|
كيف ارجع ثقة زوجتي فيني ..؟حلت المشكله -رد(30)
اخواني السلام عليكم
انا في ورطه شديده وارجو منكم المساعده انا شاب عمري 31 سنه متزوج من ملاك في هيئة بشر تحبني بجنون ولدي منها اطفال وانا ضعيف ومقاوم جدا امام نزوات الشباب الموضوع قبل ثلاث سنوات زوجتي القت علي القبض وانا مسجل في احد مواقع الزواج والله كانت للاستكشاف فقط ولكن تحسب ضدي في كلا الاحوال ولم يكن هناك اي اتصال باحد او اي علاقه باي شكل واعتذرت وابديت الندم. وقبل اسبوعين عن طريق احد برامج الشات تعرف على فتاه وحادثتها بالسكايب بي ساعات معدوده لا تتعدى ساعتين او ثلاثه والله والله لم يكن في حوارنا ما يخدش الحياء. وطبعا اشتغل عن زوجتي الحساس وحست انه في شي غلط:11: تركتني انام واشتغلت في البحث والتحري:30: وخلال اقل من ساعتين تم القبض على ادلة جرمي وهاتفت الفتاه عن طريق السكايببي:27: وكلمتها وعرفت منها كل شي .ولمن صحيت واجهتني واعترفت طبعا انهارت وطلبت الانفصال طبعا انا مستحيل اتركها لاني احبها بجنون والله ندمت ندم شديد وحلفت اني ما اعودها وسامحتني لكن المشكله انها لمن تبعد عني تجيها الوساويس وتنهار ولمن ا كون معاها اعيش عيشه ما عشتها وانا عريس هي اعترفت انها قصرت معي فبعض النواحي وبتحاول انها تعوضي عن كل شي لكن المشكله تقولي انها ماهي قادره ترجع ثقتها فيني وهذا الاحساس متعبها مع اني خليت الجوال والاب توب مفتوح بين يدها السؤال كيف اقدر اعيد ثقتها فيني |
اولا.. صباح الخير للجميع:)
ثانيا... الوسواس ماجا من فراغ انت قلت انها حست بشي ومافي دخان من غير نار فاالله يعينك تحاول ترجع ثقتها فيك وهذا الشي صعب بس ممكن مع الايام ترجع بس طبعا اذا ماكان فيه نزوه ثالثه بعد الله يصلح حالكم ويبعد عنك الشيطان وعن بنات وشباب المسلمين |
الله يهـــديك ..
أتمنى منك أنك تتوب لله توبـــــه نصـــوح وتتصدق عن ذنوبك .. لأن العمر مهما طـال يبقى قصير .. والأنسان في هالدنيا يزيد حصيلته ليوم لاينفع فيه لامــــال ولابنــووون ولازوجــــــه .. أتق الله في نفسك كلمــا أتتك نزوات الشيطـان .. وغير رفقــاء السوء .. أصدق مع الله وسترى الخير من زوجتك بأذن الله ,, وستعود ثـقتها بك أضعاف مضاعفه .. الله جلا وعلا رزقك بزوجه تحبك وتحبها .. أليست هذه بنعمــه ؟؟ ؟ ولكن تذكر أن النعمــه زوٌالــه اذا ماعرفت قدرها ..واحسنت لها .. يسٌــر الله أمرك وأزاح همٌــك .. |
اخوي ترا صعب جدا استعادة الثقه
صعب جدااا ما ابغى احبطك بس المسأله يبيلها وقت طوييييييييل ولكن ان شالله ترجع عالعموم اخوي تعوذ من ابليس ومثل مايقولون الثالثه ثابته الله يوفقكم |
اهم شيء الا تلقي عليك القبض مرة اخرى
ومع مرور الوقت ستذوب الشكوك وستعود لك كما كانت واكثر فما عليك الا ان تكون اهلا لذلك |
لاتخاف هي مع الوقت بتنسى الموضوع
لكن الثقة للابد ماراح تثق فيك هي بتسوي نفسها واثقة فيك بس بتفتش دايما من وراك فانت تبت توبة نصوحة وخلها مهما تفتش ماتلقى شي ومع الايام بتنسى الا ادا اثرت شكوكها |
والله يا جماع اني تبت بس ابغى اسرع طريقه عشان تعيد ثقتها لان البيت ساعه رومنسيه وساعه كأبه ودموع
|
"احبها بجنووون" !!
ودي اصدددق "ملاك في هيئة بشر" !! وتخونها مع وحده ضايعه !! بدل ماتحمد ربك على نعمة الزوجه الصالحه!! "مسجل في مواقع زواج مشبووهه عشان تستكشف" وشنو اكتشفت ان شاءالله!! ///////// مالوم زووجتك لو صارت دوريه تفتر وراك لانك لما تعطي شخص حبك كله وتنصدم انه يخونك اكيد تفقد ثقتك فيه !! حط نفسك مكانها وتخيل لثواني بس انها خانتك وكلمت شاب لمدة ساعتين وكان كلامهم عادي!! هل راح ترضاها على نفسك جرب هالاحساس وشوف لما تكون انت الضحيه شنو تحتاج عشان تحس بالثقه تجاه نصفك الآخــر!! |
يا ناني
اولا كل ابن ادم خطاء وانا اعترفت وندمت ثانيا نعم استكشاف فين المشكله واكتشفت ان الشعب الله يستر عليه اذا اعترفت بخطأي يعني انتي تبي تفهميني ما عمرك دخلتي برامج شات او اي شي ما يزعل زوجك ابدا ابدا كوني صادقه بعدين مو ذا موضوعنا موضوعنا كيف اعيد ثقتها بس؟ |
ابعد عن اللاب توب والالكترونيات بشكل عام
اجلس معها وقت اطول من قبل عيشها ايام شهر العسل نسيت حاجه حتى لو صارت تفتش وراك اصبر لحد ماترتاح نفسيا وان شاء الله تستعيد ثقتها بك |
| الساعة الآن 05:09 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©