ابني وقع على رأسه ساعدوني
ولدي طاح من الكرسي على راسه و انتفخت جبهته على جنب مثل الكوره مدوره لونها اخضر و الاطراف حمرا
تلفوني مقطوع ما اقدر اتصل زوجي اتصل و قلت له و لما شاف الولد قال ما فيه شي حطي ثلج و خلاص و الحين مادري شاسوي؟ |
بلييز ردوا
مالي غيركم بعد الله الله يجزاكم خير زوجي بط جبدي مع حركته السخيفه ربع ساعه و انا على اعصابي انتظره يوصل في النهايه قال ما فيه شي و طلع و لا فكر يتصل و انا ما عندي تلفون اكلم حد غيره ياخذ الولد |
هلا اختي العزيزة
بصراحة ما عندي فكرة بس سقوط الطفل على راسه ممكن يكون خطير شوية على حسب عمره كم عمر طفلك؟ نصيحة مني خذيه للمستشفى علشان الكشف عليه وترتاحين يكون افضل |
ولدي سنه و 10 شهور
انا اللي قاهرني ابوه مب مفتكر مادري ليش مع ان عنده تأمين صحي ممكن يوديه احسن مستشفى انا الحين عالمسنجر يمكن حد يدخل اون لاين |
اختي كم عمر ابنك؟
هل سقط على مؤخرة الراس ام من الامام؟؟ هل نام بعدها؟؟ تحسي تغير على تصرفات ابنك ؟\ قلة حركة تعب جانب من الجسم لا يستجيب؟؟ ان شاء الله ما فيه الا العافية ياما بنتي شيبتني من طيحاتها وانا دائما اخاف لكن الحمد لله تطلع دائما سليمة. |
حبيبتى اذا ولدك ما استفرغ ولا فقد الوعى ماتقلقى ان شاء الله بخير بنتى وهى 6 شهور طاحت مرتين بنفس اليوم من السرير وصار نفس ولدك وسالت ايضا الاخوات بالمنتدى والحمد لله خلص على خير والله ستر طمنينا اذا تحسن واذا حاسه انك مو مطمئنة اتصلى على الدكتور حقه او اتصلى على المستشفى اللى تتابعى فيها واطلبى تكلمى دكتور اطفال وقولى له الحالة وشوفى ايش ينصحك
|
ولدي قريب السنتين
بنتي بعد طاحت وايد بس ما صار لها انتفاخ يخوف مثل اللي في ابني ولدي ما نام و لا رجع و عادي يلعب طبيعي و طاح على راسه من الامام على الجبهه اقصى اليمين مش المنتصف |
اخت تيررا
لا ما استفرغ و لا فقد الوعي بس شكل الانتفاخ يخوف و يعور القلب كلما اشوفه ابكي و قلبي يتقطع عليه اما اتصل المستشفى ما اقدر تلفوني عليه فاتوره موقوف<< هاي المشكله |
اه صحيح انتى قلتى من قبل مانتبهت سامحينى طيب شوفى انا باحاول اتصل على دكتور اولادى بالمستشفى ان شاء الله يرد واطمنك
|
حبيبتى سامحينى طولت عليكى لانهم حيرونى حتى حولونى على الدكتور شوفى هو سالنى بالاول استفرغت او شئ قلت له لا لانى قلت له على بنتى المهم سالنى طيب اتحرك ت بعدها ولعبت وكده قلت له ايوة قال طيب نزل منها من انفها او اذنها دم قلت لا قال خلاص ضعى عليها ثلج وتابعيها اليوم لبكرة اذا حسيتى اى تغيير جيبها اشوفها لكن اذا مو مبين عليها شئ وتلعب خلاص فانتى حبيبتى تابعيه اليوم وشوفى حتى ممكن باكر تروحى للدكتور او حتى تتصلى على الدكتور من جوال زوجك
|
الساعة الآن 02:52 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©