|
سؤال عن الشيكات
السلام عليكم و رحمة الله و بركاته
ابغى استفسر بخصوص الشيكات .. حاليا لا توجد سيارة عندنا .. و راح اشتري سيارة بإسمي ؛ عشان الاولاد و عشاننا .. و زوجي يسدد الاقساط .. و بعد ما يسدد الاقساط .. براحته يتصرف بالسيارة .. و تنتقل الملكية له .. او يبيعها و ماهمني .. لكن للضمان .. طلبت من زوجي يعطيني شيكات .. و وافق و جاته دفتر الشيكات باسمه من البنك طبعا و بحيث كل 5 آلاف .. يسجلها في شيك منفصل.. و كل ماسدد 5 آلاف .. قطعت الشيك مع العلم انه قسطها شهريا 1800 ريال .. لكن قلت لزوجي يعطيني 1000 ريال في الشهر كفاية .. لانه بيعطيني مصروف الاولاد و ايجار البيت و يعطي لامه و ابوه مصروف في بعض المرات .. ( للي مو عارفين حكايتي .. هو ما كان كذا قبل السنة هذه و مو لازم ندخل في التفاصيل ) ملاحظة : زوجي كسول و يماطل .. لو مافي شي يخليه يستمر بدفع الاقساط راح يطنش .. فلا احد يناقشني رجاء في قراري هذا .. و هو الضمان الوحيد فالهدف مو الفلوس .. لكن عدم المماطلة و عشان لا يحاول بيوم يقهرني و يصدم السيارة او يجيب عليها مخالفات .. فالشيكات - ضمان - . . زوجي عنده حركات مراوغة او مثل ما يقولوا - استهبال - و حبيت استفسر و أتأكد من الاخوان .. هل طريقتي صحيحة نظاما و قانونيا و لا ابلل الشيكات و اشرب مويتها !؟ . . لسى ما أخدنا السيارة و المبلغ موجود في حسابي و الشيكات مع زوجي .. لكن خلال اليومين هذه لازم احصل عالجواب و مابغى ينضحك علي .. شكرًا .. |
رد: سؤال عن الشيكات
وعليكم السلام ورحمة الله وبركاته طريقتك صحيحة ونظامية وللتأكد من صرف الشيك، يجب قطعاً توفر ما يلي / * ألا يكون في الشيك أي شطب أو تعديل، مهما كان بسيطاً. * أن يكون التاريخ حديثاً ( لأن أقصى مدة للصرف هو 6 أشهر من تاريخ تحرير الشيك ) * أن يكون المبلغ كتابةً مطابق تماماً للمبلغ رقماً. * أن يكون توقيع زوجك في الشيك مطابق لتوقيعه المسجل في البنك. والأفضل لو يصدر لك من البنك شيكات مصدقة ،، حيث تكون واجبة الصرف على البنك بدون أخذ الإذن من العميل |
رد: سؤال عن الشيكات
اخوي أمير البيان ..
شكرًا جزيلا لك .. . . عندي بعض الاستفسارات .. - دفتر الشيكات مطبوع فيها اسمه .. من البنك .. قالي لو تاخذي الشيك و ماعليه توقيعي و كتبتي اي مبلغ و وديتيه للبنك مو ضروري توقيعي .. صحيح كذا !؟ هذا معنى شيكات مصدقة .. مو صح ! . . نسيت اقول .. هي راح تكون شيكات بدون رصيد .. . . لكن بخصوص انه تاريخها يكون لمدة 6 أشهر !؟ يعني أخليه يعطيني الشيك بدون تاريخ !؟ مو كذا افضل ؟؟ |
رد: سؤال عن الشيكات
اقتباس:
غير صحيح بل لو وقّع بتوقيع آخر غير توقيعه المسجل في نظام البنك لا يصرف البنك الشيك اقتباس:
لا .. الشيك المصدق يحسم البنك مبلغ الشيك مباشرة من حساب العميل ويكون مطبوع بالكومبيوتر ثم يقدمه العميل للمستفيد اقتباس:
في أسوأ الظروف لو قدّم المستفيد المكتوب اسمه في الشيك ومعه ورقة اعتراض من البنك بأن الشيك بدون رصيد لو قدمه للشرطة .. تجبر الشرطة مُصدّر الشيك على السداد أو السجن لأن الآن تعتبر قضية الشيك بدون الرصيد .. جريمة اقتباس:
أفضل يعطيك إياه بدون تاريخ وأنتِ تكتبين التاريخ .. إذا بتصرفين الشيك |
رد: سؤال عن الشيكات
اذا كانت الثقة معدومة بينكم
مافية داعي السيارة والشيكات اهم مافي الحياة الثقة المتبادلة بين الطرفين |
رد: سؤال عن الشيكات
اخوي شاطئ الراحة
موضوع الثقة .. انتهينا منها .. هو يوثق فيا .. اكثر من ثقته بنفسه و من ثقته في أمه و ابوه .. لكن ثقتي فيه ما راح ترجع .. لانه حتى أمه ما توثق فيه .. ^_^ فرجاء الموضوع هذا انتهينا منه .. و أصلا الي توثق في زوجها - مجنونة - مع مرتبة الشرف :) و انا ما اثق غير في - ربي - و بس .. و حتى نفسي ما اثق فيها .. و القانون لا يحمي المغفلين .. ^^ . اخوي أمير البيان هو راح يوقع عالشيكات كلها .. و انا أكيد ما راح أسبب الضرر له .. لكن خليها معايا افضل .. |
رد: سؤال عن الشيكات
بشكل عام :
الأمور المادية لو دخلت بين الزوجين .. خربت العلاقة .. فالافضل ان يتم الفصل بين العلاقة الزوجية و الأمور المادية و الحمدلله انا و هو متفقين .. و مافي اي زعل |
رد: سؤال عن الشيكات
ليش هذا كله
إنتي إدفعي أقساطها وخليها بإسمك ع طول .. إش المشكلة طالما إنك إنتي وعيالك مستفيدين منها بعد ! هو مثل السايق وإن كانت في يده .. مين بيطلع ويروح ويجي فيها مع زوجك مو إنتي وعيالك ؟؟! |
رد: سؤال عن الشيكات
أقساطها كثير علي .. و انا عندي اقساط البيت
و مصاريف تانية .. و مشكورين على ارائكم .. انا و هو متفقين خلاص .. و انا اسأل عن الشيكات .. حبايبي انا اسأل عن الشيكات في قسم سوْال و جواب ما ابغى احد يتدخل في قراري و لا حابة أتناقش فيه .. رجاء عشان ماحد يزعل شكرًا |
رد: سؤال عن الشيكات
خلاص خليها باسمي ^_^
و خليه يعتبر نفسه مستأجر سيارة لمشاويره .. بدل سيارة الايجار الي ماشي بها و يدفع للشركة 1000 كل شهر .. لو بيوم جات مخالفات ساهر .. او باع السيارة او عمل فيها اي شي .. يعني مستقبلي بيضيع و ما اقدر اخرج برة السعودية .. فالشيكات ضمان .. . . و الموضوع منتهي اذا سمحتوا .. و لو احتجت لمساعدة او مشورة من احد راح افتح موضوع جديد و ليت ما يتغير مسار الموضوع تسلمولي .. سوالي عن الشيكات |
| الساعة الآن 05:10 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©