|
اقتباس:
|
اقتباس:
أقول إنت ألحين خلاص متزوج يعني في ناس خياتهم مرتبطة بك.. تصوروا مرة خذ له جيمس بادي..(يعني بس كراسي قدام مافي ورا) ولما سافرنا به ديرة هلي.. أنا تعبت وايد لأن بنتي الصغيرة على طول في حضني.. ولا اقدر أتحرك أو أمد ريلي أو أثنيها على راحتي.. وألحين يبغي ياخذ له واحد ثاني قلت له لا تاخذ لأني مارتحت فيه وتعبت.. قال: إلا السيارة.. إذا باخذها ماشاور أحد فيها.. أقول له عاد إنت ألحين عندك أسرة.. والسيارة اللي تبيها غير عائلية.. قال أنا إذا خاطري في شي آخذه.. علاج الأناني.. استخدمته.. وتتوقعين شالنتيجة؟؟ زادت أنانيته وزاد غروره.. بالنسبة للجماع.. أنا ألبس وأتعدل وأتلصق فيه.. وإذا شفت منه برود ما أيأس..إلا لما يقولها لي بصراحة: أنا مابي ألحين.. ويقول عذره.. (إللي ماله معنى).. أنا عندي شغل .. أرد على البقيه الظهر بإذن الله... |
بسم الله
أختي الفاضلة أنتي الى أخترتيه ما حد غضب عليك لازم تتحملين نتيجة قرارك بمى انك تعرفين اخلاقه قبل الزواج الطلاق مب بسيط تعرفين شنهو الطلاق ضياع اسرة تشتت ابناء عدم استقرار حمل لقب ( مطلقه) ونظرة المجتمع للمطلقه ما تحتاج شرح تحاسب على اشياء ما تحاسب عليها البكر وغيييييييره أعيدي التفكير ألف ألف مره صحيح امساك بمعروف أو تسريح بأحسان بس شنهو الى يترتب على ذلك انتي الوحيده القادره على معرفة الافضل لك بالتوفيق وتمنياتي لك بحياه مستقره وسعيده |
أختي الغالية بحرينية ولكن :
اولا اصبري وعليكلي بالدعاء وترى أنا زوجي يمكن مو أحسن من زوجك وانا يمكن لي خبرة في السزواج أكثر منك على عدد سنوات الزواج والله صبرت وكنت دايما ادعي انوا ربنا يحسن في أخلاق زوجي والحمد لله تعدل كثير احسن من اول ولا تنسي انوا مافي احد سعيد كل السعادة يعني كل وحده عندها مشاكل وهموم بكل الأنواع والأشكال تفائلي وان شاء الله زوجك يتعدل |
انا مصدومه ان الموضوع لك يا الغاليه بحرينيه ولكن
حسبتك من الناس اللي مستقرين ولو نوعا ما يالله محد مرتاح الصراحه يوم لك ويوم عليك حبيبتي لا تنصدمين من اللي بقوله لك بس زوجك احسه ما توصل معاك للطلاق زوجك اهون بكثيييييييييييييييييييييييييييييييييير من غيره ايش الحل اللي بتلاقينه في الطلاق؟ ايش اللي بيتحسن اذا انفصلتم اذا هو مغلق عليك ترى اهلك بيغلقون عليك بحجة انك مطلقه اذا بناتك مو مدللين الحين فصدقيني مارح يتدللون اكثر وهم بعيدين عنه اذا على مزاجيات سياراته فالاحسن انك تستمتعين وتدورين ايجابيات كل سياره انتي تتضايقين لانه ما ياخذ رايك فيها لكل رجل مساحه من الاستقلاليه واعتبري السيارات هي مساحة زوجك زوجك اناني وانا اعرف رجل مثله ما جاب راسه الا المدييييييييييييييييييييييييييييييييييييييييييييح والمديح والمديح والكثير جدا من المديح احمدي ربك انه ما يصبحك ويمسيك بعلقه احمدي ربك انه مو بخيل والثلاجه فاضيه احمدي ربك انه مو سكير عربيد احمدي ربك على امور كثيره جدا فيه صدقيني لو تاخذين ورقه وقلم وتكتبين عيوبه اللي لو رحتي لشيخ وافق مباشره على طلاقك وتكتبين محاسنه حتطلع محاسنه اكثر اذا على العلاقه الخاصه فمن رأيي ان تتصارحون وفي جو رومانسي ويجب ان تحببيه في اللقاء معك يعني الحل 90 في الميه من هالناحيه عليك ولازم ما تشدين عليه ابد عامليه مثل الطفل الصغير والله اني اعرف وحده زوجها العن من زوجك حبتين وقاعده تمدح فيه صار لها سنتين الحين تعالي شوفيه يتصل عليها يقول ما تبين شي؟ ماكان كذا يطلعهم الساعه 12 بالليل يروحون اي سوبر ماركت ويرجعون بحلويات يعني ساعتها حتى في هذا الوقت لقي لهم مكان يطلعهم يوم حسهم زهقانين ولا هانوا عليه مع ان الوقت متأخر بس طلعهم حاولي والله يصبرك على طول الوقت احمدي ربك انه يشتاق لك مو خاين والله اكلمك كأختي....حاولي والله يعينك يارب |
اقتباس:
|
اقتباس:
أنا التي سعت لتهديء الأمور.. مابيه يحس إني أفكر بالانفصال.. تدرون اشسويت.. هو رجع البيت متأخروراح على السرير بينام.. أنا لبست قميص نوم وتعطرت.. ورقدت عيالي.. ورقدت جنبه.. قلت له بهدوء: ليش تضايقت لما قلت لك إني مب مرتاحة؟؟ المفروض إنك تدري بهالشي.. المفروض إنك تحس فيني.. كل هالوقت وإنت ماتدري إني متضااااايقة وماحسيت بطعم الراحة؟؟؟ قال: مادامج مب مرتاحة يعني تبين تنفصلين.. قلت له من قال لك؟؟ أنا قلت ماني بمرتاحة.. بس ماقلت إني مابيك.. ((( بصراحة أنا حايرة وبروحي ما أدري شاللي أبيه بالضبط.. أنفصل أو لا ))) قلت له: أنا أشوفك إنت بعد مش مرتاح معاي.. يعني أنا دارية فيك.. لو قلت لي إنك مش مرتاح.. ماراح أنصدم وأزعل.ز وبعدين الراحة هذا احساس داخلي ما أقدر أتحكم فيه.. وأصلا إنت السبب فيه.. مب أنا اللي جبته لنفسي.. تبيني لما سألتني أكذب وأقول مرتاحة؟؟ المهم.. تصالحنا.. بس أنا للحين بضيق.. لكن.. مابغيته ينام وعو زعلان بعدين الملائكة تلعني.. وفكرة الطلاق.. حاليا.. تراجعت عنها.. وفعلا مثل ماقلت يمكن أناكنت متوترة البارحة ومتسرعة.. لكن.. فعلا فعلا.. أخاف كل مرة أؤجل هالفكرة ويزيد ندمي.. لأني لما كانت عندي بنت.. وأجلت الفكرة.. جاتني البنت الثانية.. وصار التنفيذ أصعب.. |
اقتباس:
أشكرج على النصائح.. هو يضربني؟؟ لا.. مايرفع يده علي.. ويقول إنه يستحقر الرجال اللي يضرب زوجته.. وأثناء النقاش الحاد مايرفع صوته.. بتقولين لي عيل أشلون عصبي.. أقل شي ينرفزه.. مرة دخل الغرفة الظهر.. (وأنا هالوقت أحب أفتح الستارة وأطفي النور أريح لعيني ) دخل وشاف الليت مسكر.. عصب.. إنتي كله معيشتنا بظلام..والكهربا ببلاش.. وووو قلت له ليش تكبر السالفة.. اضغط على الزر وتنتهي المشكلة.. قال: بس ليش ماتفتحين الليت وقاعدة بالظلام؟ أقول له كيفي.. قاعدة بروحي وأبغي أرتاح.. لما تجي افتحه.. لما أقعد بالصالة مع أهله وأنسى جوالي بالغرفة ويتصل .. يرجع البيت وكأنه وحش.. ليش تنسينه.. وأنا أتصل يمكن أبغي شي ضروري.. وووو (مع إنه دايما ينساه) بالنسبة للصرف على البيت: أنا ماصرف على البيت.. هو يبذر فلوسه على أشيا تافهة مثل جوال وسيارة ووو.. وآخر الشهر تخلص فلوسه.. ويحتاج تصليح سيارة مثلا.. ياخذ من عندي ويقول أرجعها أول الشهر.. أول شهر..يتناسى.. ثاني شهر..ينسى.. ثالث شهر..أنا أنسى.. ويضيع حقي..... علما بأي ما أشتغل وهذي فلوسي قبل الزواج.. أستثمرتها في الأسهم.. يعني إذا انتهت خلاص ماراح تجيني غيرها.. |
أختي : ( بحرينية ولكن ) وفقها الله ..
من وجهة نظري لا أرى إي مبرر للطلاق بالعكس أرى إن زوجك فيه صفات طيبة والكثير من الزوجات تتمنى أن تتوفر هذه الصفات في زوجها ، وما ذكرتي من سلبيات فهي قليلة ، ويمكن جداً أن تعالج بالحكمة والروية والصبر ، وزوجك والحمد لله لا يعيبه شيء وقد سلمه الله من شرور كثيرة قد أبتلي بها كثير من الأزواج ، فحمدي الله على نعمه ، ونظري إلى من حولك من النساء فستجدين حتماً من هن أعظم منك مصيبة ومع ذلك صابرات محتسبات لم يفكرن في الطلاق ، والسعيد من وعظ بغيره ، وهل تتوقعين أنك بعد الطلاق سترزقين بزوج بسهولة ، وعلى رغبتك ، وهل يا ترى سيسعدك ، ويكون أفضل لك من زوجك الأول وأب أولادك ، لاااااااااااا اتوقع ، حسب ما فهمت من كلامك أن بينكما حباً لا أتوقع أن يتكرر مع أحد غيره لا من ناحيتك ولا من ناحيته ، فحافظي عليه وحاولي أن تصلحي نفسك أولاً ثم تحاولي أن تصلحي زوجك بالدعاء له ، ونصيحته بالمحافظة على الصلاة ، فإن من كان صالحاً محافظاً على صلاته فإن جميع أموره الدينية والدنيوية تصلح وهذا أمر مجرب . أسأل الله العظيم أن يوفقك لإصلاح بيتك وزوجك ، وأن يبدل حزنك فرحاً ، وهمك فرجاً ، وأن يهدي قلب زوجك لطاعته والاهتمام بك وببناته وببيته ، اللهم آمين . |
اقتباس:
من الممكن يكونون بناتك ورقه رابحه ---------------- كيف تخلينه يتعلق بهم ؟ بطرقتك الخاصه ؟ يقولون بابا ما نقدر نستغني عنك بابا ودينا لعبنا مشينا بابا أولاد الجيران يلعب معهم ابوهم بابا انا نحبك كثير كثير بابا ما نشوفك كثير تلعب معنا ------------------ إن شاء الله اضمني تعلق ابوهم بهم واضمن تغير زوجك تحياتي وموفقه |
| الساعة الآن 04:57 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©