|
إلى كل من لديهم الخبرة .. طفلي فطم نفسه ..أشعر بضيـــــــق
السلام عليكم ورحمة الله وبركاته أخواتي العزيزات طفلي الثاني الله يحميه الآن عمره 7 شهور.. وقف رضاعة من نفسه مع العلم انه طفلي الأول ماشاء الله رضع قريب سنتين.. في الشهور الأولى كان يتعبني وقت الرضاعة طول الوقت مغص.. بدأ معاه من في نص الأربعين زي باقي الأطفال.. وكان مايبغى يرضع.. ويقعد ساعات طويلة مايرضع ماعنده مشكلة..بس اللهاية في فهمه يسكت :15: سرت أعطيته دوا المغص وجربت 3 انواع واليانسون و ماء غريب وماء الزهر مافي شي ماخليتو يتحسن شوية ويرجع تاني مايبغى يرضع.. وعلى فكرة أوقات كتير كنت استخدم آداة الشفط اليدوي واعطيه بالقارورة المهم اضطريت اعطيه صناعي من تاني شهر وقلت مره في اليوم وماكان كل يوم صراحة بدأ ياكل بسم الله عليه وسارت تخف رضعاته والحليب يخف .. دحين مررررررره مايبغى يرضع مني له 4 ايام نهائي مايبغى بس صناعي ولما أشفط يطلع قليل وسار يخد وقت عشان ياكل.. قلت يمكن وقت التسنين.. معليش طولت عليكم.. :rolleyes: بس نفسيتي تعبانه حاسة بضيق شديد.. ايش أسوي؟؟؟؟ |
صارت في هذه الحاله
خاصه مع الابن الثاني الشفط كان اكبر خطا و اللهايه ايضا ساعدت في تازم الوضع ابنك ما دام ياكل كويس عوضيه بالاكل و منتجات الالبان و الحليب الصناعي ما بليد حيله الحمد لله انه ابنك رضع اول 6 شهور |
أختي العزيزة .. الغربة مرة أنا اضطريت اشفط لانه ماكان يرضع مره.. ايش اسوي تصدقي .مرة لما كان عمره شهرين تقريبا يوم كامل بس مصتين ويسيب وصرت خايفه مره ..رحت تاني يوم طوارئ قالي الدكتور من المغص ووصفلي يانسون مع بابونج قبل الرضعه بنص ساعه واحط عليهم ماء غريب بس دحين كبر الله يحميه.. وانا بالفعل قاعدة أعوضه بلبن الزبادي والحليب الصناعي اللهاية دحين شي ضروري ماينام من غيرها لانه كان لما يجيله نوبات المغص مايسكت غير بيها أشكرك غاليتي على مرورك الكريم .. |
كيف عرفتي ان طفلك افطم من نفسه؟
|
اقتباس:
هلا بك عزيزتي.. عرفت لأنه مايبغى يرضع ووقف رضاعه .. وأنا كان لدي حليب وكنت أحاول أرضاعه وهو رفض على مدى شهر.. قلت رضعاته مني وآخر شي سار بس في الليل وفي يوم وليلة صار نهائيا مايبغى.. |
عادي حبيبتي لا تشيلي هم، أنا صار معي نفس الشي مع الطفل الثاني كمان أهم مرحله هي أول 6 شهور عشان المناعه و كده المهم صحته و إنه ياكل تمام و لازم تعوضي الكالسيوم بحليب صناعي و زبادي و كمان لا تنسي فيتامين د نقط عشان يقوي مناعته أكثر عارفه احساسك لأني مريت فيه خاصةً و إني رضعت بنتي الأولى سنه بس ابني رضعته لين 8 شهور تقريباً و رفض نهائي مهما سويت و لما تكلمت مع طبيبة الأطفال قالت إنه بعض الأطفال لما يبدؤا أكل يحبوا الطعم و سرعة الشبع عكس الرضاعه إللي نفس الطعم و بطيئه نوعاً ما أطفال يفطموا لحالهم و تكون الأم مش مستعده، و أحياناً الأم تفطمه و الطفل ماهو مستعد فعادي لا يضيق صدرك و لا شي :) الله يحميه لك |
اقتباس:
تسلمي غاليتي على ردك الرقيق.. أثلجتِ صدري .. أنا حالياً بدأت أتاقلم مع فكرة فطامه.. صحيح .. هو أو مابدأ ياكل ماشاء الله ماسار يعجبو الحليب.. وتخييلي .. أول مافطم نفسه كان لما يبكي يقول نان ناننا:15: قلبي يتقطع عليه واتضايق أكتر.. وفعلا أنا قاعده أعوضه بالأشياء الي قلتي عليها .. شكراً لكِ |
والله في ناس يقولوا يرجع 00لكن يحتاج لصبر00 انا مالي صبر فطمت ولدي بشهرين بعد
ما فطم نفسه لمده ثلاثة ايام ومع الشفط نشف الحليب 00 وهذي معلومه من دكتورتي 00 لما غلطت وحاولت اشفط بالشفاطه 00إنه هو اللي بينشف الحليب والسبب الرئيسي لعطف الحليب هو حضن الطفل دائما 0 0 وإنه ايضا عليك الإهتمام في الاكل اللي بيدر الحليب كمرق اللحم فيمكن ابنك ما يشبع وغير كافي له صدرك مثل اول واهم نقطه إذا اردت الإستمرار ركزي على الرضاعه هاليومين ولا تملي 00لكي لا ينساه |
اقتباس:
شقردية .. تسلمي ياقلبي على مشاركتك المشكلة في ولدي الله يحيمه.. أنا الحمدلله كنت مستمرة في الرضاعة وكان فيه حليب كافي بس هو أبدا مايبغى .. لما أقربه يرفض تماماً.. حاولت حتى وهو جيعان مره.. الحمدلله على كل حال .. ماله نصيب..بس انا نفسيتي كانت تعبانه من الموضوع أهم شيء صحة أولادنا.. |
ليش تقولو انه الشفط يقلل الحليب وانه خطا؟؟
الشفط الخاطئ لما تكون الاداة المستخدمه في الشفط رديئه ورخيصه فبالتالي ما تشفط كويس فبيترك حليب داخل الصدر بعد شوي عقل الام بيعطي اشاره انه الكميه القليله اللي بيشفطها الشفاط الرديء كافيه بالتالي تنقص الكميه ..بس هي دي كل الحكايه.. عن تجربه الشفط ماله علاقه ،، بابني الاول استرخصت وشريت شفاطه اي كلام وصار زي ما قلتو قل الحليب اما ابني الان فتحت الكيس وشريتله اغلى شفاطه بالسوق ودخلت عالنت وشفت اراء الامهات فيها ولقيت الكل يمدحها وماشاء الله تبارك الرحمن ما عندي شكوى..علما اني معتمده عليها اعتماد كلي ولدي ما بياخذ صدري ابدا.. يلا الحمدلله ابنك رضع اول ست شهور وهذا كافي وهو اللي قرر انه يبتعد عن الحليب الطبيعي مش انتي اللي حرمتيه فلا تلومي نفسك وتاقلمي مع الوضع .. بالتوفيق |
| الساعة الآن 08:03 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©