|
زوجتي شخصية غريبة جداً نادرة الوجود في تصوري
بسم الله والصلاة والسلام على رسول الله...
كيفك اخواني وأخواتي ... راح ندش في الموضوع على طول متزوج من ثلاث سنين ، وعندي طفل ، وزوجتي من القرايب ،، عمري 29 وعمرها 23، طفولة زوجتي كانت فيها عنف من ابوها من شرط عليها اهي لكن على امها وصراخ ورغم انه ميسور الحال لكن مهمل نفسه وبيته واحيان يضربها حتى اهي وكل اخوانها واخواتها ومزاجه سيء للغاية. بعد ما تزوجت وفي فترة الخطوبة لاحظت انها عصبية جداً تزعل لأتفه سبب المهم وتبكي لأتفه سبب. المهم تم الزواج .. السنة الأولى كانت هادئة نوعا ما لكن فيها حساسية واحيان تبكي من دوم سبب واضح واحيان تنزوي وراء الباب وتجلس في الظلام وتبكي ، وتتخيل ابوها وقت النوم وتتمسك فيني بقوة خايفة واحيان اذا زعلتها تحاول انها توهمني انها راح تضر نفسها (!!!!!!) يعني تأخذ دواء اي شي لكن متأكد انها كذابة من هذي الناحية. لكن كنت اهدي الأمور. السنة الثانية كانت سنة الحمل كانت الامور عادية لكن كنت مهتم فيها بزيادة عشان الحمل جاء مولودنا والحمدلله. السنة الثالثة تقريباً هي اكثر السنوات مشاكل اقولكم كيف هي مشحونه نفسياً من الولد ومهتمة فيه فوق اللازم وبداية المشاكل نتيجة لهذا السبب. صارت ( تتلفظ علي )!!!!! لكن كنت اعديها وهذا كان خطأ كبير ارتكبته في حياتي لكن كنت اقول اعذرها صغيرة وعقلها صغير ومحرومة من الحنان تحملها. المهم هي الآن نكدية صايره بشكل ما يتصور وكل شي تدخل فيه اهلي اهلك ما يحبوني اهلك حاسديني اهلك وأهلك قسم بالله حتى ضرب ضربتها لكن ما فيه فايده. فيه اشياء لازم اذكرها الاول انه من السنة الاولى كانت تجيها شغلات زي الصرع تشنج والعيون جاحظة وإلى الآن جاتها هذي الحالة يمكن ثلاث مرات خلال الثلاث سنوات هذي الحالة تستمر في حدود ساعة وبعدين تصحى ولا تدري وش حصل. الشئ الثاني انها في وقت المشاكل انها تبغى تموت ما تبغى تعيش وتحاول توهمني انها بتآخذ دواء وفيه مره جابت السكين ( لكن اعتقد انه كله تمثيل). الشيء الثالث انها احيان وقت الزعل والشد يغمى عليها وتتبول على نفسها. ( يا خوفي تتداخل الحالات مع بعض وتسوي في نفسها شي ) وديتها دكتور نفسي لكن للأسف ما اخذ فكرة كامله عن حالتها وقالي هي عندها مشكلة في طفولتها حاول تقولها كلام حلو وشد عليها وقالي حكاية الانتحار هذي ماراح تسويها هي تهدد بس. وانا والله ماني مقصر معها ابد من الناحية العاطفية لأني متفهم تماماً لوضعها لكن ما فيه فايدة . سلوكها اليومي يتقريباً هي دايماً متنكدة فيها غيرة شي مو طبيعي لكن هي تحبني كثير لدرجة انها اذا زعلت عليها تبغى تسلم حتى على رجلي لكن امنعها.تزعل بسرعة لكن اذا هديت الامور تهدأ وإذا زعلت وصارخت عليها قامت القيامة. اكثر شي يضايقني ان راسها يابس ما تسمع الكلام اقولها اسكتي لا تفتحين مواضيع تجيب مشاكل ما تفهم وتتلفظ علي.ومتسلطة لدرجة مو معقول تبي تعرف كل شي عني (راتبي بالضبط ، اصحابي ، وين رحت وين جيت وليه )شي يجيب المرض. الشي الوحيد اللي فاهمة انها تحبني لكن تسوي لي مشاكل ليه ما ادري. والله فيه مره قلت ادبها معي وشديتها مع شعرها ودفيتها تخيلو جات تبغى تضاربني ادفها ترجع تجيني وتبغى تأذيني وبتغى تضربني حتى هي وآخرها تصرخ وتبكي . هي طبيعية جداً في حياتها اليومية مهتمة في بيتها وفي الولد لكن نكدية اذا شفت التلفزيون قالت انت منشغل عني ،،، وتقولي انت ما تقولي كلام حب ،،، شغلات ما لها داعي وأنا اصلاً والله ما ني مقصر احضنها كل يوم قبل اروح الدوام وافسحها دايماً ايش تبغى اكثر من كذا... تعبت معها والله تعبت... وش الحل...ما ني عارف...لأني بصراحة بدأت قواي تنهار. |
اخي الكريم اسمح لي اسلوبك هاذا غير سوي
انضر اقتباس: والله فيه مره قلت ادبها معي وشديتها مع شعرها ودفيتها تخيلو جات تبغى تضاربني ادفها ترجع تجيني وتبغى تأذيني وبتغى تضربني حتى هي وآخرها تصرخ وتبكي . تظربها ليه ترا الضرب في هالايام ما ينفع يا شيخ الله ينور قلبك ثانيا اقتباس: وتقولي انت ما تقولي كلام حب ،،، شغلات ما لها داعي وأنا اصلاً والله يا شيخ عطها كلام هي محتاجته انت تشوفه ماله داعي هي تحتاجه الله ينور قلبك يا اخوي لي عوده |
اخوي .... ما يهزك
لو تدري كثر ايش مدللها ما تصدق.. وكله على أمل أنها تتعدل لكن عوجاء.. شدت الشعر والله ثم والله لو رجل ثاني كان طلقها وقتها لأن لسانها متبري منها... وكلام الحب ... تخيل ما اناديها إلا حبي ، حبيبتي ، حتى الولد وقت تعبها انام معاه وش تبي اكثر كل ما تطلب اهلها اوديها أي شي حاضرين لكن ما فيه فايدة .. |
اخي الكريم
اعانك المولى واصلح زوجك لابد من عرضها على شيخ راقي يقرا عليها وسورة البقره دائما تشغلها في البيت لانها تتصرف تصرفات ماتدري عنها لابد من الرقيا |
الله يفرجها عليكم
|
انا لما قرأت كلامك... ارى ان الذي ظلم بداية حياته يقضي حياته كلها مظلوما
يعني ما بكفي انها ظلمت وهي صغيرة... كذلك ظلمت بعد الزواج اخي زوجتك بحاجة الى رجل حنون جدا حتى يعوضها عما فاتها مش يضربها ويشد شعرها انا ارى ان كل طلباتها طلبات عادية اطلبها انا من زوجي ما اعتقد ان المرأة اذا ارادات ان تعرف كم راتب زوجها تكون مجنونة او اذا ارادت ان تعرف اين تخرج وتدخل فهي ذات عقل ناقص اعتقد العكس فهي تحبك تطلب منك الحب والحنان اخي اغدق عليها من حبك....ولا تتهما انها مريضة بكائها المتكرر كبكاء الاطفال تريد اان تطلب منك شيئا ولكنك لا تسمعها انزوائها خلف الباب في الظلام دليل انها تمتلك قلب وعقل طفلة احتويها اخي ربنا يوفقك |
لي عوده...
|
الله يصبرك .. هذه يبغالها جلسات مصارحة هادية معها
جلسة ورا جلسة لين تعرف وشي الأشياء إلي تضايقك منها وتتركها ومادام تحبك وتغار عليك معناها لازم تبين لها بالكلمة والفعل إنك مستحيل تحب غيرها أو تفكر حتى تطالع غيرها وإنها مالية عليك حياتك ومن هالكلام لازم تعطيها شعور بالطمأنينة من هالناحية كثييييير لانها عاشت حرمان عاطفي كبير في طفولتها الضم مايكفي بروحه لازم كلااااام كثيييير حتى لما تناديها حبي وحبيبتي خلاص هي خذت عليها لازم تجدد ويبغالك بعد تكون حازم معها خصوصا لما تغلط عليك بالكلام لازم توضح لها حدودها وين بالضبط الله يعييييييييييينك ويفرج همك ويجي يوم تبشرنا إن الأمور زانت معك وياها |
الله يعينك على زوجتك واصلح الله من شانها ان شاء الله
اخي زوجتك اعرضها على دكتور نفساني اكيد نفسيتها غير مستقرة وخاف على البيبي متاعكم كيف حيتربى من ام نفسيتها مهزوزة الله يسعدك ويوفقك |
من الي مرت فيه بحياتها لمن كانت ببيت ابوها لانه شي مو هين
فانصحك توديها طبيب نفسي تتعالج مو لازم تقول لاهلها او اهلك الشي بينكم انت توديها بدون محد يدري وان شاء الله تتحسن لانه وضع غير طبيعي للحياة واخاف يأثر على ولدك |
| الساعة الآن 06:10 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©