زوجي يفرق بين الولدين في المعاملة
السلام عليكم ورحمة الله وبركاته
عندي مشكله متعبتني ودايم انا وزوجي نقاش عليها انا عندي ولدين البكر عبد العزيز عمره خمس سنين ونص والصغير سليمان عمره سنتين احس ان زوجي يفضل ويحب الصغير اكثر من الكبير ويدلعه بطريقه جنونيه ولما اساله ليه ماتدلع الكبير كذا يقول خلاص صار رجال مع اني اشوف الغيره على وجه ولدي عبد العزيز لما ابوه يدلع اخوه انا مودي انه يفرق بينهم لاني اخاف يسبب له حاله نفسيه لما يكبر ومليت وانا اقوله بس هو مو راضي يقتنع يقول خلاص دلعته لما كان صغير والله اني اشوف ولدي الكبير والغيره باينه عليه قلبي يتقطع عليه الله يخليكم قولو لي وش اسوي مع التفرق الي مسويه زوجي وابي زوجي يقرا الكلام الي تكتبوه لعلى وعسى اختكم ام سلومي |
للاسف هذا الخطأ يقع فيه الكثير من الاباء
وهذا الشىء لا شك سيؤثر على نفسية الولد يجب عليك ان تشرحى للأب بطريقه لينه وجميله وتقنعيه بانه يجب ان يعطى الحنان للطفلين بالتساوى او على الاقل لا يلعب او يستلطف الصغير امام الكبير والله لو يعنى عالاقل يبوس واحد واذا الثانى يشوفه يبوسه معاه لازم يكون هناك مساواه اختى الله يعينك تفهمى زوجك ولا تنهرينه او تغالطينه راح يعاند حاولى تكسرين خاطره بالكلام وتفهمينه ان الولد اذا كبر راح يشيل هذا الشىء بقلبه ولا راح يكون معاك صريح اذا كبر بأذن الله فوالله بحنانك على اطفالك وحتى وان صاروا كبار يكسر جميع الحواجز بين الأب والاولاد انا بصراحه شخصيا كنت انسى والعب مع الصغير ولكن دائما زوجتى تذكرنى واسوى بالمثل حق اللى اكبر منه. والله يوفقك ان شاء الله ويتفهم زوجك |
اقتباس:
على العموم راح اسمع بنصيحتك وجزاك الله الف خير |
ينقل الموضوع إلى عالم الأسرة و الطفل
تحياتي |
اكيد هالشي بيأثر على نفسيه الكبير حتى لو ما قال او مابين انه يغار ويمكن تلاحظين ان وزنه يقل مع الوقت :(
وراح يكره اخوه الصغير ويمكن تلاحظين انه إذا جلس معاه لوحده بيضربه او يدفه او يسحب شي من يده وهذي كلها من الغيره واحساسه ان ابوه يحبه اكثر ويمكن يحس ان ابوه يكرهه وهالشي اكيد مو صحيح بس تفكير الاطفال في هالعمر اما انك تحبني او تكرهني.. خصوصا انك قلتي ان زوجك كان يدلعه لما كان اصغر والله حرام كذا هو اللي يخليه يكره اخوه اللي جاء فجأه وأخذ مكانه وحسسه انه محبوب اكثر منه يمكن زوجك حس ان ولده كبر بس خليه يتذكر انه مازال طفل ويحتاج حب وحنان حتى يمكن اكثر من الصغير لأنه يفهم و يستوعب اكثر وياليت يدلع الولدين الله يخليهم لكم يعني اللي يدلع ولد يقدر يدلع ولدين :) وذكريه ان ولدك طفل وبدري على عمر الرجوله خليه يتدلع ويتمتع بالطفوله ولاحق على الرجوله :) |
اقتباس:
|
الساعة الآن 01:07 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©