كل المتزوجين .. استشارة عن الأشياء اللي ندمتوا عليها .. ؟
 

هلا اختي انا لسه ماتزوجت لكن برد عليك من معرفتي لأعز صديقاتي ومعاناتها ولانها كمان ماعرفت تتأقلم معاهم كانت ساكنه بشقه بنفس بيت اهل زوجها

1-أيش الأشياء اللي سويتيها وعودتي نفسك عليها مع أهل زوجك وتندمتي عليها ؟!!

لمن كانت تخرج تمر عليهم وتأخذ احد معاها اخت زوجها او امه وندمت لانها فتحت لنفسها باب وتقول احيان نبي نخرج نتعشى او نشتري شي خاص ويدرون اني رحت ومامرت عليهم يتغامزون وتتغير معاملتهم لها

2-مثلاً وجبة الغذاء أو العشاء دائماً معهم ؟! وبعدين رجعتي وتندمتي لإنك ارتبطتي في هذي الحالة ؟!!

تقول بالعكس كانت هالشي قمه وكبرها بعين زوجها لكن احيان يزورونها ناس وتضطر تعزمهم كلهم وهالشي كلفها كثير وحتى لو درجت احد من اخوات زوجها ماهم فيه تقوول تفشلني امهم تقول لحظه انتظرو بنتي بتجي ومالي كلمه ف بيتي

3-أو مثلاً في الطالعة والنازلة تمري عليها .. ( كل ماطلعتي أو رجعتي من الطلعة تروحي تسلمي عليهم حتى لو كل يوم )
أو كنتي تسوين شي كل يوم وتندمتي عليه ..

كانت تمر عليهم لدرجه ياخذون الاكياس من يدها ويشوفون وش فيه .. لكن تأأزم الوضع لمن ولدت ورجعت بيدها حصلت اخو زوجها حضرت جنابه يأخذ دش ف دوره المياه الي بنفس غرفه النووم ونص اشياءها ماهي فيه ومن مكياج واستشوارها

لكن الحمدالله الحين ارتاحت بعد مانقلت لشقه مستقله ومو بعيده من بيت اهل زووجهاا




وانا مااذكرت هالكلام اختي للعمووووم لكن في ناس شواذ واصابع يدك مو مثل بعض

تحيتي

كثرةالتنازلات00(( يتعود عليها الزوج بعدين يهضم حقوقك00 ))!!

مع اني ساكنه بعيد عن أهل زوجي بس
سالفة الاكل معاهم احــــــــــــــــــــــــــــــــــذري تكونين على طول معاهم بالكثير مرتين في الاسبوع واذا ما كلتي معاهم أحسن
أنا أقولك ليه لأن بعدين يتعود كله يبي أهله معاه في هالحاله انتي بكره بتتضايقين
فعودي زوجك على بيتك قولي له نبي ناخذ راحتنا
ولا تتنازلين مهما ضغط عليك
سالفة تمرين عليهم................صيري محترمه شفتيهم في الطريق سلمي وامشي
ولا تنزلين لهم كثير مره في الاسبوع
وأتمنى يكونون طيبين معاكي

الله واكبر عليكم وكأن اهل الزوج اعداء والحياة الزوجية معركة استرتيجية تحتاج تكتيك خاااص فية,

باختصار حبي الناس يحبونك اعتبري ان اهل زوجك اهلك امة امك واختك اختة وهكذا.

كلامك 100% صح وانا اوافقك الراي يعني هما مين مش اهل زوجك وعيالك يعني اهلك والواحد سبحان الله يتعامل بحسن نيه وبدون تفكير سلبي وكل شي بعد كدا بهون وبتسهل

لم أندم على شيء حتى الآن الحمد لله
انا سنتين زواج
و مو ساكنة مع بيت اهل زوجي

انا صارلي اقل من سنة معرسة بس احسه دهر من كثر المشاكل الي نطيح فيها كل يوم كل يوم
اولا انا ندمت على دمعتي الي تطيح على اي سبب وقدام الكل حتى مع اهل زوجي ابكي توبتي ما اعيدها لوشو ما صار
ثانيا ندمانة انه مشاكلي تتجاوز غرفتي لانه بعدين صعب تتصلح
وابا اقول ش........ ندمانة اني حبيت زوجي كل هالحب مب عشان شي بس احس اني اتعذب بحبة وهو عندة عادي بمعنى ياريتني كنت ما ابين حبي ولهفتي ودموعي وكل الكلام الفاضي الي ماله طعم

معك

مرااحب .. مشكوورين أخوااتي استفدت كثير .. والله يعطيكم العافية والصحة .. نصائح استفدت منها ..

رمسيس + وردة .. انا ماكتبت الموضوع عبث أو إني مصورة أهل زوجي أعداء أو إني داخلة على حرب
لا بالعكس اهل زوجي ناس طيبين وحبوبين وحلوين معاي في التعامل ماشفت منهم إلا كل خير والله
يشهد على كلامي صار لي سنة معاهم من عقدت بس لسه حفلة الزواج ماصارت وعلى فكرة في يوم محدد من كل اسبوع أروح وأقضي يوم معاهم .. مراات غذاء ومراات عشاء ومرات غذاء وعشاء وجلسة
وشاي وحلى وو.. وأنا مرتاحة مالقيت منهم إلا كل خير الله صل على محمد اللهم لا حسد ..
وادعو إن الله يخلي هذا الشي مستمر العمر كله ..

بس أنا سألت وكتبت هذا الموضوع استفسر ’’ لإني فكرت لو مثلاً عودت نفسي كل يوم الغذاء معاهم
ربما يجي يوم أكون تعبانة أو ماجاني نوم في الليل أو أو أو فاضطر إني انزل مجاملة لهم لإني متعودة ,, شي من هذا القبيل .. فـ الواحد ياخذ نصايح من غيره ومن التجارب اللي مروا بها ولا يستهين بها ..
اتمنى إنكم فهمتم قصدي ومشكورين جميعاً على مروركم على الموضوع ..