|
هل هذا تسلط وتحكم في الخادمة؟
السلام عليكم
عندي خادمة محترمة جدا وكبيرة في السن عمرها 50 سنة .. واحنا استقدمناها حتى تكون تسوي شغل بيتي القليل وتساعد خادمة اهل زوجي .. لكن لما جت رفضت انها تشارك ببيت اهل زوجي وصارت طوول الوقت ناشبة بشقتي .. طول الوقت ! انا انسانة اقدر الخصوصية وبصراحة مرة طفشت اني راقب تصرفاتي عشانها .. ابغى اخذ راحتي مع زوجي وبلبس وبكذا قلت لها انزلي لغرفة الخدم ارتاحي وخوذي قيلولة .. سوتها يومين وبطلت ! الحين قلت مالي الا الصراحة بقولها من اول مايجي مستر للبيت انتي اطلعي لغرفتك ولا تجين لحد ما اناديك .. فهل هذا شيء لائق؟ والا غلط علي هالشيء ؟ |
رد: هل هذا تسلط وتحكم في الخاد
لا عادي
بس قولي لها لك اوقات محدده هنا ولا تقولي مستر اخاف تكبر الموضوع وتقول شاكه فيني شكلها خايفه يكرفونها الي تحت او ما تاقلمت مع الشغاله الثانيه |
رد: هل هذا تسلط وتحكم في الخاد
عادي خيريها بين الذهاب لغرفتها أو بيت أهل زوجك اللي فهمته انكم ساكنين مع أهل زوجك؟؟
|
رد: هل هذا تسلط وتحكم في الخاد
عزيزتي غادة..
هل أوضحتم لها طبيعة عملها والمطلوب منها بالضبط قبل أن تأخذوها من المكتب؟ وبخصوص الغرفة التي تحدثتِ عنها فلم أفهم هذه النقطة .. هل الغرفة التي تقصدينها في شفتكِ أم في بيت أهل زوجكِ؟ |
رد: هل هذا تسلط وتحكم في الخاد
اقتباس:
سبق وقلت لك اني احبك ؟ من الناس اللي اتمنى اني اقابلهم بالحياة الواقعية 💖 |
رد: هل هذا تسلط وتحكم في الخاد
اقتباس:
|
رد: هل هذا تسلط وتحكم في الخاد
اقتباس:
ومشت على كذا اول ثلاث شهور تجي عندي تقريبا ثلاث ساعات موزعة على اليوم فقط وكنت جدا مرتاحة .. بعدها صارت تسوي مشاكل مع خادمة اهل زوجي وجت عندي قالت انا ما ابغى انزل تحت اساعد انا جيت لبيتكم وبس .. كنت حامل ومفوتة موعد ولادتي ونفسيتي زفت فماناقشتها حتى .. الحين توي استوعب ، انا مايهمني ابدا استغلت عندهم او لا .. انا بس ابغاها تعطيني بعض الخصوصية زي ماقلت البيت صغير وزوجي صاير مرة رسمي واذا ضحكت معاه او تكلمت قال مو قدام الخدامة !! ففكرت بهالفكرة واريح راسي ! لاني قلت لها انزلي ارتاحي بغرفتك مافهمت وصارت تشتغل بزيادة يعني تدور الشغل تدوير 😂 تخيلي فككت المكنسة الكهربائية قطعة قطعة يازعم تنظفها وخربتها الكنب فكت قماشه بتغسله وخربته اللمبات تفككهم بتمسحهم ويتكسر بعضهم 😂 دورات المياة تغسلها ثلاث مرات باليوم !! كله من قلة الشغل صارت تلهي نفسها عشان ما اقولها انزلي ساعدي خدامتهم 😅 فقلت مالي الا اقولها ع بلاطة ابغى شوي برايڤسي |
رد: هل هذا تسلط وتحكم في الخاد
صديقتي مفهمة خدامتهم اذا جا زوجها تروح ملحقهم ومن اول ما يجي تهرب متعودة
لان الرجال رسمي و لا يحب مطلقا وجود الخادمة هو الافضل من البداية عشان ما تنجرح مشاعرها ،اذا غرفتها فيها وسائل تسلية من تي في و ثلاجة صغيرة قولي لها باسلوب جميل تروح لها اذا جا و الله يعينك |
رد: هل هذا تسلط وتحكم في الخاد
لائق ونص
|
رد: هل هذا تسلط وتحكم في الخاد
اقتباس:
لا طبعا ما فيها شىء قولى لها لان زوجى لا يآخذ راحة فى وجود حرمة غريبة المهم الغرفة تكون مجهزة وبها نت علشان تنشغل مع اهلها وثلاجة بها بعض الاطعه اذا شعرت بالجوع هذا حقك علماّ انه اذا كان شغل بيتك لا يتخطى ثلاث ساعات من حقهك ان تطلبى منها على الاقل 3 او 4 ساعات ببيت اهل زوجك وخصوصاً اذا كان راتبها مرتفع |
| الساعة الآن 06:28 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©