|
غرفة النوم والكنز
السلام عليكم
اتمنى ان تكونوا مبسوطين ومرتاحين فانا ولله الحمد اوضاعي تحسنت مع زوجتي وبدأنا نفهم بعض بعد ان وضعنا النقط على الحروف وانا اليوم لن اطلب مشورتكم بمشكله لاني ما اعتبرها مشكله ولكنها لغز لم افهمه او اقتنع به بصراحه فأحببت ان تشاركوني الموضوع وتقنعوني بأن زوجتي على حق الويك اند الماضي جاء كل اهلي لزيارتي بالشرقيه ابي واخوتي كلهم بنات واولاد وحتى المتزوجين واقمت لهم طعام عشاء احتفالا بهم وجلسوا للجمعه وسافروا ولكن وانا في المطار اودعهم قال لي اخي الكبير غرفة نومك هل بها كنز؟ فسألته ماذا تقصد؟ فقال زوجتك لم تفتحها لزوجتي لتراها انا احرجت وقلت له يمكن نسيت ولمن رجعت البيت سالتها فقالت غرفتنا شي خاص وانا وريتها اخواتك ويكفي مو لازم زوجة اخوك وليش هي مصره تشوفها وانا يوم الصباحيه في بيتها ماورتني غرفتها؟ قلت يعني تردينها لها قالت لا انا مو كذا ولكن ليش هي مكبره السالفه انا انسانه حره وهذا بيتي ومحد له حق يجبرني بطريقه او اخرى باني ادخله غرفه انا لا ارغب ان يراها او يدخلها وبعدين هي شافت كل البيت مامنعتها ولا شي وغرفة النوم وريتها اخواتك بعد ماراحوا اغلب الضيوف وزوجة اخوك ماجات معهام فهل تنتظر بطاقة دعوه؟ انا قلت هل انتي تكرهينها لانها اخت طليقتي قالت لا لانها ما اذتني بشي بس ليش هي تدقق بامور تافهه؟ وبعدين يامهزوم انت ماتعرف حركات الحريم بغرف النوم:25: وتعليقاتهم وانت عارف انا حاطه شغلي فيها وبصراحه مابخليها سبيل للرايح والجاي انا سكت وما سويتها مشكله وقلت معك حق وانتي حره اذا كان هذا يريحك خصوصا وان المهم عندي اخواتي بصراحه:d بس هل فعلا كلامها واقعي؟ ماهي حركات الحريم؟ وهل هي خايفه من شي جا في بالي؟ عين او سحر او شي من هالقبيل؟ هل احد مر بمثل هذا الموقف؟ وشكرا |
وعليكم السلام ورحمه الله وبركاته ا ولا مبروك على الزواج وربي يسعدكم ان شاء الله ثانياَ..انا من المؤيدين كثيرا لخصوصية غرفه النوم ....واشوف زوجتك معاها حق ...واذكر في بدايه زواجي صارلي مثل هالموقف واتناقشنا انا وزوجي وفهمته انا احب شي اسمه خصوصيه وخاصه بغرفه النوم ..ومو لازم اي احد يزورنا اوريه اياها لهم بباقي البيت اما غرفه النوم لا ...يمكن لخصوصيه العلاقه فيها وممكن اكون مرتبتها بشكل غريب وجذاب وما ابي احد يملي علي ملاحظاته فيها وممكن خوف من التدقيق لان البعض يدقق في التفاصيل |
لا كنز ولاشي
فية نااس تحب تحتفظ بخصوصيتها بغرف االنوم وهذي حررية شخصية انا عن نفسي فاتحتهااا سبيل<<<<للي رايح والي جااي :d يعني مو من كثرر الزوااار :d الموضوع الي ما حبيتة انها مشكلة حريمية بحتة ايش دخل زوجة اخووك تروح تقوولة واخووك يجي يكلمك عيـــــــــــــــــــــــــب المفرروض كا ن قلها انا استحي اسأل اخوووي والا كان من نفسة سمع ورمى ورااا ظهررررة الا بررافو عليها زوجتك 10 على عشرررة :22: والله تعجبني الزوجة الي شخصيتها قوووية في شي صح وزووجتك :22: انها ماخلتها تدخل غرررفتها لأنة حركتهااا مرررررررررة بااايخة مالة دااعي حركااات الغيررررة وما شفت وما ورتني من اووول زيااارة ما عندهاااا صبر الظااهر تبغى تعلم طليقتك وتحسفت انها ما شافتهاااا :27: لكن الي سويتة انت عين العقل انك قفلت الموضوع وقلتلهااااا براحتك والزم ما عليك اخوااتك وبس |
ان بعد مع زوجتك ميه بالميه
وبعدين اعرف وحده جتها عين جامده اتعست حياتها هي وزوجها والسبب ترتيبها واهتمامها الزايد في غرفة النوم تصدق الى يومك تنام هي وزوجها بقسم الرجال مايقدرون ولا يقبلون بعض في غرفة النوم انا حتى اهل زوجي لما يكونوا موجودين اقفل غرفة نومي بالمفتاح وممكن ادخلهم اذا بغوا يصلون او شي وانا لازقه ما اتركهم لوحدهم فيه اغراضي ومجوهراتي(اللي يسمعني الحين يقول ياقوت والماس كلها ساعتين وطقم ) |
الحمد لله والله فرحت لك الله يديم عليكم الاستقرار والسعاده ويجعلها ودودا ولودا لاتذوق غمضا حتى ترضى ولا تكثر من ذكر طليقتك امامها عائشه رضي الله عنها كانت تغار من خديجه رضي الله عنها وهي تحت الثرى اما تصرف زوجتك عادي جدا اخي مهزوم ومن حقها ان لايدخل غرفة نومها اي احد حتى خواتك لانها مكان خاص بكم فقط انا زوجي مانعني اي احد يدخل غرفة نومي واحترم رايه |
الله يديم عليك السعاده اخوي مهزوم .. انا مع زوجتك .. غرفة النوم خاااااصه جدا .. بعدين هذه شغلة حريم و بصراحه موقف اخوك باااااايخك اكثر من زوجته .. كيف تجرأ يقول لك ليش زوجتك ما خلت زوجتي تشوف غرفة نووومكم ؟؟؟!!!!!! باين على زوجتك فاااااهمه .. الله يهنيك فيها يا رب .. و يرزقكم الذريه الصالحه .. |
اخي مهزوم
زوجتك بحد ذاتها كنز ... فحافظ عليها ولا تفتح اذنك للكلام اللي يخرب حياتكم .. الزوجة الذكية واللي شخصيتها قوية تمشي امور بيتها وزوجها صح لاتفرط فيها ؟؟؟؟!!!!!!!! وغرفة النوم مكان خاص للزوجين مو لازم احد يدخلها تدري ان غرفة نومي حتى عيالي وهما كبار شباب وبنات ما اخليهم يدخلوها الا اذا احنا موجودين فيها انا او ابوهم او كلنا ... ولا احد يدخلها حتى اهل زوجي لانها تعتبر فعلا كنز المراة ... |
بالضبط يا أخي .. الأمر تافه ولا يستحق أي ضجة.
شخصياً لا أحب أن تُعامل غرفة النوم وكأنها ثكنة سرية .. ولكن في نفس الوقت لا أفهم لماذا يصر البعض على تحويلها إلى معرض للفرجة؟!!!!! يعني لو هناك سبب ما أو اضطرار يضطر الزوجة لإدخال أحد من أهلها أو أهل زوجها الغرفة فلا بأس .. أما أن أفتح الغرفة لمجرد أن ليتفرج عليها الأهل فحتى هذه لا أستوعبها ولا أفهم ما أهميتها. لذلك لا أرى في موقف زوجتك أي خطأ .... والخطأ بالطبع من زوجة أخيك وأخيك نفسه الذي كان يفترض أن يكتم الأمر عنك ويعقّل زوجته بدلاً من مجاراتها في أمر ليس من حقها أصلاً. |
شكرا لكل من رد بالاسم وعذرا اني برد على كلام بعضكم لاني بالعمل الان
وبسرعه بختصر الكلام بالنسبه للي يقول لا تجيب طاري طليقتك انا عامل كنترول بعد طلب من زوجتي بنفسها ولكن احيانا يتطلب مني الموقف ذكرها وبالنسبه للي يقول ان اخوك غلطان فانا معهم وكنت راح اطنش كلامه ولكني خشيت ان زوجتي منعتها بشكل صريح فزعلت زوجته وبالنسبه للي يقول ان زوجتي كنز فانا اعلم ذلك وابي بنفسه قالي امامها زوجتك كنز فحافظ عليها واوصاها بان لو بدر مني ما يغضبها ان تتصل به وهو سيعمل المطلوب امس قالتلي زوجتي كل اخواتك سالوني هل في شي بالطريق ماعدا زوجة اخوك قلت حتى انا ماعدا اخوي وضحكنا انا وهي قلت يمكن مصدقين سالفة الضعف اللي اتهمتني فيه وكان سبب الطلاق؟ قالت انت انظلمت يامهزوم ومحد عارف الحقيقه غيري قلت اجل تبين اهلي والجيران يعرفون ههههههههههه قالت ان شاء الله قريب راح يعرفون |
أخي الفاضل مهزوم ***
وأن شاء الله أنت منتصر بهذه العلوم السنعه *** ماشاء الله تبارك الله *** الله يرزقك بالذريه الصالحه *** بعدين لا تدقق بأمور النساء *** والمفروض أخوك ما يناقشك بهذا الموضوع *** نحن الرجال لا نهتم بهذه المواضيع *** ولا نعيرها أي أهتمام *** غرفة النوم تعتبر من الأشياء الخاصه جداً *** ومن حق زوجتك أن تتحكم في من يشاهدها *** أخي العزيز نصيحه لا تنقل مثل هذه الملاحظات لزوجتك *** لأنها قد تسبب مشاكل بينكما *** وأنتم في غينى عنها *** أنقل لزوجتك المديح فقط *** والباقي احتفظ به بنفسك *** ولا يؤثر عليك أي ملاحظه على زوجتك من المقربين منك *** وبرضه لا تنقل أي ملاحظه من زوجتك لأهلك *** بالتوفيق أن شاء الله 0 |
| الساعة الآن 01:33 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©