|
هل اكمل مع خطيبي ؟
السلام عليكم ورحمة الله وبركاته
كيف حالكم اتمنى تكونو بافضل حال انا مخطوبه (مملكه) ليا سنه لسه ما اتحدد الزواج في بداية العشرين من عمري وحابه استشيركم لاني محتاره اكمل معاه ولا لا انا بقولكم اللي شفتو في خطيبي من يوم الملكه وهوا شاكك في نفسو يحسبني ما ابغاه لاني جميله جمبو طيب كيف م ابغاه ووافقت عليه وكنت عادي ولا فكرت بدا الشي ومن اول اتصال كنت نايمه يقولي انتي سحبتي عليا مع العلم انو عمرو 25 سنه وقلت لاهلي معد ابغاه اتضايقت من شكلو في البدايه بعدين عادي اتعودت وقلت الشكل مو كل شي اهم شي الاخلاق واستمرينا على كدا كل فتره يسالني تبغيني ولا لا واذا نايمه او مشغوله يحسبني سحبت يعني خلاص حط براسو انو انا كدا مع اني بينتلو انو كلامو غلط من صفاتو اللي ما حبيتها الكذب واكتشفت انو العيله كلها كدا امو على اختو والمشكله كذبهم واضح ولمن قلتلو اني اخش نت وعندي برامج ع الجوال صار يدور ورايا ويشك فيني طيب انا اعطيتك حسابي ودا دليل اني واثقه من نفسي وصار يقولي انو البرامج دي بطاله الين م خلاني احذفها بعد فتره اكتشفت الفيس بوك تبع خطيبي ودخلت عليه لاقيت بنات عندو وكلمتو صار يكذب ويقول مو حقو ورجعت نزلت البرامج وفي مره قلي اذا م حذفتيها حاسيبك لكن م سابني ولا حذفتها كان يشتغل في شركه حول على مستشفى وتعرفو المستشفى كيف اختلاط وانا خايفه من دا الشي وكمان من صفاتو البخل خرجت معاه يقولي انا متعشي يعني ما يبغى يجيب عشا وكمان هداياه رخصيه ويبغى السكن في غرفتين وانا رفضت دا الشي بعدين وافق ع كلامي حتى اغراض النونو قال عليها غاليه مع انو راتبو جيد بس م ادري ليش كدا وكمان يقول لاهلو كل شي عننا وانصحو انو كدا تصير مشاكل برضو مستمر واغلب كلامو معايا بالجوال ما يجي كتير عندنا حتى اذا يبغى يمشينا يقولي خلي اهلك يجيبوكي وانا اخدك وفي نص هرجو يقفل عليا السماعه اقولو ليش يقول مو مني واللي عرفت من امو انو هوا عصبي وكان اول يدخن بس بطل قبل خطوبتنا وكلامو غير افعالو يحب يهرج بس م ينفذ وفي مره سب واحد ف الشارع وهوا بيكلمني ولمن كلمتو ع البخل صار يقول انا جبتلك وجبتلك ويحب يعاملني بالمثل اذا انا سحبت يبغى يسحب عليا زي كدا وحسيت اصحابو مو كويسين يقولو لو خودلك وحده تصبر نفسك فيها الله اعلم اذا كلامو صح ولا لا حسيت من كلامو م يهمو الا العلاقه الزوجيه وماشي معايا بالتهديدات اذا ما سويت الشي اللي يبغاه يبغى يسافر وبدو يفتح محل باسمي وانا رفضت دا الشي وفي مره اتضاربنا وهوا الي كان غلطان راح وقتها اعترفلي على مرضو عشان يبرا نفسووا وانو معذور قلي معايا انزلاق غضروفي في الرقبه ولازم عمليه ويمكن يصير لي شلل وراح يتعالج علاج طبيعي بس انا قرات م يروح الا بعمليه وخايف يسويها حسيت شخصيتو ضعيفه ايش رايكم فيه وايش تنصحوني والله اعلم من الجاي ومن الي حيصير بعد الزواج اتوقع اكتر من كدا :( لانو في مره قلتلو ماعاد ابغاك بعد م اكتشفت البنات بس اهل بابا صالحونا يمكن م يبغو لنا الطلاق وانتو تعرفو كيف نظرة المجتمع للمطلقات منجد شي صعب ما جبلي الا المرض الله يهديه بكلامو وافعالو دي :( |
رد : هل اكمل مع خطيبي ؟
نصيحه من اخت اكبر منك واعتبريها اختك الكبيره
انا ملكت قبل وكان خطيبي نفس هالتصرفات الشينه وموحلو وبالغصب قنعت نفسي على شكله بس بعدها فسخت لان جتني حاله نفسيه وجلست شهر كامل بالمستشفى موعارفين شو سبب تعبي انتي بنت والف من يتمناك والدنيا مابتوقف على واحد كذاب وبخيل اعوذ بالله البنات يدورون الزين الصادق اللي اخلاقه حسنه ماعليج منه بكره سمعتك بتصير من سمعة اهله وسمعته وانتي سمعتك وسمعة اهلك وين وهم وين انا اعطيت قرار له وبعد مرور السنين احمد رب العالمين ليل ونهار لان اللي تركته ماتزوج الا بعد سبع سنين وخذ من قرايبه لان الكل يقول اخلاقه شينه والحمدلله ربي عوضني شخص لو غمضت عيني يقول لي اسم الله عليكي ومدللني والله والله دلال مافي منه بالوجود ااسال الله رب العالمين ان يعوضك الاحسن منه |
رد : هل اكمل مع خطيبي ؟
الله يعطيك العافيه على مرورك يا اختي وجود وشكرا على نصيحتك ما شاء الله ربي يسعدك دايما
|
رد : هل اكمل مع خطيبي ؟
انتبهي لا تاخذينه والله اشوف عيوبه اكثر من مزاياه
والي قاعده تشوفينه الحين ف فترة الخظبة ومو عاجبك ارا هذا احسن ماعنده تعرفين فترة الخطوبة الكل يحاول يحسن ويلمع نفسه هذا يعد التلميع كذا طلع فتوقعي الاسوء بعد الزواج لا تتهوري وتزوجيه افسخي ملكة ولا تتطلقي انا انصحك لانو فيه من صفات زوجي وكنت نفس الشي شايفه كدا ف الخطوبة وعشمت نفسي انه بيتغير بعد الزواج والله ولا تغير ولاشي بالعكس صار اسوء وانا وياه مايمر يومين الا متخاصمين الله يسدد رايك ويلهمك الصواب |
رد : هل اكمل مع خطيبي ؟
الله يسعدك يا اختي (اسات الاختيار) على نصيحتك
اللهم امين يا رب بالنسبه لمزاياه منجد مافي كتير الله يعين خايفه من الفسخ وايش يصير لي :( |
رد : هل اكمل مع خطيبي ؟
لا..تكملي معاه
|
رد : هل اكمل مع خطيبي ؟
هههههه طيب م قلت وجهة نظرك فيه كيف حسيتو
|
رد : هل اكمل مع خطيبي ؟
حقيقة مايطمن بس كملي الاستخارات
والله بعض الرجال اذا حاب يخلص نفسه من زواجه او خطوبه ماعنده مشكله حتى يتبلى على نفسه بالسرطان ماعنده مشكلة وحصلت في الواقع الله يشفيه مو مشكلة في مرضه مشكله في اخلاقه ضعي ايجابياته وسلبياته وشوفي تقدري تتحملي صفاته ورجحي اخلاقه مافي مثل الاستخارة ولاتخشي الطلاق اذا مارتحتي الله موجود وهو الرزاق الكريم |
رد : هل اكمل مع خطيبي ؟
يعطيك العافيه اختي واشكرك ع نصيحتك
|
رد : هل اكمل مع خطيبي ؟
اممم عيوبه مثل عيوب خطيبي ،
والحين انا في طرييققي للطلاق ، الله يعوضني بخير منه اختي استخيري والله يكتب لك الخير 🎀 |
| الساعة الآن 05:00 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©