن صليت استخاره))

وبعدها صرت اتحلم احلام و امي بعد .. لمن امي قالت حق رفيقتها و قالوا حق الشيخ قال الشيخ بنتج يامحسوده او معمول لها عمل .. و عطانا ايات من القرآن .. بس كل مااقراهم اقعد ابكي من قلب .. وادوخ وانام ..

ماادري شفيني ياربي ..

معقوله ان الاول مسوي شي ..؟ مع اني مااعرفه ولا شي .. ولا حتى نعرف اهله .. ناس مطرشينهم لنا ..


وكل مايفتحون معاي موضوع زواج ابكي !

يعني انا اللي بتزوج ليش ابكي ماادري !!

وهذا صح مو زين لي ؟ عشان الحلم يعني .. ولا مجرد حلم ؟؟

انا محتاره ...



* انا اقرى المعوذات يوميا كذا مره .

واقرى البقره كل ماقدرت ..

البتول 29-07-2006 10:29 PM

الاخت الكريمة يرجى الابتعاد عن الكتابة باللهجة العامية لكي يتمكن كل الاعضاء من فهم المشكلة وبالتالي تقديم المساعدة ، فأعضاء المنتدى من كافة الدول العربية . وشكرا

كذلك تم تعديل عنوان الموضوع ليتناسب مع المحتوى

gust 29-07-2006 10:33 PM

اعتذر اختي البتول .. لاني من مدارس اجنبيه ومااعرف عربي عدل .. خصوصا بالكتابه ..

عالعموم مشكوره و جزاج الله خير :)

زوج في المستقبل 29-07-2006 10:52 PM

شوفي يا أختي

ترا ناس كثيرين يجيهم مثل هالأشياء لأنهم محسودين على النعمة اللي عندهم سواء مال أو جمال أو توفيق بالدنيا أو نجاح في الدنيا


يعني أني منتي أول وحده


وترا الحسد أو العين لها علاج

روحي لشيخ يقرا عليكي

ولا تحسبين إن ذا عيب


لا لا لا لا لا لا

على قول المثل الرازق بالسما والحاسد بالأرض

أو إذا بغيتي طريق أسهل


إرقي نفسكي بنفسكي (لأن رقية الإنسان لنفسه أحرى للإجابة من رقية الإنسان من غيره)

ولا أحد حريص على الشفاء أكثر من المريض نفسه


أصلا يشرع للمسلم ان يرقي نفسه حتى لو لم يحس بالمرض ، كيف والمرض قد نزل بالإنسان.


وأحمي ربكي يا أختى ترا الحالات اللي أسمع عنها من آثار العين والسحر أشد بكثير من حالتكي (الحمد لله على كل حال)


أهم الأشياء في الرقية :

أذكار الصباح والمساء

قراءة القرآن عموما

قراءة آية الكرسي

آخر آيتين من سورة البقرة

سورة الفاتحة

الوضوء قبل النوم

البعد عن سماع الموسيقى (لأنها كلام الشيطان)

الإستغفار

المحافظة على الصلاة في وقتها

التقرب من الله

وأخيرا وهو الأهم


7
7
7
7
7
7
7
7


الدعاء الدعاء


هذه المعلومات أخذتها من صديقي (صار له 9سنوات وهو يقرا على الناس)


هذا الذي أستطيع أن أقوله


ودمتم

gust 29-07-2006 10:58 PM

اي اخوي انا بعد عندي كتاب الرقيه الشرعيه و كتاب اسمه الدعاء الى الله . فيه ايات و ادعيه وااايده

وبالنسبه للعين انا ادري من اقرب الناس لي .. دايما يقولون مو ناقصك شي جمال و فلوس و تدرسين و الخطاب واحد يروح و عشره بداله !!!

هالجمله انقالت من اهلي مو من غرباء ..

الله كريم ..

ومشكور اخوي ماقصرت ..

بس تكفى دعواتك :( .. ترى انا محتاجه للدعاء ..

روح الغالي 29-07-2006 11:22 PM

آآآآآآآآآآآآآآآآآآآآآآه جيتي على الوتر

انا كمان هذا اللي مزعجني بحياتي

اتخطبت من اربع سنوات لواحد من العيله يقول انه ميت فيني وبيوم من الأيام في احد الأختلافات اللي تصير قبل الزواج

قالي( انت مين بيتزوجك حتترمي من بيت لبيت)

طبعا هذي الكلمه ماقلتها لأحد من اهلي وانفصلت عنه بعدها

والي يومك هذا وانا ادعي اني اتزوج عشان ارمي الحصى بعينه واقوله تزوجت سيد سيدك

بس هذا يالغاليه لايعني ان كل شي قسمه ونصيب واللي ربي كاتبه بيصير

انت توكلي على الله وحصني نفسك وصلي واستخيري دايم على كل خاطب يتقدم لكي

لن يصيبنا الا ماكتب الله لنا

ربي يشرح صدرك ويفرج همك وينولك مرادك ويريح بالك ويكفيك شر الحاسدين وشر شياطين الجن والأنس

ويرزقك بالزوج الصالح الهين الين الدين اللي يخاف الله فيك الحليم الكريم عاجلا غير آجل

وجميع بنات المسلمين ويرزق الشباب زوجات صالحات

حصنتك بلا اله الا الله

اختك في الله

gust 29-07-2006 11:35 PM

اختي روح الغالي .. جزاك الله الف الف الف خير .. على هالدعوه الحلوة والله احلى دعوه .. لا اريد اكثر منها :)

ويارب الله يسمع منك .. اجمعين ان شاء الله ..

والله يرزقك بالزوج الصالح ولاتحطينها في بالك انسي الكلمه انا نسيتها بس اللي ذكرني فيها اللي صار معاي ..

بيور سول 29-07-2006 11:38 PM

الله يفرج عنك قريبا ان شاء الله

توكلي على الله ... وكلام الله اقوى من كلامه او اي شيطان

gust 29-07-2006 11:47 PM

والنعم بالله ..


شكرا اختي > اخي .. لا اعلم . . و جزاك الله خير :)

froto 30-07-2006 12:27 AM

اختي اذا مافي راحة من البداية للشخص الي اتقدملك ارفضيه وخلاص

احسن ماتعيشي بصراع نفسي

وان شاء الله يتقدملك الي ترتاحيله

بس بالاول اقعدي فكري ايش الاشياء الي كارهتها في دا الشخص


الساعة الآن 02:27 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©