الدورة تطول معاي مع نزيف
 

السلام عليكم ورحمه الله وبركاته
في البدايه انا غير متزوجه عمري 21 الدوره كانت طبيعه معاي 7 ايام عادي قبل سنه فجاءه صارت تطول تصير 9 او 10 ايام ومره كانت 13 يوم مع نزيف غزير ماكان يجيني اول بعد ست شعور صار عندي دوخه وتعب طلع فقر الدم نزل وصل 5 واخذت تبرع بالدم مع ابر حديد طبعا سبب فقر الدم نزيف الدوره :( والحمدلله على كل حال رحت لاطباء نساء كثثثثير حللت هرمونات وسونار كل شيء سليم اعطتني دكتوره دافلون ماينفع معاي اكلته 3 شهرر ماجاب نتيجه بعدين اعطتني كليمين بس صراحه ما اكلتها خفت تلخبط الهرمونات وانا هرموناتي سليمه وقالت اذا ماضبط معاك بعطيك حبوب منع الحمل ؟!!! ايششش منع حمل وانا لسى ماتزوجت المهم غيرتها رحت لدكتوره ثانيه وعادت التحاليل والاشعه قالت فيه سمك بالرحم خفيييف ماله علاقه بالنزيف قالت هرمون الحليب مرتفع واعطتني حبوب وعالجته شهر لما رحت للمراجعه طلع طبيب قال ابدداا تحاليلك سليمه مو مرتفع ولا شيء ! قلت طيب السبب ايش قال تجلطات ومعرف ايش اعطاني كابرون لوقف النزيف وانا انتظر الدوره تجي بأكلها
وبس والله هذا كل معاناتي هيملجووني ينزل بشكل شهري دائما دوخه وتعب وصداع لازم اوقف النزيف عشان ارجع سليمه والله تعبت الى الان مو عارفين ايش سبب النزيف قبل سنه كنت طبيعيه للعلم الان الدوره منتظمه كل شهر بس تطول معايي 10 ايام واكثر ...
مين حصل معاه كذا ؟
وايش تنصحوني بأشياء تخفف النزيف او توقفه ؟

رد: الدورة تطول معاي مع نزيف
 

و عايكم السلام و رحمة الله و بركاته

دخلت موضوعك لانه من بداية هذه السنة و انا اعاني من نزيف الدورة نفس حالتك بالضبط و باخد علاج عبارة عن حبوب ( هرمونات)
الفرق انه انا متزوجة و تجاوزت الاربعين
فالحلول الممكنة في حالتي غير الحبوب لا تناسبك طبعا
يمكن في حالتك الزواج هو اول خطوة علي طريق العلاج
الحمل نفسه علاج
الاسباب في مثل هذه الحالات حسب الدكتور اغلبها غير معروفة
اقول علي اشياء تساعد علي تخفيفه من تجربتي
منها تجنب الاجهاد اثناء الدورة
حاولي ما تشتغلي و لا تمشي كثير فقط ارتاحي حتي تمر ايامها الاجهاد يزيد النزيف
خدي مغلي. ورق التين
حطيه في حليب طازج مغلي غطيه و لما يبرد اشربيه
عشبة اسمها دم الاخوة نصحوني بها من عانوا من نفس المشكلة و فعلا جربتها و مفيدة في وقتها
لكن يرجع النزيف مع الدورة القادمة
يعني لازم تأخديها مع كل دورة
مغلي الكمون ايضا يفيد وقتيا
بالنسبة للحبوب جربت عدة انواع
افضلها الاورغماتريل يعطي نتيجة سريعة

و فيه نوع مخصص للبنات قالي عليه
الصيدلي اذا تذكرت اسمه حطيته لك
و سألت عليه الدكتور
و قال خفيف و ما له اي اضرار اذا ناسبك
لانه مو الكل يناسبهم
حاسة فيك جدا
الامر متعب و مجهد جسديا و نفسيا
طبعا ما تنسي الرقية الشرعية
احد الاخوات قالت لي انه ما شفيت الا مع الرقية

رد: الدورة تطول معاي مع نزيف
 

دخلت عشان ارد عليك ..
ماراح اقولك انا زيك لكن تقريبا نفس الاعراض
باختلاف انها تجينى انا اول يوم غزيره جدا لدرجه كانها نزيف مو دوره
طول اليوم كدا ودوخه شديده ماقدر اوقف واجهاد والم شدييييد وترجيع و غثيان
باقي الايام خفيييفه مره مع دوخه بسيطه ..
رحت لطبيب بس مو عشان النزيف لا ، عشان الالم شديييد و الدوخه
قال الالم لان التبويض عندك ممتاز و الدوخه هبوط بالضغط ..
وعطانى مسكنات بس ..
رحت طبيبه ثانيه قالت بتعطينى حبوب منع حمل تقول هى العلاج لك
مع انى بنت مو متزوجه وبعدين قالت صعب اعطيك اياها وانى ماتزوجتى
وصارت تعطينى ابره مسكنه بس مع محاليل ..
بس مانفعت كثير معى خاصه مع الالم الشدييييد ولاده مو دوره ^_^
والنزيف اول يوم وقالت ان علاجه الوحيد حبوب منع الحمل تنطم الهرمون
وتخفف اعراضها الغثيان و الترجيع و الدوخه و الم الصدر فعلا كانها حمل .

رد: الدورة تطول معاي مع نزيف
 

والدوخه مو عشان فقر الدم خاصه ان كانت مع الدوره او قبلها
تكون هبوط ضغط كل شهر افحصه وكلهم ياكدون لى انه هبوط
ونفعتنى تقريبا الحلبه وصفتها لى الطبيبه بس عيبها تفتح الشهيه ..