منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   أرشيف مملكة المرأة (http://www.66n.com/forums/forumdisplay.php?f=67)
-   -   نصائحكم أخواتي حتى يتفاجأ زوجي بشكلي (http://www.66n.com/forums/showthread.php?t=180885)

أم راغده 02-02-2009 02:28 AM

نصائحكم أخواتي حتى يتفاجأ زوجي بشكلي
 
مرحبا

انا زوجي مسافر عني له فتره طويله جدا لظروف الدراسه

والان ان شاء الله سيأتي ................ بعد اقل من شهر اذا ما غير كلامه

(لان له شهرين كل ما قال الاسبوع الجاي جاي يصير شي ولا يقدر يجي)


اول شي سويته اخذت حبوب منع
ثاني شي حاولت اهتم بصحتي لاني الفتره الاخيره ما يروح مني المرض ابدا والكل صار يقول لي وجهك شاهب ولونك اصفر

ثالثا شي حاولت اهتم بالخطوط اللي في بطني (ودي لو تروح نهائي )



ابس ودي ان اغير شكلي

واريد مشورتكم


ودي اصبغ شعري خايفه ما يطلع حلو او ما يناسبني وخصوصا ان شعري تعبان كثير ومتقصف ويتساقط

وخايفه ازيد الطين بله بالصبغ

ايش رايكم اصبغ طيب لو صبغت ايش الالوان المناسبه

علما ان شعري لونه بني وليس اسود

احيانا افول اقص شعري واغيره فقط واخلي الصبغه محتاره كثير

مثلا هل اشتري عدسات
غير كذا

اعطوني نصايحكم

واللي ما عندها تدعي لي بان يجمعني ربي بزوجي على خير

شيخه الزين 02-02-2009 06:59 AM

امين

الله يجمعك بزوجك عاجلا,,,

اذا كان شعرك تعبان فماله داعي تزيده بصبغه من راي قصيه قصه جديده

والبسي عدسه ملونه واشتري لبس حلو واستقبليه

الله يوفقك

GREEN222 02-02-2009 08:30 AM

الله يقرب لكم يوم اللقاء ويعجل فيه


قصي شعرك قصه خفيفه

وهي تنصحك باللون المناسب لوجهك



اهم شي الابتسامه انا ما احب العدسات

مكياج خفيف وناعم وفستان لونه هادي ومفرح


والله يهنيكم يا رب

هناااوي 02-02-2009 11:46 AM

آصبغي آلي يناسب وجهك آو آصبغي الصبغة اللبنانية طبيعية نسكافيه وزيت زيتون والباقي مااني متذكرته آبحثي عنها بقوقل ..
وروحي لعيادة تجميل عالجي شعرك مااتخلينه كيذا وبطنك خليها تعطيك كريمات وتنظف وجهك وسوي القناع الكريستالي مرة شيء ..
والله يجمعكم عاجلاً غير آجلاً ..

الفطر المشروم 02-02-2009 01:36 PM

الله يجمعك مع زوجك بأقرب فرصة
و يديم المحبة و التفاهم بينك و بينه

هبه سعد 03-02-2009 12:19 PM

اعتقد انه هناك صبغة مؤقتة...يعني قلم او اسبراي لتلوين الشعر يمكنك استخدامه...واعملي ماكياج جديد والوان جديدة لم يراك بها من قبل...اشتري عطر ناعم لم تستخدميه قبل ذلك....وربنا يجمعكم على خير قريبا ان شاء الله

مهوتي4 03-02-2009 04:42 PM

اذا شعرك تعبان سوى حمام زيت وقصيه القصة المناسبة لك وصبغية بس خصلات ويكون اللون يناسب وجهك..وسوي تنظيف بشرة عشان تبيضين واعملي ماسكات مساج لانه يريح البشرة وااايد ...(((هذا طبعا قبل زوجك ما يوصل ب4 ايام )))

(((يوم بيوصل ))) سوى له غدا او عشا على حسب ساعة وصوله وحضري الاطباق الفاخرة وسويله عصير طازج ..واشتريله باقة ورد اول ما يوصل عطية الباقة ... ولبسي فستان حلو ... وسوي استشوار حق شعرك علشان توضح الصبغة والقصة ...وحطي مكياج ناعم على وجهك ... والسلام ختام... والله يوفقك ويجمعكم على خير ان شاء الله ...
:17::17::17:

om mody 03-02-2009 04:47 PM

افضل شء اعملي خصل لون افتح من لون شعرك بيطلع مره حلو

واعملي ماكياج اذا جاكي بالليل ثقيل واذا بالنهار خفيف

والبسي عدسات لون جديد غير اللي تلبسيه

واشتريلك شوية ملابس جديده وغيري ترتيب الصاله وغرفة النوم

واعملي طبخه جديده تلاقيه في المنتدى اكلات حلوووووووووه

واستقبليه بابتسامه

ماريا 03-02-2009 11:32 PM

انا لما غاب عني زوجي شهرين و رجعلي عملت أشياء كتيرة

رحت الصالون مرة وحدة يوم وصول زوجي من السفر و عملت التالي :

- قصيت شعري
- سشوار و تسريحة كيرلي لأني زوجي متعود يشوفني بشعر مالس
- ما غيرت اللون لأني كنت عاملة خصل هايلايت من فترة قريبة
- وشم (حناء على كتفي حلو كتييييييير طلع و زوجي حبه)
- أضافري عملت تنظيف و تلميع بدون طلاء لأني كنت طاهرة وقتها
- و طبعاً مكياج هادي و حلو من النوع اللي بحبو زوجي

و بس

بالتوفيق ;)


أم راغده 04-02-2009 01:52 AM

السلام عليكم

اعذروني على التأخر في الرد فقد كنت مريضه

اقتباس:

امين

الله يجمعك بزوجك عاجلا,,,

اذا كان شعرك تعبان فماله داعي تزيده بصبغه من راي قصيه قصه جديده

والبسي عدسه ملونه واشتري لبس حلو واستقبليه

الله يوفقك
شكرا لك على الدعاء والنصيحه

اقتباس:

الله يقرب لكم يوم اللقاء ويعجل فيه


قصي شعرك قصه خفيفه

وهي تنصحك باللون المناسب لوجهك



اهم شي الابتسامه انا ما احب العدسات

مكياج خفيف وناعم وفستان لونه هادي ومفرح


والله يهنيكم يا رب
انا ان شاء الله راح اقص شعري على قولتك قصه خفيفه لان زوجي يميل الى الشعر الطويل
بوركت اخيتي والله يخلي لك اولادك وزوجك


الساعة الآن 09:47 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©