بعد تأكيد الحمل ‏،‏ نزلت الدوره !!
 

اولا السلام عليكم

ثانيا طابت اوقاتكم يا اجمل منتدى ...
ثالثا لي استشاره وارجو اني لاقي شي استفيد منو ,, بالنسبه للاستشاره انا قبل خمس ايام رحت الطبيب للكشف ادا انا حامل ولا لاء لانو الدوره كل شهر بتجيني ب 7 الشهر ومر 7 الشهر و8 الشهر و9 الشهر ورحت ع الطبيب لانو قبل بوقت حكالي ادا ما اجتك بتيجي عندي مشان افحصك ورحت وطلع ايجابي عن طريق فحص الدم وحكالي حامل اليوم بعد خمس ايام من اخر مره فحصت بيها فقت الصبح عادي ما في شي عند الساعه 10 حسيت بشي ولا اشوف الدم ناديت عمتي وحكتلها عمتي هيك هيك صار معي حكتلي البسي نروح الدكتور بس هاد الدكتور غير عن هاداك فحصني على التلفزيون وعن طريق الدم طلع ما في حمل وبيحكيلي جاييتك الدوره رغم انو الدكتور يلي قبل حكالي حامل 100% كيف صار ويا ريت اشوف منك كلامك يرد لي الروح

انا اسفه بس والله تعبانه ساعدوني مشان الله

رد : ارجوكم ضروري الرد ...!
 

وعليكم السلام ورحمه الله وبركاته


حبيبتي الله يعوضك خير ان شاءالله ويرزقك بالي يجبر خاطرك

عن نفسي ما سبق وحدث شي مثل الي صار معك
لكن قد تتاخر الدورة .. احيانا اسبوعين ... ويطلع ما في حمل (( الحمدالله على كل حال ))

لكن سمعت عن بعض النساء تحدث معهم ويطلع نتيجة الفحص الاول ايجابي .... وبعدها ما يكون في حمل


يمكن يكون في حمل و سقط في بدايته ..... فما تظهر عليك اعراض الاسقاط
تجي دورة عادية .... (( حدث معي باجهاضي الاول ))
اجهضت وانا ما ادري اني حامل




المهم ..... احمدي الله على كل حال
والتجأي اليه و توكلي عليه

وحاولي ما تفكري كثير في موضوع الحمل .... حتى نفسيتك ما تتعب اكثر ... وتاثر عليك بشكل سلبي

الحمدالله على كل حال
وربي يعوضك خير بالقريب العاجل
اللهم امين يارب العالمين



ان شاءالله اكون افدتك ولو بشي قليل

رد : بعد تأكيد الحمل ‏،‏ نزلت الدوره !!
 

ممكن ما كان في حمل... و الدوره تأخرت بس 3 أيام..

رد : بعد تأكيد الحمل ‏،‏ نزلت الدوره !!
 

الاحتمال الاكبر انه كان في حمل
وبعدين نزل فاشفتي الدورة

الله يعوضك بالحمل السليم