|
كيف اتعامل مع خطيبي والغيره
السلام عليكم ورحمة الله وبركاتة يسعدلي جميع آوقاتكم بخير حبيت آطرح هالموضوع وهو بالنسبة لي مشكله كلي آمل بالله ثم بحضراتكم الاقي حل آو اي شي يرحني من التفكير انا بنت وعمري 27 سنه تقدم لخطبتي .. شخص متزوج وعمره 34 سنه عرفته عن طريق الاستشاره النفسيه .. هو دكتور نفسي كنت ابي استشيره واتابع معه حالة اخوي .. يمكن ثلاث مكالمات .. كلها ماتتعدى الساعه بعد شهر من انقطعت عنه .. اتصلت علي آخته وعرفت بنفسها اخت الدكتور فلان ودار حوار بيننا انتها بالخطبه ... وملكنا والحين انا زوجته .. بس المشكله هنا انا غيوره مررره مشكلتي اعصب بسرعه وافهم غلط .. من اكلمه احصل جواله مشغول ويحلف انها استشارات انا ما اشك في اخلاقه الحمدلله هو ملتزم .. احيانا ازعل منه لو طول مايتصل او يقول مشغول اقول تهملني واحنا ببداية حياتنا وهو قدر مايقدر مايبيني ازعل بس انا مادري ايش فيني زوجتة الاولى ام اولاده بينهم مشاكل ماتنتهي ابدا حتى اذا هو يكلمني تسمعني كلام جارحه لدرجة يجلس يتهاوش معها وكل يوم يقولي مااقدر اطيقها راح اطلقها وانا ارفض وهو مستغرب .. ومتزوج وحده ثانيه مريضه نفسيآ الله يشفيها ومتزوجها عشان يعالجها يعني شهر بالمستشفى ويوم برا .. يعني مررره متعذب مع زوجاتها يقول ابي ارتاح معك ... بس انا مقدر اتحمل اهتمامه بزوجتة المريضه اغار منها وهو يقول ذي مريضه تغارين من ايش ... بس مقدر اتحملها اذا كان عندنا بالبيت تتصل عليه ويروح جري .. وازعل واقول مابيك روح لها انت تحبها واقلب الدنيا على راسه وما اسمع منه غير .. ملاك انا ابي ارتاح معك كيف بيرتاح معي وهو مهتم بزوجتة المريضه .. كيف اسيطر على نفسي وعلى غيرتي مع زوجته ذيك الملسونه ام اولاده عادي ماتهمني لآنو هو متحملها عشان الاطفال اما لسانها مايصبر عليه احد هو الحمدلله يحبني ويسمع كل كلمه اقولها وما يسوي شي الا لما انا اوافق بس مشكلتي الغيره وانشغالة الكثير ابي حل ورآي صادق |
اللي تغااار يا ملاك ما تتزوج واحد عنده زوجتين !
|
والله يابكر سبقتيني
تغارين ومتزوجه رجل عنده ثنتين؟ تحملي حبيبتي .. احسن ماتصيرين مطلقه ع الاقل انتي عارفه بلاك .. عالجي نفسك .. الاولى ومايطيقها الثانيه وتعبانه خلاص هدي اللعب شوي لا تصيرين حتى انتي في نظره لا تطاقين والا مريضه ويروح يدور على مزبوطه غيرك |
اظن ان حياتك بتصير كلها غيره ونكد ان كملتي على هالطريقه
ياغيري من اسلوبك يابلاها جوازه |
اقتباس:
آهلين نفس رد الوالده علي من تشوف حالتي انا حبيته من تصرفاته واسلوبه وطيببة قلبه بس مشكلتي الغيره حتى لو بين اهتامهم ابقى اغار مادري يمكن انا جبت لنفسي المشاكل مشكووور خيوو نورت |
الحب احيانا يا ملاك يجعلنا نرى الطرف الآخر بمنظور بعيد عن السلبيات
يمكن مشكلتك انك ما حكمتي عقلك جيدا قبل الموافقة على الزواج وشكل زوجك من النوع المزواج .. يعني بصراحة لا تنصدمي اذا جا يوم وقالك اخذت الرابعة علشان مريضة نفسيا وحبيت اعالجها ولا اخرجها من صدمة نفسيه ! راجعي نفسك مرة وثنين وثلاثه يا اختي الزواج عمره ما كان دوافعه الشفقة ومعالجة البشر ! هو طبيب نفسي المفروض يكون امين اكثر بمهنته ما اقول غير يا عزتي لزوجته الثانية شكثر مظلومه المسكينه ! تاخذ رجل تحسب انه يحبها وبالاخير ماخذها شفقة حرام عليه والله |
اقتباس:
آهلين بلاي الاول الغيره خخخخخخ :d يعني اضبط نفسي اكثر جد بحاول واذا المسئله زوجه غير لااااااااااااا الله يقدرني يارب واتحمله ويتحملني نروتي يابعدهم |
اقتباس:
هلا حبوبه ادعيلي انو اصير لا مباليه ^_^ فديتك يالغلا |
اقتباس:
هلا خيتو ما انكر انوه مافكرت بعقلي آبدا من تقدم لي // كان حلمي اتزوج واحد ملتزم هذا اكثر شي سعيت له .. من ناحية انوه راح يتزوج علي فكرت بالشي هذا حتى فاتحته بالموضوع كثير قال اذا ارتحت انا نفسيآ بالبيت ماراح افكر بالرابعه ............ الله يستر <~ توني اخاف زوجتة المريضه والله انها تعرف انوه متزوجها عشان يعالجها واهلها عارفين الوضع وانا بنفسي سمعتها تطلب الطلاق واشوف رسائلها بجواله الله يشفيها ماتعي كلامها بس .. هو رافض الطلاق وطيب معها والدليل انوه يتركني ويروح لها اذا كانت تعبانه بس اهتمامه الكبير فيها يشعل نار الغيره عندي ^_^ وماني عارفه كيف اتصرف معها ابي اكون انا ملاكه اللي يريحه بس الغيره الله ياخذها مشكوره حبوبه على المداخله اسعدتني كثير |
انتي عارفه انه متزوج يعني اقتنعي انه سوف يقسم وقته وقلبه ونفسه ثلاث اقسام ولك ثلث
لذالك اقتنعي بالحياة الجديدة لك وادعي الله انه يثبتك ويسعدك |
| الساعة الآن 06:46 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©