|
بنتي الوسطى كوبي أختها .. ياربي وش أسوي ؟
آآخ بطني عورني من الضحك ..
بنتي المتوسطة بينها وبين أختها الكبيرة سنتين ونص .. وهالبنت تقلد أختها بكل شي .. وتلحقها بكل شي .. ليس حبا ولكن حسد ههههه .. يعني لما اختها تمرض وتغيب عن المدرسة هي تبكي ليش أنا أروح المدرسة وهي لا ؟؟ لهالدرجة .. قبل شوي صار موقف مت من الضحك عليه يااااربي والله أحس نفسي للحين مب قد هالمسؤولية ولا عارفة أتصرف مع الموقف .. بنتي الكبيرة دقت علي وانا بالدوام وقالت لي الدورة جاتني .. قلت لها افطري لا تصومين .. شوي إلا داقة علي اختها .. ليش اختي تاكل وانا لا ؟؟ قلت لها ياماما اختك جاتها الدورة .. << أنا لسى ماعلمتها عن الدورة بس هي تسمع أحيانا وشوي فاهمة اللي صار لأختها . صاحت وقالت ابي أفطر .. لا حول ولا قوة إلا بالله تونا اول يوم رمضان قلت لها لا مايجوز .. قالت امبلا .. ألحين دقيت ع البيت أشوف شحال عيالي .. ما أسمع الا المتوسطة تصيييح والكبيرة تكلمني تقول اختي راسها يعورها .. قلت لها يعورها من الصياح بس .. تبي تفطر .. شالحل مع هالبنت ؟؟ عمرها 8 سنوات ونص .. وهذا اول رمضان ودي أنها تصوم على الأقل كم يوم كاملين .. لأني العام خليتها نص يوم واحيانا أعطيها بالنص شي خفيف واخليها تكمل صومها .. *فيس يبكي* *فيس يبكي* *فيس يبكي* |
رد : بنتي الوسطى كوبي أختها .. ياربي وش أسوي ؟
ههههههههههه
فديتها ،،، ي حلو البنات،، الله يخليهم لج ويصلحهم خليها تفطر توها صغيره ،،، خصوصا الطفل أإأذأإأ شاف احد ياكل جدامه مايتحمل لازم ياكل!!! |
رد : بنتي الوسطى كوبي أختها .. ياربي وش أسوي ؟
:d:d:d:d:d
فديتها --بسم الله الرحمن الرحيم ماشاء الله عليهم ربي يحميها هي واخواتهاااااااااااااا حبيبتي دام بعدها صغيرة وتقلد اختها واختها فطرت ---خليها تفطر معهااااااااااااااا طول ما اختها فاطرة ولما تصوم ان شاء الله بتصوم معها مو كم ساعه لا بتقدر تصوم كم يوم :14: ان شاء الله فديتهم يهبلووووووووووووووووون ما شاء الله عليهم :30::30::30::30: خليها تفطر انتي بنفسك ما راح تخليها تصوم كل الشهر وناوية تصوميها كم يوم خلاص تفطر كم يوم وتصوم بعدين مع اختها ما شاء الله عليهم ما شاء الله عليهم بطني عورني من الضحك ربي يحميهم ما شاء الله عليهم |
رد : بنتي الوسطى كوبي أختها .. ياربي وش أسوي ؟
اقتباس:
عورني قلبي عليها وخليتها تاكل وقت الغدا وبعدين كملت صيامها ..:26: |
رد : بنتي الوسطى كوبي أختها .. ياربي وش أسوي ؟
اقتباس:
أيه هذا اللي سويته ..:21: ماعرف شلون أخلي لهالبنت شخصية مستقلة عن اختها .. دايما تشوفها وتراقبها وتعمل مثلها وتبي كل اللي تسويه اختها تسويه هي .. يمكن انا كنت السبب لأني من صغرهم البسهم نفس الشي وآخذ لهم نفس الاغراض .. وأنا كان قصدي أني أساوي بينهم .. تدرون لما أمي تقول لي لاتلبسينهم نفس الشي .. اقول لأمي اخاف آخذ ملابس مختلفة لهم وبعدين تطلع ملابس وحدة أحلى من الثانية .. في العيد مثلا .. ما أحب ان أحد يقارن ويقول فستان الكبيرة أحلى و العكس ..:24: واعترف إني غلطانة في هالشي .. :29: |
رد : بنتي الوسطى كوبي أختها .. ياربي وش أسوي ؟
:d:d:d
الله يحفظهم لك ويحميهم من كل شر ما عندي شي اضيفه ،، في هذي الحاله انا اوقف متفرجه :26: خليها براحتها يا بنت الناس لسه ثمانيه سنوات :29: |
رد : بنتي الوسطى كوبي أختها .. ياربي وش أسوي ؟
اقتباس:
ابشرك .. امس أول يوم تصومه كامل من غير أي طعام أو شراب ..:14: وتقول ماما ماجعت عادي :d .. الله يحفظها .. |
رد : بنتي الوسطى كوبي أختها .. ياربي وش أسوي ؟
ههههه
المفروض الكبيره ما تفطر قدامها الله يهديهم و ياحلو البنات |
رد : بنتي الوسطى كوبي أختها .. ياربي وش أسوي ؟
مب بس البنات :d
سلطان قال لي في بداية الشهر .. شمعنى انا اصوم ومهرة لا !!! <---- هو 8 سنوات وهي 4 سنوات;) قلت له: انت لما كان عمرك 4 ماخليتك تصوم .. وهي بتكون مثلك يوم يصير عمرها 7 باخليها تصوم. والحمدلله اقتنع. ;) أنا مع الأخوات .. خليها تفطر في الأيام اللي تفطر فيها اختها .. وعقب تصوم معاها. ويوم هي تبلغ إن شاء الله بتفهم ان كل وحدة لها أيام فطرها .. وان السالفة مب شراكة :d |
رد : بنتي الوسطى كوبي أختها .. ياربي وش أسوي ؟
اقتباس:
تضحكني لما تسألني متى بتييني الدورة مثل اختي عشان أفطر .. وهي أصلا ماتعرف أيش هي الدورة بس تسمع شوي .. وتعرف انه شي عيب لازم تهمس لما تتكلم عنه .. :22: اقتباس:
سويت مثل ماقلتولي وخليتها تفطر ولكن بحدود .. بمعنى بنص اليوم تاكل شي بسيط وتشرب ماي وترد تكمل .. هاذي أول سنة اعلمها على الصيام وتمنيت لو تصوم عدل عشان هي نفسها تشعر بالفخر .. والحمد لله فيه ايام صامتها كاملة وهي فرحانة ومستانسة وايد .. :17: |
| الساعة الآن 11:08 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©