سافر من دون مايقولي ماذاافعل
السلام عليكم لااريد الاطاله عليكم كان بيني وبين خطيبي مشكله بسيطه وتم حلها والحمدلله وتصالحنا من اربع ايام واتفقنا نفتح مع بعض صفحه جديده واليوم كلمني على عادته عادي زي كل يوم وسالته انت وين قال انا في البيت( علما ان هو من بلد وانا في بلد اخر9) وبعدين شكيت ودقيت على جواله الاماراتي لقيته يشتغل ورد علي وتفاجئت انه مسافر ولا قالي في البدايه حاول يقنعني انه ماسافر وانه مشغله بس وبعدين اعترف ولما بديت اتناقش معاه بهدوء ليه ماقالي يعني انا ماكنت بقول شي ولا بمنعه بس كنت حابه هو الي يقولي اخر شي قالي (انتي لازم تزعلين كل اسبوع ):( ياناس انصحوني انا غلطت ياناس مو من حقي وانا مرته اني اعرف انه مسافر على الاقل واحنا متفقين اي مكان يروحله لازم يقولي عشان اتطمن عليه قلولي شاسوي معاه ساعدووووووووووووووووني:24:
|
انتي مش غلطاااانه بس ليش استعجلتي وليييييييه كلمتييه بهالطررريقــــــــــــه
من حقــج تعررفين بس في نفس الوووقت هووه اكييد له اسباابه الي خلته يخش عليـــج واانتي من لاااسااس داامه ماا قاالج اانتي لييش فتحححتي المووضووع خلاااص خليـــــــــــــــه من نفسسه يقوولج أوو انتظرري علييه فترررة ؛؛ يمكن عندده عذذرره وفي مرررررررررررة من المرررا الي يكوون فيهااا معاااج سمن على عسسل اسإليــــــه وقووليله كل الي فخااطررج بس بععد بالهدااوة ؛؛ افهميــــــــه شخخخصه واعررفي متى يتقبل منج وفي حينهااا استغلي هالفتررة ؛؛ بس مب كل ماا تكتششفين شي تتصررفين فكررري بالششي مليووون مرررة قبل لاا تسسسوووينه ووواذاا شكيييتي بأأي شي وحتى ولوو تأأكدددتي منه لااا تتسررعين ابدااااا وخلي الامووور تمششي مثل ماا مكتووب لهااا واذاا ماا عجب الووضع تكلمي << بس مب من أوول ماا يصيرر لج المووقف تكوون رددةةة فعلج فالحااال |
ووو إن شاء لله أكوون أفدتج خيتووو
اختج جوووولي |
اختي, من حقك انك تزعلي,,, لكن الرجل يختلف عن المرأة, المرأة تحب ان زوجها يسألها وين رحتي وين جيتي ومع مين ولازم تخبريني, لانه يحسسها بحبه وخوفه عليها, بس الرجل احيانا يتظايق من اسئلة الزوجة له, يحس انها سيطرة بدون حق, او عدم ثقة فيه وبعدين مايحب انه تعاتبيه على كذا وتحسسيه انه غلطان,,, نصيحة لك في هذة المواقف, امسك اعصابك وحسسيه بغلطه بطريقة غير مباشرة, يعني مازحيه بقولتك ( شدعوة ماقلت لي... ولا خايف اخذ شنطتي وروح معاك :25: ) واكيد هوا راح يحس انك متظايقة وماراح يعيدها وبدون زعل... |
اقتباس:
في البداية قلتي انه خطيبك وبعدين قلتي انك مرته - يعني زوجته اولا اذا مرته لك حق عليه ميه بالميه بس اذا خطيبته باعتقادي ان بنظر الرجال ان لسه مافي شيء يغصبه يعطي تحركاته لاحد ثانيا يمكن ان اثناء الزعل حجز وتمماجراءات السفر ولما تراضيتوا حس ان لو بلغك بموضوع السفر رح تزعلي وقال احسن ما اخبرها واخليها راضية اطول وقت ممكن |
شكرا خواتي على تفاعلكم معاي مشكورين وماقصرتوا نصايحكم افادتني حيل و بحول امسك اعصابي وبصكر الموضوع معاه واحب يالغافله اقولك احنا متملكين وعرسنا بعد 4 شهور يعني انا مرته ولي حق عليه
|
اختــــــــــــــي سؤؤؤال فظووولي
بس إذاا ماا حبيتي اتجااوبيـــــــــن عاادي واسسمحيلي على السسسؤؤال ؛؛؛ انتي من أي بلد وزووجج من أي بلد ؟؟!!! يعني كلكم خليجييين ولااا ؟؟!!! |
الرجل ما يحب احد يكلمة بطريقة ( الحساب ) اعتقد ان الرجل يحب الاسلوب إلي فيه مرعاة لمشاعره مثل لما تكتشفي انه مسافر تقولين له ( تروح وترجع بالسلامة وبدون زعل يعني لازم تطلع من قلب ) ولما يرجع حاولي تفتحين الموضوع مهاه بهدوء وبطريقة ( عتاب المحبين ) إلي فيه تنازل واحترام للطرف الآخر. صدقيني ما راح يعتب بيتهم إلا وهو قايلك.
اما انك تزعلين فهذا الشيء غلط وغلط كبير ومو كل شيء ينحل بالزعل تحياتي لك |
اي احنا كلنا خليجيين
|
حبيبتي أوعك تكرري هذه الحركات معاه (يعني سين و جيم و ماسكتله على الوحدة)باين انه اخذ فكرة يعني كلمته أنك تزعلين كل اسبوع
حاولي قدر المستطاع أنك تشيلي الفكرة من راسه لانك ستتعبي من هذا الموضوع لان الرجل موته في المراة التي تحاسبه طولي بالك حتى لو هو غلط امسكي اعصابك و خلي الموقف يعدي و بعدها بكم يوم تناقشي معه حتى تكون نفسك هديت و تعرفي كيف تسيطري على غضبك و على فكرة أنت مش غلطانة الطريقة الي حاسابتيه فيها هي الي غلط . الله يوفقك ان شاء الله و لا يجيب زعل بيناتكم أبدا |
الساعة الآن 10:58 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©