|
هل هذا الوضع عادي ؟
ودي اسال هالسؤال للرجال عسى اعرف رايهم اذا صح ولا لاء بصراحة زوجي من يوم ما تزوجته كان تجيله مسجات من بنات والحبايب وكان دايما بيننا هوشة والحين من يوم ما طلع البلوتوث قام يحط رقمه فيه ويدلع نفسه وهالحركات ويوم اكلمه عن هالسالفة يقوللي عادي مافيها شي ومن ذاك الوقت تجيله مسجات ومادري وشو مرات يوم اجي من برا البيت ما يدخل داخل البيت يتكلم في التلفون داخل السيارة ويوم اقوله ليش اتسوي كذا يقولي كنت اكلم ربيعي واعذار مع ان هو كان يرمس ربعه يدامي وعادي وهاي تكرر اكثر عن مرة والله ما اعرف وش اقول انصحوني وجزاكم الله خير الأخت الفاضلة برجاء البعد عن اللهجات المحلية لصعوبة فهمها |
حبيبتي بنوتة زايد (الله يرحمه ابونا ويغمد روحه الجنة)............
نصيحتي............نصيحه سمعنا قديما من اخوانا المصريين يقولون فيها ابنك على ما تربيه وزوجك على ما تعوديــــــــه ! ان تعود منك الطناش والتساهل وانه يستغفلك ويلعب على كيف كيفه بدون ما يحط اعتبار لكرامتك او حتى يراعيك ويخاف ربه فيج .........بيستجرأ عليج أكثر وأكثر ........نصيحه مني العين الحمرا ..........ما بتلقين احسن منها ولا تحاولين تتغابين او طنشين ..........بتتعبين بعدين! |
بصراحة يا خيتي انا من النوع ما اطنش اعطيه في الويه
بس هو يحسب رمستي شي عود قلتله ويزعل ومادري وشو وهالحركة استوالي اكثر من مرة بس شو اسوي الله يهديه |
اختي الفاضله
انا من رأيي تنصحيه في حال مااستجاب لازم احد من اهلك يكلمه لانو الرجل اذا مالقى احد يردعه راح يتمادى...... الله يهدي زوجك ويوفقك اختك |
بصراحة انا يوم رمست اهله في هالموضوع عن البلوتوث وسوالف المغازلة
قالولي عادي ريال خلي يسوي اللي يبى مصيره بيرد عندج بس الصراحة سرت ما ارقد بالليل وهالموضوع شايل تفكيري وهمي وما ادري شو اسوي ساعدوني |
اختي انا اشوف من طريقة كلامك انتي كثير متساهله معاه.....
انتي تقولين ابغي اسال الرجال.......وانا اجاوبك!!!!! لاتخلين نفسك قدامه من نوعية البنت اللي على نياتها او على طريقة قطه مغمضه... هذا امر ماينسكت عليه ابد...ايش يعني حاط رقمه بالبلوتوث وكيف يقول عادي وتسكتين..... قوليله اشرحلي كيف عادي.....كيف عااااااااااااااااادي؟؟؟؟؟؟..يعني علشان منو حاط رقمك..علشان الشباب يغازلونك ......ياربي ياالحريم والله مرات تذبحون الواحد بطريقة تعاملكم مع المشاكل..انتي اللي خليتيه يستوطي حيطك تدرين وش انتي بالنسبه له....انتي مثلك مثل اي قطعه جماد في البيت مع احترامي لك..مايسويليك ادنى حساب ....خلص اذا استمر على هالحاله ..عباتك على راسك وعلى بيت اهلك..... وقوليله: عفناك ياللي بعت نفسك رخيصه..................عفناك يوم انك تساهلت بالبيع اقسم بالله اتعجب من نوعية هؤلاء الرجال..كيف طريقة تفكيرهم....ياهل ترى اصير مثلهم بس اتزوج....!!!!!! والله ماادري يمكن |
أختي لازم يكون لك موقف
|
اقتباس:
اتفق مع اخي لورنس الشمري انتا :22: |
نصيحه طنشيه وتزيعلى عليه ولا تكبرين الموضووووع
لانها فتره وتعدى |
ينقل الموضوع لقسم المتزوجين مكانه الأنسب
|
| الساعة الآن 07:50 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©