مائدتي الرمضانية 2017
السلام عليكم ورحمة الله وبركاته
أسعد الله أوقاتكم بكل خير شهر رمضان شهر الرحمة والغفران الله يبلغنا وإياكم صيامه وقيامه والحمدلله على نعمه كلها هيدي يا صبايا مائدتي الرمضانية2017 المتواضعة http://www6.0zz0.com/2017/06/12/18/675688623.jpg http://www6.0zz0.com/2017/06/12/19/308343328.jpg http://www3.0zz0.com/2017/06/12/18/716934454.jpg وكان الفطور عبارة عن شوربة العدس- سلطة - كريسبي سمك - متبل الافودكا- بيتزا -فطائر سبانخ والمشروب عصير عنب عضوي وعصير جريب فروت عضوي والحلوة عبارة عن حلو الداعوقية -موز بصوص الشوكولا طبعا لاحظتوا انو ما في صحون ولا ملاعق أو شوك 😄😄😄 لأنو بشهر رمضان أغلب الأيام بستعمل صحون الكرتون وكبايات وملاعق بلاستيك بلا ما نوقف ساعة عالمجلى هيك أريح وخاصة اذا ما كان الأكل سخن لانو البلاستيك مضر مع الأكل السخن بنبدأ بأول طبق وهو الشوربة http://www3.0zz0.com/2017/06/12/18/676061948.jpg شوربة العدس هيي أكتر نوع شوربة بنساويه بشهر رمضان تقريبا بنلاقيها على مائدة كل بيت لبناني بشكل يومي بس انا مش كل يوم عم ساويها ممكن تلات مرات بالأسبوع وسهلة كتير عبارة عن عدس أحمر مقشور أو بالأصح لونه برتقالي بنغسله منيح وبنضيف عليه لكل كوب شي 5 أكواب ماء وبس تغلي الماي بيصير يعمل كثافة عالوج لونها أبيض فبنشيلها بكل مرة وبنرجع بنخفف النار وبنغطي الشوربة لتستوي واذا شفنا انها بحاجة لماي فبنزيد كل مرة حسب حاجتنا لانو كل نوع عدس بيختلف عن التاني إن كان بكمية الماي أو الوقت اللي بيحتاجه ليستوي قبل ما نطفي النار بربع ساعة بنضيف ملح وزبدة أو زيت زيتون ورشة كمون ورشة ثوم بودرة ورشة بصل بودرة وبقدونس مجفف وجزر مبروش وعصرة صغيرة حامض والحامض إختياري ممكن نعصر الحامض على وجه الشوربة بس نسكبها بالكاسة او ممكن نستغني عنها حسب الذوق الطبق التاني سلطة http://www12.0zz0.com/2017/06/12/18/924666606.jpg عبارة عن كذا نوع موجود عنا بالبيت أو بنفضله والصوص حبيت تكون بس من الحامض وزيت الزيتون والملح الآروما وهيدا الملح المنكه بالتوابل والاعشاب بيعطي نكهة كتير طيبة متبل أو صوص الأفودكا http://www7.0zz0.com/2017/06/12/18/473582246.jpg سهل كتير وطيب ممكن ناكله بالخبز العادي أو المحمص أو مع الفطاير أو الكريسبي أو البطاطا يعني بنقدر نغمس فيه أي شي بنحب ناكله معه لهيدا الصحن هرست أربع حبات أفودكا مع عصرة ليمونة حامض ورشة توم بودرة وملح فطائر بالسبانخ http://www12.0zz0.com/2017/06/12/18/716782522.jpg هيدول من المفرزنات لهيدي السنة وسبق ونزلت الطريقة من سنتين تقريبا وهيدي هيي على هيدا الرابط http://www.66n.com/forums/showthread.php?t=261256 كريسبي السمك http://www13.0zz0.com/2017/06/12/19/152541798.jpg بنحتاج فيليه سمك بنغسلها وبنقطعها بالطول وبنعصر عليها حامض شي عشر دقايق بنرجع بنصفيهن وبنرش رشة ملح وبهار الكريسبي ( أنا جبت معي البهارات من لبنان) بنرجع بنلتهن بالطحين من بعدها بالبيض وآخر شي بالخلطة وهيي أساس لذة الكريسبي والخلطة عبارة عن طحين نص كوب وملعقة نشا وكورن فليكس مهروس وبهار الكريسبي حسب ما بنحب النكهة تكون ظاهرة (أنا بكتر البهار الكريسبي) وبنقليهن بزيت حامي ويكون نظيف بيتزا الايطالية المارغريتا http://www5.0zz0.com/2017/06/12/19/935457732.jpg http://www3.0zz0.com/2017/06/12/19/822823529.jpg وسر العجينة بالسميد الناعم العجينة عبارة عن أربع أكواب ونص طحين وربع كوب سميد ناعم ومكعب خميرة طازة ورشة ملح وملعقة طعام سكر وربع كوب زيت زيتون وماء حسب الحاجة ومن بعد ما تخمر العجينة بنرقها بالسميد الناعم والصوص عبارة عن بندورة مخفوقة بالخلاط مع رب البندورة حسب الحاجة والكمية ممكن نحط ملعقة وممكن أكثر او أقل وتوم بودرة وزيت زيتون وريحان طازج او بودرة وبخبز البيتزا مع الصوص نص إستواء http://www3.0zz0.com/2017/06/12/20/368236144.jpg وبعدين بحط الجبنة وبكمل خبزها بيتزا بالخضرة http://www2.0zz0.com/2017/06/12/20/967813079.jpg عملت شوي بقي عندي عجين وصوص من البيتزا اللي عملتها من يومين وبطريقة تانية متل ما بنعملها بلبنان عند أهلي العجينة كيلو طحين -خميرة مكعب او ملعقة طعام جافة - ملعقة طعام سكر -ملعقة طعام باكينج باودر -ربع كوب حليب -ربع كوب زيت زيتون -رشة ملح -ماء حسب الحاجة اما بالنسبة للصوص بنقلي بزيت زيتون تلات حصوص ثوم مفروم ناعم مع بصلتين مفرومين ناعم بس يذبلوا بنضيف خمس حبات بندورة مفرومة ناعمة وفليفلة حمرا مفرومة ناعمة وبنقلبهن وبنخفف النار وبنغطيهن بعد عشر دقايق بنضيف ملح و أوريغانو وريحان ومردقوش وزعتر وملعقة رب البندورة وممكن نستغني عنها اذا البندورة كانت الكمية كافية وبس نحصل على صوص بنطفي http://www14.0zz0.com/2017/06/12/19/210329530.jpg وهيدي الصورة للبيتزا من كم يومين عملتها وبنحشي البيتزا متل ما بنحب ان كان ذرة -فطر فليفلة خضرا -زيتون واذا بنحب مارتديلا بنحطها فوق الخضار قبل الجبنة حلو الداعوقية http://www8.0zz0.com/2017/06/12/19/348654762.jpg http://www12.0zz0.com/2017/06/12/19/328271056.jpg http://www8.0zz0.com/2017/06/12/19/309674015.jpg بنحتاج كوب فرك كنافة ناعمة كوب سكر بودرة (ممكن نزيد او نقلل حسب ما بنحب طعمة الحلو) ملعقة زبدة نصف كوب ماء ورد ملعقة ماء زهر تلات اكواب أو أربع أكواب فستق حلبي لونه أخضر( وممكن نستعمل كوبين فستق حلبي مع نقطتين ملون غذائي أخضر ) أنا إستعملت أربع أكواب فستق حلبي بنحط الفرك بالمقلاية عالنار شي خمس دقايق لتاخد لون خفيف جدا وبنتركها تبرد وبنضيف باقي المكونات وبنعجنها لنحصل على عجينة متجانسة اذا مش متواجد فرك كنافة ناعمة بنحمص الفرك الخشنة بالفرن من دون ما تاخد لون وبنطحنها بالمكنة وبنفركها بملعقة زبدة والنص كيلو فرك خشنة بس نطحنه بيعمل كوبين فرك ناعمة والقشطة عبارة عن ليتر حليب على النار بس يقرب عالغليان بنضيف تلات ملاعق خل وبنحركهن وبنطفي النار وبنتركهن شي خمس دقايق قبل ما نصفيها من بعد ما نصفيها وتبرد بنضفلها 250غرام ماسكربونة او قشطة قيمر وبنهرسها بالشوكة لتصير متجانسة وبنرق عجينة الفستق عالنايلون وبنحطها بكاسات صغيرة او أي قالب موجود عنا لنعمل الشكل اللي بدنا ياه وبنحشي قلبها بالقشطة موز بصوص الشوكولا http://www12.0zz0.com/2017/06/12/20/173043125.jpg هيدي عملتها للاولاد كتير بحبوها بحط مئة غرام شوكولا سودا مخصصة للطبخ مع ملعقة زبدة ونص كوب حليب وبخفقهن عالنار لادأحصل على صوص الشوكولا وممكن إحتاج حليب أكثر من نص كوب حسب ما بحب سماكة الصوص ان شاءالله يكون الشرح واضح والإفطار عجبكن رمضان كريم عالجميع ghgghgghg |
رد: مائدتي الرمضانية 2017
ماشاء الله ✨
سفرة سبع نجوم ⭐⭐⭐⭐⭐⭐⭐ مشكورة جداً على جهدك الرائع في إفادتنا بالتفصيل ♥ منك نتعلم ✨ يا أميرة الذوق والترتيب والنظام الله يحميك ويزيدك من واسع فضلة وأعجبني مافيه إسراف ..أطباق شهية وكمية مناسبة الله يكتب أجرك |
رد: مائدتي الرمضانية 2017
جميله مثل صاحبتها بالعافيه
|
رد: مائدتي الرمضانية 2017
تسلم الأيادي والعافيه على قلوبكم
|
رد: مائدتي الرمضانية 2017
اقتباس:
تسلميلي يا أميرة الأميرات اسم على مسمى ⚘⚘⚘⚘ كلامك الحلو متلك وسام بعتز فيه اسعدني مرورك نورت حبيبتي ddgddgddg |
رد: مائدتي الرمضانية 2017
اقتباس:
حياتي يا مبتعثة ddg هيدا جمال عيونك اللي بشوفوا كل شي حلو على قلبك تسلميلي يا عسل ⚘⚘⚘⚘ |
رد: مائدتي الرمضانية 2017
اقتباس:
الله يسلمك وعلى قلبك حبيبتي سديم ddgddgddg نورت يا عسولة ⚘ |
رد: مائدتي الرمضانية 2017
مأكولاتك يا ميمو شهيّة وخفيفة وجذّابة ولا يتمالك أمامها إلا من استشعر أمر الله بالصبر لحدّ الأذان كتب الله أجرك وتقبّل من الجميع |
رد: مائدتي الرمضانية 2017
ميمتنا مبدعه بسم الله عليس 🤦🏻♀
|
رد: مائدتي الرمضانية 2017
تسلم الايادي يافراشة ماشاء الله كل شي مرتب ومبين طيب من اامنظر يعطيك الف عافية حبيتيgryr اول مرة بشوف هااحلوى الخضرا كثير بحب شغلات الفستق انشالله بجربها
|
الساعة الآن 12:28 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©