|
دجاج مشوي بالأعشاب
http://www.66n.com/pics/hosted/ny292...tjajs467ji.gif هي الأكلة أكلتها في مطعم في دمشق و حبيت نفذا و طلعت كتير طيبة هي طبق رئيسي بس وضعته في هذا القسم لأنو فعلا مناسب للي بدو يخفف وزنه أو متبع حمية خالية من الدسم الحيوانية و الحريرات الزائدة الأكلة اسمها جاج مشوي بالأعشاب مكوناتها صدور دجاج على شكل شرائح بسماكة 1 او 1.5 سم و العدد حسب الكمية الي حابين تعملوها الأعشاب ، الزعتر الأخضر أو الأوريغانو أساس فيها أعشاب أخرى ، متل ما بتحبوا ممكن تضيفوا أي شي بيخطر ع بالكن بقدونس، شبت ، جرجير .. الخ عصير ليمون شوية زيت زيتون او زيت نباتي خل (ممكن يلزم لتطرية الجاج) قبل طهيه ملح و فلفل خضار (بطاطا جزر ذرة فليفلة .. الخ) طريقة العمل 1. الجاج أنا بنقعه بشوية خل مشان يطرى شوي 2. شوي الخضار: بهالوقت بقشر البطاطا و بقطعها كما في الصورة ، و الجزر و الفليفلة و الذرة و ممكن فطر اذا حبيتي .. الخ بتملحيها و ممكن تضيفي ليمون و رشة فلفل للبطاطا بس بتصبي عليهن شوية صغيرة زيت و بتغلفي الصينية بورق الأمنيوم و بتحطيها بالفرن على نار هادئة على الرف بارتفاع حوالي 15- 25 سم يعني المهم ما لازم يكون قريب كتير من النار http://www.7mml.net/uploads/images/7mml-3471c54575.jpg 3.مرحلة الشوي الأولى : رشي الملح و الفلفل عالصدور، بعدها اذا عندك شواية خاصة بكون كتير منيح اذا ما عندك ضعيه في صينية تيفال بالفرن و اشويه 4. المرحلة التانية للشوي: أضيفي الليمون و الزيت و الأعشاب و ضعيه في الشواية و اضغطي حتى يعلم عليه أثر الشوي ، بصير خطوط محمرة شوي شكلها كتير حلو http://www.7mml.net/uploads/images/7mml-abba58b554.jpg هون كل شي صار جاهز رتبيها في الطبق و زينيه و قدميها http://www.3sl3.com/up/upfiles/sV253811.jpg ملاحظة : للي بحسها ناشفة و ما حابب يعمل ريجيم، ممكن تضيفي معها صحن تحطي فيه صوص كريم فريش و جواتها بقدونس مفروم فرم ناعم و هون يلي بدو ممكن بحط بصحنه فوق الدجاج و صحتين و عافية :22::23: |
بصراحه طبق شهي ويفتح النفس تسلم ايدك والله يعطيكِ العافيه .
|
مبدعة تبارك الرحمن يا ميس
تسلم ايديك ياغالية .. شهي شهي شهي لأبعد الحدود ماشاء الله :) |
تسلم يدك شكلو خطير
|
ميس لازم تعزميني على هالطبق :29:
بصراحة صورتو و هو جاهز بتجننننننننننننننننن :23: ولا مرة خطرت ع بالي فكرة الاوريغانو مع الجاج تسلم ايدكي على الوصفة |
الله يسلمكن جميعاً ... ياااا رب ماريا يا ريت بقدر طعميكي منو هلأ و بلا هادا الي عم يطرق بخاف ع راسي أنا .. ع كل انتي معزومة على هالأكلة اول ما بتوصلي حلب ان شاء الله ;) |
عن جد بيشهي
تسلم ايديك و بالعافية بس حبيت اسالك الصورة النهائية تطبيقك ولا صورة الطبق بتاع المطعم دمتي بود |
ما شاء الله
باين عليها لذيذة جدا" و كمان سهلة و سريعة التحضير مشكورة غاليتي ميس على المشاركات الحلوة بإنتظار جديدك |
Pink rose الله يسلمك يا رب يا ستي هادا شغلي ، بالمطعم وقت طلبته ما كان معو خضار كانوا النص التاني من الصحن فيه جرجير بس عشق عبادي .. ايه صح سهلة و طيبة كتير .. مشكورة لمرورك و يوجد جديد دايماً |
ما شاء الله،،، تبارك الرحمن
رووووووووووعة:22::22::22: شهيتيني عليها:d سلمت يداااكِ وبألف هنااااء & عااااافية عليكم:23: وبإنتظار باقي إبداعاتكِ:26: تحياااااتي يا قمر |
| الساعة الآن 08:48 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©