|
إستفسار عن حبوب موسيجور ؟
السلام عليكم ورحمة الله وبركاته
كيفكم ياحلوين ؟ حبيت أستفسر عن حبوب لفتح الشهيه أشتريتها اليوم ونفسي أستخدمها أسمها مسيجور ماأدري صح ولا غلط ؟ المهم هي لفتح الشهيه فأبغى أعرف مين فيكم جربتها واستفادت منها؟ يعني تقوولي تجربتها هل نفعتها أو ضرتها والله يعطيكم العافيه ويرزق كل واحده الجسم ألي تتمناه |
صديقتي مستخدمتها من زمااان وسمنت في خلال أسبوعين
مجرد ماانتهت الحبوب بدت تنحف .. تقول لي كنت أكل أكل غير طبيعي وطول الوقت جوعااانه وفيني نوم وتسبب خمول .. بس الصيدلي كان يمدحها ويقول آمنه .. اتمنى أكون أفدتك .. الله يسمنك من غير شر |
شوفي حبيبتي اذكر ايااام الثنوي كنت مررررررره نحيفه
اخرع الحمدالله كان وزني44 تخيلي ماازيد ولا انقص المهم:امي شرتلي هالحبوب هو كذااا صغييييييييره مره وطعمه حلو صـــح؟؟؟ وكنت استخدمه لاكن مافاااد معي مدري ليه!!! تزوجت ولسى وزني زي ماهو قامت امي ارسلته لي بالبريد:) بديت ليييييييين صرت اكيله والحين بدون الحبوب الحمدالله اكل مدري كيف!! ونفسي انحف لاني سمنت:) بس هو اااامن جدا وماافي خطوره على الناس وراح ينفع معك مدري لما كنت بنت يمكن جسمي ماكان قااابل لهذي الحبوب بس الحين تمام حتى ولدي امي ارسلت منه هو شراب وصرت اعطيه منه يوم اعطيه ياااكل يوم ماااعطيه مايأأأكل حوووووووووووسه:) |
اقتباس:
ياهلا بالحبيبه صرنا أصحاب من الموضوع الأول:) تسلمين ياعسل على الأفاده ربي يحفظلك أولادك وزوجك ويشفي أبنك ويسعد قلبك حمستيني لها :22: مشكوره |
اقتباس:
أن شاء الله أني أسمن عليها شوي وزني ألحين 49 ألي يشوفني مايصدق أني متزوجه وعندي بنت وولد ودي أوصل لل55 يعني أكون شويه مليانه مليت من شكلي من بعد ماتزوجت ماتغيرت والله المنتدى بدونك ممل لاعاد تغيببين مره ثانيه :( ومشكوره |
نورين ممكن أسألك حبيبتي أنتي متى كنتي تستخدمينها يعني أي وقت؟
وهل أتبعتي معاها نظام غذائي معين ؟ |
الله يسعدك يارب كلامك عسل:)
ماراح اغيب ان شاء الله غاليتي:) كنت استخدمه اول ماااصحى من النوم افرش اسناااني على طوووول حبه مع كاس ماااء خطييييييييير والله تجلسي تاااكلين لين اللليل بدون اشبااااع عشان كذا انا متنت اخاااف تخلصين اكل البيت<<<<خخخخخخخخخخ امزح بالعافيه عليك حتى ملامح وجهك تتغير ويمتلي وجهك تاثيره يجي بالوجه بعدين الجسم مدري انا كذاااا صااار فيني:) ومافيه نظااام غذاء معين كل شي قداااامك تاااكليه على طوووول:) راح تصيرين بطه ان شاء الله:) |
اقتباس:
|
انا كمان جربتها وكان كاتب لي الصيدلي نظام انو ابدأ فيها بالتدريج وانتهي منها بنفس الشئ
يعني اربع ايام كنت اخذها قبل الفطور بربع ساعه.. وبعدو اربع ايام اخذها الفطور والغداء .. وبعدو اربع ايام فطور وغداء وعشاء الين تحصلي الوزن المطلوب وتبدأي تتدرجي في تركها .. بس امنه ومافيها ضرر وكنت اخذها مع فيتامينات فيه ناس نحفوو بعد ماتركوها لانهم قالو خلاص تروح الشهيه مننا نهائي بعد مانتركها الله يوفقك وييسر لك امرك تحياتي لك |
اقتباس:
مشكوره حبيبتي الله يعطيك العافيه وأنا باذن الله راح أمشي على نفس طريقتك بس المشكله هي تسبب نوم صح ولالأ؟ أنا اليوم مو قادره أتحرك من كثر النوم وودي أعرف أذا مافيه مانع كم زاد وزنك ؟ كل واحده أستخدمتها كم زاد وزنها وهل بعد ماتتركينها ترجعين تنحفين |
بيزيد الوزن على حسب ما انتي تبغي وبس توصلي للوزن اللي تبغيه وقفيها تدريجيا
انا ما كنت ابغى كثيير وزن بس خمس كيلو اللي تديني امتلاء بس لاني ما احب التخن ولا زوجي واذا استمريتي على نفس نظام الاكل ماراح تنزلي المهم انك ماتزيدي انا اخذتها فترة شهر ونص وتركتها لانها خلاص حركت الشهيه عندي ومشي الحال وفيه بنات اعرفهم راحت شهيتهم بعد ماتركوها ونحفوو والله يعينك على النعاس والنوم كمان انا كنت اخذ فيتامينات معاها نوع مع الفطور ونوع مع الغداء وكنت موقفه القهوه والشاي بعد ماتتركيها خذي انواع اكل تفتح الشهيه وكثري مكسرات و كلي زبادي حاطه معاه سكر وذايب فيه واعرفي ايش الاصناف اللي تتخنك وكثري منها حمصي سمسم وحطيه مع اي شئ مع عسل زبادي وكلييه يفتح الشهيه وكمان لو حابه اديه اولادك ... موفقه اختي بأذن الله |
اقتباس:
|
:25:انا مدمنة عليها :d
من وانا صغيرة لين قبل سنة فكيتها خلاص هي مامنها مضرة صحيح تخليكي بس اكل نوم وسمنتني شوية كم كيلو هي عيبها الوحيد تخليكي دايما سكرانة تبغي تنامي بس هل لاني صرت مدمنة الله اعلم |
حبيبتي انا استخدمتها وزاد وزني تقريبا15 كيلو والحين تركتها لي سنه والى الان تمام مانزل وزني
|
اقتباس:
مشكوره حبيبتي على مشاركتك يوووووووه من جد ألي يشوفني يقول سكرانه بس ماشاء الله تبارك الله أحسها فتحت نفسي على الأكل والنوم بشكل موطبيعي ماشاء الله وان شاء الله أوصل للوزن ألي أتمناه الله يعطيك العافيه ياطيوبه ويشفيك ويشفي والدك ويعطيكم الصحه والعافيه ويحفظ لك أبنك |
اقتباس:
|
انا انسدت نفسي كتير بعد الولادة ومع الرضاعة
رحت شريت الشراب والصيدلي قال انو يعمل خمول وانا كنت خلقة نعسانة وخاملة فماا خدتو صراحة |
اقتباس:
بس ألي أعرفه أنك حامل ماشاء الله لاقوة ألا بالله فما أتوقع تقدري ألحين خليه لبعد الولاده أنا جبت أثنين وخلاص ألحين بديت أتفضى لنفسي لأن الحمل والولاده والرضاعه والتربيه سببت لي دمار جسدي ونفسي فقررت خلاص أريح نفسي واهتم شويه لأن الأشياء هذي كلها نحفتني أخذت لي مانع بس النفسيه كانت مسدوده عن الأكل والنوم لكن بعد الحبوب هذي كل شي تغير ماشاء الله وان شاء الله للأفضل كمان عقبالك حبيبتي |
الله يسمع منك يااااااارب
المشكلة انو حتى قبل الحمل نعسانة طول الوقت فمشكلة انوانعس زيادة حصير نايمة طول اليوم ان شاءالله اولد بالسلامة ياااااااارب وتتزبط اموري كلها |
يُغلق للإكتفاء بالردود..
|
| الساعة الآن 03:05 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©