كارثة في بيتنا اسمها مراهق
اخي المراهق 18سنة اتعبنا جدا واتعب الوالدة طلباتة مجابة والوالدة تدور خاطرة
لكن مايعجبة شي ماحد مالي عينة يضرب خواتي البنات الصغار ويتسلط عليهم طبخ البيت مايعجبة رغم ان الوالدة الله يطول بعمرها اكلها لذيذ لكن مايعجبه شي من امي واي شي عند الناس يمدحه واي شي منا يسب فيه الوالدة تطلع الاكل لغرفته اذا زعل ويرد الاكل لامي يقهرها ماياكل وهو ميت جوع قلت للوالد احرميه واتركيه لاياكل تكلمت معه مافيه فايدة كنت بضربة منعتني الوالدة ما الحل برأيكم ضغطي مرتفع منه ومن فعايله |
حياك أخي الغالي ..
بما أنه مراهق فأنت تعلم هذه المرحلة .. اكسبوه عاملوه بالحسنى .. وأنت بلا شك أكبر منه .. خذه معك .. اجعله صديقك .. شاوره ولو لم تأخذ برأيه .. عامله برجوله .. تحدث معه في أمور كثيره .. اما الأكل فحدث ولاحرج عندنا وعندكم خير .. والله مايعجبهم غير أكل المطاعم بلشنا فيهم ..!! عموماً أنا أعتقد أن معاملتهم بإحترام وكسبهم هو مايحتاجه . أسأل الله أن يصلح لنا ولكم . |
ماعندكم الا الضرب مو حل بصير يعاند اكثر وممكن يلجئ لأصدقاء السؤ الي بيسون انهم طيبين وفاتحين قلبهم له وهو ربي عالم بنايتهم
الحوار النقاش اجلسه معاه قوله وش فيك وش مضايقك وحكاية الاكل حتى اخوي بس انت قوله في ناس جاتهم تسمم ولا واحد دخل بوفيه حصل حشرات:d تعرف هذا السن يحب يكابر كل شئ بنقاش هو يسوي كذا يريد اثبات ذاته انت عالمه على انه انسان كبير مو مراهق |
اسأل الله ان يهديه ويصلح حاله
المراهق يبغاله سعه صدر وتحاول ان تكووون مثله مراهق بس الفرق انت فاهم الصح من الخطا وهو العكس تقرب منه شوف وش يحب طلعات سهرات سفرات سوله اللي يبغاه بس يكون معاك وتحت عينك كذا اتقرب منه وتكون صاحب وخويه ويحبك وراح يسوي اللي تبغاه لا تنسى اخي الفاضل وسع صدرك معه |
اقتباس:
على العموم الله يحيك وبالنسبة لأخوك المراهق اعمل بالمثل التالي ((فجعة الذيب ولا قتله)) يعني لو مديت يدك عليه إما أن تنكسر شخصيته وتقتل ثقته بنفسه ويسير ما يقدر يواجه الرجال ويصبح ذا شخصية مهزوزة أي واحد ياخذه بالصوت يخاف منه وهذه كارثة كبيرة بحد ذاتها وإما أن يستجلد ويتمرد ويمكن يرد عليك وتحصل مقتلة بينكم وعواقبها وخيمة جداً وينكسر الحاجز بينكم وبعدها يسير ما يضرب لك أي حساب ويسوي اللي في راسه فنصيحتي لك تخلي بينكم حاجز من الهيبة وحاول تقترب منه وتخاويه وخذه معك سفريات أو طلعات بر وخله يجلس مع الرجال ويتعلم أدب المجلس و احترام الكبار بالتدريج وخله يحضر محاضرات عن التعامل مع الأم والأهل واحترامهم ويترك حركات الورعان والدلع الفاضي وحاول تشغله بشئ يكون مسؤول عنه مثلاً لوكان عندكم غنم أو إبل في البر خله هو اللي يهتم فيها ويروح ويجي عندها أو مثلاً خله يدخل حلقة تحفيظ قرآن ويكون مشرف على الطلاب وفيه نقطة مهمة جداً لابد تعطيه مكافآت يحبها على إنجازاته وبعد فترة بالتدريج تبدا تقلل المكافآت إلى أن تقطعها تماماً وترى هذا الأسلوب المفروض يستخدم معاه في سن مبكر عشان يتعود على المسؤولية هذه الأمور ((عن تجربة)) تعلمه المسؤولية وبيتحسن وضعه كثير ويصير يقوم بالبيت خير قيام بدل ما يكون عبء عليكم وعندي سؤال موجه لك اذا تسمح لي سألت ؟ |
اشبو اخوك الله يهديك زودهااا ..
طنشوووه وخلووه لا ياكل ولا شي ومصيرو يجوووع ويروح ياكل من اكل والدتك .. واذا عيب طعام والدتك قولو له (( طيب لا تاكل محد جابرك وروح وكل من اكل الناااااااس )) . وبالنسبه لضررب اخواتوو .. لآزم توقفو عند حدو حراام يجلس يضررب البنات مالهم ذنب دمتم بوود =) |
القسم الأنسب
|
بهذا السن الله يعين بس
انا افضل مرعوبه من رفقة السوء ولا يكفيني هو الا وخطيبتو معو 16 سنه فما بالك اثنان وهيك مثل ما قلت ما ياكل بالبيت ابدااااا والاكل اللي كان يموت فيه واعمله خصوصي له ما ياكلو مقضيها هو والعروس بالمطاعم انت الفرق انك مووجود وكبير وواعي رافقه على قدر استطاعك انتبه عليه من النت ورفقاء السوء يلاقوه تعبااااااان ويقولو له خذ هذه الحبه لا سمح الله اجلس معه في الغرفه امزح اضحك العب وان تكون ميت غيظ منه ولكن اعمل مثل السياسين يبتسمو للناس في المقابله وامام شاشات التلفزيون والله ما بتعرف شو يريدو بهالعمر يقطفو النجوم ويطيرو من المريخ للزهره وما عاجبهم انا بدا يهدا شويه ولكن هدتته نهار الجمعه لان صار ما اشوفو الا كل ثلاث ايام مره ويا دوب يجي دقايق ويروح وما يتصل الا انا اتصل فيه وان انقطع التلفون والله ما يرجه يتصل انما انا مسكتو من يده اللي توجعه بالزمن رجعت لابوه بسببه لاحميه ونهار الجمعه اتصلت به وانا وقلت له : اقسم بالله العظيم ان ما رح ترجع للبيت وما اشوفك الا كل ثلاث ايام لاترك ابوك ما يلزمني انا تاركتو بالبيت لاجلك ولكن اذا انت مش موجود سو رح اعمل فيه وصار يترجاني ربع ساعه واكون عنده والله جايه خلاص والله ومن يومها والحمد لله رب العالمين وكل ما بدو يخرج اقول له هاااااااااا شو يرد ويقول والله راجع بعرفو حنون ويخاف على ابوه كتير ولكن يطفش من انتقاده امسكه من اليد اللي توجعو اجلس معه على النت واعمل نفسك ورجيه شي على اليوتيوب شوف اللي يحبو وهوايته وخذه لها فطبول تنس تمارين رياضيه اعوم له اصحابه وشوف طباعهم لان من كلمه تكشفهم ومن حركاتهم خذه سباحه انت وهو السباحه ممتازه او ركوب الخيل وتسابق انت وهو وشوف اكيد انت مشغول ولكن اخوك محتاجك باصعب مرحله في حياته يا رب تمر على خير اهم شي المال بيده بعدل لا افراط ولا تفريط وما تتركوه من غير فلوس ولو قليل احسن رفقاء السوء يوسوسو له بالسرقه فكر بالخارج مثل قيادة السياره عليك ان تدرس اللي يقود امامك خلف يمينك شمالك وتقود انت وهكذا اخوك انظر حواليه وتصرف الله يعنينا |
عندنا وعندكم خير المراهقين كذا وصلت لطولة اللسان على أبوي وأمي |
فترة وتعدي
الله يعينكم عليه اهوو مايسوي كذا الا يبي يلفت النظر دايم المراهق يبي يكون موضع اهتمآم الكل |
الساعة الآن 09:35 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©