ماذا يريدون البنات من خطيبهم فترة الخطوبة؟
 

السلام عليكم ورحمة الله وبركاته
اريد طرح موضوع يؤرق كل خاطب ((( نحن الشباب )))
اولا كيف يرضي خطيبته ؟
تانيا كيف يستحوذ علي قلبها؟
ثالثا كيف يحسسها انه الرجل وهي البنت ؟ مع العلم (( اكثر البنات يحبو كلمة بنت ))

رابعا ==========> الخ

موضوع جدا صعب فيه الكثير من الكلام والمشاكل والحلول

فحبيت انا بما اني خاطب وعلى وجه زوووووج طرح هذا الموضوع لكي يستفيد منه
الاعضاء الموجودين هنا .........

وارجو منكم الرد على موضوووعي بكل صراحة بالذات من قبل البنااااااااات

التدليع .. والمسجات 24ساعة .. والاهتمام والرعاية .. والهدااايا

بس طبعا بعد العقد
الدلع والرومانسيه والمفاجات كلام الحب واداء الفروض الدينيه سويا والحنـــــــــــــــــــــــــــــــان

خليك على طبيعتك معاها و حاول تدلعها و تحسسها بالامان الامان الامان

الله يوفقك و يسعدك و يرضيك

مسجات 24 ساعة ؟؟ قووووية

في البداية اهنئك اخوي على اهتمامك الى هالموضوع وطرحهه لانه مهم كثيير
اخوي فترة الخطوبة اهية فترة تعارف فقط لاغير تعرفون بعض بشكل جيد
وتفهمون كيف تفكير الطرف الاخر وتتعودون على بعض من خلال جلساتكم وحديثكم
مع بعض ...بالنسبة للاشياء التي تريدها كل بنت على وجهه الارض من خطيبها
(احـتـرامهـا) من كل النواحي .. من ناحية آرائها ومن ناحية اسلوبها
وحتى لو كان اسلوبها أو شيء ثاني فيها موب عدل تقدر تغيره وتكلمها بأسلوب (محترم) جداً
ولازم اخوي تحااول تتعرف على الاشياء اللي تحبها مشان يتسهل عليك طريقة التعامل معها
وتدرسها درااسة جيدة برضووا مشان تعرف كيف تتعامل معها وايش مفتاح قلبها وهذا
يعتمد على ذكائك وشطارتك يا اخوي ....بس راح ابين لك بعض الاشياء اللي لازم تتوفر
في الشخص فترة الخطوبة وبعدها من خلال الاجابة على اسئلتك..
أولاً ..كيف يرضي خطيبته ؟
اذا كنت تقصد ارضاء الخطيبة بأن يكون هذا الزوج شريكاً لها تمام الرضا
لااازم يااا اخوي تبين لها انك شخص يعتمد علييييييه وليس شخص ليس له دور في
هذي الدنيا مثلاً اذا كنت من الاشخاص الكسووولين لازم تقتل هذا الكسل عشان
تمشي حياااتك بكـل راحة بـال لازم تؤدي واجباتك اليومية مثل واجباتك نحو ربك
وواجباتك نحو عملك وواجباتك نحو دراستك اللتي هي مستقبلك ومستقبل هذه الشريكة وأطفالك
وحتى تكووون القدوة والمثل الأعلى لـ زوجتك وأطفاالك وواجباتك نحو زوجتك ومستقبلاً اطفالك
لاتستصغر أمر الكسل اخووي لانه راح يتحول لك لمرض في النهاية وراح تتذمر من كل شيء
وهالشي بيخلق لك مشااكل ومشااكل مابتطلع منها .. واذا كانت فيك صفات غير جيدة
لازم تغيرها مثل العصبية الزائدة أو السب والشتم دائما حاول تعالج نفسك بقدر الامكان
وأهم شي الثقة في النفس .. عند محادثتك لها تكلم بكل طلاقة وثقة بس بحـ ـدود و بـدون مـ ـبـالغة
ثقتك في نفسك الزائدة راح تدفعك الى الغرور والكبر
وعدم الثقة في نفسك راح تدفعك الى مشاكل كثيرة
اخوي لاتنعدم الثقة في نفسك ولا تزيد ..خير الامور اوسطها..
وفييه اشياء كثيرة مووب جاية على بالي حالياً بس اكيد راح يوضحوها لك الاعضاء
تانيا كيف يستحوذ علي قلبها؟
حبيبي اذا كنت تبي تملك قلب خطيبتك ظرووووووري جداً تتوفر فيك بعض الشروط
بس راح اقول لك شي قبل لا ابين لك هذي الشروط
كل بنت تختلف عن الاخرى يعني مو ظروري تكون الاشياء اللي تحبها خطيبة فلان
مثل الاشياء اللي تحبها خطيبتك كل بنت ومميزاتها واسلوبها الخاص والاشياء اللي تحبها
سواء في شخصية خطيبها أو في شخصيتها .. كل بنت يختلف مفتاح قلبها ..
و لو انه مايختلف كان ماصار هناك شي اسمه .. مفتاح .. هههههههههههههه
على العموم ما راح اطول عليك
اول شي
1- طريقة حديثك معها (اللباقة)لابد ان تكون لبق في حديثك معها
من ناحية اسلوبك في الحديث ومن ناحية تفكيرك ومن ناحية الاستماع لها عندما تتحدث
واحترامها وعدم احراجها في شي يعني لو صدر منها اسلوب موب كويس حاول تبلعه هههه
ربما بعض الاحيان النظرات تكفي فقط لكي توضح لها ان اسلوبها موب كويس في شيء معين
ودام تطرقت لموضوع (الحديث) .. لازم يا اخوي ماتمللها بسكووتك حااول تخلق لها جو
جميل تشعر بالسعادة فيه اذا كنت من النوع الخجول وخجلك يمنعك من الحديث معها انصحك
ماتسكت عن نفسك لازم تباعد خجلك على جمب وتهتم بالتعرف على هذه الانسانة التي هي
شريكة حياتك وانك تونسها باسلوبك المميز ومزحك معها (بس لاايزيد) وذكر اشياء
طريفة ومضحكة حصلت لك وتفتح موواااضيع حتى تفتح باب التعارف وتمشي حياتكم
بشكل طبيعي .. بهذا الشي البنت راح تتونس معاك ومابتمل ابداً ولا راح تتمنى هذيك
الساعة اللي تطلع فيها راح تتمنا وجودك معها دائماً بس لاتصدق واتجي لها دائماً ههه
2- حاول ماتملل البنت منك بزيارتها يومياً وبشكل دائم خليها تشتاق واتحن لك
ولا تقول لها ابدا انا مابجيك مشان تشتاقي لي هههه اخلق لك عذر جميل وحاول تكلمها
في الهاتف اكثر يعني لاتقطع الزيارات وكمان المكالمات لأ كلمها وراسلها ووقت النوم
ارسل لها تصبحي على خير ياروحي و نوم العواافي على قلبك يواافي ههه
.. أو اتصل لها وخبرها انك تبي تسمع صوتها قبل لاتنام
ومن الكلام الحلووو اللي يذوبها ويخليها تنام واهية تفكر فيك وبهالطريقة راح تحبك وتتمناك
معاها كل لحظة .. أخي كون بارع ومتفنن في الغزل والكلام المعسول لانه مهم جداً
خاااااصة وقت النووم لانها راح تتعود على الحنان والكلام اللي يريحها وقت النوم وبهالشكل
ماراح تقدر تتخلى عنك ابدا لانها بتكون محتاجة لك ولكلامك الجميل اللي ينسيها الدنيا ومافيها
ومستحيل تفكر في شي ثاني غيرك حزة نومها بتكون انت دنيتها والهواء اللي تتنفسه
3- النظافة الشخصية
اهممممم شي اللي لازم يكون فيك سواء كنت عزابي أو متزوج هي نظافتك والاعتناء بمظهرك
من ناحية الملابس حاول تكشخ شوي وتاخذ خبرة عن الملابس وتنسيقها بشكل مناسب ومرتب
واهم شيء نظافتها اخوي خذ خبرة عن طريقة اختيارك للملابس لازم تعطي اهمية الى هذا الجانب
وغير نظافة الملابس وتنسيقها ايضاً الفت انتباهك الى نظافتك الشخصية من الاهتمام بالاستحمام
وبرائحتك العطرة التي ستشتاق لها فتاتك يوماً واحب اوضح لك بعض الامر اخووي
حاول تتعرف على نوعية العطورات اللي تحبها شريكتك حتى لا تستخدم عطر واتكون اهية
مو حابته.. واهم اهم اهم اهم شي واللي يعانون منه الكثير نظافة الفم الجميلة ورائحته
لازم تعتني بنظافته وبنظافة اسنانك واذا كنت من الذين يعتنون بنظافته بشكل ممتاز بدون فائدة
الجأ الى الطبيب حتى يعطيك الحلول المناسبة اخي
4- الهدايا والمفاجئات لابد منها واكيد ماراح تنسا هالنقطة بس ابي اوضح لك شي
لاتعودها دائما على الهدايا والمفاجئات حتى لايصبـح الامر عادي عندها وبلا أهمية
وحاول تنوع في الهدايا كل هدية ومفاجئة تختلف عن الثانية اختلاف تام وحاول تنوع في
اختيار المحلات اللي تشتري منهم الهدية (اجعل كل هدية ومفاجئة لها طعم خاص)
ثالثا كيف يحسسها انه الرجل وهي البنت ؟
شي طبيعي اخوي الرجال اهم اللي لهم القرار واهم اللي لهم الكلمة وبكذا راح تحسسها برجولتك بس بـحدود
اهم شي ماتكون رجل تتحكم فيه امرأته خليك ذو شخصية قوية يعني مثلا موب
تقول لك يالله عالنار تقول لها مشينا ههه بدافع حبك لها لأ اذا ماعجبك شي قالته أو فكرة
حاول تتناقش معاها بكل حب وود وتفاهم معها وباسلوووبك الحلووو راح تقتنعها ولازم انت
اللي تخطط وتفتكر وتبتكر وحتى اهية كمان بس اهم شي انت لانك انت الزعيم هههه
ومشان تحسسها بأنوثتها بمجرد حديثك معها وملاطفتها والكلمات الجميلة اللي تنسيها الدنيا
والمدح فيها واذا فيه شي اعجبك فيها لاتكتمه كل شي على قلبك خليه على لسانك بس برضوا بحدود
وبهالشكل راح تحسسها بانوثتها واهم شي احترامها اخوي واكيد فيه اشياء كثيرة ماذكرتها ووضحتها
راح يوضحوها الاعضاء
حابة اذكرك اخوي لاتملل البنت اذا زرتها أو تكلمت معاها حاول تجيب مواضيع وسوالف
وخليك انت اللى ماسك محور الحديث لان طبيعة البنت خجولة في البداية يمكن ماراح تتجاوب معاك
بس بعدين بتتعود عليك بس اهم شي ماتورطها مسكيينة بسكووتك وتخجلها اكثر ....
وبالتوفيق للجميييييع

جزاك الله خير أخوي "محبتهم هي مائي" وما قصرت
الحقيقة كلماتك ونصائحك الرائعة جعلتني أنسخها في ملف وورد لأراجعها في وقت المناسب ;)

كثر الله من أمثالك

تريد الكلام الحلو المديح الثناء ليس على جمالها فحسب بل على أخلاقها أفكارها
تريد أن تحس بحبك لها
تريد أن تكون أنت الرجل الذي ستكون مطمئنة بالعيش معه تحسسها بالأمان

انا شاكر لكم ردووودكم وتفاعلكم معي
بالخصوص ((( محبتهم هي مائي )))

من اسمك شكلك عاشق لراسك

المهم انا اجتزت المرحله هاذي هههههههههههههههههه
وصرنا نفهم بعضنا والحمد لله
واشكركم جزيل الشكررر اخواني

اخوك صقر الجو ((( ابو ملااااك )))

الكرم لابعد الحدوووووووود

(( طيب هو قال خطبة ماقال ملكة يعني فترة الخطوبة البنت هي تفكر فيك )

موضوع حلو ومفيد


الحنااان والحب والاحتواء والامااااان والتدليييع والاهتمام بها >>>كلها مقدور عليها ^^

والسؤال عنها كل يوم تقريبا خخخخخ>>الله يعينكم يا شباب

بس لاتنسون اذا سويتو هالاشيا هي بالمقابل رح تعطيكم اكثر واكثر

^^

يعني باختصار امنح اكثر لتحصل على المزيد ^^

أول شي أول شي واللي كنت اتمناه فترة خطوبتي _الملكة_ ان امه ماتتدخل ولا تقولي لاتروحون هالمطعم ..غالي ,لاتشترين من هالمحل..غالي , لاتاخذين غسالة اوتوماتيك..غالية, لاتشترون أوانيكم للشقة من سنتر بوينت_لاند مارك_..غالي , ليش تحطين مكياج..غالي وكلف وماله معنى ,لاتحطين مكياج وايد بحفلة الزواج _بالعرس_ ..لأنه تكاليف , والتدخل اللي ماله واااالي اتموا اموركم انت وحبيبتك بالكتمان لأنها زوجتك انت فقط و شريكة حياتك انت فقط فاترك توجيهات امك واختك الكبيرة على جنب بدون مايزعلون
الشي الثاني واللي طيح قلبي في بطني يوم انه صار كنت اركب السيارة عادي بس يمسك يدي وانزل عادي وتصبحين على خير وماكان عندي جوال بس بعد اسبوعين من الملكة والطلعات اليومية اللي بس نمسك يد بعض لما فتحت باب السيارة أبي أركب سمعت(هلا حبيبتي) قمت ارجف وسكرت باب السيارة وقعدت أطالع مومستوعبه ان في رجال يقولي حبيبتي حسيت انه عيب حرام بس وناسه رديت فتحت الباب وركبت وتعلقت فيه حيل
يعني قصدي من هالموقف أوصل لك اشلون تأثير الشي اذا كان طالع من قلبك يعني موتقول لها حبيبتي وكلام رومنسي من أول يوم ماراح تصدقك ترا ok ؟
إذا كانت تقاليدكم تسمح انك تطلع معاها خذها واسهروا على البحر مع عشا من صنع يدها _طبعا قولها :أبي العشا اليوم من ايدج الدافية ..شوفها راح تتفنن وحطوه بالسلة وروحوا على البحر طبعا مع عقد الزواج لايطيحون عليكم الشرطة مثل ماصار فينا والحمد لله انه عقد الزواج كان معانا ...وانتوا على البحر بس خلها بحضنك وسولفوا عن اشياء راح تجمعكم بعدين(سفر أو أولاد أو بيت) والله شعور عجيييب وخل تكون ليلة قمرة..ok ؟
واخيرا قول لها من ضمن السوالف ماتحبه انت وماترغب فيه مثل اذا كانت تلبس عباة كتف وتبيها تلبس عالراس قولها اتمنى انج تنسين هالعباة ودي بس انا اللي يتمتع بالنظر لجسمك وماراح اسمح لأي أحد انه يطالعك.. وغيره من الاشياء اللي تريدها انت بس تكون على سواليف علشان ماتقول هذا اوامر من أول الأيام
واذا ذكرت شي راح أرجع اكتبه

1- جيبلها اكشخ جوال علشان ماتفكه من يدها وتكلمك وتمسجلك 24 ساعه
2- جيبلها الملابس الي انت تحب تشوفها عليها(مو ارواب وبجايم)جيب بناطيل
او تيورات دلع خل اخواتك يساعدوك في اختيارها
3- دلعها حتى لو تغلت عليك.بس لا تصدق وتسمجبها وما تخليها حتى تنام
4- اكتب قصيده فيها من تاليفك.واعطها وقولها كل سنه في ذكرى زوجنا ابي
اشوفها(يعني سو فيها رومانسي)
والله يتمملك على خير

اعتقد اللي يرضي يرضي البنات هو ان يتصرف الزوج تصرف العاشق الولهان

فالعاشق يكون مهتم بعروسه كريم عطوف حنون رومانسي يغير نفسه للاحسن