خطوبتي تم الزواج الرد 56
السلام عليكم ورحمة الله وبركاته
ابشركم اني خطبت ولله الحمد ffbمطلقه وعندها بنوته صغيره ورحت خطبت رسمي قبل اسبوعين وتم القبول واتفقنا على كل شي وطبعا هم من الجماعه بس من بعيد وناس اجواد وطاروا فيني طير الله يسلمهم وحتى المهر الاب رفض يطلب شي وقال انا ماابي شي ابدا وقالي ادري انك توك جاي من المانيا واكيد ان عليك ضغط مادي من السفر والعلاج ورفضت انا وارسلت اخوها لهم وقلت اسألهم وش طلباتهم ورجع قال يقولون الشور شور ابونا والحقيقه اني تمنيت انهم يطلبون لان كذا راح وش ماعطيتهم راح احس انهم برضو متجملين وفعلا بعدها بيوم اتصلت على اخوها واعطيتهم 50الف وبعدها بيوم اتصل علي ابوها وقالي ابيك وجيته وقالي ياوليدي هذا واجد وانت وراك مصاريف ورجع 30الف ورفضت وجلس يحلف ومن هالكلام حتى اخذتهم وقالي حتى العرس مو لازم واتفقنا يوم الاربعاء الجاي عشا عادي و تتم الملكه واخذها من بيتهم الحقيقه بالرغم انها من جماعتي وعندنا مافيه نظره شرعيه ولكن بعد تعامل اهلها والله لو هي اشين خلق الله راح تكون بعيني قمر والحقيقه اني من زمان ماصرت مرتاح لشي مثل ارتياحي هالمره اسأل الله التوفيق واللي حريص منه الحين ان مافيه احد يدري لان اذا وصل الخبر لطليقتي راح تحاول تخرب الموضوع تم الزواج الرد 56 http://66n.com/forums/showpost.php?p...0&postcount=56 |
رد: خطوبتي
الف مبرووك تستاهل والله مابعد المر الا الحلو ..عسى ايامك كلها حلاوة ..
|
رد: خطوبتي
على البركة
الله يكتب لك اللي فيه الخير ويتمم لك هذه الزواجة على خير |
رد: خطوبتي
مبرووووووك الف مبرووك والله م ينسى عبااده وعسى ربي يعوضك عن كل شقى وكل الم .. بشررنا بعد العرس لاتنسسىى
|
رد: خطوبتي
الف مبروك
.................................... |
رد: خطوبتي
الف مبروك
بارك الله لكما و بارك عليكما و جمع بينكما في خير |
رد: خطوبتي
مبروك يا اخ وحيد ولله يتملك على خير
لكن على الاقل ارسل اخواتك يشوفونها كيف قابل بها هكذا الا انها امرأة ابنة ناس اجاويد |
رد: خطوبتي
ماشاء الله تبارك الله
تستاهل الخير اخ وحيد ونسأل الله لك التوفيق والسعادة مع هذي الزوجة طول العمر باين انهم ناس تنشرى ماشاء الله |
رد: خطوبتي
الف مبروك بارك الله لكما وبارك الله عليكما وجمع بينكما بخير
كيف حال ولد وكيف يده ربي يشفيه |
رد: خطوبتي
ألف ألف مبارك ..
أسأل الله لك التوفيق والسعادة .. وأرجو يا أخي أن تحسن إلى ابنتها .. وتحتسب الأجر في رعايتها .. فهذا أقصر طريق لقلبك زوجتك وستعوضك في رعاية أبنائك إن شاء الله |
الساعة الآن 06:39 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©