أخواتي أُريد أفضل صالون نسائي بالرياض
 

السلام عليكم
اشلونكم شخباركم اعلومكم

بنات الرياض وجداويه ساكنه الرياض

حبيباتي .. اذا الله كتب ناويه اروح لعـــرس وحده من رفيجاتي=صديقاتي=زميلاتي=صحباتي=ربيعاتي=رفيآتي
العرس راح يكون بالرياض ان شاءالله تعالى

ابي صالون راقي ونظيف وشغله حلو ميكآب وشعر
والاسعار واذا في اسماء معينه .. اتفقوا على اسم واحد لاتشتتوني حبيباتي وابي العنوان بالضبط

عفواً تم تعديل العنوان ليتوافق مع المضمون ..

بتنور الرياض يالغالية..

عندك لبنى وشيفون بشرق الرياض..

وعندك دار نور>>>>>> هو عبارة عن استديو تصوير نسائي ومشغل بصراحة باين عليهم تووووووحفة..

أنا رحت أتصور صور شخصية عشان جواز السفر .. ولقيت عندهم صالون بداخل الاستديو قص وتسريحات وميك اب يجننننن..
وهو يعتبر بين الشرق والشمال..

شوفي شنو اللي يناسبك واحط لك عنوانهم..
(( لأنه عندك الله بالخير مضيعة ماعرف اوصف)).. :d

صالون ارابيل موجود بعماير السليكون
بس اسعاره نار لكن اظن شغلهم انظف شي.. وانا مجربته..

اختلف معك
فنجد ليست محصوره بالرياض فقط
لايسمعوك اهل القصيم وحريملا ووووو:30:

- لبنى وشيفون كلهم بحي المنار تقريباً بجانب مستشفى اليمامة..حليوه ما عليها..(أفضلها بشغل أظافر-صبغ-حواجب)
- دار نور بالملز شارع الستين..شغلهم فوق المتوسط حلو جربته مره .
- الملتقى بالملز يكون الغزالي للساعات على يمينك بعدين يجي ماكدونالدز تلفي يمين من هناك>>>الله على الوصف :23:
المهم الملتقى أييده بقوه روعه جدا بالنسبة للشعر أما المكياج الي يحب الهادي يروح له
عندهم بالحجز ضروري..


وه بس

يازين الرياض .. ويا زين كل شي فيه..

اقتباس:

وجداويه ساكنه الرياض

هلا و غلا يالبى النداء بس جيتك أركض هههههههههههههه
أولا حياك الله في ديرتج الثانية و لوما كفتج أحطج في عويناتي
ثانيا أنصحكِ بمشغلين الأول في حي الخالدية اسمه مشغل ( سارة ) أتعب و أقول روعة مشكلته دايم زحمة و لازم قبل ماتروحين تحجزين
و الثاني مشغل ( بصراحة أحلى ) في العليا و الله مرررررررررررة يهبل
و ميزتهم فلبينيات ماهرات ما يكثرون لكِ مكياج و في نفس الوقت يبرزون جمالك و نظافة و دقة و سرعة
و أسعارهم ع قد ميزاتهم
لكن نصيحة لا تروحين ....... لا لا لا تخيلي السمراء يخلونها بيضاء و الرقبة سمراء
يبرقعونها بشكل سخيف و البيضاء يخلونها بيضاء لين ما تروح ملامحها
لا تروحي إلا للفلبينيات يخلونكِ غير شكل ,,,
موفقة و لا تنسي تزوريني تراني جادة