منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   أرشيف مملكة المرأة (http://www.66n.com/forums/forumdisplay.php?f=67)
-   -   لتفتيح الابط وتفتيح الركبه خلطه بسيطه وسهله (http://www.66n.com/forums/showthread.php?t=210743)

دانا محار 09-07-2010 06:47 AM

لتفتيح الابط وتفتيح الركبه خلطه بسيطه وسهله
 
اسعد الله ايامكم حبيباتي

طبعا كلنا نتمنى لون بشره موحد لجميع مناطق الجسم خصوصاا الابط والركبه
انا عندي معلومه وعن تجربه من ناحية المنطقتين دي

اولا : الركبه....اتعددت الخلطات والافكار والمقادير حتى النايلون اتدخل عشان يحل المشكله لكن انا استعملت حاجه بسيطه ويارب تناسب الجميع

علبه فازيلن صغير+ملعقه كركم جسم

اخلطي الكركم في الفازلين وادهني الركبه قبل الاستحمام بساعتين و لا تحطي كيس و لا شي بس كوني حريصه على ارتداء لبس خاص عشان الكركم لا يصبغ ملابسك

و استحمي عادي مع الفرك بالليفه العاديه لاتفركي بقوه لان الفرك بشده سبب الاسمرار و بعد الحمام استخدمي اي مرطب انا عن نفسي استخدم جليسوليد

و راح تشوفي الفرق باذن الله....للمعلوميه ركبتي مو غامقه بس كانت فيها هاله خفيفه و راحت الحمدلله


ثانيا: الابط ...و فعلا هذه الوصفه كانت اخر الحلول عندي و انا استخدمها من حوالي سنه و لا راح اتركها باذن الله:22:

كان ابطي اسمر قلت ممكن من الحلاوه و بدات استعمل الشمع نفس النتيجه الابط اسمرررر:(
قلت يمكن من الشمع ماتتخيلو سرت استعمل الملقط وحبه حبه انتف نفس النتيجه:11:
قلت اجل مافي غير مزيل الرائحه نيفيا لازم اغيره واستعملت بيزلين صحيح فرق بسيط في اللون بس مو النتيجه اللي ابغا اوصلها..خصوصا ابطي والله ماكان اسمر بالشكل هذا:29::29:




و دارت الايام ووحصلت على هذه الخلطه و نويت استعمالها لاني احب الخلطات الطبيعيه:22:

المقادير ياحلوين:
علبه فازلين صغير+ملعقه مسك مطحون+ملعقه نشاء+ملعقه ماء ورد+ملعقه شبه مطحونه

اخلطيها جيدا و احفظيها في العلبه نفسها و احفظيها في مكان جاف و معتدل الحراره
يعني مو في الثلاجه و لا في مكان رطب


و الله يابنات ماتتصورو قد ايش انبهرت بالنتيجه وفعلا اتغير اللون 180 درجه فين كنا وفين سرنا

في البدايه اتفتح لكن مع الاستمرار رجع نفس لون يدي ومافي فرق نهائيا:17:
مع العلم اني ازيل شعري بالحلاوه اكرمكم الله


حبيت تستفيدوو و بجد مافي احسن من الاشياء الطبيعيه جميع انواع مزيلات العرق تدخل في تركيبها مواد كيميائيه ومواد حافظه وطبعا من مكونات الخلطه ماهو مرطب وماهو معطر وماهو مزيل رائحه يعني اش نبغا اكتر من كدا


بالتوفيق سلفا و يارب يستفيد اللي ماكانت تعرف الخلطه و اللي تعرفها و ما اتحمست تسويها قومي الان سويها و ادعيلي

ناآاني 09-07-2010 08:06 AM

صح اتوقع الاسمرار يجي من الديودرنت
الخلطه دايما اسمع فيها .. لكن الحين تحمست لها خاصه انها طبيعيه وريحتها انعم واحلى ........ يسلمو وفي ميزان حسنااااااااااااتج...

##ندوشة## 10-07-2010 01:11 AM

تسلم يدك خيتي وربي استفدت منك كتيييير ربي يوفقك

ملاك الرووووووح 11-07-2010 02:49 AM

شكرا حبيبتي على هل المعلومات الخطيره
بس بقولك كم المده الي يبين الفرق فيها ؟؟
الله يجزاكي الف خير ..........................................

دانا محار 11-07-2010 11:42 AM

اولا لاشكر على واجب
عيب الخلطات الطبيعيه يبغالها طولة بال يعني مو تستعجلي وتبغي النتيجه زي السحر في يوم وليله
انا خلطة الابط دوبي كملت سنه عليها مره مره روووووووعه لاني بجد والله فين كنت وفين سرت لدرجه كنت اتوقع مافي امل للتغير بس الحمد الله بعد مرور سنه الان مافي اثر لاي تصبغات بس النتيجه بان مفعولها بعد 20 يوم تقريبا بدا يسير الفرق ملحوظ مره

خلطه الركب على حسب لون ركبتك لان انا وصحباتي استعملناها بس الوقت فرق معانا كل وحده غير عن التانيه

غير كدا ترى يفرق تجاوب الجسم مع المواد من وحده لاخرى بس الاغلبيه طبعا يتجاوبو بسرعه


ربنا يسهلك يارب

ندى_1406 11-07-2010 10:09 PM

جزاك الله خير على المعلومات الحلوه

نهر عطاء 21-07-2010 12:38 AM

جزاك الله خيرا..
أنا عجازة مرة ولا أحب الخلطات ابدا لكن تحمست لهذه الخلطة وساجربها إن شاء الله.

مـالقـ ـيت اسمم 21-07-2010 01:14 AM

الله يعطيك العافيه

ام البراء 21-07-2010 06:45 AM

يعطيك العافيه وان شاءالله بجربهااا

بس بغيت اسال للمسك انواع والا نوع واحدبس

دمتي بوود

سحابة الصحراء 21-07-2010 11:08 AM

حفظك الله وبارك الله فيك على ذكر تجربتك ونفع الله بها


الساعة الآن 04:53 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©