شهر العسل في تايلاند
السلام عليكم أخواني وأخواتي في المنتدى
أنا مخطوبة وعرسي بشهر فبراير ان شاء الله وحابين أنا وخطيبي نطلع شهر عسل على تايلاند وبصراحة بيهمنا ما يكون شهر العسل مكلف كتير يعني على قدنا سؤالي للمجربين وبيعرفوها تايلاند بتناسب شهر عسل وبتكلفة معقولة وشو في أماكن حلوة فيها وكم بيكلف شهر العسل تقريبا هنيك مع العلم انو اخترنا تايلاند بعد استثناء كتير بلدان خاصة ماليزيا لرغبة خطيبي مشكورين |
احلى جو واحلى مكان
بانكوك رحت فيها للاسواق بس وكانت واااو!!! رحت لبوكيت وكانت روعه وانصحك بالجزر اللي حواليها جيمس بوند وبيبي ايلاند وعروض بوكيت فانتسي وورد!! الاسواق والشواطئ في بوكيت حلللوه .. كافي بس المناظر وانتي تمشين بالسياره ...... والناس هناك خدومين!! الله يتمم اموركم بخير |
شكرا على نصيحتك لاني قرات ببعض المنتديات انو جو تايلاند مو حلو وفيها روائح طبخ او روائح اكل مزعجة والبلد ما فيها نظافة لا بالشوارع ولا بالشواطئ
بس هلا كلامك طمني انو ان شاء الله سفرتنا ما بتروح على الفاضي وين بتنصحني فنادق واسواق حلوة |
هههههه
نعم رائحة الطبخ في الشوارع ورائحة المجاري منتشره خصوصا بانكوك وبوكيت.. اذا رحتي بوكيت فابتعدي عن شاطئ (باتونغ) لانه وسخ وقذر حاولي تختارو شواطئ ثانيه تتمشو عليها.. |
انصحك بماليزيا بلد مسلم وبلد جميل جدا جدا جدا
|
أكتر ..بلد إباحي شرق أسيوي هي تايلند
نصيحه لوجهه الله روحي ماليزيا روعه وكمان دوله مسلمه |
مممم
والله بعرف انو اكتر بلد اباحي وانو ماليزيا احسن
بس المشكلة خطيبي رايح ماليزيا اكتر من مرة وفي مرة من المرات صارت معه حادثة كرهته يروح لهنيك ولما قلتله انو تايلاند فيها كتير اباحية قلي نحنا علينا من حالنا انا بعرف خطيبي متلزم يعني مستحيل يكون بباله يروح تايلاند للشي السيء هنيك هو بس سمع عن البلد انها حلوة وحابب انو نروح لهنيك يعني تايلاند رخيصة لانو الحالة المادية ما بتسمح بشهر عسل بأوربا متل ما بتعرفو مكلفة وتركيا ولبنان رايحنلها كتير على كل الله يقدم يلي فيه الخير |
طيب شو رأيك بالمالديف ؟؟
|
قوالب
بجد انتي صادقه الماليدف؟ الاخت بتقول انه ميزانيتهم بسيطه وانتي الله يهديك تقوليلها المالديف :) المالديف نار نار اسعارها اللي تدفعيه في 3 ايام هناك تقدري تدفعيه في بلد ثاني وتقعدي 14 يوم.. |
والله علشان تروح ببيئة نظيفة من وإلى :D
لكن طرت على بالي اندونيسيا مع اني ماني مقتنعة فيها لكن طبيعتها خيال .. |
الساعة الآن 02:36 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©