منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المقبلين على الزواج (http://www.66n.com/forums/forumdisplay.php?f=7)
-   -   كيف أتعامل مع خطيبي وأنا قليلة الكلام ! (http://www.66n.com/forums/showthread.php?t=190832)

فـرحــ{ــي 11-08-2009 12:10 PM

كيف أتعامل مع خطيبي وأنا قليلة الكلام !
 
السلام عليكم ورحمة الله وبركاته



أسعد الله قلوبكم جميعـآ :)



بدآيةً أحب أشكركم على نصائحكم الى إخوانكم وأخواتكم ..

فقد تابعتكمـ كثيرآ .. وأحببت تعاونكمـ والتفافكم حول بعضكم ..

فجزآكم ربي خيرآ



وها أنـآ أطلب منكم مساعدتي ومناقشتي في بعض الأمور ..




{ الله يسلمكم خُطبت وتمــت الموافقه والحمدلله ..
لكن أطلنا قليلآ في الرد عليهم .. ووظن اننا رفضناه .. لكن عندما علم بالموافقه فرح جدآآآ .. يعني من شدة فرحه بسسسرعه قال يالله بنسوي تحاليل وبنملك وامه قالت وش نجيب ونحط ...... هذا صار بشهر ..


انا تفاجأت وخفـــت كثييير .. وقلت ليش مستعجلين ؟


وان قلت لكم اني أعذرهـ بعض الأحيان لأنه معلم ويدرس بمدينة بعيده عنـآ .. يعني ممكن بالشهرين مره يجي يزور أهله ..
عشان كذا يطفش كثييييير ووده نملك وينسى طفشه لحاله هناك ..


تسألوني عن خوفي ..؟


أقول لكم .. أولآ فـ الزواج راح يكون بالإجازه الكبيره ..

طيب وانا خططت بيني وبين اهلي وقلت ابغى الملكه والشوفه ومكالمات وزيارات وهالأشياء بشهر 3 او 4 ..
وهو يبغى الملكه بعيد الفطر او بعدها اقل شي .. فهو مستعجل جدآآآ


انا يا اخواني ماابغى الفتره طوووويله جدآ بين الملكه والزواج .. وانتم اعلم ان طولت هالفتره ممكن تصير مشاكل و و ممكن يمل !!


وهذا اللي خايفه منه ..انه يـمل ..

ياجماعة الخير انا انسانه قليلة الكلام .. يعني يغلب علي الصمت >> احسها صفة خاصه بالرجال وليس المرأه :( .. فكل من حولي يشهد بذلك وهذا اللي مأزمني ومتعبني أكثر http://www.66n.com/forums/images/icons/cry3.gif.. يعني كيف تكون الفترة طوووويلة ..! شايلة هم لاكلمني او زارني وش بقووول ؟؟ المواضيع ماتجي ببالي ابدآ .. انسى كلللل شي .. ومو معقول كل شوي بروح لخواتي واقولهم قولولي مواضيع اقولها .. ودي اعتمد على نفسي ..

انا اشوف اهلي بعض الاحيان يملون مني .. لأني ماأتكلم كثييييييير..

ياناس مااعرف وش اقول وش أهرج .. فأنا ليست لدي سرعة بديهه يعني ان حسيت الجو فيه صمت اقوم أطّلع سؤال .. او ان سأل اقول الجواب الفلاني .. انا لستُ كذلك قد ابتسم فقط .. وبعدين اقول يووووه ليش ماجاوبت كذا وكذا ..!!






مايشغلني كيف سأتعامل معه ..؟؟ ماذا اقول من مواضيع ؟ كيف افهم شخصيته ؟ كيف اخبره عن شخصيتي؟؟ كيف وكيف ؟؟ امور كثيره تشغلني



/








فأنا أرى




الواحد اذا (ملّك) يهتم بكـــــــل تفاصيل الملكه .. كيف اتجمل .. البس .. كيف احاور .. يبحث عن مواضيع .. كيف اعبر عن مشاعري .. اكلمه عن شخصيتي .. أحب وما أكره و و و .. يعني باله فااااااااضي لهذي الأمور ..


أمـآ أنا !!


حتى ماذا أكره وماذا أحب ؟ لآأدري .. أعرف اني سأحرج جدآ ان سألني هذا السؤال .. (فكيف وهو من الأن يسأل وش تحب وش تكره )


إخوتي أمور كثيره أشغلتني وتشغلني عن نفسي عن (شخصيتي) .. وأهميتها .. وإحتياجها .. !


أخبروني كيف أزن أموري ..؟


الشاب مستعجل جدآ .. وأهله يقولون حنا مصبرينه للعيد .. وبالقوه صبر

اهلي كمان يبغون يسوون شبكه يبغون يفرحون يعني مؤيدين العريس واهله ..



وأنا ودي يخلونه بشهر 3 او 4 .. ماودي احس بالخوف والرهبه من الأن

بس ماحد سامعني ..



اعذروني على الإطالة ..




لكن أود وأتمنى ان تساعدوني بأرائكم .. :21:



ولآتنسوني من الدعاء ]

@خالد الذابح@ 11-08-2009 01:07 PM

والله ذكرتيني بنفسي يوم خطبت ،،، يا طويلة العمر يوم خطبت ووافقوا ، بطبيعة الحال ناااشب لأمي واختي أسألة عنها شلون شكلها كيف شعرها ، فرفوشه نكديه تزعل بسرعه ترضى بسرعه .. الخ .

المهم انا واحد كلامي قليل ودائماً في بالي شي واحد وهو حديث الرسول صل الله عليه وسلم (( قل خيراً او اصمت )) يعني يمر اليوم كللله وسكوتي اكثر من كلامي ،،، فكان هالشي انا شايل همه مثلك بالضبط ،، فسألت اختي وقلتلها (( هاه ماقلتيلي هي راعية سوالف ولا مثلي طول وقتها ساكته ؟؟؟ )) فقالت لي والله بصراحه هي ثقيله ودائماً توزن كلامها وماتتكلم كثير :( (( لأنها صديقتها من سنين وتعرف طبعها )) وانا طبعاً مثلك قفلت معي وتنكدت وقلت في بالي بسسس عز الله بتروح ايامنا كلها واحنا مبوزين وساكتين :25: ،،، امي على طووول قالت لي لا تشيل هم البنت دائماً اذا تزوجت تصير قرقه وهذره عند زوجها حتى لو كلامها قليل ، انت خلها بس تاخذ عليك !!

وحالياً لي تقريباً اربع سنوات متزوج وزوجتي ماشاء الله سوالفها ماتخلص وكم مره ثالت لي انا ماكنت كذا بس من تزوجتك وانا هذاره مدري وش الي صار فيني :d

عاد انتي لا تشيلين هم ان شاء الله بتنفخين راسه بالسوالف اصبري على نفسك شوي لين تقطين الميانه معاه وبتشوفين


والله يسعدك ويوفقك ويرزقك الذريه الصالحه

haya_85 11-08-2009 03:19 PM

لاتقلقين حبيبتي هو خطيبك اللي راح يفتح مواضيع للنقاش وانتي بدورك تجاوبيه بكل صراحة
مااعتقد انه انتو الاثنين يغلب عليكم الصمت
واكيد قبل اي موعد تشوفيه خللي بالك اشياء تريدين تعرفيها منه يعني خلي ببالك شو اللي راح تقوليه اله

دلوعة..حسين 11-08-2009 07:23 PM

اقتباس:

المشاركة الأصلية كتبت بواسطة @خالد الذابح@ (المشاركة 2207943)
والله ذكرتيني بنفسي يوم خطبت ،،، يا طويلة العمر يوم خطبت ووافقوا ، بطبيعة الحال ناااشب لأمي واختي أسألة عنها شلون شكلها كيف شعرها ، فرفوشه نكديه تزعل بسرعه ترضى بسرعه .. الخ .

المهم انا واحد كلامي قليل ودائماً في بالي شي واحد وهو حديث الرسول صل الله عليه وسلم (( قل خيراً او اصمت )) يعني يمر اليوم كللله وسكوتي اكثر من كلامي ،،، فكان هالشي انا شايل همه مثلك بالضبط ،، فسألت اختي وقلتلها (( هاه ماقلتيلي هي راعية سوالف ولا مثلي طول وقتها ساكته ؟؟؟ )) فقالت لي والله بصراحه هي ثقيله ودائماً توزن كلامها وماتتكلم كثير :( (( لأنها صديقتها من سنين وتعرف طبعها )) وانا طبعاً مثلك قفلت معي وتنكدت وقلت في بالي بسسس عز الله بتروح ايامنا كلها واحنا مبوزين وساكتين :25: ،،، امي على طووول قالت لي لا تشيل هم البنت دائماً اذا تزوجت تصير قرقه وهذره عند زوجها حتى لو كلامها قليل ، انت خلها بس تاخذ عليك !!

وحالياً لي تقريباً اربع سنوات متزوج وزوجتي ماشاء الله سوالفها ماتخلص وكم مره ثالت لي انا ماكنت كذا بس من تزوجتك وانا هذاره مدري وش الي صار فيني :d

عاد انتي لا تشيلين هم ان شاء الله بتنفخين راسه بالسوالف اصبري على نفسك شوي لين تقطين الميانه معاه وبتشوفين


والله يسعدك ويوفقك ويرزقك الذريه الصالحه



كلام صحيح 100%..

بالتوفيق عزيزتي

فـرحــ{ــي 11-08-2009 09:36 PM

الله يشرح صدوركمـ وينور دروبكمـ :)




يعني يمر اليوم كللله وسكوتي اكثر من كلامي /


نفسسسسس اللي أعانيه :(



قفلت معي وتنكدت وقلت في بالي بسسس عز الله بتروح ايامنا كلها واحنا مبوزين وساكتين /



آآهـ انا مقفلة معي من زمااااان ومتنكده .. بالذات ان الرجل طبعه قلة الكلام والصمت .. فكيف يتحملني ؟؟ ومهما كان احس عامل الغربه اللي عايشها تأثر عليه زيادة من ناحية الصمــت ..!


واللي يزيد الطين بله .. لاجيت ماعندي خلفييييية عن مايقال ومايفتح من مواضيع في الملكه ومالايقال ..:(


يارب اني اتغيــر لاتزوجت يآآآآآآرب ..ومايمل مني يارب




أسعدكم الخالق اينمـآ كنتم .. :)

لن أقول ازلتم همي كله .. لكنكم عملتم على إزالة جزء منـه ..

وربي يعيني ويفرج همي ويبعد خوفي من هذه المشكلهـ ..



لآحُرمتم الجنـآن }

فـرحــ{ــي 12-08-2009 06:19 AM

147 مشــآهده

و4 ردود فقط ..!!


اخواني طلبت المسـآعده منكمـ ونصائحكم .. لآتبخلون علي ..

اريد اراء منكم




أحب ان أضيف سبب آخر يجعلني أأخر الملكـه ..


لدي اخت مريضه وانا من يقوم برعايتها .. والسفر معها للعلآج ..

يعني بهتم بمين ؟؟ اختي ولا هو ؟

ماودي اتشتت ..:24: وأنا ماأعرف اركز بأمرين في آنٍ وآحد ..


بالذات ان الأمرين كلها مهمـــه .. المشكله وش بقولهم ليش ماودي نملك الحين ..!!؟


ياناس ودي احس باحســآس الملكه صح .. ماودي هم ثاني معكرني .. ومزعجني ..



كفاية تفكيري اللي ذابحني بـ كيف سأتزوج وأترك أختي المريضه .. من يهتم بها ؟؟




أتمنى من الجميـع ان يضع بصمه في متصفحي .. فأنا بحاجة لكمـ جدآ


دمتـ بخير ـم

شمعه تحترق 12-08-2009 09:49 AM

السلام عليكم
اختي الكريمه
"فـرحــ{ــي" لا تهتمي

كثير بالنسبة لقلة كلامك الرجل دائما

هو من يكون المبادر بالكلام وفي كل

شيء صدقيني عندما تجلسين معه

سوف يثير هو المواضيع وانت سوف

تردين عليه وموضوع بجر موضوع مثلما

يقولون لذلك لا تشيلين هم السكوت

نحن الرجال نقدر بان الفتاة تكون خجوله

في هذه الفتره ونحاول معها شوي

شوي حتى تاخذ راحتها وتصير تتحدث

لوحدها وتتجرا اكثر يعني الرجال بقدروا

هذا الشيء، بالنسبة لاختك بداية الله

يشفيها ويسلمها انت تستطيعين ان

تخرجي معها للعلاج وبنفس الوقت

تكونين على اتصال مع زوجك عبر

الجوال يعني تكوني على اتصال دائم

معاه وهوه اكيد راح يقدر ظرفك ويقدر

هالشي منك كثير، اما بالنسبة لتاخير

الزواج والله يا اختي احنا الرجال بصراحه

بنكون مستعجلين لانه لا داعي للتاخير

طالما كل الامور تمام وحتى الرجل

ياخذ راحته اكثر مع زوجته، اقول لك

بصراحه ودون خجل الرجل منا يكون

بعاني خلال فتره المكله لانه يريد المزيد

من الفتاة ولكنه لا يستطيع نظرا

للعادات والتقاليد وعدم احراج نفسه

واهل الفتاة لذلك ارجو ان تتعاوني مع

زوجك وان تسرعوا بالزواج لانه فيه

مصلحة لزوجك وتخفيف عنه وحتى يعف

نفسه ايضا ولا تنسي ايضا اهل

العريس يريدون ان يفرحوا بابنهم ،

واخيرا وليس اخرا الف مبرووووووووووووووووووووووووووووووووووك

الملكه وربنا يهنيكم ويسعدكم وربنا

يتمم لكم على خير ان شاء الله والسلام..


( متى سأتوب ) 13-08-2009 12:56 AM

السلام عليكم ورحمه الله وبركاته

اختي الكريمه الله يبارك لك في زواجك

ولا تشلين هم بخصوص قله الكلام لان الرجل لا يحب كثره الكلام .

انا ارى انك تأخذين الامور بكل بساطه


وبالنسـبه لأختك اسأل الله ان يلبسها لباس الصحه والعافيه .

فـرحــ{ــي 13-08-2009 07:49 AM

اقتباس:

المشاركة الأصلية كتبت بواسطة شمعه تحترق (المشاركة 2208565)
السلام عليكم

اختي الكريمه "فـرحــ{ــي" لا تهتمي


كثير بالنسبة لقلة كلامك الرجل دائما

هو من يكون المبادر بالكلام وفي كل

شيء صدقيني عندما تجلسين معه

سوف يثير هو المواضيع وانت سوف

تردين عليه وموضوع بجر موضوع مثلما

يقولون لذلك لا تشيلين هم السكوت

نحن الرجال نقدر بان الفتاة تكون خجوله

في هذه الفتره ونحاول معها شوي

شوي حتى تاخذ راحتها وتصير تتحدث

لوحدها وتتجرا اكثر يعني الرجال بقدروا

هذا الشيء،

وعليكم السلام اخي

كلامك ريحني .. وازال الخوف عني


بالنسبة لاختك بداية الله

يشفيها ويسلمها

آمين يارب العالمين ..

انت تستطيعين ان

تخرجي معها للعلاج وبنفس الوقت

تكونين على اتصال مع زوجك عبر

الجوال يعني تكوني على اتصال دائم

معاه وهوه اكيد راح يقدر ظرفك ويقدر

هالشي منك كثير، اما بالنسبة لتاخير

الزواج والله يا اختي احنا الرجال بصراحه

بنكون مستعجلين لانه لا داعي للتاخير

طالما كل الامور تمام وحتى الرجل

ياخذ راحته اكثر مع زوجته، اقول لك

بصراحه ودون خجل الرجل منا يكون

بعاني خلال فتره المكله لانه يريد المزيد

من الفتاة ولكنه لا يستطيع نظرا

للعادات والتقاليد وعدم احراج نفسه

واهل الفتاة لذلك ارجو ان تتعاوني مع

زوجك وان تسرعوا بالزواج لانه فيه

مصلحة لزوجك وتخفيف عنه وحتى يعف

نفسه ايضا ولا تنسي ايضا اهل

العريس يريدون ان يفرحوا بابنهم ،

واخيرا وليس اخرا الف مبرووووووووووووووووووووووووووووووووووك

الملكه

الله يبارك فيك اخي..



وربنا يهنيكم ويسعدكم وربنا

يتمم لكم على خير ان شاء الله والسلام..


الله يجزاك خير الجزاء اخي الكريم


كلماتك مثل البلسم الشافي ..

سلمـ اخي وأسعدك ربي اينما كنت ـتَ


> الأن شُرح صدري .. وابتسم ثغري :22:


لآحرمكَ ربي سُكنى أعالي الجنـآن }



....

فـرحــ{ــي 13-08-2009 07:57 AM

اقتباس:

المشاركة الأصلية كتبت بواسطة ( متى سأتوب ) (المشاركة 2209195)
السلام عليكم ورحمه الله وبركاته

وعليكم السلام ورحمة الله وبركاته


اختي الكريمه الله يبارك لك في زواجك


آمين وآجمعين يــآرب

ولا تشلين هم بخصوص قله الكلام لان الرجل لا يحب كثره الكلام .


ان شاء الله .. ربي يبعد هالخوف عني


انا ارى انك تأخذين الامور بكل بساطه

أحاول جاهده يا أخي .. وربي يعيني ويقدرني بإذن الله


وبالنسـبه لأختك اسأل الله ان يلبسها لباس الصحه والعافيه .

آميـــــــن يارب العالمين .. ربي يسمع منكمـ يارب



أسـ ع ـد الباري قلبك اخي الكريم


وفرج همـكـ ,, وغفر ذنبكـ


أشكرك على كلمـآتكـ المطمئنه لقلبي .. : )


لآحرمـ الجنه ـتْ







الساعة الآن 05:52 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©